رواية تغريدتي كاملة وشيقة جدا

=مانا عارفه يعلي انا جاي اباركلكو ملوش لازمه الكلام دا دلوقتي انت خطبت وانا هتخطب قريب بردو
:هتتخطبي هتتخطبي لمين
=مفاجأه بقي انت وفاطمه معزومين طبعا هبعتلكو دعوه الفرح كمان مش الخطوبه قريب
وسلمت عليهم ومشيت
=الله يخربيت ابوكو كان لازم اتسحب من لساني يعني هتجوز مين دلوقتي يعني دا مفيش ضفدع حتي في حياتي والله مش مهم انا قلت قريب بس محددتش
ومشيت وهي بتكلم نفسها لحد ما وصلت البيت
=بسمه الحقيني بالله عليكي

 

~هببتي اي
=روحت قلتله اني هتجوز قريب
بسمه بصتلها وبان عليها اعراض الذبحه الصدريه

 

~انت عبيطه احنا مش قلنا هتعملي زي هيام وتفرسيه وخلاص يبت انتي يالهوي يالهويي
=اتكسفت ارقص قدام الكل والصراحه دا مش فرحه مجرد خطوبه انا عايزه يشوف اني مفيش اي حاجه فرقالي بجد وان هو الي خسران
~ما هو كدا كدا الي غلطان بس هنجبلك عريس منين دا انتي الي بطفشيهم

 

=يعم مكنوش كام عريس يعني فدايا بقي الاه
~انت هتفرسيني يبت انتي
وحدفتها بالمخده

 

~اتخمدي مش عايزه اسمع صوتك بجد
=علفكره انتي اخت مش جدعه

 

وناموا الاتنين وهما بيفكروا ازاي يقدروا يخلوا تغريد تجوز خلال فتره قصيره جدا
تاني يوم صحيت تغريد ونزلت الشغل وهي مكنتش فايقه اصلا ل اي حاجه ودخلت اجتماع تبع الشركه ومن هنا تبدأ حكايه تغريد بجد
كانت واقفه الورق جمب واحد من المستثمرين وكانت بتوريله كل الورق زي ما معظم الي معاعا في الاوضه بيعملو نفس الحاجه لحد ما خلصوا والاجتماع انتهي

 

_انتي شاطره جدا ي انسه تغريد اكيد الشركه هنا مش مقدره مجهوداتك
=لا طبعا انا بحب شغلي هنا جدا وبحب كل حاجه موجوده هنا

 

_يعني مش ممكن تغيري رأيك وتشتغلي عندي اسيستنت بالمرتب الي تطلبيه
=انا مش بشتغل عشان الفلوس بشكل عام بس لو الشغل هيبقي في تقدير احسن من هنا ممكن ساعتها افكر

 

_مكتب خاص بيكي لوحدك مرتب 10 الاف جنيه شغلك من 7 الصبح لحد 5 واحيانا ممكن تحضري معايا حفلات شركتي محتجالك جدا شغلك هيبتدي من عندي من البيت وبعدين نروح الشركه نحضر اي اجتماع ونشوف اي المواعيد وعل اساسها هتظبطي كل حاجه غير كل المناقصات وكل حاجه هتساعديني فيها

 

بكرا شغلك يبتدي اي رايك؟
=طب عل الاقل الحق استقيل
_استقالتك اتقدمت من ربع ساعه

 

بصتله تغريد بصدمه وهي مش فاهمه اي حاجه وكانت فاتحه بقها
_احمدي ربنا اني مفيش دبان كان زمانك زيك زي الصينين اشوفك بكرا الساعه 7 تشاو
تغريد فضلت باصه بذهول وروحت بسرعه

 

=بسمه الحقيني اي دا هي فين بسمههه يزفته انتي فين
فضلت تدور عليها في البيت كلو بس ملقتهاش

 

=ياربي يعني هصيح لمين دلوقتي اصيح اصيح اي انا معيش وقت لازم انام واصحي بدري بس معيش عنوانه كمان انا مش فاهمه اي الهم دا
لسه بتمسك موبايلها لقت رساله من بسمه انها سافرت عند مامتهم لانها عايزاها في كذا حاجه ولقت رساله من رقم غريب
“بكرا عل معادنا متتاخريش عليا العنوان…….اوعي تتاخري سبعه بالظبط تبقي هنا والعربيه هتيجي تاخدك كمان يستي عشان متغلبيش”

 

=يحول الله يارب هو انا بحلم ولا اي اي الراجل دا وبعدين بيتحكم في حياتي بتاع اي دا.كمان وازاي يقرر عني حاجه زي دي وازاي يقدم استقالتي انا مش فاهمه اي الهم دا نامت تغريد وسط كل الصراعات الي جواها دي ومكنتش متصوره انها تسيب الشغل في الشركه الي كانت بتتمني تشتغل فيها بمنتهي السهوله وهي متعرفش اي حاجه عن الشخص دا حتي اسمه

 

تاني يوم الصبح
كانت تغريد بتجري في كل الشقه بتحاول تجمع كل حاجه هتحتاجها عشان تنزل بسرعه ونزلت لقت عربيه سودا تحت بيتها فكرت انها واقفه عادي لحد ما واحظ نده عليها

 

..انسه تغريد
=ها افندم
..انا سواق امجد بيه يفندم تقدري تتفضي معايا

 

=تمام ماشي
ركبت معاه وكانت متوتره فضلت تلعب في شعرها وتركز في الطريق لحد ما وصلوا الفيلا
..اتفضلي يهانم جوا امجد بيه منبه انو ندخلك اول ما توصلي علطول

 

=تمام
دخلت تغريد الفيلا وكانت بتتفرج عليها كلها كانت كل حته منظمه بطريقه مربكه وكان كل حاجه محطوطه في مكان اكن المكان دا محفور باسمها بصت في الساعه لقتها 7 وربع ولسه الي اسمه امجد دا منزلش فضلت مستنيه ولسه منزلش لحد ما زهقت ونادت لواحده من الخدم

 

=هو استاذ امجد قدامه كتير عل ما ينزل
.حضرتك المفروض انتي الي تطلعي تصحيه دي اوامره
=اوامر مين دا عبيط دا ولا اي

 

.افندم
=وريني فين اوضته يستي
ودتها الخدامه وفضلت تغريد تخبط عل الباب لحد ما طلع امجد بشكل مبعثر وعيون ناعسه

 

_انتي جايه بدري كدا لي
=انا مش جايه بدري ولا حاجه الساعه 7 ونص ياستاذ وانا مستنيه بقالي ربع ساعه
بصلها بتعجب

 

_طب ثواني هلبس بس تعالي
=اجي فين انت عبيط
_تعالي نقيلي بدله البسها انت الاسيستنت ومسؤوله عن كل حاجه المفروض يانسه

 

مشيت وهي بتبرطم
=اسيستنت والمفروض تبقي مسروله عن كل حاجه فاكرني مراته
سمعها امجد وبصلها وقال بصوت عالي كأنه بيتكلم في الموبايل

 

_قريب جدا صدقيني
طلعتله تغريد اللبس وامجد لسه جاي يغير قدامها جريت من الاوضه عل برا وهبدت الباب وراها
=انت قليل الادب علفكره ياريت تخلص عشان ورانا شغل وبلاش مرقعه فاضيه

 

ونزلت جري عل السلم وامجد ابتسم وهو بيشم ريحتها الي كانت ماليه الاوضه حرفيا وخلص ونزل بسرعه وكان عكس شكله الي كان طالع بيه وهو لسه صاحي ركبو العربيه سوا ووصلوا الشركه لسه هيدخل الشركه تغريد لقته مسك ايدها ودخل وطبعا وسط استغراب الكل وان مين دي وقف امجد بمنتهي البرود في نص الشركه

 

_اقدملكم تغريد خطيبتي وباذن الله هنجوز قريب كمان
الكل فضل يبارك ووووو

امجد بمنتهي البرود في نص الشركه

 

_اقدملكم تغريد خطيبتي وباذن الله هنجوز قريب كمان
الكل فضل يبارك وتغريد مش مستوعبه كلامه الي حد ما

 

=استاذ امجد بيحب الهزار بس شويه انا الاسيستنت الجديده بتاعته
بصلها امجد ببرود وسحبها وراه ودخلوا مكتبه شاور عل اوضه جوا المكتب
_دا مكتبك

 

=طيب
قدملها فون وفهمها ان دا موبايل للشغل وانها تظبط كل مواعيده في خلاص ربع ساعه وان عندهم اجتماع خلال ساعه تجهز اوراقه وهي فهمت كل دا وابتدت تشتغل فعلا وعدي اول يوم عل خير وروحت البيت وهي مقتوله من التعب

 

=بسومه اخيرا رجعتي كان اوحش يوم من غيرك والله
~اه ما باين يختي انت بتطلعي من الشغل الساعه 8 اي الي جابك بدري كدا
=ما دا الي عايزه احكيلك عليه

 

وابتدت تغريد تحكي وسط ما بسمه كانت باصه وساكته
~تغريد
=اي في اي

 

~انا اسفه بس انا هرجع اعيش مع خالتو وعمو حامد وهبقي اجيلك اكيد كل فتره
=تعيشي مع ماما وعمو حمد يبسمه يعني مش هتمشي
~انا مكنتش هرجع لولا حاجتي الي هنا انا اسفه بس انا تعبت من العيشه لوحدي طول الوقت انت ديما في شغلك وانا علطول لوحدي ومن حقي اقرر اعيش

 

فين
=اعملي الي يريحك انا هنام عشان عندي شغل بدري
ودخلت تغريد وكانت بتمثل النوم عشان متكلمش اكتر من كدا مع بسمه لانها مش حمل انها تودعها فضلت تفكر لحد ما نامت

 

عند امجد كان لسه قاعد في الشركه بيشتغل وجت في باله تغريد مينكرش ان بينه وبين نفسه هو جايبها تشتغل معاه عشان يجوزها هو مش عارف لي مشدود ليها بس هو حاسس انها حد مختلف بعدين نفض كل الافكار دي عشان يعرف يرجع يشتغل لحد ما زهق وراح مكان يسهر فيه
عند تغريد الصبح

 

كانت بتجري في كل حته عشان السواق مستني تحت والمنبه مرنش ونزلت تحت بسرعه والساندوتش في ايد وايدها التانيه بتلبس بيها الكوتشي وركبت العربيه بسرعه

=معلش اتاخرت عليك

 

..ولا يهمك يفندم
واتحرك وطول الطريق كان صمت بس كان في نظرات تغريد مخدتش بالها منها لحد ما وصلوا نزلت تغريد ودخلت الفيلا وعشان ميطولش زي المره الي فاتت

 

طلعت بسرعه وخبطت عل الباب بس مفتحش خبطت تاني ومفتحش دخلت الاوضه وهي بتنفخ
=استاذ امجد مش معقول كدا مش كل مره هتفضل نايم ونتاخر عل الشركه وو..

 

بلعت لسانها لما لقته نايم وجمبه واحده هي مكنتش عارفه تتصرف ازاي بس هي لاحظت انو صحي جريت عل الدريسنج روم واختارت له بدله وحطتها عل كرسي
=بما ان حضرتك صحيت ياريت متعطلناش

 

_عشر دقايق وهكون جاهز
هو كان ناسي البنت الي جمبه وبعدين بص لاقاعا اتحرج جدا من تغريد وخصوصا ان البنت دي باين عليها هي اي اتحرج وجه يبص ناحيتها لاقاها طلعت
_انتي يبت انتي

 

…يوه ي امجد سبني انام بس شويه
_امجد اي يروحمك انت هتعيشي الدور قومي من هنا يلا امشي غوري

 

…ما هو كلكو كدا انا عايزه حقي يخويا في الليله دي ما اه مانتو كدا يبقي باين عليكو اغنيه وفي الاخر تاكلو فلوسنا
_انت هتحكيلي قصه حياتك يماما

 

رمي في وشها فلوس لمتهم ومشيت وهو قام جهز ونزل لقي تغريد قاعده تلعب في الموبايل
=اخيرا خلصن اتفضل عندنا معاد دلوقتي حالا
_معاد اي دا

 

=فطار مع المستثمرين الاجانب الي حضرتك حددته اتفضل
طلعوا سوا وركبوا العربيه لحد ما وصلوا للمكان المقصود كان امجد بيكلم في الشغل وكان فاكر تغريد مش بتعرف كذا لغه بس ابهرته انها اتكلمت معاهم

 

ايطالي واسباني واكتر من لغه في نفس الوقت كان اعجابه بيها بيزيد عدي اسبوعين بعد الاجتماع دا تغريد اتعودت فيه على غياب بسمه وعلى وجود امجد وأنها تصحي بدري اخيرا فضلت مهتمه بشغلها ونسيت علي وفاطمه ولا اكن الحوار دا كان موجود اصلا لحد ما في يوم كانت ماشيه مع امجد جوا احد النوادي وشافتهم وكانوا ماسكين ايد بعض طبعا امجد كدا كدا بيمسك ايدها ويمشيها ورا بس الي اختلف المره دي ان علي نادي عل تغريد

 

:تغريد لا مش معقول انت هنا فعلا
بصلها امجد بديق
_مين دا

 

=دا كان معرفه
:معرفه بردو عموما شكله خطيبك عل قولتي عليه الف مبروك ي استاذ على الخطوبه عقبال الفرح
{طول عمرك بتقعي واقفه يتغريد ودايما حظك حلو اوي

 

=بس يجماعه..
قطع كلامها امجد الي بص بديق ناحيه علي وفاطمه الي كانت بتبص عل تغريد بحسد

 

_الله يبارك فيكو معلش متاخرين وعندنا معاد عن اذنكم
:استني بس يا استاذ مش نتعرف
_عرفيني يتغريد

 

=دي فاطمه صحبتي ودا علي خطيبها وكلن خطيبي السابق امجد خطيبي
:وبتشتغل اي بقي ياستاذ امجد
_انا صاحب شركه

 

:اه ما هو اي عاطل بيقول كدا بردو
وضحك ضحكه سمجه بادله امحد ضحكته
_لا للاسف انا مش عاطل ومش اقل منك دا الي انت عايز توصله انا امجد الخليلي صاحب مجموعه شركات الخليلي جروب

 

:ومين قال لحضرتك اني مهتم تبقي اقل مني
{انا مش عارفه الصراحه تغريد حكتلك اي عننا بس يحرام شكل الي علي عمله فيها لسه ماثر قلبها اسود اوي الصراحه

 

بصلهم امجد بهدوء مريب
_قلبها ابيض زي جمالها كدا وعن اذنكم لاننا مستعجلين قلنا مره

 

وسحبها وراه وهو فعلا كان مدايق اوي ومش فاهم لي وتغريد كانت بدمع وراه بس هو مخدش باله لحد ما كان بيلف عشان يسالها عن المكان لقاها بتعيط هو مش فاهم يعمل اي او يتصرف ازاي واخر حاجه عملها انه حضنها وفضل يطبطب عليها وهي كانت بتعيط زياده اكن الحضن دا جالها نجده عشان تطلع كل المعاناه الي حست بيها ابتدت شهقات عياطها تعلي ومع كل شهقه امجد كان حاسس ان هو الي هيعيط مش هي

 

_بصي اهدي اهدي خلاص
اتصدم لما لاقاها حضنته ومسكت فيه جامد واتحرج اول مره يتحرج ويتكسف من بنت اصلا
_طب تعالي عشان الناس بتبص علينا بس

 

=انا انا اسفه المعاد والاجتماع
_لسه باقي عليه ساعه احنا جاين بدري عشان خلصنا الاجتماع التاني ونلحق نتغدي سوا
ادركت اخيرا الوضع الي هما فيه وبعدت عنه

 

=انا اسفه جدا جدا
وشها احمر اكتر وهو بصلها بحنيه
_ولا يهمك الصراحه هما الي مستفزين اوي بقي بجد انا مش عارف سابك وبص للسحليه دي ازاي والله

 

بصت في الارض وسكتت كان لسه هيكلم بس سبقته هي
=انا عايزه اكل بيتزا ويلا عشان مقدمناش وقت كتير ف ننجز
راحوا عل المطعم وامجد كان باصص عليها بكميه حنيه متطلعش من شخص واحد وهي كانت بتحاول تداري على الي حصل بانها تتكلم في الشغل وتلهيه

 

عشان ينسي
عند فاطمه وعلي

 

{شوفت البت وقعت عل واحد عامل ازاي وانا الي كنت عايزه اكسرها واذلها اتاريها مبتتذلش
:انت اي الي مدايقك ما تاخد الي تاخده انا بس الي هيجنني وقعت عليه فين دا
{هي بتقع دا هو الي باين عليه واقع وبيحبها مشوفتش اتكلم معاك ازاي ولا ادايق ازاي لما روحت تسلم عليهاا بس لا مش هسيبها في حالها بردو انا هوريها

 

عند امجد وتغريد
كانت بسمه بترن عل تغريد كتير ف مكنتش بترد عليها تغريد لانها مش فاضيه وكمان لانها مدايقه منها خلص امجد وتغريد الاجتماع وخلص كل الشغل الي وراهم اخيرا

 

=اووف اخيرا هروح
_تروحي اه يبنتي انت ناسيه الحفله الي المفروض تيجي معايا فيها ولا اي
=يعم ارفدني ارفدني بجد يختاي عل الهم الي انا وقعت فيه انا نسيت الموضوع دا
_عندك فستان ولا هتروحي بشخصيه الالماني دي

 

=ماله يعني مروان موسي مش حوار يعم
_قدامك ساعتين وهعدي اخدك من تحت بيتك اطلعي اجهزي بسرعه لاني م هستني كتير
بصتله بقرف وطلعت بسرعه عشان تلبس وتجهز

 

بعد مرور تلت ساعات كان امجد واقف مستني تغريد تحت وهو بيستحلف انه هيطلع عينها لما تنزل عل كل التاخير دا هو اتاخر هو كمان بس ازاي يعني متنزلش في معادها لحد ما لاقاها نزلت وركبت العربيه من غير ما تكلم وهو ملحقش يشوفها اصلا ملمحش غير ملامحها ووشها وطول ما هو بيسوق بيحاول

 

يشوف هي لابسه اي بس مش قادر يبص ناحيتها وهي فضلت ساكته لحد ما اتكلمت اخيرا
=هو احنا هنطول في الحفله دي انا مينفعش اتاخر

 

_لا مش هنطول 12 او 1 كدا
=طب بكرا هتديني اجازه اكيد
_ما كدا كدا اجازه بكرا الجمعه

 

=يعني حتي مش هعرف استفيد ب اي حاجه من الحوار دا يخربيت الفقر
_يستي اعتبريها قعده تعارف ما انا خطيبك بقي
=هتكدب الكدبه وتصدقها يعم دا عيل عنده حاجه في دماغه هل يعني هخاف اقول قدامه انك مديري بس انت الي اتكلمت. قلت انك خطيبي وكملت ومعوزتش

 

احرجك
_دا انا بعملك قيمه يا بايره
=بايره اه لي كنت وحشه ولا وحشه

 

لسه هيرد عليها بس عينه جت على حاجه فيها حرفيا شعرها وشكله ولونه والفستان الي لابساه مكياجها الهادي جدا ملامحها وعيونها الي بدوبه
_فشر الي يقول عليكي بايره دا انتي ست الستات
اتكسفت تغريد وسكتت لحد ما وصلوا وشافوا …

 

اتكسفت تغريد وسكتت لحد ما وصلوا وشافوا فاطمه وعلي اتوترت تغريد وادايق امجد الي لاحظ نظرات علي لتغريد والي حس انها بتاكلها وكلن حاسس بالغيره والتملك وان مش من حق حد يشوفها غيره فضلوا قاعدين مكانهم لانهم مش عايزين يشوفوا حد تاني لحد ما اشتغلت اغنيه سولو ولقي علي وفاطمه

 

بيرقصوا وحس تغريد ادايقت
_اي رأيك نرقص احنا كمان
=ماشي عادي

 

سحبها من ايدها فعلا وابتدوت يرقصوا تغريد مكنتش حاسه ب اي حاجه اتجاه امجد عل عكس امجد الي فعلا كان حاسس قلبه فراشات كان بيحب قربها منه اوي بيحس ان الدنيا ملكه وهي معاه كان بيبص في عينها وهي خدت بالها واتكسفت

 

=احم بنفع نقعد مبقتش قادره اقف
_طب تعالي نقعد يلا

 

راحت قعدت من غير ما ترد عليه وهو قعد وابتدي يشرب زي ما هو متعود وهي بصت بفضول ان ليه متجربش هي كمان وابتدت تشرب معاه لحد ما مبقتش واعيه وفضلت تضحك بشكل مريب مع امجد وهو كل شويه يبرقلها لحد ما خدها ومشيوا
_اي الهبل الي انت عملتيه دا

 

=هبل اي بس انا عايزه ارجع جوا
_تغريد اتعدلي طالما مش قد الشرب بتشربي ليه

 

=انا حره انت هتتحكم فيا كمان انت عبيط
_اتنيلي قدامي مش هينفع تروحي كدا يخربيتك

 

وخدها وراح جابوا قهوه وبعد ما فاقت واستوعبت الي حصل واستوعبت الوقت وانها لسه كل دا برا البيت
=ينهار اسود روحني دلوقتي

 

_اروحك اي والنبي اتهدي لاني مش قادر بجد ومصدع صداع رهيب
=طب مش معاك مسكن
سكت دقيقه واتغيرت ملامحه وهي بصتله مش قادره تحدد ملامحه بس الي استنتجته انو بيفكر وياريته فعلا كان بيفكر

 

_افتحي التابلوه هتلاقي عند شريط هاتيه
فتحت التابلوه ولقت شريط لسه هتقري اسمه خده منها بسرعه
=ما تحاسب انت عبيط

_يستي مصدع ومحتاجه وانت لسه هتقعدي تقري
بصتله بقرف
=طيب روحني

 

بصلها بديق وابتدي يسوق كلن بيسوق باقصي سرعه وكان مفيش اي حاجه حاسس بيها او عايز يحس بيها وكان هيعمل حادثه اكتر من مره وتغريد كانت بتفضل تزعق فيه بس هو مكنش حاسس ب اي حاجه لحد ما وصل لبيتها

 

_اتزفتي انزلث تيجي يوم السبت الساعه 7 ولو صحيتيني بعد 7 بدقيقه هيتخصملك
كان بيتكلم بعصبيه مبالغ فيها هي مش قادره تفسرها لحد ما لاحظت انو تعبان
=امجد انت كويس

 

_اطلعي يا تغريد يلا عشان امشي
ركبت تاني وفضلت قلقانه
=بص اطلع عل بيتك وخلي السواق يوصلني او يسيدي ممكن اتنيل ابات في اي حته المهم مش هسيبك بس ومتنقشنيش

 

بصلها بقله حيله ورجع يسوق تاني اول ما وصلوا امجد مكنش قادر يمشي وتغريد كانت بتسنده لحد ما طلعته اوضته وكانت هتمشي بس هو شدها بسىعه وحضنها تغريد خافت
=انت كنت بتمثل عشان كدا ابعد عني

 

_خليكي والله ما هقرب منك بس خليكي
وحضنها اوي تغريد مش عارفه لي سكتت ونامت هي كمان بعد الليله الطويله دي كلها
عند اهل تغريد

 

~انا الصراحه مش فاهمه ازاي سمعت كلامك انا كان لازم مسيبهاش اهي مش بترد ومش عارفه اطمن عليها كمان ومش بترد
(انا كنت فاكره ان هنلوي دراعها ونخليها ترجع تاني مجاش في بالي انها هتعند كدا
)انا مش فاهم عايزه ترجعيها لي يعني ملهاش اي لازمه ولا هي ولا وجودها

 

(حامد متنساش انها لسه متعرفش ان ابوها سايب كل فلوسه واملاكه باسمها ومحدش كان يعرف عن الوصيه دي غير بعد ما الهانم اتخرجت من الجامعه كان عايز يأمنها
بصت لبسمه الي كانت ساكته

 

(بسمه اوعي تبيعي خالتك اوعي انا مش عايزه حاجه غير حقي الشرعي وتغريد بنتي واكيد مش هاذيها انا بس عايزه حقي الشرعي
~انا مش هبيعك يخالتو انا بس اهم حاجه اطمن عليها انا عملت كدا عشان الزفت الي اسمه علي والي عمله هو وفاطمه
(ايوه ما دا الي قلقني عليها وخلاني عايزها ترجع هنا وتجوز حسام اخوكي بقي ونخلص من كل الحاجات دي

 

~طيب يطنط ياريت نقوم نحضر الشنط عشان نعرف نروحلها بكرا يوم اجازتها الوحيده وياريت نلحقه من اوله عشان عايزه اشوفها
(قومي حضري شنطتك بس

 

قامت بسمه وبعد ما اتاكدت هدي انها مشيت
(احنا لازم نجيب معانا تغريد حتي لو ب اي طريقه حتي لو هنخطفها انت فاهم يحامد

 

)بالهداوة يا هدي هنقنعها بالهداوة
(انا خايفه اوي يحامد كل الي عملته يضيع وتاخد كل حاجه ليها لوحدها هي وبس وانا بعد ما ضيعت عمري عليها وعل واحد قد ابويا واتحرمت منك كل دا يضيع

في الاخر دا انا كنت اقتلها
)اهدي محدش يعرف انها بنت جوزك مش بنتك وبسمه مش لازم تعرف دا افهمي كدا حتي هي نفسها متعرفش انك مش امها ومتنسيش انها متعرفش اي

 

حاجه عن ممتلكات ابوها والا كان زمانها في حته تانيه خالص
)بحاول اهدي يحامد بحاول
في فيلا امجد الصبح

 

• اهو يختي جابها عنده في تلت اسابيع طب كانت تقفلهم
  ……بقلك اي احنا ملناش دعوه يختي هما احرار
  •الي مستغربه ان البت مش باين عليها خالص

 

……يختي ما كلهم كدا وبعدين كانت منادياني قال اي عشان اصحيه اهي بايته في حضنه فوق
•يلا يختي ملناش دعوه بحد ادينا شغالين

 

فوق عند امجد وتغريد
صحي امجد الاول حس بحد نايم في حضنه ولسه بيبص اتصدم لما لقي انها تغريد ازاي وصلوا هنا بس نسي كل دا لما بصلها وحس انها في حضنه حس بفرحه غريبه هو متعود ان اي واحده تبات عنده في سريره عادي بس تغريد هو ممكن بس هو فهم ان مفيش اي حاجه حصلت بينهم لانهم لسه حتي بنفس الجزم الي كانوا لابسنها فضل يبص عليها ويمسد على شعرها واخيرا قرر يصحيها

 

_تغريد تغريد يا تغريد انت دخلتي غيبوبة ولا اي يتغريدد
=اي في اي

 

بعد لحظه انتفضت
=انا فين واي الي حصل هنا انت عملت فيا اي
وابتدت تعيط

 

_انا مش فاكر اي حاجه بس اهدي اكيد محصلش بينا اي حاجه احنا لسه زي ما احنا من ساعة ما كنا في الحفله اكيد محصلش حاجه اهدي بس طيب
وحضنها وفضل يطبطب عليها وهي كانت بتبعده بس حضنها بردو عشان تبطل عياط

 

_خلاص والله انا مستعد اعمل اي حاجه عشانك والله

=انت مدرك الكل ممكن يقول عني اي انا بايته برا بيتي وبواب العمارة شافني وانا معاك الخدم الي عندك كل الناس دي

 

_مستعد اتجوزك حالا
=ايه
_ايه

 

=تتجوزني ازاي مينفعش
_اي الي مش منفعه

 

=اهلي مش هيرضوا
_اهلك هو مش انتي عايشه لوحدك

 

=لوحدي اه بس امي عايشه
_يستي تعالي نكتب كتابنا ونحطها قدام امر واقع وهتوافق

 

=انت بتقول اي لي محسسني اني مراهقة مثلا وهربانة مع حبيبها العاشق الولهان
_طب خلاص هنتصرف قولي انك حامل
=امجد اخرس

 

_خلي بالك بتقلي ادبك عل جوزك ودا مش في صالحك خالص يعني
برقتله تغريد ف برقلها
_يستي فكري بدل مانت فالحه تبرقي وخلاص
=تعالي اخطبني من البيت انا خايفه يكون حد جالي انهارده مش هيلاقوني هقلهم اي وهروج بلبس سهره وميكب سايح اعمل اييي انا دلوقتي

 

_يستي بسيطه نشتري اونلاين ويجيلك من اي محل لبس وتقولي كان في اجتماع في فرع الشركه الي في اسكندريه وعل ما الاجتماع خلص وروحنا وجينا وقولي انك طلعتي الفجر بحيث ان البواب مشافكيش
بصتله ومدت ايدها
=شهرين وتطلقني موافق

 

مد ايده وعلى وشه نظره سخريه تغريد مفهمتهاش
_موافق وقال بين وبين نفسه شهرين وهسيب الدنيا يتغريد مش هسيبك انت بس
_اعملي حسابك يتغريد مش شهرين بالظبط عشان محدش يقول حاجه اقل حاجه سنه

 

بصتله باقتضاب
=ماشي موافقه

 

_روحي اطلب اللبس على ما اخليهم يجبولنا فطار
=هو انت فاكر اني هسمحلهم يشوفوني في اوضتك روح اي اوضه تانية مش ناقصه كلام من اي واحدة زيهم وكلو بسببك انت الي شربتني

 

_هو انا الي كنت غيران ومدايق ولا انت وعشان كدا فضلتي تشربي وانت مش عيله عشان افضل واخد بالي منك عن اذنك
وطلع وسابلها الاوضه وراح اوضه الاطفال
•سلام قولا من ربًا رحيم

 

……اي في اي يختي
•تلفون اوضه الاطفال بيرن عل المطبخ
……شكلنا هنطلع ظالمين البت

 

• ايوة يفندم تحت امرك
  _اعملي الفطار عايز انزل تحت الاقيه جاهز وشوفي الهانم صحيت ولا لا

 

• تحت امرك
  قفلت معاه وبصت بندم
  •يقطعني انا وانت ممنتش معاه ولا حاجه كل واحد في اوضة

 

……ازاي بس دول دخلوا نفس الاوضة بليل
•يختي هو امجد بيه محتاج يداري يعني ما هو كل يوم والتاني داخل بواحده شكل
……عل رأيك

 

بعد مرور ساعتين
كان امجد وتغريد في عربيته تحت عمارتها
_اطلعي وطمنيني عليكي علطول

 

قالت باستغراب
=حاضر
وطلعت بسرعه عل فوق ولسه بتفتح باب الشقه قدامها لقت امها وجوز امها وبسمه

 

=خير جاين ليه
(دي المقابلة اي تقابليها ليا بردو يتغريد دا انا امك
=ممم واي تاني

 

)اتكلمي مع امك بادب يتغريد
=امي اه بقلكوا اي انا لسه راجعه من شغلي ومش فايقه للكلام دا طبعا البيت بيتك يبسمه وانت عارفه كل حاجه لو عوزتوا حاجه اهي بسمه عندكو

 

(اقفي مكانك يتغريد لسه رجع من شغل اي دا الي انت بايته من برا عشان وراجعه دلوقتي وكملن لبس غير اللبس البواب قال انك كنتي نازله بفستان سواريه وفي واحد جه خدك من تحت البيت كمان

 

=كان في حفله تبع الشركه ومين قال اني مجتش من امبارح انا جيت الساعه 1 ورجعت مشيت على الفجر واظن متاخر اوي جو التحقيق والكلام دا
وكانت لسه هتدخل اوضتها لقت الي بتسحبها من شعرها وتجرها

 

(انت عيارك فلت يعني انت معدش ليكي قعاد هنا تاني وهترجعي معايا وهتجوزي ابن خالتك ورجلك فوق رقبتك اهو يداري عل فضيحتك
تغريد كانت بتصوت وهدي الغل عاميها لحد ما الباب خبط جامد وبعدين اتكسر ودخل امجد ووو

 

تغريد كانت بتصوت وهدي الغل عاميها لحد ما الباب خبط جامد وبعدين اتكسر ودخل امجد وخد تغريد ورا ضهره
_انت مين يست انت وازاي تمسكيها كدا

 

(هو دا يقليلة الادب الي كنتي بايتع معاه بقي
كانت بتحاول توصلها وتشد شعرها تاني
‏

 

_بايته عند مين انت مين يست انت متمديش ايدك عليها عشان مخلكيش تقضي بقيت عمرك في السجن لحد ما تتعفني
‏=امجد بس
‏_بس اي انت ازاي سامحه ليها تضربك اصلا
‏

 

=امجد دي ماما
‏امجد هنا دبل وشه وحس انو عك كل حاجه
‏

 

_انا طبعا لو حلفتلك اني كنت خايف عليها يجرالها حاجه مش هتصدقيني بالمناسبه دي يفندم انا امجد مدير تغريد وعايز اتقدملها ونجوز في اسرع وقت انا عندي فيلا وخمس فروع لشركتي وكمان وارث عن ابويا وامي فلوس كتير ويعني هعيش بنتك ملكه حرفيا

‏

محدش استوعب الي امجد عمله وانو كان بيزعق من دقيقه وبعدين اتحول وبيحاول يقنعها بنفسه ك زوج لبنتها
=انت عبيط يا امجد ولا حصلك حاجه ولا اي
_يا ستي ما كدا كدا كنت هتقدملك مش حوار يعني كلو مرة واحدة

 

(اطلع برا ياض انت بدل ما هطلبلك الشرطه
ابتسم امجد ببرود
_اطلبي يحماتي

 

(حمة مين انا بنتي مخطوبه لابن خالتها
_وانا كاتب كتابي عليها للاسف بقي

 

تغريد بصتله جامد واتصدمت زيها زيهم
_ما تقوللهم يحياتي اننا كنا امبارح بنكتب كتابنا

 

تغريد كانت ساكته بتحاول تدور على
~الكلام دا صح يتغريد

 

(انطقي ردي الكلام دا صح
كان الكل مستني اجابتها وامجد خايف تنكر

 

=ايوة انا ملقتش حد هيحبني زي امجد ويخاف عليا قده وهو طلب يجوزني وانا وافقت اما لو هتقولوا لي مقولتش لان انا اخر حاجه فرقا معاكوا
لسه هدي هتضرب تغريد مسك ايدها امجد
_والله انت حماتي وكل حاجه بس كلو الا تغريد

 

=وياترى هتعملي فرح ولا هتجوزيه زي الي عمله عاملة
_هنعمل فرح مفيش اكبر منه والله يحماتي العزيزه

 

بصتله هدي هنا بغل ولو كانت النظرات افعال كان زمان امجد ميت هو وتغريد
(معدش لينا قعاد هنا يلا يحامد يلا يبسمه

 

بصت تغريد عل بسمه الي بصتلها بقرف وابتدت تعيط اول ما نزلوا هي مكنتش عايزه تخسر اقرب واحده ليها
=لو سمحت يامجد امشي مينفعش نقعد مع بعض
_خلاص يتغريد همشي بكرا تيجي الشغل هنحضر اجتماع وهروحك

 

وقام بشكل مفاجئ وحضنها كانه بيطمنها ونزل
عند هدي في العربيه
(شوفتي اعو واحد تاني ضحك عليها واجوزها اديها بقت زي اي واحده فا

 

~طنط لو سمحت متكلميش عن تغريد بحرف ممشيتش معاه دي اجوزته وبعدين واحد زي دا عمره ما هيطمع في فلوسها دي كانت شغاله عنده
)بس ولو يحبيبتي هو يعرف ان عندها اهل وميجيش ليهم دا ميقلقكيش

 

~هي عملت الصح بالنسبه ليها يعمو وانا مش شايفه اي سبب لكل الي طنط عملته انا محبتش اغلطاها قدام تغريد بس مكنش ينفع تعملي كدا في بنتك وقدام الي المفروض اتجوزته

 

(انا اتصدمت بس يبسمه يحبيبتي يعني انا اي ضماني ان الشخص دا كويس
~مسيرنا نشوف كويس ولا لا ولو في فرح هنروحه
سكتت هدي وبصت لحامد الي بصلها بصه معناها تسكت دلوقتي وكل حاجه هتتحل

 

عند تغريد
‘مانتي يتغريد مينفعش تكتبي كتابك من غير امك
=يعمو انت عارف بقي وخصوصا انها هتزعل لو لقتني اخدتك انت الوكيل مش جوزها ف انا وامجد هنقول اننا كتبنا الكتاب عادي ونعزمهم عل الفرح عشان خاطري

 

‘انت متاكده ان امك عارفة
=ايوه طبعا انا عمري ما اتجوز في السر يعمي

 

‘طب عل بركه الله هاتي رقم الواد ونشوف
=ماشي ياحلي عم في الدنيا هبعتلك الرقم واتساب
وقفلت تغريد معاه وهي ما صدقت انها حلت اخيرا الورطه الي امجد عملها ونامت

 

عند امجد
كتن قاعد يفكر حياته الي هتتغير دي هتبقي ازاي هي هتتقبله هل هيعرف يصارحها بسره في يوم الايام كل الافكار كانت داخله في بعضها
‹اي يعريس
_والنبي ما وقتك يا فارس

 

‹اومال وقت مين اه مانت هتجوز بقي في صاحبك في دا*هية مش حوار بقي
_اكيد لا طبعا بس انت ناسي يا فارس
‹ناسي اي يقطعني يكونش عيدميلادك

 

_فارس
‹يا صحبي انت تعرف الغيب مفيش حد في الدنيا دي ضامن يعيش لبكرا ومعلش بقي متزعلش مني انت السبب في الي انت فيه غير انك يحبيبي الي رافض انك تتعالج

 

_هتعالج عشان مين طيب حتي هي مش ضامن انها بتحبني لو ضمنت للحظه انها بتحبني
‹هتحبك انت مين ميحبكش بس يمز يقمر انت
_اظبط.ياض

 

‹بعدين هتتعالج عشانها ومش عايز تتعالج عشاني اخص اخص دي معرفه كام شهر اما انا معرفه كام سنه اخص
_كل ما افتكر الهبل الي عملته عشان اعينها في الشركه عندي بضحك عل نفسي اوي

 

‹الهبل الي عملته عشان تتعين بس يعني مش انك كنت بتمشب وراها وتفضل تراقبها وسبت كل الي وراك وقدامك عشانها ولما لقيت مناقصه مع الشركه الي هي فيها جريت زي الاهبل عشان عايز تقنعها تشتغل عنددك رجاله اخر زمن صحيح

 

_لما تحب هتفهم
‹لا يحبيبي انا سبتلكوا الحب بسلطاته ب بابا غنوجه بكل مشتقاته
ضحكوا الاتنين سوا وفضلوا يكلموا في كل حاجه
عند تغريد الصبح

 

كالعاده نازله تجري الساعه 6 عشان تلحق تصحي امجد الي موديها في داهيه بمواعيد نومها الي بقت متلغبطه وكل دنيتها الي بايظه
=اسفه يعم محمد اتاخرت علي

 

_لا يحياتي اتاخرت عليا انا
=حياتك طب ياريتني فطرت ياخي طالما انت صاحي وجاهز
_مممم انت مفطرتيش لي يعني حرام عليكي نفسك الانيميا هتبدأ تاكل في جسمك حرفيا

 

=اعمل اي محدش بيحط شغل الساعه 8 الصبح والمطلوب اجيلك ولسه نجهز الورق وكل الهم دا
_طب بقلك اي انا كمان جعان الصراحه تعالي نطلع نفطر ونبقي نشوف الشغل واحنا بنجهز الفطار

 

=موافقه جدا اتنيل قدامي
_اتنيل يختي ستات ياختي زمن
ضحكت وطلعوا سوا

 

=بص بقي بما انك الي اقترحت ف انت الي تعمل
_دا ازاي يعني

 

=مش عارفه المطبخ عندك اعمل الي انت عايزه
_ربنا عل الظ،ـالم

 

بصتله بقرف ومشيت وهو دخل المطبخ وابتدي فعلا يعملها اكل وعملها بيض بلنشون وجبنه بالطماطم واكل كتير كان طالع من المطبخ مشمر القميص ووشه محمر من الحراره وكان شكله مبهدل
_الفطار يست الاميرة

 

=الحمدلله بعد كدا انت الي تطبخ بقي طول السنه الي هجوزك فيها
_يستي نجوز وانا مش هخليكي تطبخي تاني
=رقولة والله رقولة

 

وابتدوا ياكلوا لحد ما موبايل امجد رن
_الو……طب حاضر نص ساعه بالكتير واكون موجود……خلاص يفارس مش هطول بقي خلاص
وبعدين بص لتغريد اي كانت بصاله باستفهام

 

_خلصتي اكل
=اه
_يبقي يلا بسرعه عل الشغل لان انا وانت نسينا ان في شغل تقريبا وشكلك كدا هتفلسيني يتغريد
ونزلوا بسرعه عشان يبحقوا الاجتماع

 

عند فارس
،دا تهريج يعني اي يدينا معاد ويتاخر علينا بالشكل دا دا استهتار وشكله كدا مش قد المسؤوليه
‹يفندم حصله ظرف وهو خمس دقايق وهيكون هنا وانت اكتر واحد عارف كويس كفائة امجد

 

،خمس دقايق لو مجاش همشي
دخل امجد وفي ايده تغريد
_انا اسف جدا نسيت الوقت معلش

 

بصوله وبصو لتغريد وكانوا الاتنين بينهجوا لانهم طلعو جري دا غير امجد الي نسي يظبط لبسه من كتر الربكه
،ولا يهمك يا استاذ امجد ياريت متكررش
وبدأو الاجتماع الي رغم ان لمجد وتغريد ملحقوش يجهزوا نص ورقه بس قدموا ب احسن شكل ممكن ومضوا السفقة بعد ما الكل خرج مفضلش غير امجد

 

وتغريد وفارس
‹لا بس طلعتي جامده في الشغل زي ما امجد قال
=اقل حاجه عندي انا لو كنت جيت من بدري مكناش خدنا كل الوقت دا اصلا

 

لسه فارس كان هيكلم امجد لقاه بيبصله بقرف واكنه هيقوم يضـ،ـربه
‹طب امشي انا بقي عشان عندي شغل

 

وطلع بسرعه
=فارس دمه خفيف اوي بجد
_اه واي تاني

 

=مفيش عادي يلا انا هروح اشوف مواعيدك
_انا عارفهم
=اي هما طيب

 

_معاد غدا
=مع مين دا
_ الست الي اسمها رودينا دي
=اهه وهو لازم نروح محتاجينها يعني

 

_اه طبعا هتفيدنا.جدا في كل الشغلوالجاي متنسيش انها ليها علاقات وهي عندها شركه استيراد وتصدير يعني تخلص اي حاجه عايزين نجيبها اكيد يعني
=ما اكيد هيبقي ليها مقابل

 

_ايوه هتاخد فلوس اكيد مش هتعملها حبا فيا
بصتله تغريد بقرف وسكتت
_روحي دلوقتي لو عايزه وانا ممكن اروح لوحدي
=تروح لوحدك اه بص يا امجد انت هتيجي معايا توصلني اطلع اغير هدومي وبعدين نروح الفيلا عندك تلبس اي حاجه وبعدين نروح المعاد

 

_طب ما اروح لوحدي اي الصعوبه في كدا
=انت مش بتخليني اختار لبسك يبقي انا الي هختار لبس انهارده بردو وهتلبس كاجول
_صبرك يارب والله يتغريد لو علمتي زي يوم الحفله وفضلت متذنب ساعه لاروح لوحدي

 

=وانت لو مستنتش مش هتجوزك وهسيب ام الشغل كمان ويلا بقي قدامي
نفخ امجد ومشي وهي مشيت وراه وركبوا العربيه

 

_بالرحة عل الباب مال ناس دا
فتحته تاني وهبدته بصلها بقرف وطلع
_تغريد بجد هنوصل بالكتير نص ساعه وتنزليلي الساعه واحدة يعني واحدة ونص تكوني جاهزة

 

=ليه يعني
_لسه عايز اخد شاور وافوق حبا كدا
=امجد الغي المعاد دا دا يوم اجازتنا ومن حقنا نرتاح يعني ك بشر كفايه امبارح
_خلاص خليكي انتي ارتاحي وانا هروح اخلص الشغل ونتكلم بعدين

 

=ساعه وهنزل من حقي انا كمان اخد شاور

وبصتله بقرف وسط ما هو مش فاهم في اي وكانت لسه هتنزل

 

_طب الحق اروح اجهز واعدي اخدك
=محدش هينقي لبسك انهارده بالذات غيري

 

_يحول الله يارب ماشي هروح اجيب اي حاجه طيب مش هقعد ساعه في العربيه والدنيا شمس
=متبقاش فرفور
بصلها امجد هنا بديق

 

_اطلعي يتغريد اطلعي
طلعت تغريد وهي حاسه انها زودتها بس مش طايقه انها تخليه يتعامل مع الي اسمها رودينا وكانت بتكلم نفسها
=اصلا رودينا دا اسم ملزق اوي اي رودينا دا يعني لا وبتدهن وشها بالدقيق اصلا هو في احلي مني يعني وانا مالي اصلا ان شاء الله يجوزها حتي لا لا بعد الشر

 

يجوز مين كنت خليت ما يطلع عليه نهار هو وهي بس هبقي اجمد منها وهيشوف
وعدي الوقت عل امجد الي يعتبر نام اصلا لحد ما تغريد نزلت صحي امجد عل خبط عل ازاز العربيه مكنش قادر يفتح عينه حتي بس شاف تغريد وفتح العربيه
_اخيرا انا هموت وانام بجد منمتش من امبارح

 

=كنت سهران مع مين
_مع الي سهران معاه بقي انت مالك
=ماشي مانت تصحيني الفجر وحضرتك سهران هتلاقيها واحدة زي الي لاقتها نايمه جمبك

 

لهنا وامجد مقدرش ميضحكش فضل يضحك جامد وتغريد مش فاهمه
_والله ياريت واحدة دا واحد
=ايه

 

_ايه
=واحد ازاي يعني
_كنت سهران بلعب بلايستيشن مع فارس يتغريد

 

=اها
_انا مش عارف افتح عيني بتعرفي تسوقي
=يعني

 

_يعني ولا مبتعرفيش
=بعرف ادور العربيه واطلع قدام وارجع ورا
_انت السبب والله
بعدين فرك وشه واخيرا عرف يفوق شويه ولسه هيكلمها وقعت عينه عليها

 

_اي الي انتي لابسه دا
=اي وحش
_وحش اي وزفت اي تطلعي تغيريه

 

=ليه يعني
_وانت عايزه تمشي باللبس دا والدنيا كلها تشوفك ولا اي يعني فهميني بس
=ما هو لبس يا امجد زي اي لبس

 

_لبس زي اي لبس اه فين مفتاح شقتك
=اهو بس ليه
_طب حلو اوي

 

ونزل امجد وهو مش طايقها وعايز يو،لع فيها وفتح الباب
_انزلي قدامي
=مش هنزل ويلا عشان منتاخرش على المعاد

 

بصلها بديق اكبر ومسك موبايله لدقيقه
_مفيش معاد قدامي بقي عل فوق
=يامجد لي تعمل كدا كانت صفقة مهمه ليك

 

_يعني هتفضلي تعاندي طب تعالي
وسحبها امجد وشالها وكل دا في اقل من ثانيه وتغريد مصدومه شالها لحد جوا شقتها
=انت عبيط اي الي انت عملته دا نزلني

 

_خشي غيري القرف دا حالا انا بقي فقتلك يتغريد
=ولو مدخلتش هتعمل اي يعني اخرك فاضي
_ممكن اعمل بس عمايلي هتزعلك اوي
‏

 

كان بيكلم وهو مقربها منه اوي ودا الي خلي تغريد تقلق منه اوي
‏=طب حاضر هخش اغير
‏

 

_عشر دقايق وتجهزي عشان نلحق الشغل الي مش ناوي يخلص دا
‏=مستعجل اوي

‏_الصراحه انا مستعجل عشلن اتخمد واخلص
‏بصتله بقرف ودخلت لبست لبس تاني وهي مش فاهمه بتاع اي يزعقلها ويشيلها قدام الدنيا كلها كدا والناس هتقول اي وخلصت لبس بسرعه المره دي على

 

عكس المرة الي فاتت وطلعتله ركز امجد معاها دقيقه بنظره تقيم
‏_ممم كدا مظبوط يلا قدامي
‏

 

ونزلوا فعلا وقرر امجد انو مش هيروح البيت الاول وهيروح المعاد وبعدين يبقي يرجع البيت في الاخر عشان يرتاح وصل امجد وتغريد الي كان باين عل ملامحها الديق وقابلوا رودينا ودا الي خلي تغريد تدايق اكتر لانها لاحظت انها بتقرب من امجد كل ما تسمح لها الفرصه وتغريد يعتبر هي الي كانت بتكلم اصلا
‏

=تمام كدا خلصنا كل حاجه
‏»مالك قفل كدا لي يبنتي فكي شويه زوقك اتغير في موظفينك اوي يا امجد الي كانت قبلها كانت الطف بكتير عنها
‏

 

=بتعامل بلطافة مع الناس اللطيفة مش المقرفة
‏_تغريد مش بس موظفة عندي دي خطيبتي وفرحنا قريب جدا طبعا حضرتك تشرفينا
‏

 

»فرحكوا ازاي يا امجد تجوز دي دي تجبلك اكتئاب حتي ياخي
كنت لسه تغريد هترد بس امجد اكلم بدالها

‏

_اكتئاب اي بس دي هدخل الفرحه في حياتي كلها اتجوزها بس وبجد بعدها هحس اني ملكت كل الدنيا حرفيا
بصتله تغريد هي عارفه انو اكيد مش بيحبها وانو اتجوزها لانها شرطت عليه واكيد كل الكلام دا مش من قلبه

 

=هروح التويليت واجي
راحت تغريد وفضلت تعيط لانها صعب عليها نفسها بدايه من امها الي مش فاهمه سبب معاملتها ابوها الي كان احن واحد عليها علي الي كان مفكر عندها

 

فلوس عشان كدا خلاها تحبه وفي الاخر راح خطب صاحبتها وامجد امجد الي ابتدت تحس معاه بنفس احساس الامان الي كانت بتحسه مع ابوها بس هي عارفه انو مش هيدوم في حياتها وان مينفعش تتعلق بوجوده مسحت دموعها وطلعت وشافت رودينا مقربه من امجد المره دي زياده عن اللزوم ووو

 

مسحت دموعها وطلعت وشافت رودينا مقربه من امجد المره دي زياده عن اللزوم ولسه كانت راحه تهزقها المره دي لانها تجاوزت حدها اوي بس لقت امجد اتنفض
_ما تلمي نفسك يست انتي بقي

 

»في اي يا امجد هو انا عملت حاجه
_لا معملتيش انا الي هعمل هو يوم زفت من الاول مستغنين عن خدماتك ياستاذة رودينا
وشاف تغريد واقفه باصلهم ف جري وشدها ومشي

 

_بقلك اي انا بجد مش حمل حرف وتعبان ومش قادر اجلي الي هتقوليه لبعدين
=طب اهدي بس مالك
_مفيش
واداها موبايله

 

_كلمي فارس قوليله يجي بسرعه
=حاضر اهدي بس
كلمت تغريد فارس الي مكنتش فاهمه امجد ماله بس لحد ما مره واحده ابتدي يرجع وجسمه ينتفض بطريقه غريبه كانت بتحاول تهديه هش مش قادره تفهم

 

في اي لحد ما فارس وصل
‹حصل اي في
سكت مكانه اول ما شاف امجد

 

‹ماله في اي يتغريد
=مش عارفه مره واحده ابتدي يرجع

 

ابتدي يخبط امجد عل وشه بهدوء
‹ركز معايا كدا انت خدت دواك
هز امجد راسه بمعني لا

 

‹وهو دا وقت تنسي في دواك
ابتدي فارس يدور في العربيه
‹لا وكمان خلصان يبني هو انت بتستهبل ولا اي معلش يتغريد احنا هنروح بيت امجد بس عشان اجبله الدوا وبعدين ابقي اروحك

=اكيد مش هروح واسيبه
تغريد كانت حاضنه امجد وقاعده ورا وسط ما كان فارس بيسوق بسرعه عالية جدا لحد ما وصلوا وفارس نزله وسنده وعدى وقت وفارس لقي الدوا وخلي امجد ياخده تغريد مكنتش مستوعبه اي حاجه بس هي فضلت حضناه لحد ما حست انو هدي ونام هنا ابتدت تطمن وفضلت تطبطب عليه

 

‹تغريد عايزك في كلمه
=لازم دلوقتي
‹اه معلش ضروري

 

كلعت تغريد برا مع فارس
‹انا مش عارف ابدأ الكلام منين بس امجد محتاج ياخد كيماوي ويعمل عمليه وهو بيعامد انا عايزك تقنعيه انا مش هستني لما في يوم حد يتصل يقولي انو مات ارجوكي ساعديني
تغريد فضلت باصه له بصدمه وسكتت ودخلت قعدت جمب امجد

 

عند هدي
(ايوه طبعا هو انت فاكر ان بنتي هتجوز من ورايا ولا اي يمحمود
‘هدي مش هتعمليهم عليا انا عارف ان تغريد مش بنتك انا بس قلت اسال عشان تغريد عيزاني احدد معاد الفرح مع الي اسمه امجد دا وبتقولي يكون بسرعه ف قلقت

 

(بسرعه اشمعنا بسرعه يعني
‘بقلك اي دماغك متروحش لبعيد بنت اخويا انا عارفها كويس ويلا سلام طالما انا اتاكدت من الي عايزه سلام
وقفل في وشها
(شوفت يحامد شوفت البت راحه لمحمود عشان يخليها تتجوز وطبعا بتحطني قدام امر واقع عشان ارضي بس انا همرر عليها عيشتها

 

)بالعقل كل حاجه هتبقي بالعقل اهدي بس يهدي
عدى كذا يوم وامجد تعبان تغريد بتروحله كل يوم وفارس هو الي متابع الشغل
_علفكرة والله مش مستاهله كل الي بتعمليه دا انا هبقي كويس هو مجرد ارهاق بس
=ارهاق اي دا يا امجد الي عمل فيك كدا وبعدين انت مش شايف نفسك انت خاسس النص

 

_علميًا وعمليا محدش بيخص نص وزنه في اسبوعين وانا فعلا زي الفل
بصتله تغريد.بديق ورجعت تاكله وسط.ما هو كان فرحان بانها بتهتم بيه ومدايق لانه حاسس انها بتشفق عليه وفي نفس الوقت عمره ما.كان يحب يبان تعبان قدامها عل عكس تغريد الي كانت فرحانه انو متقبل قربها منه بالشكل دا وغير كدا قلقانه بخصوص كلام فارس الي هي لسه مش عارفه تستوعبه اصلا لحد

 

دلوقتي
_كفايه كدا بقي
=ماشي انا اصلا تعبت

 

بصلها وضحك
_طب جامليني حتي
=اجاملك اه بقلك اي انا قايمه اروح هموت وانام واعمل حسابك هتروح الشغل بكرا

 

_شغل اي يتغريد وفرحنا بعد اسبوع
=فرح مين
_يقطعني نسيت اقلك اصل كلمت عمك وحددنا معاد كتب الكتاب كمان تلت ايام والفرح كمان اسبوع عشان محتاجه حد يخلي باله مني
=انتوا هبل طيب هعمل اي انا ولا في اسبوع دا غير الشغل

 

_متقلقيش انا هستحمل شغلي الاسبوع دا وكدا كدا فارس موجود بس دا ميمنعش اني اشوفك كل يوم فاهمه ولا لا
=لا مش هينفع مش هبقي فاضيه
وقامت تغريد من غير ما تسمع اجابته واول ما روحت بدون مقدمات نامت

 

عدى كمان اسبوع انكتب فيه كتب كتابهم ومع ذلك تغريد راح من بالها حوار الفرح لانها انشغلت تاني مع امجد في الشغل وفي تعبه لحد ما جه اليوم الي قبل الفرح
=انا تعبت وقرفت اي كميه الشغل دي يعم انت

 

_اعملك اي دا شغل تلت اسابيع
=الحمدلله انو خلص اخيرا
_جبتي الفستان

 

=فستان اي
_اصلا طب حويس كدا كدا جبت واحد بكرا تبقي في الفندق من بدري
=فندق اي انت بتكلم في اي

 

_لا مفيش بيقولوا هنتجوز يتغريد لو اخده بالك
=اصلا طب ازاي هروح لوحدي كدا مش هيبقي معايا حد كدا
_عمك قال مراته وبنته هيجوا معاكي وبسمه بنت خالتك تقريبا قالت انها هتجيلك

 

=ممم ماشي بقلك اي الفرح دا يخلص في الانجاز بجد لان الواحد مش فايق
_ابقي اشربي قهوة
=امجد تعرف تسكت اسكت يحبيبي

 

_يختي كتك نيله يلا امشي من هنا يبت الحقي نامي مش ناقصين تقرفينا بهالاتك
بصتله بقرف ونزلت من العربيه وطلعت نامت
عند امجد بعد ما مشيت راح لفارس

 

_هقلها ازاي يافارس
‹هتتحل والله يامجد هتتحل اصبر بس
_انا مش قادر اصارحها خايف اتعب تاني وهي موجوده مش هتقدر تشيل كل الهموم دي انا حتي مخلتهاش تجهز لفرحها زي اي واحده وكنت بنسي كل حاجه

 

وخليتها تنزل الشغل تاني بحجه انو الشغل اتراكم عليا طب وبعد كدا هعمل اي
‹امجد متزعلش مني انت لازم تعمل العمليه ولا عايز تخليها ارمله
_هقلك حاجه يافارس بس بيني وبينك

 

‹اي هي قول سرك في بير يصاحبي
_انا وهي اتجوزنا باتفاق ان اطلقها كمان سنه
‹وانت عارف انك لو معملتش العمليه دي مش هتكمل سنه اصلا

 

_بالظبط انا هعيش معاها الوقت الي يحسسني بقربها وهسيبلها كل فلوسي وخلاص
‹مش في مصلحتك يا امجد مش في مصلحتك ولا مصلحتها فاكر انها مش هتتاثر ولا ان مثلا هي مش بتحبك بالعكس باين انها حبيتك يا امجد انت عندك كانسر انت معندكش دور برد ف هتخف وتموت موته طبيعيه ف هيتزعل عليك زعل طبيعي افهم دااا وبعدين كل الي في بالك هي طب وانا صاحبك هتسبني

 

لمين يا امجد انت اخويا وصاحبي والي ليا في الدنيا
_مش هتفهمني يا صاحبي بس انا مش لاقي حاجه اعيش عشانها انت اكتر حد عارف انا مريت ب اي وكنت اي بالظبط دا عقاب ربنا ليا يا فارس وانا متقبله يصاحبي وصدقني مش زعلان

 

‹فوق يا امجد لانك يوم ما تخسر هتخسر كل حاجه صدقني تغريد ممكن يجرالها حاجه لو عرفت الي انت فيه دا
_خلاص يفارس انا ماشي عايز حاجه
‹برحتك يصاحبي بس انا نصحتك

 

سكت امجد ومشي وهو لسه بيفكر في كلام فارس وفي تغريد الي حبها فعلا من كل قلبه ملامحها الي بتخطفه اسلوبها وجودها الي بقي ميحسش بحياته غير بيه افتكر انها هتبقي مراته قدام الكل بكرا مش عارف هيتصرف ازاي او هيقولها اي او هي حتي هتعامله ازاي روح امجد ونام هو كمان
تاني يوم الصبح عند تغريد كان في خبط جامد على الباب وهي كانت نايمه ولا اكنها مقتـ،ـولة حرفيا بس قامت بعد وقت من الخبط وفتحت لقت حد بيحضنا

 

›وحشتيني اوووي يارورو
=وانت كمان ياغادة
وحضنتها وهب كانت بتنام تاني اصلا

 

«مفيش وحشتيني يا مرات عمي
=ها
ضحكت مرات عمها عل منظرها

 

«فوقي يا تغريد فرحك انهارده يبنتي
=حاضر حاضر اتفضلوا يجماعة هو انتوا غرب
ودخلتهم وهي بتحاول تجمع هي فين واي الي بيحصل حواليها

 

«مالك يبنتي شكلك كنت بتكلمي خطيبك طول الليل بقي عل كدا
وضحكت ضحكه خبيثه
=اكلم خطيبي اي بس انت جيت من برا نمت علطول اصلا

 

«من برا كنتي فين يبنتي
=شغلي
شهقت وهي بتخبط عل صدرها بطريقه كل الامهات المصريه

 

«ازاي يبنتي شغل اي دا الي قبل الفرح بيوم
=ماما شغاله مع خطيبي ويعتبر انا الي بدير حياته كلها وانظم مواعيده واظبطله ورق وهو مش هيعرف يعمل كل دا من غيري ف نزلت عشان نخلص شغل الشهر الجاي كله واسبوعين فاتوا كان هو تعبان وكنت بظبط الشغل بداله بردو وبحاول اهتم بيه لان اهله ميتين

 

«اها ربنا يعينك طب يلا خشي كدا فوقي وافطري عشان نلحق نعمل كل حاجه
اختصارا لكل الاحداث الي حصلت راحوا الفندق وابتدت تغريد تجهز وكمان امجد الي كان فرحان فوق ما اي حد يتصور جه وقت الزفة وامجد كان مستني تحت

 

زي اي حركة كليشيه بتحصل في اي فرح كانت تغريد نازلة ماسكه ايد عمها وجمبها غادة ومرات عمها الي كانوا بيزغرطوا امجد اتحبس نفسه من جمالها الي كان واضح جدا كلن حاسس انو باصص عل حورية من حوريات الجنة مش بني ادمه طبيعيه الفستان الي اختاره لها كان بسيط جدا ورقيق في نفشه بسيطه جدا وديل طويل الي حد ما خلاها زي الاميرات وصلت عين امجد على وشها وملامحها الي بارزه جدا وشعرها الي كان ملموم في ضفيره ملفوفة حوالين راسها

 

ونازل منها خصل كان تايه في تفاصيلها لحد ما وصلت عنده باس راسها بكل حب وحضنها مكنش عايز يبعد عنها بعد الحضن دا ابدا بس خدها في ايده ودخلوا القاعه وسط الهمسات الي من ضمنها كلمات بالحسد والغيره وفي ناس كتير كانت بتتمني لهم الخير تغريد كانت قلقانه من كل حاجه مش بتحب الدوشة ولا ان

 

حد يبقي مركز معاها شافت هدي وحامد وشافت بسمه الي وعدت انها هتيجي معاها من اول اليوم ومجتش وهنا حزنت تغريد كل الحزن الي ممكن اي حد يحزنه لان صاحبه عمرها مكنتش معاها ولا امها الي المفروض عايشه بس خلتها تحس باحساس الايتام وسط كل دا كان مطمنها وجود امجد وفرحته الي باينه عليه جدا الي هي لسه مش فاهمه اي سببها اتفاجأت بوجود علي وفاطمة اي كانت كل نظراتهم حقد وحسد لتغريد وقربو عشان يسلموا عليها

 

:الف مبروك يتغريد
_الله يبارك فيك
وخد ايده وسلم عليه بدالها

 

{الف مبروك يا تغريد اتمني ميزهقش منك زي ما علي زهق والي معلش مش هيعرف يجيلي
وضحكت وهي متعمده تدايق تغريد كان لسه امجد هيرد عليها لانه لاحظ ان تغريد ادايقت

 

=معلش يحبيبتي هو مش هيعرف يجيلك لان امجد يحبيبي عمره ما حب اي واحدة رخيصه زيك متاحه للكل اما علي ف هو زيه زيك لكن امجد دا يروحي عليه يزعل على الرمش الي يقع من عيني هارد لك بقي يبيبي
_الله يبارك فيكي يا انسه فاطمه بس ابقي فهمي خطيبك انو مش مكفيكي عشان كدا دايره على اي حد ياخد مكانه بس صدقيني انت عمرك ما هتوصلي

 

لمكان تغريد يحبيبتي
وبص لتغريد وعيونه كانت بتلمع وعدى الفرح بدون اي احداث تذكر لان هدي وحامد اهم حاجه منظرهم وبسمه متجاهله تغريد وتغريد مكنتش عارفه تقوم من مكانها بسبب امجد الي ما كل حد يقومها عشان ترقص يقعدها جمبه ويبصلها بمعني لو قمتي انت حرة لحد ما الفرح خلص وامجد خدها وروحوا اول ما دخلت جناح امجد اتصدمت بالتغير الي فيه كان كل العفش متغير بعفش تاني خالص ولاحظت ان معظم الحاجات باللون الاسود والي استغربته انو عرف منين انها

 

بتحب اللون دا اتخضت اول ما حضنها من ضهرها
_عجبك
=ها اه بقلك اي انا جعانه

 

_الاكل.جوا جاهز نغير بس هدومنا ونشوف حوار الاكل دا ها
وباسها على رقبتها بس هي جريت بسرعه على الدولاب

 

=ماشي ماشي هغير هدومي واكل عشان مكلتش من الصبح بس
_تمام وانا كمان
دخلت تغريد بسرعه الحمام هي خايفه جدا منه دلوقتي عندها تنام في البانيو ارحم مع انها باتت معاه مره ومعملهاش حاجه وكانت بتقعد معاه طول الوقت

 

بس حاليا خوفها زاد جدا لانها قدام الكل مراته والي باين ان هو كمان شايفها كدا فضلت قاعده في الحمام مستنيه انو ينام او اي حاجه تحصل بس امجد خبط عليها
_تغريد انت كويسه

 

=ها اه ثواني بس ياربي اعمل اي انا دلوقتي عند امجد كان قاعد بيقلب في فونه مستنيها تخرج عشان ياكلوا وهي كل ما الوقت يعدي بطول اكتر
_يا تغريد انجزي جعان
=طيب طالعه
طلعت تغريد وهي بنفس التوتر وراحه قعدت على تربيزه الاكل مستنيه امجد يجي

 

=طب هتيجي ناكل ولا اي
_طيب ثواني اصبري
امجد مبصلهاش وابتدي ياكل وهي كمان حست انها اطمنت وابتدت تاكل وبعد ما خلصوا اكل

 

=بقلك اي انا مش جايلي نوم
_مم هتعملي اي
=معايا افلام مارفل كلها تعالي نسمعهم
_معاكي افلام ايرون مان

 

=كله كله تعالي يلا
وقامت وشغلت الافلام وفضلوا قاعدين لحد ما تغريد مبقتش قادره ونامت على كتف امجد وامجد كمان نام لانهم يعتبر فضلوا صاحين لحد الصبح ومع تعب الفرح والدوشه ناموا لحد تاني يوم بليل

 

عند هدي
(شوفتوا اهي اجوزته ومبسوطه ويحرام حسام حبيب خالته قلبه مكسور

 

}اه يخالتو انا حتي مقدرتش اجي معاكوا
(معلش يحبيبي مش هخليها تتهني مع غيرك وهرجعهالك
)امجد مش سهل يا هدي واكيد يعرف عنها كل حاجة متنسيش دا كان اي

 

(بقلك اي انا مش هخاف منه
)انا بنبهك لان صدقيني احنا مش قد عداوته
(انت مش قدها بس انا قدها

 

~طنط انا شايفه ملهاش لازمه طالما هي مبسوطه
(يحبيبتي هيطلقها دا له علاقات كتير اوي ومش هيتغير وهياذيها كتير اوي
~انا شايفه ان مش دا الي باين وطالما هي مبسوطه ملناش فيه وعن اذنكم

 

وقامت بسمه وهي مدايقة منهم ومن منعهم ليها حتي انها تروح مع تغريد ومش عارفه هي عملت كدا ليه وليه سمعت كلامهم خرجت بسمه عشان تتمشي وتشم هوا وهي بتفتكر كل حاجه تغريد عملتها عشانها وابتدت تعيط
°اي يعسل هو في حد بالجمال دا يجدعان

 

~امشي ياض انت من هنا بدل ما هخليك ما تعرف يمينك من شمالك
°والله الواحد مش عارف يفرق بينهم من ساعه ما شاف عيونك دي
ولسه بيقرب منها لقي الي بيضربه

 

‹ما تلم نفسك ياض انت هو اي شغل استهبال
°وانت مالك انت سبها وخد عرقها
مسكه فارس وفضل يضـ،ـرب فيه اكتر

 

‹غور ياض انت واياك اشوفك ماشي هنا تاني
جري الواد بعد ما كان وشه متورم من فارس
‹انا اسف يا انسه اني ادخلت

 

~لا بالعكس متشكره ليك جدا بجد
‹العفو هو الي مش عارف الي بيعمله دا اسمه اي عن اذنك
وركب عربيته ومشي وسابها وهي روحت وفي بالها لي حد يدافع عنها كدا قدام حد وكانت فرحانه بالموضوع جدا جدا

~اوف انا حتي مسالتوش عن اسمه
}هو مين دا يا بسمه

 

~ها لا مفيش عن اذنك
ودخلت اوضتها بسرعه

 

عند فارس
‹ما ترد بقي دا انت ما صدقت هو ما،توا دول ولا اي رد بقي
مكنش فارس مركز في الطريق عل قد ما كان مركز في انه يرن على امجد لحد ما كان بيعدي بالعربيه تقاطع وعربيه تانيه خبطته ووو

 

مكنش فارس مركز في الطريق عل قد ما كان مركز في انه يرن على امجد لحد ما كان بيعدي بالعربيه تقاطع وعربيه تانيه خبطته اتلكت كل الناس حوالين العربيتين وطلعوا واخدوه عل اقرب مستشفي
عند امجد صحي بعد وقت طويل حس انو اول مره ينام كدا بص جمبه لقي تغريد الي ابتسم اول ما شافها وكان بيملس عل وشها وشعرها وباس راسها وكان

 

عايز يصحيها بس قال يسيبها براحتها ومسك الفون فضل يقلب ويشوف كذا حاجه تبع الشغل ولقي كذا مكالمه من فارس
_وقت رخامتك اصله مش هعبرك بردو

 

وحس بالملل والزهق وصحي تغريد
_تغريد انت يبت يتغريد اصحي
=عايزين ايه

 

_قومي بقينا المغرب
=بقلك اي متبقاش مشقيني بقالك اسبوع ومش بنام وامبارح مرات عمي تصحيني وتبقي عايزني اصحي دلوقتي كمان سيبني انام
بصلها بقرف

 

_بومه بومه يعني
وطلع برا الاوضه يحاول يدور عل اي حاجة يعملها ورن علي فارس عشان يضيع اي وقت في الكلام معاه على ما تغريد تتكرم عليه وتصحي

 

_ما ترد بقي جاي يتقل دلوقتي
فضل يرن لحد ما واحده ردت عليه
°الو

 

_ايوه انت مين
°حضرتك صاحب الرقم دا عمل حادثه وعندنا هنا في المستشفي
_مستشفي مستشفي اي

 

°مستشفي*****
_تمام
وقفل معاها وهو كان طلع فوق وبيلبس عشان يروح يشوف فارس ندم انو مرنش من بدري ووصل المستشفي لقي هناك ام فارس مستنيه قدام اوضه العمليات

 

_في اي يطنط حصل اي
[مش عارفه يبني مش عارفه انا كنت بتصل بيه لقتهم بيقولولي انو هنا ولسه جوا في العمليات

 

_خير متقلقيش دا هتلاقيه طالع ينط زي الشمبانزي والله خير
وسكت امجد وهو مش قادر يتخيل اي الي مككن يحصل لفارس وازاي امه هتستحمل حاجه زي دي وازاي هو هيقدر يشيل كفن لحد النقطه دي وعقله اتشل

 

حس انو هيعيط عياط هستيري مش قادر يتوقع ان ممكن صاحب عمره ينزل تحت التراب قدام عينيه الاتنين كان موبايله بيرن كتير اوي بس مركزش حتي انو يبص مين هو دلوقتي في عالم تاني مش قادر يستوعب فيه اي حاجه

 

عند تغريد
=ياربي راح فين بس خلاص هرن عل فارس
رنت عل فارس واداها ان الموبايل مغلق

 

=لا.كدا يبقي في مصيبه
فضلت ترن عل امجد تاني كتير لحد ما رد عليها
_اي مبتفهميش اني مش عايز ارد

 

=في اي يا امجد انا عملت
_عملتي ولا معملتيش اقفلي دلوقتي ومتتصليش غير لما اتصل عليكي او في حاجه مهمه سلام

 

وقفل في وشها تحت نظرات تعجبها ودموعها الي بدأت تنزل من عيونها مش فاهمه لي بيعاملها كدا هي كانت بس قلقانه انو يكون تعبان ومخبي عنها
عند هدي وحامد
(انا ما صدقت بسمه مبقتش هنا لازم نتصرف في حوار تغريد وامجد

 

)انا عندي خطه بس لازم نصبر على ما ننفذها
(اي هي الحقني بيها بسرعه

 

)انا عرفت حاجه عن امجد تنفعنا كتير اوي عرفت انو عنده كانسر ورافض العلاج يعني تخيلي ثروته ممكن تبقي معانا هي كمان لما يموت ةساعتها نخلص منها ونقول مقدرتش تستحمل غيابه وانتحرت وكل حاجه هتتنقل ليكي لانك امها في القانون والكل عارف دا
(طب حلو اوي واي المطلوب مني

 

)تقربي منها وتروحيلها وتبقي حنينه معاها عشان نعرف ناخد منها كل الي احنا عايزينه
(بس انت متاكد من حوار ان الي اسمه امجد دا عنده كانسر

 

)لو مش متاكد مكنتش هقلك ولا هرسم بس عارفه انت عشان تضمني لن عمها ميورثش فيها تجوزيها لحسم ونزور وصيه للي اسمه امجد دا بكدا ونكون كدا ضمنا ناخد كل حاجه
(صحيح هو ان بحبك من شويه يحامد

 

وفضلوا يتفقوا عل الي هتعملوا هدي
عند امجد كان مستني هو وام فارس قدام اوضه العمليات لحد ما طلع الدكتور اخيرا
_خير يدكتور طمنا

 

°في كسور كتير في الاضلاع وفي الايد والرجل الشمال وكمان حصله ارتجاج
[يالهوي يالهوي يالهوي
وابتدت تعيط وبتلطم

 

_اهدي يطنط اهدي بس هو هيبقي بخير يدكتور صح ولا ايي
°هو هيبقي بخير احنا حطناله جبس وكان في كذا جرح في جسمه خيطناه وخلال 24 ساعه هننقله اوضه عاديه بس لازم يفضل متخدر لانه مش هيستحمل

 

الالم الجسماني الي هو فيه
_تمام متشكر جدا يدكتور

°العفو دا واجبي
سابهم الدكتور ومشي وابتدي امجد يطبط عل ام فارس وهو بيحاول يهديها وبعد ما هديت
_انا هنزل اخلص الحسابات واجبلك حاجه تشربيها في اوضه محجوزه باسم فارس كدا كدا اقعدي ارتاحي فيها على ما ينقلوا فارس

 

[كتر خيرك يبني
سابها امجد ونزل واول حاجه جه في باله يعملها يرن على تغريد الي زعقلها وهي ملهاش ذنب
_سنه عشان تردي عليا يعني
=عايز ايه

 

_حقك عليا انا في المستشفي
=ايه لي في اي مالك
_انا زي الفل فارس بس ادشمل في حادثه

 

=ياربي وهو عامل اي دلوقتي
_بقلك ادشمل انت عبيطه ولا اي

 

=مترخمش يا امجد
_حاضر يعيون امجد من جوا
=طيب انت هتيجي ولا هتبات

 

_هروح امه وبعدين ارجع اخليني معاه
=ياربي دا طنط غلبانه خالص اكيد مش مستحمله كل الي بيحصل دا خليها تيجي هنا تقعد معايا
_حاضر هقلها بقلك ايه

 

=ايه
_خلاص مفيش هجبها واجيلك وارجعله سلام
وقفل بسرعه ورجع تاني عند ام فارس

 

_طنط انت مينفعش تفضلي قاعده هنا كل دا
[مش هسيبه يا امجد ريح نفسك عايز تروح انت روح لكن انا مش هسيب ابني

 

_مينفعش يطنط انت مكلتيش واكيد تعبانه بس بداري تعبك انا هوديكي عند مراتي تقعدي معاها وهفضل كعاه والله ما هسيبه لحظه واول ما يفوق هاجي اخدك بنفسي تشوفيه يلا بس عشان لو قام ولقاكي تعبانه انا الي هاخد كل الضـ،ـرب
[خلاص يبنس ماشي بس تخلي بالك منه يا امجد انا معنديش غيره دا الي طلعت بيه في دنيتي

 

_يطنط انت هتوصيني عل اخويا متقلقيش
وداها امجد عند تغريد الي اول ما شافتها حضنتها
=هيقوم والله يطنط باذن الله خير

 

[يارب يبنتي يارب
_خديها.يتغريد.طلعيها اوضتها وانا هطلع بس اخد هدوم ليا انا وفارس وامشي
=هتاخدله هدوم ازاي
_له لبس عندي كتير وكان بيبات معايا يتغريد من اسبوع يعني ف طبيعي مش لازم اسئله

 

=علفكره مش شرط تزعقلي
وخدت ام فارس وطلعوا فوق سوا وامجد نفخ وطلع اخد لبس له ولفارس ومشي
تاني يوم عند تغريد كانت نايمه وصحيت على خبط الباب
=مين

 

• انا يهانم حبيت اقول لحضرتك ان مامتك تحت
  =طب تمام قوليلها اني نازلة

 

 

قامت تغريد وهي مش فايقه بس نزلت عشان امها متتتخانقش معاها نزلت لقت هدي وبسمه وكل الي هدي عملته اول ما شافتها انها زغرطت ف جريت عليها تغريد بسىعه عشان تخليها تسكت
=بس يماما مينفعش تغرطي
(لي يبنتي دا فرحك كان اول امبارح

 

=صاحب امجد عامل حادثه ومامته فوق ومينفعش نعمل كدا
(يالهوي وفين جوزك
=مع صاحبه اكيد مش هيسيبه

 

(عموما الف مبروك يحبيبتي
~الف مبروك يتغريد معلش معرفتش اجيلك من بدري يوم الفرح انت عارفه السفر بياخد وقت

 

=لا عادي ولا يهمك يا بسمه
وحضنتها وحضنت مامتها حست بشعور من الفرحه ان مامتها بقت تعاملها كدا
(وجوزك عامل معاكي اي بيعاملك حلو يتغريد ولا وحش اوعي يكون بيعاملك وحش بسبب الي انا عملته انا الدم غلي في عروقي من كلام البواب يبنتي

 

متزعليش مني بس خوفت عليكي
=بيعاملني كويس يماما متقلقيش
فضلوا يكلموا لحد ما موبايل تغريد رن

 

=عن اذنكم هرد واجي، في اي يا امجد
_وحشتيني

 

=انت عندك انفصام فهمني بس
_لا والله بس وحشتيني بجد وفارس اهو اتنقل اوضه عاديه وكمان كام ساعه ويفوق
=طب كويس هطمن طنط ونجيلكو

 

_مينفعش نجيب طنط هنا وانا اخليني معاكي لوحدي ولا اي
=ما تتلم نطمن عل صاحبك الاول
_وانت مالك ومال صاحبي يا تغريد

 

=امجد مش حمل خناق الصراحه وماما هنا هي وبسمه وغير كدا طنط ماجدة فوق ف انا مش عايزه اتخانق نهائي يعني
_انت تطولي تتخانقي معايا يلا هش هبقي اعدي اخدك انت وطنط ماجدة تشاو يعمري
=اوفف مستفز
ورجعت تاني عند مامتها وفضلت قاعده معاها وهي مبسوطه اوي اول مره تبقي قاعده معاها من غير ما تزعقلها او يحصل اي حاجه وشويه وامجد دخل وشلم

 

على الكل وقعد.جمب تغريد وحاوطها
_ازيك يطنط عامله اي
(كويسه يحبيبي كويسه الف مبروك

 

_الله يبارك فيكي يحماتي
(ما كنت ماشي حلو لي حماتي دي بتحسسني اني كبيره عجوزه
_فشر دا انتي فتاة عشرينيه يحماتي

 

وضحك وهي ضحكت معاه وشويه ولقي ماجدة نزلت لقاها لسه هتتكلم
_متقلقيش يطنط انا جاي اخدك اصلا عشان هيفوق كمان حبا
(ماجدة!!

 

[ازيك يا هدي
(الحمدلله كويسة انت عامله اي
[بخير نحمد ربنا

 

كانت بسمه وتغريد بيبصوا باستغراب على الاتنين
_هو انتوا تعرفوا بعض
[معرفة قديمه اوي يا امجد

 

شاورت على بسمه الي كانت قاعده جمب هدي
[دي بنتك
(لا تغريد تبقي بنتي يا ماجدة

 

ابتدت هدي تتوتر من نظرات ماجده الي بصتها لتغريد وتغريد مكنتش قادره تفسر سبب مظرات الحنيه الي ماجدة باصه بيها ليها
=طب انا هطلع البس عشان اجي معاكو

 

_خليكي يا تغريد ملهاش لازمه
[خليها تيجي عشان تاخد بالها مني يبني
_من عنيا يا طنط حاضر
بصت ماجدة لهدي باستهزاء وطلعت هي كمان عشان تجهز بينما هدي استاذنت هي وبسمه ومشيوا بسرعه وكانت ارتباك هدي واضح عليها بس بسمه

 

مهتمتش
وعند فارس في المستشفي كان وصل امجد وتغريد وماجدة كان لسه مفاقش بردو فضلوا جمبه التلاته لحد ما اخيرا فاق وراح امجد ينده الدكتور عشان يشوفه

 

 

°لا كدا كويس جدا هو بس الكسور تتعافي وهو هيبقي بخير عن اذنكم
‹امجد
_ايه يا صاحبي
‹عايزك لوحدك

 

_معلش يجماعه بس شكلها كلمه سر بقي الواحد مش عارف يعمل اي من حب الناس دا كله
=اتنيل يا امجد هو حد بيحبك غيرنا يلا يا طنط نسبهم يكلموا في اسرار الدوله بتاعتهم
لاحظت تغريد نظرات فارس الحزينه اتجاها وهي مش فاهمه وبتحاول تكدب نفسها

 

_ها مشيوا في اي بقي
‹امجد انا عرفت حاجه بس مش عارف هقلهالك ازاي او ممكن حد يعرفها ولا لا
‹انا لقيت ابويا واختي

 

_اي هما فين
‹ابويا مات واختي تبقي تبقي تبقي تغريد