رواية ملائكه بألف وجه ❤?كاملة ? جميع الفصول ?(من الفصل الأول إلى الأخير)

(مقدمه)
ندى: جسمي كان مرمي على الارض كأني جثه ….الدم يلي كنت حاسه بطعمته في فمي الباين انه كان مغطي كل وجهي ????
الضلام كان مستمر حتى بعد مافتحت عيوني !
خديت دقايق باش استوعبت ان انا وعيت حركت يديا وتحرك معاهم سرب من السلاسل الحديديه قمت يدي المكبله وحطيتها على وجهي لمست كيس من القماش يلي كان مغطي راسي
حركت رجليا ببطئ وللاسف كانو مربوطين بطريقه قويه في بعض عشان تصعب عليا الحركه بيهم
حاولت ناخد نفس خفيف من تحت الكيس يلي كنت مربوطه فيه
وحاولت نسترجع الاحداث وندكر …… شن الشي يلي صار ووصلني لي هادي الحاله؟
انا وين؟

 

في بلاد تبعد علينا ايام وساعات الثلج كان مغطيها اللون الابيض في كل مكان عاطيها منضر كأنها جنه????
من بين كل اللبيوت والاكواخ فيه روشن صغيرون ❤️

 

واقفه وراه بنت عمرها مفاتش 17 السنه لابسه ماليه صوف كبيره مغطيه كل جسمها
مش طالع منها غير يديها الصغيرونات وكان لونهم احمر من الصقع
فتحت الروشن وسكرت عيونها وهيا تاخد في نفس ومبتسه

 

قاطعها صوت عياط
زينب:وهيا تسكر في الروشن بقوه وعلامات الغضب على وجها ……الف مره نقووولك الصقع مش باهي ليك خصوصا في شهور حملك الاخيره مش وقت مرض وبرده ابدااااا

 

ريحانه:يديها شابكتهم في بعض وتحكي بتوتر …….تعبتتت انا 8شهور مطلعتش برا الشقه ومكلمتش حد ع الاقل نتنفس من الروشن شويه مش جريمه
زينب:خدت نفس بملل ……. اسمعيني كويس ومعش بنعاوده الكلام هادا كل شويه

 

انا وضيفتي هنايا ندير بالي عليك لين تجيبي الزفت يلي في بطنك مش نخليك على حل شعرك
عندك الحق لو صار شي لقدر الله انا يلي بنتعاقب من اهلك مش انتي

 

ريحانه:استبدلت ملامح الغضب يلي في وجها بي توسل وقالت بصوت هادي ومسالم …. به يا زينب
اوكي تمام والله برا غرفتي مش رح نطلع والروشن مش قارباته لو تبي

 

زينب:قامت حاجبها وتراجي فيها تكمل كلامها ……اي؟
ريحانه :عطيني تالفونك نستخدم النت 5دقايق منطولش والله نوعدك منديرش ولا شي غبي

 

زينب:والله مافي غبي غيرك بجديات …..خليك هاديه احسن ما نكلم بوك شخصيا يتصرف معاك وقتها تعرفي كويس شن رح يصير …..وطلعت وسكرت وراها الباب
ريحانه:انهاااااارت وكسرت كل العطور والزيوت والتحف يلي كانت فوق الزيانه وهيا تعيط…..قرررررررفت ياربي من ها العيشه تعبتتتت تعببببت

 

وكملت انهيار على الارض وهيا تبكي ودموعها زي المطر
حطت يدها على بطنها وكلامها يطلع من بين شهقات البكي ……مفيش ام في الدنيا هادي تكره ولدها زي ما رح نكرهك انت
ضربت بطنها بيدها وهيا تبكي…..الله ياخدك الله ياخدك من قبل حتى ما تجي دمرتلي حياتي

 

زينب:كانت واقفه تتفرج عليها من طرف الباب يلي مسكراتاش كويس …….قعدت واقفه تراقب فيها لين كملت ريحانه نوبة الانهيار يلي جتها
سكرت الباب بي احكام وقالت بصوت خفيف………ربي يخلصني منك انتي وعيلتك يلي خدمت عندهم سنين في اقرب وقت ……….

ـــــــــــــــــــــــــــــــــــــــــــــــــــ
نجمه:ضايعه بين الشوارع داكرتي مفيهاش ولا اي شخص ممكن انه يساعدني بعد ما الكل تخلى عليا !
وجهي اصفر شاحب كأني ميته شفايفي كانت زرقاء من الصقع بسببب النعمه يلي مذقتهاش ليا 3 ايام

 

واقفه وحيده وسط الشارع مفيش حد غير انا وشوية حبات مطر كأنها مواساة من ربي ليا
لانه الوحيد يلي يعرف اني منستاهلش يلي قاعد يصير فيا !

 

فتحت يدها طلعت مفتاح قديم مصدي ……..رفعت عيونها وشافت للعماره الطوووويله يلي كانت قدامها
مسكت شنطت الضهر يلي كانت ماسكتها وركبت للعماره
.

وقفت قدام الشقه رقم 1 في الدور الثالث
فتحت الباب وحيها كان مهدود من التعب ????

 

خشت ولعت الضي وسكرت الباب …..تفحصت الشقه بعيونها بي استغراب والواضح ان اول مره تجي للمكان هادا
طاحت شنطتها من بين يديها
ورجليها معش قدرو يحملوها انهارت ع الارض وغمضت عيونها وهيا تدكر :-

 

خليل:- وجها احمممممر وعروق وجها باينات من الغضب مسك تالفونه …..مش رح نوسخ يديا بيك خلللليك
خليك في مكانك نعرف من نشكي فيك خلي الناس تعرف حقارتك

 

هيام: الصدمه باينه على وجها من قوتها مش قادره حتى ادافع على روحها !
نجمه:خشت عليهم الدار مستغربه ومش فاهمه شن قاعد يصير ! بصوت استغراب نادت..بابا!

 

هيام:ضحكت بصدمه…. هه شن قاعد تدوي انت شن المهزله هادي مستحيل تكون متهمني بي شي زي هادا !
خليل:بعنف…..علاش!!!!!!!!!!!

 

تبيني نكدب عيوني يا ست هانم !
والله ما رح نرحمك

 

هيام:طاحت عينها على نجمه توترت وزاد خوفها ……..بنتي مفيش شي
سوء فهم وبوك جن زي العاده بري غرفتك تو نجيك

 

خليل:خليهاااا خليهاااا تشوف امها
هيام:فقدت اعصابها بنتك هادي يلي معندكش ذمه ولا ضمير كيف ترضى تخليها تشوف امها بي المنضر هادا كيف !

 

خليل:انتي يلي رضيتيه لي نفسك ورضيتي العار ليها طول عمرها
هيام:مصدومه …..شش ش شن قصدك ؟!
نجمه:فتحت عيونها من دكرياتها السيئه ومسحت دموعها بطرف يدها

 

رجعت سكرت عيونها بتعب
ورجعت الذكريات في مكان تاني ✨
هيام:وجها متورم بسبب كم ضربه وعيونها تاعبات من البكي لابسه ثياب الحبس……اسمعيني كويس نجمه

 

انتي مشاء الله عمرك 20 سنه ومعش صغيره
لازم تعرفي ان مستحيل حد يستقبلك من عمامك حبيبتي

 

نجمه:علاشّ!
ماما علاش انتي هنايا شن يلي قاعد يصير!

 

هيام:القضيه يلي فيها انا يابنتي قضيه شرف والاهون عليا نموت ولا نطلع بعد الفضيحه هادي قدام قبيلتي كلها حتى انتي حتى انتي مستحيل نخليك لان رح يقتلوك بي العرق

 

نجمه:توسعت عيونها بصدمه ……..شني!
الشرطيه:هيا يا ابله خلاص تم وقتك
هيام:ترجف والتوتر ماليها مسحت دموعها ونضرات الجديه على وجها …….خودي هادا وخليه معاك وردي باااااالك تعطيه لي حد ولا تجيبي سيره عليه

 

نجمه :مدت يدها خدت مفتاح وورقه صغيره فيها عنواون
الشرطيه:اكتر من هكي معش نقدر نساعدك هيا نوضي

 

هيام:طلعت من جيها فلوس وعطتها لي الشرطيه بي الخفاء دقيقه بس!
الشرطيه: وخرت وعلى وجها علامات الانزعاج
نجمه:تشوف للمفتاح والورقه ……….شن هادا!

 

هيام:تحكي بجديه ومش مخليه لي العواطف مكان …..هادي شقه كاتبهولي جدك الله يرحمه لان بنته الوحيده واول ما خديتها كتبتها بي اسمك
تطلعي من هنايا على الشقه طول ردي بالك تمشي لي عمامك ومهما صار متخليهمش يقابلوك حتى بوك متجيبيلاش سيرة الشقه ابدا ومتخليشي يعرف

 

اخبارك خليك مختفيا عليهم كلهممم
بري لي الشقه ورح تلقي كل شي مرتب غادي

 

نجمه :مكانتش مستوعبه ولا كلمه تجاهلت كل الكلام يلي حكاته امها وسألتها بخوف ………امتى بتطلعي؟!
لمعت عيون هيام وناضت تحضن في بنتها كأن اخر مره بتشوفها ………واخر كلمتين قالتهولها

 

هيام:ديري بالك ع نفسك وخليك قويه ومتوثقيش في حد حتى بوك
نجمه:وقفت وهيا شايفه امها تتباعد شوي شوي من عليها ????

 

خدتها الدكريات لي مكان تاني وذكرى اسوء من كل الدكريات يلي مرت عليها
لما عرفت ان امها انتحرت في الحبس قبل حتى ما يقدموها للمحكمه …

 

يا ما في قصص بين ها البنات رح نعرفوها وقصص ميعرفهاش الا ربي
عائلات رح تنفضح قصصهم قدامنا وقصص رح تقعد ساترها ربي ❤️
لكل قصه اسبابها وضروفها وحكمتها نستفيدو فيها الحاجات يلي بتنفعنا بعيده علي الخيال يلي بيضرنا

 

باب حديدي كبير الصدى يلي مغطيه وصوته قوي لما انفتح يأكد قداش هوا قديم بخطوات ضخمه خش من الباب شخص لبسه وريحته وحتى هيئته مش مناسبه ابدا المكان يلي هوا واقف فيه!

 

يلي زي اناقته وهيبته مفروض مكانه في مكتب فخم او في منصب عالي!
ووقف وهوا يشوف لي ندى يلي كانت مربطه من كل مكان وطايحه ع الارض
غبرة الارض كانت مغطيه وجها ويديها وشوية جروح وكدمات على طرف عينها وفمها واضح انها من اثر المقاومه …….

 

قعد واقف في مكانه فتره مايقارب ال5دقايق …….وبعدين خدي بعضه وطلع
ندى:رجعت فتحت عيونها من جديد بس المره هادي عرفت ان في حد نحا كيسة القماش يلي كانت على راسها واستبدلها بي طرف اسود يغطي عيونها بس

 

حافضت على هدوئها وهيا تسمع في صوت رجلين يقربو بي اتجاها …
وصوت باب ضخم تسكر وريحة شاهي قويه كأنه في سخان شاهي يغلي على النار
كانت بتتكلم وبتسأل هيا وين وعند منو وكيف وصلت هنايا لكن سبقها صوت زوز شباب يهدرزو

 

ياسين:قعمز على جذع الشجره طلع يديه من الجاكيت ومدهم على النار يدفي فيهم….تعرف الحاج واخد بدله رسميه فضيييعه
طارق:يولع في دخانه….علاش شنو المناسبه ؟

 

ياسين:والله علمي علمك مش عارف …….لكن تعرف لونها ازرق كحلي وفيها بطم دهبيات اطلع طووول
طارق:ضحك……تسلفها منه ????

 

ياسين :هادا مناقص نطلع فيها زي الفلوس مش شايفه انت طول وعرض
طارق:هههههههههه
ندى:بكلمات متقطعه وتكلمت وهيا تتألم …….ااااه وو وين انا منو انتم ؟

 

ياسين:شاف لي طارق بي اهتمام اهو ناضت شنو توا ؟
طارق:قال مديرو شي لين يجي غضوا خليها تعبر على شعورها
ندى:سمعت كلامهم وقلبها بيطلع من الخوف بطريقه هستيريه تبكي وتتكلم….اطلقووووني حد يفكني خلوني نطلع من هنايا انا وييين

 

تحاول تفك نفسها بس كل ما تتحرك في الارض كانت الغبره تتحرك معاها وتغطي ملابسها ووجها ويديها
ياسين :ملامح التوتر بدت تبان على وجها ……هادي شن نديرلها تعيط بتفضحنا

 

طارق:بنبرة استهزاء….تي من بيسمعها تبي ساعه ونص في الطريق باش تلاقي كائن حي
ولا ناسي روحك وين !
ندى:سمعت ها الكلمتين وجن جنونها اكتر ……بدت تعيط بصوت عالي

 

طارق:ناض قرب منها ومسكها من يديها المكبلات بي الحديد …..قامها من ع الارض وعدلها خلاها تقعمز وهيا مستنده ع الحيط
ندى:وسط البكي …..بعد من عليا ياحيوان بعدددد

 

طارق رجع خطوتين للخلف……مفيش فايده من الجو يلي اديري فيه وسكريلي فمك بدون وجع راس باش لا انتي تتعبي ولا اتعبيني معاك
ندى:كتمت اصوات العياط وبدت تبكي بهدوء
طارق :يتمتم بصوت هادي ……..ادعي ربي ميقتلكش الباقي ساهل

 

ندى:سمعت سيرة الموت …..وبدت الدكريات تتسلل لي داكرتها رغم الخوف من الموقف يلي هيا فيه !
لكن حرفيا ادكرت كل شي بتفاصيله ……بدت تعيط وتطلب في المساعده من اي حد قريب

 

لكن صوتها كان قوي هلبا ومزعج
طارق:سكري فمممممك

 

ندى:نوبة الهلع يلي صابتها مخلتهاش تسمع ولا اي كلمه واستمرت في البكي والعياط
طارق:فقد اعصابه من صوت عياطها العالي والمستفز ومسك قطعة الخشب يلي كانت جنبه وضربها ع راسها

 

ياسين:بخوف………تي لاااااا شن درت انت
يقرب بسرعه على ندى يلي طاحت فاقده الوعي …….نوووضي انتي نكلم فيك نوضي يا بنت

 

شاف لي طارق بغضب……خيرك انت تبي تودرنا ولا شنو يا غبي
طارق:طاحت من يده قطعة الخشب وهوا مش عارف يلي داره شنو !وهل ماتت البنت ياترى ؟
ياسين:وجها احمممممر وهوا يشوف لي الدم يلي نزل من راسها ودار سرب

____________________________
فندق كبير الفخامه تلقاها موجوده في كل زاويه فيه داخله حديقه واسعه فيها مجموعه من الورود النادره❤️
الارضيه الرخاميه والصالونات الراقيه والموضفين يلي كان لبس خدمتهم مرتب وجميل
وسط الفندق هادا كان في جناح ملكي خاص بي العرايس واعياد الميلاد وغيره من المناسبات

 

داخل هادا الجناح كان في عيون معبيه خوف حاولت تسيطر على نفسها لكن بعض الناس متقدرش تخبي خوفها????
كفاح:قربت بي خوف وارتباك وهيا شابكه يديها في بعض ومش قادره توقف ع حيلها ……شيخه

 

شيخه:مسلمه وجها لي الكوافيرا ومفيش شي هامها غير ان يطلع مكياجها حلو ……نعم شنو
كفاح:ترددت كم مره قبل ما تحكي …….لو سمحتي اختي شويه بعد ادنك
الكوافيره:حاضر حبيبتي ……وبعدت بهدوء

 

شيخه:كفاح خيرك راهو العرس مزال عليه ساعتين بس خليها تكملي ولا انتي هنيتي ع روحك وبس
كفاح:بلعت ريقها بخوف ….ندى????

 

شيخه:افففففف ندى قلها تراجي دورها نساوين خوتها اهم اهو انتي تميتي ومزال انا شويه
شافت لي روحها في المرايا ………قلها توتي روحها لي مرت خوها الجديده اشبح كيف تطلع تو مش مستريحتلها السلفه هادي ان شاء الله تطلع زيني انا وياك

 

كفاح: قاطعت كلامها …..ندى طلعت من الضهر ولعند توا مروحتش وتالفونها مسكر
شيخه:بعدم مبالاة ……..كيف يعني ؟وين مشت هيا بضبط !

 

كفاح:وصوتها يرجف ……انا بعتتها قتلها تجيب الشي يلي اتفقنا عليه امس ليا وليك
شيخه :تبدلت ملامح وجها من وحده مش مهتمه بي اي شي غير مكياجها وتجهيزها لي نفسها
لي ملاح خوف ورعب

 

خبطت يديها الاثنين على وجها …….نهااااااري الاحرف انتي غبيه خلاص ملقيتيش من تبعتي الا ندى!
انتي عارفه خوتها لو مروحتش شنو ممكن يديرو فينا! رح نرجع انا وياك مطلقين بي صغارنا

 

وقفت وقعدت ماشيه جايه في نفس المكان بتوتر ورعب …..مزال ساعتين على عرس خوها
مروحتش شي طبيعي تكون هربت اكيد ردة فعلها بعد مارفض بوها يعطيها لي حبيب القلب
لالالا انا مدخليش معنديش استعداد ينجاب اسمي حتى 1%لا كفااااااح مستحيل بتخربيلي بيتي انتي ناسيه خوتها كيف؟تي كييييف كيف تنسي وانتي متزوجه

 

واحد منهم
كفاح :تبكي وكل المكياج خرب وشيخه تشوفلها وسااااارحه بخوف
وفجآه بعد لحضات الصمت هادي والهدوء يدق الباب ……طق طق طق

 

شيخه :فزت من مكانها بخوف ….
كفاح:خبطت يديها على وجها ………حي عليااااا حي

 

شيخه:بلعت ريقها بتوتر …….اهدي بالك هيا روحت
كفاح: خدت نفس وملامح الامل انها ممكن ندى انت ع وجها

 

شيخه :بصوت يرجف ….منو؟
مفيش رد
شيخه:ندى؟
مفيش رد

 

شيخه فتحت الباب وتجمدت في مكانها لما شافت راجلها واقف قدامها
كانت لابس ومتأنق
نجم الدين:قام حاجبه بي استغراب …..من بيكون يعني جايكم

 

شيخه :اءء اءءء انا انا شي سألت بس لان لان انا كنت يعني حني نقصد نبدلو وهكي
نجم الدين:يشوفلها بي استغراب …..

 

شيخه:ضحكت باش تخفف توترها يلي كان واااضح …..خيرك تبي شي !
نجم الدين:وين ندى !

 

شيخه:زاد خوفها اكتر ……نننن نن ندى داخل تلبس في الحمام
نجم الدين:علاش لما نطق قلتي ندى؟
هيا طلعت ولا شنو

 

شيخه:بضحكه …… هه تي لا مش عليك كنت نكلم في الارتست سألتني ع اسمها قتلها ندى
نجم الدين :بنضرات فيها الشك………خشي جيبيلي منها مفتاح الخزنه بوي خلاه في شنطتها

 

شيخه:هربت عليها الخريطه وقلبها طاح من مكانه …..تتت ت ت تممم تمام دقيقه
وسكرت الباب في وجها
كفاح:يديها يرجفو بخوف …..خيره شن قال

 

شيخه :حاطه يدها عاى راسها …….يبي مفتاح الخزنه من اخته
انا كيف بنتصرف بعد ما كدبت وقتله داخل ؟

 

كفاح :اهوااااا……طلعت المفتاح من جزدان صغير كان موجود على السرير …..عطتهولي قبل ما تطلع قالت بالك يحتاجوه
شيخه:قربت على الباب فتحاته ……..تفضل ❤️

 

غير مم م متقدرش تطلع توا
نجم الدين:قعد يشوف للمفتاح كأنه حاس بي شي
شيخه:تبي حاجه تانيه حبيبي؟

 

نجم الدين:حط المفتاح في جيبه …….الف مره نقولك الكلمه هادي معش تعاوديها
وعطاها بي الضهر ومشي
شيخه:بانت على وجها علامات خيبة الامل ????

 

سكرت الباب واول ما ادكرت المصيبه يلي هما فيها رجعت ملامح الخوف من جديد
ندى هيا البنت الموجوده في هلبا عائلات ❤️
رغم انها كانت بنت وحده بين 3 شباب ومن عائله خيرهم يعيش بلد

 

لكن للاسف الدلع ميعرفلهاش طريق !
طول عمرها عايشه بقوانين صارمه متقدرش تتخطاهم طلوعها وخشوشها ومشيها وجيها كل شي يحتاج موافقه واذن

 

خوف خوتها الشباب وبوها عليها كان مبالغ فيه
وديمه حاسين ان كل الناس طمعانين في اختهم من رزقهم وخيرهم وزينها يلي كان الكل يشهد بيه

 

مفيش صاحبات غير نساوين خوتها كفاح وشيخه يلي كل وحده عندها قصه اقوى من الثانيه
يعتبرو نساوين خوتها مقربين منها اكتر حتى من امها
لان شخصيه امها بي اختصار كانت جدا واعره
____________________________

زينب:كانت في قمة الاسترخاء فارده جسمها ع الكنبه ومشغله مسلسلها …..فزت من مكانها بعد ماشرين التالفون
قامت كلللل الماكلة يلي كانت على الطاوله ولبست اليونيفورم (الزي المخصص لي عاملات النضافه)وقامت شعرها بطرقه مرتبه وبسيطه

 

قعمزت بتوتر حطت التالفون قدامها وردت على مكالمة الفيديو
جميله:بنبرة غضب………وييين انتي ؟علاش التأخير في الرد هادا
زينب:اسفه مدام كنت في المطبخ نحضر في وجبة ريحانه

 

جميله:خدت نفس وهيا تحاول تهدا ……وين هيا ؟
زينب:طلبت مني نعطيها تالون وانترنت ولما رفضت انهارت بكي وخليتها في الغرفه

 

جميله:بانت على وجها ملامح الضيق ….ردي بالك كويس منها خصوصا الايام هادي
ولادتها مزال عليها اسبوع بس منبيش يصيرلها مضاعفات

 

زينب:بي ابتسامه مزيفه……حاضر مدام ولا يهمك مراقبتها 24 ساعه ودايره بالي كويس على اكلها ونضافة ملابسها وتعقيم غرفتها
جميله:بأسلوب متكبر……امممم به كويس نوضي عيطيني نكلمها شوي

 

زينب:حاضر ……دقيقه
ريحانه:راقده على جنبها اليمين ويدها على بطنها …..عيونها كانت وارمة من البكي ومنفوخه

 

سارحه ونفس الذكريات على بالها تذكر في كل شي في كل كلمه وكل تصرف غبي دراته
اذكرت الغرور والتكبر يلي كان جزء من شخصيتها لسانها السليط مع اي حد مش عاجبها

 

اسلوبها الوقح يلي كان نتيجه لي تربايتها في حياة الرفاهيه يلي كانت عايشتها
ومن صغرها مع خوها كانت ريحانه عندامها وبوها هيا الصح مهما دارت من غلط
والشي هاداخلاها اسوء بنت ممكن تقابلها في حياتك

 

لكن لكل ضالم نهايه ولازم وللاسف كانت نهاية ريحانه قاسيه شوي عليها
نتيجه لي تصرفاتها المنحله وعدم مراقبة اهلها ليها ……حملت بي الحرام للاسف
تفاصيل حملها كيف ومن منو وشن بيصير كلها رح نكتشفوها شوي شوي

 

طق الباب بي ادب على غير العاده
وريحانه مهتمتش زي العاده

 

زينب: ريحانه امك على الخط فيديو …….ووجهتلها التالفون
ريحانه:ناضت قعمزت وتشوف لي امها

 

جميله:حاولت بقد ما تقدر تخلي ملامحها جامده ومتلينيش لي بنتها ……كيف الوضع عندك
ريحانه:سبقوها دموعها بي الكلام ………ماما نبي نروح ????

 

خلاص قرفت 9 شهور على ها الحال ماما بتركبني حاله نفسيه تعبت بالله عليك خلي بابا يحجزلي طياره في اسرع وقت معش قادره نتحمل
جميله:تمالكت نفسها وشافت لي بنتها بدون رد

 

ريحانه:ماما ردي نبي نرجع لي حياتي منبيشي يلي في بطني فهميني شن مخططين اديرو
جميله:مهتمتش لي بنتها وكلامها قامت عيانها لي للعامله وقالت بهدوء

 

جميله:متنسيش تعطيها فيتاميناتها في الوقت المحدد وكل شوي ديري عليها طله في غرفتها ……وسكرت الخط بدون اي كلمه زياده
ريحانه:كانت مصدومه من تصرف امها يلي كانت تلقى في حل لكل شي وديمه واقفه على بنتها في الخير كانت ام الشر !????
رجعت تمددت ريحانه على السرير بدون اي كلمه

 

سمير:قلب الصفحه وبدون ما يحرك عيونه من الجريده ……الافضل انك معش تتواصلي معاها لو كل ما بيتسكر الخط بديري عزاء هنايا
جميله:وهيا تمسح في دموعها …….بنتي راهو مهما كان ومهما دارت تقعد بنتي
سمير:غريب

 

جميله:تجاهلت الكلمه يلي قالها راجلها وسكتت
سمير :حط الجريده على الطاوله يلي كانت يمينه…….شن قررتي اديري في الطفل يلي جايك في الطريق؟

 

جميله:اضايقت بشكل كبير وبصعوبه قالت …..منعرفش مفكرتش يستر الله
سمير:شافلها بشك وبنبرة سخريه تكلم…….ليك فوق من ال5 شهور وانتي تفكري ولعند توا معرفتيش شنو اديري!؟

 

جميله:ام الولد تبي حفيدها بي اي طريقه وعرضت عليا تاخده تربيه في احسن الضروف
سمير :بدون اهتمام ……يكون احسن يطلع الطفل هادا من حياتنا …..وبنسبه لي بنتك خليها تولد بس

 

واول ما تروح رح نربيها من اول وجديد
جميله:سكتت وداخلها اكتر شعور شعور فرح وخوف وحزن وتوتر
وكل شعور ليه سبب!????
____________________________

نجمه:فتحت عيونها وناضت من على الارض بتعب
ناضت من نومه عمييييقه على الارض نتيجه لي بكاء انهك قلبها وعقلها ????

 

نحت جاكيتها ودارت دوره في الشقه يلي معمرهاش خشتها ولا تعلم ان الشقه البسيطه الحلوه هادي من نصيب امها
كانت الشقه جميله جدا صغيره مكونه من غرفتين وحمام ومطبخ بار يفتح على صاله صغيرونه ❤️
الارضيه من الخشب بلون جميل والديكور والفرش بين اللون الابيض والرمادي والاصفر الهادي

 

قعمزت دقايق تحاول تستوعب كيف رح تعيش بروحها ؟تستوعب انتحار امها وليش تبيها تبعد تماما على بوها واعمامها رغم انها مدارت ولا شي غلط
من وين بتصرف على نفسها ومنو بيحميها من الزمان والناس يلي مترحمش؟

بين كل هادي التساؤلات طاحت عينها على مصحف صغير في التركينه ……ادكرت الشي يلي كانت ادير فيه كل ما تحتار في شي او تكون مكسوره وناضت بسرعه من مكانها..
????روايات أروى الطــــاهـــــــر????

 

الساعه1ونص في الليل:-
تسكرت قاعة المناسبات يلي في الفندق بعد ما ودعو كل الضيف وانتهت المناسبه علي خير

 

لكن في غرفه موجوده في الطابق الخامس كان الصمت قاتل والكل كان متوتر ومفيش حد قادر يحكي ويتكلم
النضرات يتبادلو فيها وهما يتسائلو بخوف شنو بيصير؟

 

 

الكل قاعد بي لبس العرس…
كسر الصمت هادا صوت واضح انه كاتم غضبه وماسك نفسه بسيف:-
فتحي:واقف على الروشن وعاطي الكل بي الضهر …….ردت؟

 

نجم الدين:سكر تالفونه وحطه في جيبه …لا يابوي من بكري نتصل ينادي ميردش حد وتوا سكرت تالفونها …
فتحي:تلفت وهوا يشوف لي كناينه …..امتى اخر مره شفتوها؟

 

كفاح:انا ياعمييي انا شفتها في ال اء ء اا اننن
شيخه:قاطعتها …..اخر مره طلعت قالت تبي حد من ادارة الخدم يكويلها قفطانها ومنها معش رجعت …

 

فتحي:شاف لي نجم الدين …..خوك عطل
نجم الدين :الفندق بعيد شوي ع حوش الولد …طبيعي يعطل
قاطعه طقتين على الباب وانفتح❤️

 

انور:السلام عليكم
فتحي :عيونه كانت تسأل قبل فمه …..شن صار ؟
انور شاف لي خوه وهوا ساكت

 

نجم الدين :هربت معاه؟مشت معاه ولا شني؟
انور:خدي نفس …..الباين لا لان الولد في الحوش من الصبح مطلعش و……
فتحى:و شنو!؟

 

انور:مريض هلبا ضارباته برده قويه مش قادر يقيم راسه من المخده معتقدش تكون هاربه معاه
فتحى:قعمز علي الكنبه يلي كانت وراه بي انهيار وعيونه في الارض ميبيش ولاده يشوفو الكسره يلي في عيونه !

 

انور:شاف لي خوه….توا شنو به؟ كيف نتصرفو
فتحي: بصوت عااااالي وصريخ …..انا يلي بنسألكم مش انتم بنتي ووووووين
معقوله عرس خوها يبدا ويكمل ولعند توا مش باينلها اثر؟؟؟

 

نساوينكم يلي كل وحده اغبى من الثانيه كيف تطلع اختكم من الفندق ومفيش حد منكم عنده علمممم
الكل كان موطي راسه في الارض????

 

سواء كان ولاده ولا نساوينهم
فتحي:خدي نفس بعد ما فرغ طاقة الغضب يلي داخل
وقال بصوت هادي ….كل واحد ياخد مرته ويروح الحوش

 

انور:كيف يا بوي وندى بن……..
فتحي:قاطع كلامه……كلمتي تنسممممع

 

كل واحد يروح بي مرته وخوك العريس منبيشي يعرف ولا حاجه من يلي صار اليوم
نجم الدين :حاضر …..واشر لي شيخه بي عيونه بمعنى اطلعي

انور:هيا كفاح
كفاح:نزلت خمارها وقبل ما تطلع قربت منها شيخه وهيا تقول
شيخه:لو يقتلوووووك كلمه منك متطلعش

 

ردي بالك تودينا في داهيه وربي ما رح يسامحونا
نجم الدين ؛شيخخخخه
شيخه:نزلت خمارها ونضراتها لي كفاح كلها تحذير ⚠️…
—————————————————————————

نجمه:طلقت السلام من ركعتين الاستخاره يلي طلبت ربي فيهم يوريلها طريقها ويصبرها على كل ها المصايب يلي مليهاش دنب فيها ……
واول ما قامت سجادة الصلاة سمعت الباب يطق ……قلبها طاح وبدت ترجف من الخوف

 

واقفه مش فاهمه منو يلي ممكن يجيها لي الشقه ؟
الشقه يلي مفيش حد يعرفها على حسب كلام امها قبل ما تموت !

 

قربت خطوات بي اتجاه الباب ونبضات قلبها مسموعه من الخوف ????
خدت نفس وسمت بي اسم الله وفتحت الباب ……

 

قابلها صوت حنون من وجه ملائكي….اهلين يابنتي ❤️
نجمة:ردت بصوت مبحوح من البكي والتعب ………تفضلي !

 

كريمه:زادت ابتسامتها …..انتي بنت هيام صح ؟
نجمه:كأن حد صب عليها اميه سخونه والخوف دخل قلبها …..اءء لالا انا مش …

 

كريمه:خشت وسكرت الباب بسرعه ونجمه تشوفلها ومش فاهمه يلي صاير
قاطع استغرابها كريمه وهيا تقول ….. بنتي انا وصتني امك غليك قبل ما يبلغ فيها بوك الله يسامحه

 

انا اسمي كريمه جارتكم ونسكن فوق الشقه متعك بزبط عندي 3 وليدات شباب وربي مرزقنيش بي بنيه وانا بنعتبرك بنتي
بندير بالي عليك وامك خلتلي مبلغ كل شهر نعطيك منه تصرفي بيه على روحك لين امك تروحلك بخير وسلامه

 

نجمه:سرحت شوي وهيا تقول في خاطرها …….الباين متعرفش ان امي توفت في السجن !
كريمه :يا بنتي معاي ؟….تسمعي فيا!؟

 

نجمه:بي ابتسامه طلعت بسيف وعيون منهكه جاوبتها ……اءء اي اي
بارك الله فيك بس انا كويسه ومش محتاجه حد صحيتي
كريمه :ابتسمت ……متقوليش هكي حبيبتي البلاد هادي صعب تعيش فيها بنيه بروحه صغيرونه زيك لا ام لا اب ولا شخص يحميها !

 

نجمه:شكرا لكن بجديات مش مستحقه حد صحيتي
كريمه:تنهدت ……….الباين انك تعبانه قاعده الله يلوم يلي يلومك بعد يلي صار

 

لا خوال ولا اب والعمام قتالين قتله ولو يحصلوك بتكوني اولهم
نجمه:على وجها علامات الدهشه…….كيف؟!!
شن تقصدي مفهمتش !

 

كريمه:ارتبكت وحست انها قالت شي غلط….بنيتي ارتاحي وانا فوق لو احتجتي شي تفضلي مرحبتين بيك
وطلعت بسرعه قبل ما تحصل في اي سؤال من اسئلة نجمه ????
تسكر الباب

 

ونجمه واقفه مصدومه بي بدلة الصلاة ……كلام كريمه على عمامها وبوها
وكلام امها وتحديرها من بوها وعمامها علاش!

 

خصوصا ان عاشت طول عمرها بينهم ومفيش اي مشاكل معاهم كيف كل شي ينقلب بين يوم وليله
تصبح امها توفيه في الحبس وهيا هاربه من بوها واعمامها شنو يلي قاعد يصير!؟
_______________________________

 

أحيانا تتغير قصص الناس من حياة هاديه لي حياة حتى في الافلام متصيرش
تتغير حياة الشخص بين يوم وليلة بسبب الاهل ومشاكلهم الغامضه زي ما صار لي نجمه

 

وتتغير بسبب مشكله كبيره تنهي حياتها حتى لو هيا مكانتش السبب فيها????
بس احيانا تتغير بسبب بيبي !!!!!!

 

بيبي يجي على الدنيا ومصيره مش معروف
يتعب كل الناس معاه ويخرب بيوت وحياة ناس لمجرد انه جي لي الدنيا????
__________________________

بعد 4ايام:_
حوش كبيير وجناناته واسعات والباين ان في شخص في العيله يحب الجنان هلبا ومهتم بي شكله اكتر من اي شي تاني في الحوش ❤️❤️

 

رغم عدد الخدم المسؤلين على الجنان والسيارات الفخمه يلي مدرسه قدام الحوش
بس كان تصميم الحوش جدااا بسيييط

 

زي اي حوش تصادفه في اي شارع يشرح الصدر والنبتات يلي فيه عاطيين منضر خيالي ❤️
الشكل اللطيف يلي وصفناه خارج الحوش عكس داخله

 

لانه داخله كان بركان
بركان وميقدر حد يطفيه
داخل المطبخ:-

 

كفاح:اقسم بالله خلاص تعرفي رجليا مش حامليني 4 ايا وانور ياحليلي يصبر فيا تعرفي ومداير باله عليا تقول الهاربه اختي انا مش اخته
شيخه:سرحت وادكرت ليلتها الماضيه كيف فاتت…..بدت ملامح الحزن توضح عليها بدون ما تحس

 

كفاح :انتبهت لي سلفتها ورفت ان في شي مخليها تكون تعيسه والباين الشي هادا بينها وبين راجلها
لكن شيخه في كل مره تنكر الشي هادا وترفض ان تفتح قلبها????

 

كفاح:هييي شيخه وين مشيتي خيرك؟
شيخه:وملامح الحزن عبت وجها …..نفكر في ندى حاسه بتأنيب الضمير لو صارلها شي مش رح نسامح نفسي

 

كفاح:حتى انا اقسم بالله لالا خلاص انا شكلي بنمشي نقلهم اني السبب وكنت نبيها ت…….
شيخه:سكرتلها فمها بيدها ……..لالالالا الكلام هادا متعاوديشي حتى بينك وبين نفسك سكري السيره بي ادن الله تنحل ها القصه

 

كفاح:تنهدت بحسره وهيا نادمه….معقوله طول عمرها متطلعش من الحوش وعارفه قداش بوها وخوتها واعرين ويوم تحصل فرصه صغيره تهرب؟!
شيخه:العلم عند الله …..مرات البنت مخطوفه مش هاربه

 

كفاح:الخوف حاوطها من كل الجيهات …….مخطوفه؟!
شيخه:اففف منعرفش قلت مرات الله اعلم شنو يكون صايرلها …..

 

كفاح:ليها اربعه ايام يا شيخه وخوتها من كثر ما يدورو عليها الخبر انتشر بين الناس
شيخه:ضحكت بي هزوه تي راجلي المصون حط حتى مكافأة لي الشخص يلي يرجعها ومتبيش الناس تعرف !

 

كفاح:ياااارب يرد حماتي بخير وسلامه يارب
انور:خش عليهم للمطبخ ……كفاح حطيلي غداي
شيخه:غطت راسها …..شنو ياسلفي مفيش اخبارعلى وخيتك ؟

 

انور:قعمز على طاولة الاكل وتنهد بتعب …… مفيش للاسف تشهدرنا بين الناس وكل واحد مطلع عليها قصه
خايف على بوي يصيرله شي بس من كثر حبه ليها

 

وراجلك حالف لو طلعت هاربه يجيبها ويقتلها
كفاح :حطت الغدا على الطاوله قدام راجلها ……
شيخه:ابتسمت …..نجم الدين طيب يقول هكي من خوفه على اخته بس

 

انور :وهوا ياكل ……مفروض انتي اكتر وحده عارفه الشر يلي فيه عاد ليك 3 سنين معاه بلاش نضحكو على بعض
كفاح: بنضرات صدمه ………انوووور عيب

 

انور :لاهي في الماكله …….مقلت شي غلط علاش الكدب وديمه تحاول تغطي عليه
شيخه:بلعت ريقها وعلامات الحزن على وجها ….وطلعت بدون ما تزيد ولا كلمه
كفاح:حرام عليك احرجتها عيب عليك

 

انور :ريحيني انتي التانيه تو حتى كلامي بتعلميني كيف نتكلم !
كفاح:سكتت والزعل مبين على وجها

 

انور ابتسم …….كفووووحتي بلاش البوز يلي ضربتيه هادا تعرفيني منقدرش على زعلك
كفاح: ابتسمت..الف مره نقولك معش تناديني كفوحتي شن الاسم هادا
انور :ضحك اهم شي ابتسمتي تعالي سايريني

 

كفاح:خلي نشوف شيخه حرام زعلت
انور:يتعب قلبي مع الحنيه انا يتعببببب
طلعت كفاح وهيا تضحك على راجلها يلي مش مسيب لحضه رومنسيه حتى وهما في اسوء الضروف ❤️????
_________________________________

 

ريحانه:فتحت عيونها بتعب على صوت اجهزه وناس جنبها تحكي بي لغة مش فاهمه منها ولا اي كلمه
كانت الرؤيه عندها مضببه وشوي شوي بدت توضح واول حد شفاته كانت شغلاتها الخاصه

 

زينب:الف الحمدله على السلامه واخييييييرا
ريحانه:شن تحكي !؟

 

زينب:تحكي بي فرح جبتي ولد وامورك تمام
امك بعتتلي التداكر بكرا بيكتبولك خروج واول ما تطلعي من هنايا انا وياك على المطار طووول
ريحانه:والولد ؟
زينب:تنهد بيروح معانا امك من البدايه طالبه الولد

 

توا بعتت شخص من معار بوك يتم الاجرائات هنايا لانك تحت السن القانونيه باش ميصيرش تحقيق وشوشره زايده
ريحانه :سكتت وهيا سارحه في سقف الغرفه
خشت الممرضه وهيا حامله الطفل ومبتسمه وتحكي انه ولد قنين وصحته ممتازه بس ريحانه مكانتش ممتازه في الانجليزي ومش فاهمه ولا كلمه

 

وبدون مقدمات حطت البيبي بين يدين ريحانه وقالت كلمتين لي زينب وطلعت
زينب :قالت الممرضه هادا ولدك تبيك تشوفيه وحاولي ترضعيه هادا كان فيك حليب ولا كنهادا خليه تو نديروله شيشه

 

ريحانه :تشوف لي ولدها يلي كان يبكي
زينب:شرين تالفونها وطلعت من الغرفه تتكلم
ريحانه :تشوف لي ولدها وتبكي …..انت دمرتلي حياتي

 

كل شي انا فيه توا بسببك
البيبي كان يبكي بدون توقف
ريحانه :لفت يديها على رقبته بتخنقه والبيبي كان يزيد يبكي اكتر وهيا تخنق اكتر
————————————————————————————-

الساعه 11 في الليل:_
كانت نجمه كيف متماسكهنفسها بعد نوبة انهيار وبكي

 

خشت للمطبخ وملقتش ولا شي في الثلاجه ولا اي شي يخص التموين اصلا !
وبعد تفكير وتفكير لبست جاكيتها وركبت لي الشقه يلي فوقها
بتردد طقت الباب اكتر من مره

 

واخر شي قررت ترجع لي شقتها وان على الاغلب كانت فكره سيئه تجي هنايا
بس قبل ما تتحرك من مكانها انفتح باب الشقه

 

ويلي فتح الباب كان شاب واضح انه عمرها وسط العشرينات ❤️
اسمر وعيونه ونقشه على الاسود والباين من لبسته في السوريه البيضاء انه كيف كمل صلاته
نجمه:ارتبكت ومعرفتش شن تقول

 

تكلم الولد وسألها …..تفضلي؟
نجمه:جاوباته بصوت هاااادي ……..ءءء انا انا نجمه جارتكم في الدور يلي قبل هادا
وامك جتني الصبح

 

الشاب تغيرت ملامح وجها لي غضببببب وكره غريب
ونجمه بعد شافت التحول هادا تجمدت في مكانها ولا حتى عرفت تكمل شنو كانت تحكي

 

قاطع الموقف المتوتر هادا صوت كريمه ……
كريمه:اهلا بي نجمه اهلا اهلا نورتي هادا ولدي يزن

 

يزن:شافلها بنضرة حقد مش مفهوم سببها وخش بدون مايتكلم
كريمه:تكلمت بسرعه وهيا تحاول تبرر تصرف ولدها ……..هه سامحيني يابنتي هادا يزن بسلامته ميتأقلمش بسرعه مع الناس ديمه هكي
نجمه:ابتسمت ….ولا يهمك

 

جيتك نبي شويه مبلغ من يلي خلاته عندك ماما بنشري شوي حاجات للحوش خضراء واساسيات
كريمه :اي اي اكيد لحضه هي ….
________________________________

 

رغم ان الساعه كانت 11 لكن الشارع كان ضيه طاااافي
وفاضي مفيشي كثرت سيارات ومشي وجي وكان جو ملائم هلبا ناس من جنس الشياطين يرتكبو شي غلط بدون ماحد يحس عليهم !

 

درست سياره عاليه لونها اخضر داكن وكللل مرشها اسود من السماء
نزلو منها زوز شباب ملثمين وهما يشوفو للحوش يلي قدامهم

 

قربو للباب وحطو قدامه جثه كانت حالتها سيئه بدرجه كبيره
وركبو السياره ومشو وهما مخليين وراهم اثار العجل الضخمه …..

 

طلعت الشمس ☀️
والنهار الجديد بدي❤️

 

كل شخص بدي معاه النهار هادا بي شي على حسب ضروفه
بدي بي فرحه كبييييره لي ريحانه وهيا مقعمزه سانده نفسها على كرسي الطياره
ومش اي طياره كانت طيارة بوها الخاصه يلي باعتها مخصوص باش بنته تروح بدون ما حد يحس علي موعد وصولها

 

سارحه وتفكر بي فرح انها واخيرا بترجع لي حياتها الطبيعيه خلاص بعد 9 شهور من الحبس في بلاد الغرفه واخفاء حملها على كل العائله وصاحبها واقاربها
محدش كان يعرف بي قصة حملها الا 3 اشخاص بس

 

امها وبوها والشغاله يلي ملازمتها زي ضلها
فكرت في مدرستها الفخمه الخاصه يلي كانت تقرا فيها ❤️

 

واخيرا رح ترجعلها وترجع للقصر يلي كانت عايشه فيه ولي صاحبتها والحفلات والمبيت والتسوق ولي كل الدلع والعز يلي كانت عايشه فيه❤️
مكانتش تحسابه ان ككككل هادا رح يتغير اول ما توصل

 

قاطع خيالها الوردي صوت بكاء طفل مززززعج ……..تحولت ملامحها من ابتسامه وسرحات لي انزعاج واضح على وجها
ريحانه:اوووووف شنو هادت ميبيش يسكت !؟

 

زينب:انتي بدات صوتك منبيش نسمعه لي نوصلو ….
ريحانه:قامت حاجبها ……وعلاش ان شاء الله !
زينب:اوهيا نهز بي البيبي وتحاول تسكته انتي مستحيل تكوني بشر معقول قلبك يطاوعك تقتلي طفل عمره مسكرش 24 ساعه ؟

 

لو ما لطفش ربي وخشيت عليك راهو البيبي مات وانا الله اعلم شن بيصير فيا من ورا اهلك
ريحانه :ردت عليها بكل غرور واستهزاء ……ميهمنيش لا انتي ولا يلي في يدك

 

ومش ناسيه معاملتك الزفته وانا حامل اول ما نوصل للحوش رح نخبر بابا بكل شي
نوضي من قدامي وسكتي البلوه يلي في يدك احسنلك

 

زينب:شافتلها بصدمه …….رجعتي زي قبل ابدا فيش منك فايده حتى بعد يلي صارلك
ريحانه:كلمتي مش رح نعاودها
زينب:ناضت من جنبها للحمام تغير للبيبي وتوتيله الرضاعه وتحاول تكون مكان امه بقدر الامكان طول الطريق لين توصله لي اهل ريحانه

اما ريحانه عاودت غرقت في احلامها الورديه من جديد
____________________________________

وطلعت الشمس وبدي اليوم بي صدمه وخوف وفضيحه ????
ما انفتح الباب وكانت ندى مرميه وطايحه على الارض بطريقه توحي انها ميته

 

جسمها ازرق من الصقع من غير جرح راسها العميق واثار ربط يديها ورجليها
دخلوها العمال الزوز يلي كانو مسؤلين على حديقة وزرع الحوش????
دخلوها وبوها كان يشوفلها من بعيد والعمال ماسكينها كأنها ميته

 

فتحي:واقف وساند نفسه على العكاز يلي في يده ملامحه من بعيد توحي انه قوي وصامد
لكن داخله كان منهااااااار

 

كأنه طفل صغير فقد للمره التانيه اكتر شخص يحبه في الدنيا????
كفاح وشيخه نساوين خوتها كانو منهارين على الارض صوت بكاهم وعياطهم خلى الجيران يجتمعو عليهم والك عرف ان ندى رجعت ميته

 

طلعو خوتها يجرو استلموها ولقو ان عندها نبض ضعيف رغم شكلها يلي كان كاريثي
نجم الدين :عيط بصوت عالي لي مرته ومرت خوه …….نقصي صووووتك انتي وياها البنت عايشه عاااايشه ……..وبسرعة البرق ركبوها السياره وفتحو العمال باب

 

الحديد وطلعو بيها لاقرب مشفى
فتحي :اول ما سمع ان بنته عايشه غمض عيونه لحضات كأن قلبه جمره وطاحت عليه قطعة ثلج

 

خش لي غرفته بي خطوات ثقيله غير مهتم لي الزحمه والعياط يلي صاير برا وفي راسه شي واحد بس يتمنى انه مصارش في بنته

واكيد الكل يعرف كويس شنو الشي هادا
_________________________________

 

وطلعت الشمس وبدي النهار عند نجمه بي تحدي ❤️
بعد ليل طويل من التفكير بينها وبين نفسها على سجادة الصلاة مطلعتش الا بي سؤال واحد بس

 

لعند امتى؟
الام توفت وحدرتها الف مره من بوها وعمامها بدون سبب مقنع
حوش تسكن فيه عندها ومش اي حوش تعتبر شقه حديثه وقنينه مفروشه مش ناقصها شي
ومبلغ باش تبدا حياتها الجديده موجود عند كريمه صاحبت امها❤️

 

يعني خلاااااص !
جي الوقت يلي تنوض فيها من الانهيار هادا وتبدا قويه وتتحدى الدنيا باش تعيش حياة كويسه

 

بكاها على امها وعيشتها بروحها بدون سند مش رح يفيدها بي ولا شي ….
سرحت شويه وهيا تشوف لي كلل الخضروات والفواكه وباقي بضاعة المطبخ

 

قامت شعرها وهيا تتفحص في الكوجينا باش ترتب كل شي جباته
فتحت اول حاجه التلفزيون على قناة قرآن وعلت صوت وبدت تشتغل على مهلها❤️

 

لكن انسجامها في الخدمه مطلوش بعد ما جرس الباب دق
نقزت من مكانها مخلوعه لانها مكانتش تعرف ان في شربانه على الباب ????
خدت نفس واتجهت للباب…..حطت على راسها الوشاح يلي كان معلق فوق طاولت الاحديه القريبه وفتحت الباب

 

كريمه :ابتسمت بعد ما شافت نجمه …يا اهلين
نجمه:بادلتها الابتسامه لي اول مره ……اهلين خالتي تفضلي

 

كريمه:زايد فضلك ياغاليه …..وخشت بهدوء
نجمه:لا والله خالتي ما تنحي خشي بيه شبشبك ولا يهمك

 

كريمه :ضحكت …..الله يعزك ❤️
خشت قعمزت على الكنبه وهيا تتفرج على الشقه والباين انها كيف متنضفه❤️

 

واضح ان كل الاثاث ممسوح
وريحة المعطر في الارضيه فايح???? ????

 

قاطع مراقبنها صوت نجمه
نجمه:رجعت الوشاح لي مكانه …..شنو تشربي خالتي !؟
كريمه:زاد اعجابها اكتر بي دوقها ❤️……قهوة ساده بنتي

 

نجمه:دقايق هي …..وخشت للمطبخ
ثواني معدوده وكانت لقهوه جاهزه في سفرتها

 

نجمه:قدمت القهوة ……..وقعمزت مقابل كريمه
اءءءمم عادي تحكيلي شويه على ماما وكيف تعرفيها خصوصا ا ن الشقه بعيده على على حوشنا
كريمه:ابتسمت……حتى انا جيت هنايا باش نحكيلك ونعرفك بنفسي

 

نجمه:تفضلي ❤️
كريمه:خدت رشفه من القهوة…….امك كانت تقرا معاي زمان ولان تزوجت بعيد معش مشينا وجينا هلبا على بعض لكن قعدنا على تواصل وزادت علاقتنا تقوت اكتر

 

امك لانها لا عندها خوت ولا خوات وبوها وحداني زيها كانت تعتبر فيا زي اختها
وانتي تعرفي كويس يا بنتي جدك كيف يحب امك خصوصا انها الوحيده يلي قعدتله بعد ما توفت حناك

 

ومشاء الله جدك عنده خيرات
نجمه:اي ربي يرحمه

 

كريمه:وسامحيني فيها يابنتي لكن جدك الله يرحمه وامك كانو يعرفو كويس ان بوك وخوته يلي هما عمامك طامعين في الرزق ويديرو اي شي باش ياخدوه منها يابنتي حاولو الف مره وكانت متوقعه منهم كل شي لهادا السبب خدت كل الاحتياطات باش تحميك

 

نجمه:علامات الصدمه على وجها …….بس عمامي كويسين مستحيل ي …..
كريمه:قاطعتها …..كل الناس كويسين حبيبتي لين يوصل الموضوع في رزق الدنيا

 

ردي بالك تفكري ترجعيلهم يابنتي يقتلوك راهم بعد ما تتنازلي على كل شي
نجمه:بي استغراب ………يقتلوني ؟!

 

ليش؟
وشن قصدك بي كل شي مفهمتش
كريمه :شربت باقي الفنجان بي رشفه وحده ……..صحيتي ياغاليه دايمه يارب

 

وكل نهاية اسبوع اركبي نعطيك المصروف يلي اتفقت على مع امك
نجمه:جاوبت وهيا قاعده في حالة صدمه….تت ت تمام صحيتي

 

كريمه :وتبي اي شي تعاليلي فوق منقصروش معاك انا وولادي
نجمه:ابتسمت بي ارتباك ……ان شاء الله يبارك فيك يارب
كريمه:طلعت وهيا دايره بالها على كل كلمه كلمه تطلع من فمها والتوتر مالي قلبها
_____________________________________

 

الساعه 8 في الليل :-
بعد رحله طويله من بلاد بعيده نزلت في تونس ومن تونس لي ليبيا ومن ليبيا لي حوش كبير كل ركن فيه ضاوي ????
ريحانه :وقفت قدام بيتها بي فرح والابتسامه كبيره على وجها ❤️

 

ووراها كانت واقفه زينب وهيا ماسكه الطفل وملامح وجها كلا حزن وخوف من يلي جاي ????
ريحانه :دقت على الشريانه وفتحتلها الباب بنت نيجيريه وعلى وجها علامات الصدمه
ريحانه :ضحكت وحضنتها ……..ههههههه تخيلي حتى انتي يا ليزا استاحشتك ❤️

 

خشت تجري بي فرح وهيا تنادي …….بابا مااااااما انا وصلت
ركبت لي الدور التاني بي تعب بسبب الولاده

 

فتحت باب جناح امها ولقتها مقعمزه هيا وبوها كل حد لاهي في شي !
واول ما شافوها وقفو الاثنين وعلامات الصدمه والغضب والفرح على وجهم ….

 

ريحانه:تتكلم والفرح غامرها ….معقوله هكي مفيش حد فيكم يستقبلني في المطار ؟
جميله:شافت لي راجلها وهيا خايفه من ردة فعله لان منحلف فيها اول ما توصل شن بيديرلها وفعلا يلي تفكر فيه صح
رد عليها بوها بي كف من قوته طيحها على الارض

 

ريحانه:مسكت خدها بصدمه وهيا تشوف لي بوها ……بب ب بابا؟
سمير:كيف عابيه نستقبلوك بعد عملتك الوسخه هادي يلي معرفتش نربيك
جايبتيلي ولد بي الحرام وتبيني نجيك نستقبلك في المطار !؟

 

زينب:خشت ببطئ والخوف ماليها وهيا حامله الولد تشوف لي عيونهم وساكته كلمه مقالتهاش ????
سمير:كمل كلامه وهوا يشوف لي مرته والغضب مالي عيونه ……الولد هادا ميقعدش في حوشي ولا يوووم سامعه !؟

 

طلعيه من هنايا دقيقه لا
جميله :مسكت البيبي ودموعها مطر وهيا تشوفله بتردد قالت ……..سمير الولد عمره يومين

 

على الاقل نهتمو بيه شوي ونعط…..
سمير :قاطعها قللللللت دقيقه في حوشي لا وبنتي مش امه ولا تعرفه
جميله :مسحت دموعها وشافت للبنت النيجيريه يلي كانت تراقب فيهم بي خوف من طرف الباب …..ليزا وتيلي عبايتي وكلميهم يطلعولي سيارتي من القراج

 

ليزا:حاضر مدام
سمير:كمل كلامه لي ريحانه………من اليوم بتنسي المدرسه والمصروف وطلوع والسفر وكللللل شي ليه علاقه بي حياة الرفاهيه لين نلقى حل للفضيحه هادي
ريحانه:جاوباته وهيا تبكي بعين وقحه ……بس مفيش ولا شخص يعلم بي الشي هادا يا بابا فضيحة شنو يلي بتلاقيلها حل

سمير :فضيحتك قدامي وقدام امك وقدام ربي لاني معرفتش نربيك يافاسده

جميله :انفعلت ….سمير بدون الفاظ

 

سمير:سكررررري فمك انتي
شوفي ترباية الثقه والدلال والحريه شن جابت غير العار ……قام عيونه لي زينب

 

ترفعيها لي جناحها ومتخليش ولا حد يخشلها ولا تطلع لي حد
زينب حاضر

 

نزلت جميله والولد في يدها
قلبها مش هاين تسلم حفيدها لي حد وهوا قاعد لحمه حمراء ومشبعش من امه
اما زينب راقبت كل شي وساكته

 

ساكته لكن في خاطرها تقول ……صح النوم
هادا وين عرفتو ان بنتكم متربتش !؟
انا نعرف من زمان ان رغم كللل الخير يلي عندها بس الحقد والسم يلي في دمها في حياتي ما شفت زيه !

انانيه ومش هامها غير سعادتها حتى لو كانت على حساب دمار حياة الناس ومستحيل تفيق وتتغير ………
___________________________________

 

نجمه:كانت تلم في الماعين يلي كانت تاكل فيهم من الطاوله وترتب في المطبخ بهدوء
الحوش كان يلمع لمع من نضافته وريحت البخور ترد الروح ❤️

 

 

كملت اماعينها وقعمزت على الكنبه تتفرج على مسلسلها واطبق في حوايجها يلي نزلتهم من الحبل
طق الباب واستغربت منو يلي ممكن يجيها الساعه 11 في الليل !؟
قربت على الباب خدت الوشاح يلي معلق لبساته وفت الباب بي هدوء

قالت من ورا الباب بدون ماتطلع ……..منو؟
يزن :حط رجله بين الباب باش يضمن ان الباب ميتسكرش ودف الباب وخش

 

نجمه:وقفت مصدومة بدون ردت فعل عنيفه لا عيطت ولا حتى صرخت
يزن:قرب عليها وواضح الغضب في عيونه …….قام صبعه بتهديد
كلمتين منبيش نعاودهم وربي لو عاودتهم انا يلي بنقتلك مش عمامك !

 

امي تخطيها بي مواضيع يلي مش مفهومه
نشوفك عندنا مزال نقص رجليك ……
نجمه:فاتحه عيونها بصدمه وقارنه حواجبها ومش فاهمه يلي قاله ؟!

 

يزن :كان بيطلع من الباب ….لكن رجع خطوه ليها …..امي مش مجبوره تتحمل عارك انتي وامك اطلعي من حياتنا
نجمه:رغم صدمتها يدلها سبقتها وعطاته كف
كف مهزش راسه ولا حركله شعره

 

لكن مشاعر الكره زادت عنده ومراية القلب العيون وفي عيونه كانت واضح الغضب وكرها ليها
يزن:احمدي ربك جيتي بنت كنهادا وربي ما نطلع من هنايا لين نكسرك تكسير
نجمه:يكفي انك تهجمت على بنت في نص الليل مد يدك مش رح ينقص من رجولتك لانك معندكش رجوله اصلا

 

يزن:زي اي رجل هادي اكتر كلمه تستفزه واطلعه على طوره …..مسكها من يدها بقوه ويلي سندها الحيط
تلاقت عيونهم في بعض ❤️

رغم الكره يلي كان بينهم بس كانت في ذرة رحمه خلت يزن يطلقها ويطلع من الشقه بسرعه

 

كأنه هارب من حاجه خايف انها تصير
مرات الحاجه هادي نضره ……نضره تخليه عمره كله يعاني
نجمه:سانده نفسها على الحيط وهيا تتنفس بسرعه ومستغربه من قوتها وكيف طلع منها الكلام يلي قلاته

 

رغم كان الخوف مالي قلبها وجسمها يرجف منه ????
بلعت ريقها وقربت على الباب بتسكره لكن تفاجأت بي الشقه يلي قدامها بابها مفتوح وواقفه بنت متكيه على الحيط وهيا تضحك
نجمه:تكلمت وعلى وجها علامات الاستغراب ……في حاجه؟!

 

البنت:وهيا مبتسمه………والله مانك هينه ياشيطانه
معقوله مسكرتيش شهر في السكنه وقدرتي تجيبي يزن ؟
يزن بطوبته!؟

 

لازم تعلميني السر الصراحه????
نجمه:سكرت الباب في وجها بدون ما ترد وهيا تحاول تهدي نفسها من الرعب يلي ركبها
___________________________________

 

 

فتحي:واقف سارح في الروشن والافكار تاخد فيه وتجيب قلبه ضعيييف
ومش متحمل صدمه جديده
يراجي في خبر ويديه يرجفو

 

طق الباب واللتفت ببطئ….. شن صار !؟
انور: الحمد الله طلعت من العنايه وصحتها تمام حاليا
قعمز وهوا ياخد في نفس …….يستنو فيها تنوض وتشرح وين كانت المده هادي وعند منو

 

وان شاء الله خير
فتحي :كرر سؤاله بصوت يرجف …..شنو صار ؟ّ
انور:استوعب الكلام وبلع ريقه وهوا متحشم …..اءء اهاا اي اي

 

طلع تقرير الطب الشرعي و ……..
فتحي: بي الحاح……شنووو!؟
انور:تنهد براحه …….الامور تمام يا بوي

 

مفيها شي وقاعده زي ما هيا والامور تمام لو كانت مخطوفه غرض الخاطف مش شرفها بيكون يبي شي تاني
ولو كانت ……….
ارتبط لسانه وحس الكلمه رزينه

 

لكن نضرات بوه خلاته يكمل كلامه …….
لل ل لو ماشيه مع حد ف الله ستر ومدارت شي

فتحي :رجع للروشن وقلبه مرتاااااح بعد يلي سمعه❤️

 

نجم الدين :خش للغرفه وهوا يتكلم …….لكن الناس كلت وجهنا يا بوي
يلي يقول هاربه ويلي يقول ………
انور:قاطعه ……..تحشممم يا راجل شن الدوه هادي على اختك

 

نجم الدين :مش دوتي انا هادي دوة الناس لازم نلقى حل للموضوع هادا
الناس ربطو الاحداث ببعض
الولد يلي يبيها وخطبها ورديناه كلهم يسحابوها هربت معاه

 

فهموني كيف بتعيش حياتها طبيعيه!؟
هيا وحني !؟

 

انور:سكت لان كل حرف نقال صح للاسف
لكن بوهم كان عقله يخطط لي شي تاني وهوا يشوف من الروشن
كان شاب في عمر الورد رجوليته واضحه في تصرفاته❤️

 

من اول نضرة تشوف قوة جسمه يلي واضح انها من الخدمه ليل نهار
ورغم كل الخدمه والتعب والشمس يلي عاطياته لون اسمر بزياده لكن زينه وزين ملامحه واضحه❤️

فتحي:يتمعن فيه وفي شكله كويس
سأل وهوا سارح في الشاب……نذير رجع للخدمه؟

انور:ملامح وجها واضح انه مهموم…….اي جي بدل بوه المده هادي قال انه خدمته تكمل الساعه 3 الضهر
وبعدها يجي لوطه مع العمال
فتحي:نذير قاعد اعزب؟!ولا تزوج

 

انور:على حسب علمي لا مش عارف
نجم الدين :شاف لي بوه بنضرة شك …

شيخه :طلعت من حمامها وهيا تنشف في شعرها ووجها باين عليه التعب من البكي

 

نجم الدين : شافلها بي طرف عينه وهوا مقعمز على السرير
شيخه:ترتب في شعرها قدام المرايا ……ندى بتروح بكرا ؟
نجم الدين:لاهي في تالفونه ….اي

 

قام عيونه وهوا يشوفلها بي شك ….. بتروح وبتحكي كل شي صار معاها من البدايه لي اخر شي
نزل عيونه لتالفون….. وين كانت ومع منو ومنو روح بيها
قام عيونه ويشوفلها بكره……ومنو ساعدها باش تطلع وكله سيوره ينعرف ويبان

 

شيخه:تفركست والتوتر بان على ملامحها ……كويس الحمد الله
ناضت من على كرسي الزيانه قامت شعرها ورطبت جسمها
فتحت الدولاب وهيا تشوف اي بجامه رح تلبسها !

 

سمعت صوت نجم الدين وهوا نازل من على السرير وبعدين حست انه وقف وراها !

تمالكت اعصابها وكملت ادور بين ملابسها
نجم الدين:حط يده علىي فردة الدولاب …..شن قصتك انتي اليوم؟

 

كل مره لاهيا في حاجه ع اساس تعرفي كويس ان عندي نوضه الصبح بكري تتهربي انتي مني ولا شنو ؟
شيخه تلفتت وها تشوف لي السرير ……اليوم كان متعب هلبا و انا م…….
نجم الدين:انتي مش قادره تقومي بي واجباتك ك زوجة ومرا فاتحه حوش ؟فهميني باش نعرف كيف نتصرف !
شيخه:فقدت اعصابها ……بالله عليك خليني في حالي وفوت الليله ع خير راهو يدي اليمين قاعده نحرك فيها بي السيف من ضربك

 

نجم الدين:شافلها بنضرة طويله …….اهاااا تمام
مدامك مش قادره على حقي الشرعي خلي نبدو اجرائات الطلاق من غضوا الوضع هادا معش يناسبني
شيخه:الدموع لمعت في عيونها والصدمه واضحه عليها …….ليا سنه معاك مقصرتش حتى يوم من كل النواحي

 

جت على اليوم وتبي اطلق؟
نجم الدين:شافلها بملامح جااامده وقاسيه …..اي جت على اليوم

انا مش واخدك باش تمشيني على كيفك ومتلبيليش طلباتي

 

شيخه:ردت بتقزز……..طلباتك؟!!
نجم الدين :على صوته شوي ……..ايااااه علينا عاااد بتقعدي تردي في الكلام هكي ولا شنو نضامك انتي ؟
شيخه:سكرت عيونها لي ثواني …….وهيا تتخيل في نفسها تحكي بكل ثقه وتقوله

 

طز فيك انا مروحه حوش اهلي وورقتي توصلني لعندي ولا تحلم مزال تشوفي انا وولدك
بس لثانيه ادكرت
اي حوش اهل يلي بتروحله ؟!

 

لي مرت بوها يلي سقتها المرار؟ولا لي بوها يلي ولا كأنه عنده بنت في الدنيا !
فتحت عيونها وهيا تمسح في دموعها ….تمام
نطمن على متين مغطي ولا لا ونجي……..وعطاته بي الضهر طالعه

 

نجم الدين:تكلم وهوا مبتسم ويتسهوك……بوسيهولي بوسة النوم ولدي الغالي
شيخه:بملامح غضبببب على وجها وصوت واااطي قالت …….حقييير

الباين ان الحب مليشي مكان بين شيخه وراجلها والباين ان نجم الدين ميعرفش ولا شي على حسن معاملة مرته وفي الموقف هادا بدات عرفنا علاش شيخه

 

قعدت معاه سنه كامله وجابت منه حتى ولد
لكن السؤال هنايا شنو يلي مخلي نجم الدين يعاملها هكي
هل الموضوع قلة اخلاق وخوف من ربي ولا ليه اسبابه؟!

 

________________________________
في الشقه المقابله بزبط كان صوت كفاح مالي الدنيا ضحكك❤️
كفاح:تنهدت بي راحه …..حسيت بوك ناوي على شي اليوم خصوصا ان ندى قاعده ما حكت شي

 

انور:علمي علمك مش عارف
كفاح:خدت نفس…اووف منك لو خوك اكيد كان فهم كل شي انت عايش في عالم تاني
انور:يشوفلها بعيون يلمعو حب ❤️….نحكيلك على العالم يلي انا فيه وين

 

كفاح:ضحكت ……انور ياسر من النضرات الشيطانيه هادي فكني منك????
انور:شن رايك توا تنوضي اديريلي فنجان قهيوة مع مقيريضه وتجيني نهدرز على رواق
كفاح:لا يافالح توا بنوض نرقد صغارك يلي نافخيلي راسي من الصبح وبترقد حتى انت سلم راجلي لان غضوا عندنا يوم طوووويل عريض مع اهلك

 

 

انور:ربع يديه بملل……يعني هيا سويعه بنسهروها شن بتزيد ولا بتنقص
كفاح:انور حبيبي والله مش وقته السهور توا
وقتنا كله متوتر وبكرا اختك مروحه والله اعلم شنو بيكون صاير معاها بتحكيه

 

خلينا نرقدو بكري نلقو باش نقاومو
انور:استسلمت خلاص ????

 

كفاح:ضحكت ….ايواه هكي شطور
انور:حط راسه على المخده وهوا مبتسم

 

اما كفاح بمجرد ما طلعت من الغرفه اختفت ابتسامتها وهيا تفكر بخوف
بكرا ندى شنو بنحكي ؟!

 

هل رح تجيب سيرتها هيا وشيخه او لا !؟
اصلا شنو يلي صار مع ندى ياترى !
علاقة انور وكفاح كانت اكتر علاقه حلوه في العيله❤️

 

والكل يشهد بي حبهم وطريقة معاملتهم الحلوه لي بعض ❤️

بعد زواج 4 سنين جابت منه بنتين زي العسل وكانت الحياة ورديه ممكن لان انور هوا السبب الرئيسي

 

لانه حنون وواعي وباله وساع وميحبش المشاكل حتى في العيله ديما ردة فعله لطيفه ويلطف الجو مهما كانت المشكله كبيره ????

 

لكن السؤال في علاقتهم !
معقوله تكون العلاقه بينهم حلوه هكي بدون ما يكون في ولا جزء صعب!؟

ولا فيه مصايب محدش يعرفها مزال !
_______________________________

 

في غرفه نوم فخممممة وديكورها ابدا مكانش عادي من كثر ما كان حلو
الاضواء الملونه والخافته كانت عاطيه منضر يجنن
السرير الكبير ويلي تصميمه واضح عليه انه تصميم خاص ????

 

كل فرش الغرفه كان بي اللون الابيض والموف الهااادي
كانت ريحانه مقعمزه وسط ها الغرفه وملامح الحزن على وجها لان كل احلامها في الرجوع لي حياتها القديمه ضاعت مع الريح ????

 

 

الطلوع والسهور والمصروف الخارفي يلي كانت تاخد فيه من بوها كل شي ضاع مع الريح
قاطع تفكيرها صوت الباب يلي طق مرتين
ريحانه:مسحت دموعها بي انتباه …..ادخلل

 

جميله:خشت وملامح وجها جمووووود
ريحانه:بي لهفه قابلتها تسأل ……شن صار !
جميله:تنهدت بي الم ….في شنو بزبط !

 

في بوك يلي معش فهمت نتعامل معاه ولا حفيدي يلي مفروض فرحانه بيه مشيت رميته وروحت
ريحانه:بدون اهتمام لي مشاعر امها ………ماما احكيلي يلي صار بدون مقدمات
جميله :بدت تحكي

 

يلي صار:-
درست سياره عاليه فخامتها تبان من بعيد انفتح الباب ونزلت جميله وعبايتها وراها
الضلام كان مغطي المكان مفيش غير لامبه صغيرونه قدام حوش بسيط

 

طقت باب ها الحوش ووقفت تراجي وصوت بكي البيبي مالي المكان
ريحانه:شن صار ؟ فتحت ؟

جميله:فتحت وخدت الولد

 

ريحانه:قالت بزعل…..يكون احسن
جميله:بلعت ريقها …..لازم تنسي البيبير واب البيبي
رد بالك تحاولي تتواصلي معاه

 

ريحانه:اففففف ….امي
امي ديريلي حل الله يخليك مع بابا نبي نرجع لي مدرستي خلاص سادني عقاب 9 شهور تعبت
جميله:الغلطه يلي درتيها مش طلعه بدون علمنا

 

ولا تأخرتي في الرجعه للحوش
انت حملتي بي الحرام ….مستوعبه حجم الكارثه يلي درتيها ؟
ادعي ربي بوك يرجع يشوف لي وجهك ولا حتى يخليك عايشه

 

ريحانه:قامت حاجبها بوقاحه …..مهما كان انا بنته الوحيه مستحيل يقعد هكي
جميله:هزت راسها بخيبة امل منها
ريحانه: بتوسل ….ماما بالله عليك حاولي تقنعيه ينسى كل شي

 

خلاص مفيش بيبي ولا شي توا امور تمام بالله عليك خليه يرجعني للمدرسه
جميله:سكتت وهيا في داخلها تقول ……..صغيره شنو رح نتوقع منها !

 

 

اي شخص طبيعي رح يسمع ها الحوار رح يضحك !
يقول كيف يحكو على حمل بي الحرام كأنه شي عادي !
وكيف عيلتها يتعاملو معاها ببساطه هكي كأنها مشكله عادي لو عيله تانيه كانو قتلو بنتهم

 

الشي يلي يختلف في عيلة ريحانه مش فلوسهم يلي ربي ناعم عليهم بيها
ولا حتى ان ريحانه البنت الوحيده لي اهلها لا …..

 

الاختلاف فيهم كان في الانحلال مع بنتهم
كل شي عادي صغيره صغيره صغيره

 

لين الصغيره فجرت قنبله وعطتهم صدمة عمرهم
لكن السؤال في قصتهم
هل ياترى بوها رح يربيها حتى لو كان متأخر!؟

 

ولا فتره وتعدي وينتسى كل شي ؟
________________________________

ثاني يوم :-????????

 

ناضت نجمه بفزع على صوت الشريانه لمت شعرها بعد لحضات من نوضتها وسرحانها
وقفت قدام الباب وحطت يدها على مقبض الباب وخدت نفس تجهز في نفسها لي اي شي
فتحت الباب واستغربت بعد ما شافت نفس البنت يلي تسكن قدامها واقفه وشاده في يدها صونيه …..

 

نجمه:تفضلي؟!
رباب:ضحكت ….صباح الخيراااات واضح من رجليك انك كيف نايضه
نجمه:شافت لي رجليها لق نفسها لابسه الشبشب مقلوب????…..

 

ابتسمت نجمه غصب عنها …….تفضلي
رباب:انا رباب نسكن قدامك جايه نعتدر على امس حسيتك حرجتي مني وشكلك متحبيش البصاره مع حد غريب وانا بسلامتي لساني ميسكتش حتى شوفي ها

 

جايبه معاي حلو نشربو قهوة
نجمه:حكت راسها دقايق بتفكير واخر شي استسلمت …..تفضلي مرحبتين بيك

رباب:ضحكت بفرح …..سلمها ياربي
خشت رباب وهيا تتأمل في الشقه وبكل عفويه قالت …….الله يبارك نضافه ودوووق
نجمه:تجهز في اكواب الكابتشينو في المطبخ …..تسلمي عيونك الحلوات

 

 

رباب :قعمزت على الكنبه مقابله المطبخ
طبعا انا من مدينه بعيده شويه من هني وجايه نقرا
مأجره الشقه يلي قدامك

 

نجمه:تحط في اللون ع الكابتشينو …….من وين مدينتك!؟
رباب :اءءء قولي مدينه بعيده خلاص ????
نجمه:جابت الاكواب حطتهم على الطاوله وقعمزت ……..وكيف اهلك خلوك تأجري بروحك!؟

 

غريب
رباب:توترت….لاغريب ولا شي مفيش حد فاضي يجي مهاي بس ولقوني بنت بألف راجل ????
نجمه:ضحكت ……من ها الناحيه واضح ????

 

رباب:طبعا انا مش رح نسألك على قصتك امتى ما تبي احكيلي بروحك
نجمه:والله وشنو يلي بيخليني نحكيلك ان شاء الله ؟!
رباب:لان بنولو صاحبات خلاص انا قررت ونراجي فيك بعدين تالعشاء عندي نطيب في خلقة بشاميل فضييييع بكل

 

نجمه:ضحكت وهيا مبهوره من شخصية رباب المرحه❤️
تحكي هلبا وجوها قنين والباين انها طيوبه
قاطع حديثهم الباب يطق

 

نجمه:عن ادنك دقيقه
رباب:فردت جسمها على الكنبه بي ارتياح …….خودي راحتك
نجمه:حطت على راسها البرنوص وفتحت الباب

 

 

يزن:اخش خطوات بسيطه وقال بدون نفس…..اهلا
نجمه:خير؟شن جاي تبي اليوم !
يزن:طلع من جيبه فلوس كلهم خمسينات وكانو اكتر من3 ربطات …..تفضلي

 

هادي كل الفلوس يلي خلتها امك
اعتقد هكي معش عندك ولا شي عندنا
نجمه:خدت الفلوس ….تمام تقدر تطل من حوشي

 

يزن:حوشك؟
نجمه:اشرت بعيونه على رجليه….
يزن:تغيرت ملامح وجها ……طالع طالع

 

نجمه:سكتت وتراجي فيه يكمل كلامه
يزن:سرح دقايق وهوا يشوفلها ……
نجمه:سكتت دقايق

 

يزن:ع العموم لو تبي اي شي ردي بالك تكلمي امي من اليوم مفيش حد في عيلتي دخله بيك

نجمه:شافتله بتحدي….تمام اوك
بس اعطي علم لي امك ان اليوم العشيه بنشرفكم ان شاء الله لان عندي كم سؤال وهدرزه مع امك

 

يزن:قام حاجبه ……..انتي تسكري في راسك معاي ؟
نجمه:انفعلت …….مني انتي باش نسكر راسي معاك اصلا ع اساس انا الميته عليك انت وامك ولا عيلتك كلها
اسمعني كويس انا منبي منكم شي غير شوية معلومات امك تعرفهم كويس والاحسن انك تخليني في حالي والا وربي وربي ……

 

يزن:قرب منها خطوات …….والا شنو ها؟!شنو بديري ؟
منو يلي بتناديه؟
رباب:له له له يايزن متعودين عليك هنايا كلمتك وحده

 

واكتر واحد في الحي كله ادافع ع الناس مش تجي على بنت وحيده ????
يزن:شاف لي رباب بعدين لي نجمه بنضره طويله وطلع بدون ما يحكي ولا حرف
رباب:حليلي انا على الزين وخلاص????

 

الباين هكي بتتزوجو انتي وياه
نجمه:سكرت الباب وهيا كاتمه ضحكتها …..جواز شنو انتي شن تقولي ؟
رباب :حطت يدها على خدها ……اخخخخ ديمه يقولو مابعد عداوة الا محبه ????
نجمه:خشي خشي اشربي النسكافي لان الباين محتاجه حد اهبل في حياتي ولازم تولي صاحبتي????

 

 

_________________________________
وسط مربوعه كبييييره وفرشها بسيط وقنين❤️

 

كان الصمت قااااتل ????
مقعمز فتحي ومقابلينه ولاده الزوز
وندى كانت مقعمزه في زاوية الدار وعلى راسها ملفوف شاش ابيض وشوية جروح متفرقه في باقي جسمها????

 

ندى:كسرة الصمت وهيا تقول …….وهادا كل يلي صار
فتحي :مسمعتيش اسماء؟!
ندى:لا ابدا

 

نجم الدين :يلي تحكي فيه مش منطقي ابداااا مش معقوله مفيش حد كلمنا ولا حد طلب فديه شنو الغايه والغرض من يلي صار
خدي نفس …..ززاسمعيني كويس لو هداك التافه خلاك تهربي معاه ووصلك لي هادي المواصيل وهرب احكككي وقولي الحق
لان بعد ساعات بينتشر خبر طلوعك من المشفى وكل عممامك وخوالك واقاربك رح يكونو هنايا متكدبيش و………

 

فتحي :ولدددددد…عيب عليك ها الكلام
عيييييب تقوله لي اختك يلي متربيه على يدي اختك مستحيل ادير شي زي هادا ويلي دار ها العمله سيوره ينعرف وينفضح
انور :تنهد بتعب…..المشكله انا وانت وهوا نصدقو يلي صار ونصدقو ان اندى قاعده اشرف من الشرف نفسه

 

لكن الناس شنو بيسكتهم !
يتهيئلي يا بوي توافق على الشاب يلي خطبها خليها تتزوج وتنستر
ندى:قلبها دق بفرح

 

نجم الدين:غبي انت؟!

الكل عارف ان تقدملها قبل واول ما يعرفو بي ان الجواز تم الكل رح يفكر انها هربت معاه وكل ها الضرب مني ومنك يلي فيها لان كشفناها والعار بيلحقها عمرها كله
انور:والله ها التفكير الفاسد مخطرش عليا طبعا انت بسيلي تجي في بالك ها الافكار

 

فتحي:موضوع الناس ساهل ودباره عندي
مجرد ما باب المربوعه يفتح تقولو انها كانت مخطوفه ودفعنا فديه قدرها 100 الف ومحد يسألني فيكم ليش ……
واضح؟

 

____________________________
بنفس التقعميزه يلي صايره بين فتحي وولاده صايره في مربوعه تانيه
ريحانه:كانت مقعمزه مرتبكه هيا وامها
وبوها عاطيهم بي الضهر …..

 

جميله:ان شاء الله خير سمير شنو قررت بي ادير ؟!
سمير :تلفت وهوا يحكي ….كان غلط قرار ان نتخلى على طفل صغير جي على الدنيا نتجة غلطه واستهتار من بنت كنت نحساب نفسي مربيها

انور:لكن يابوي شنو يلي قررت اديره بزبط بخصوص الدوه ؟!

 

نجم الدين:لازم ما ادير حل يابوي لازم
جميله :شنو بيصير يعني؟
وليش هكي كلامك تغير

 

سمير:قررت نجوز ريحانه
فتحى:لازم ندى تتزوج والعريس جاهز…

جميله:وقفت وهيا متنرفزه ……..منو بتجوز ياسمير يهديك ربي البنت عمرها 17 بس !؟

 

سمير:بنضرات حزم عصب عليها وعلى صوته …..وين كان عمرها لما دارت عملتها وجابتلك عيل ؟
الشي يلي دراته بنتك مديرات بنت عمرها 17 يا هانم
ريحانه:على وجها علامات الغضضضضضضب وكانت بتتفجر تكلمت بوقاحه وسألت ….ومنو العريس ان شاء الله ؟!

 

جميله:زاد غضبها من بنتها اكتر وانفعلت عليها ……سكري فمك انتي كيف مزال عندك الجرئه حتى تسألي يلي متتحشميش
سمير:شاف لي بنته كأنه يعاقب فيها …..يلي مشيتي معاه بي الحرام برضاك
رح تاخديه بلحلال غصب عنك والطفل يلي جبتيه بتتحملي مسؤليته انتي وياه مش اهله

 

ريحانه:انهاااارت……..مستحييييييل شن تحكي
جميله:عقلها مستوعبش ها الكلام …….شنو شنو؟!
دقيقه بس شن بتقول للعسله والناس!

 

امتى تزوجت وجابت عيل اصلا شنو بتقلهم ……مسكت راسها بيديها

لالا ياربي لا الراجل جن على الاخر ناوي يفضحنا خلاص
سمير:هادا كله دوريله حل مع بنتك…..زي ما سفرتيها بدون علمي وخبيتي عليا عملتها شهرين توا تقدري تتصرفي

 

غضوا انا ماشي لي الولد بنتفاهم معاه والموضوع مش مطول ديري في حسابك انتي وياها
جميله:مستححححيل سمير لا مضيعش بنتك في لحضة غضب
سمير :لحضة الغضب يلي تحكي عليها هادي خلتني نرمي طفل مليشي اي ذنب

 

شن كنتي متوقعه مني يعني !؟
نخليها تعيش حياتها عادي كأنها مدارت شي؟
كأن مفيش روح رامينها بعدين بتتحاسبو عليها قدام ربي!

 

يالله جهزو نفسكم والفضيحه يلي بتصير اعتبروها عقاب ع الشي يلي درتوه
طلع سمير وخلاهم الاثنين في حالة انهيااااار ????
_________________________________

 

ندى:قامت عيونها ومقدرتش تخبي ملامح الصدمه????
مسكت دموعها بألف حكمة وهيا تحاول تسمع باقي الكلام يلي بيقوله بوها
انور:سأل بي استغراب …..كيف يابوي ؟

 

 

منو بتزوجها ؟
فتحي:العريس موجود والعرس بيتم في خلال شهور بسيطه

وقدام الناس رح نقولو ان ندى كانو عاطيين فيها الكلمه لكن مخبرناش حد لين يصير كل شي رسمي
ولما رجعت من الخطف بي السلامه خطيبها متخلاش عليها وقرر يعجل بي موضوع العرس

 

نجم الدين:قاعد مقلتناش من هوا العريس ؟!
فتحي:نذير …….نذير ولد عصمان الجنايني

 

بوه يخدم معانا سنين والولد مشاء الله راجل معدل سنه كويسه ومتعلم ويخدم على راسه
شاف لي ندى وبنبرة بصاره كمل كلامه وهوا يحاول يلطف لاجواء …..وقنين تبارك الرحمن تتمناه اي بنت

 

ندى:تشوف لي بوها بصدمه والدمعه متجمده في عينها مش قادره حتى تتكلم !”
نجم الدين:الولد راجل وشايفله مواقف الله يبارك عليه ميردش فيها تالي بكل ونعم الناس
انور:يشوف لي اخته بحنان….لكن مش مفروض لازم ناخدو راي العروسه قبل ؟

 

مرات ليها كلام تاني ولا شنو ياندى؟!
فتحي:ندى بنتي الوحيده يلي انا مربيها في كل مرحله في حياتها مستحيل ترفض لي بوها طلب
وتعرف كويس ان كل يلي ندير فيه توا لي مصلحتها والخيره فيما اختاره الله

 

صح ياندى ولا لا!

ندى:ابتسمت رغم تعابير وجها يلي كله صدمه والدموع يلي يلمعو في عيونها ….يلي تشوفه يا بوي
فتحي هادا العشم فيك يابنيي …..خلي تكمل زحمة الناس اليوم هادو ويخف السؤال على اختك بعدين نبدو في التحضيرات

 

ندى:عن ادنكم …..وخشت بسرعه قبل حتى مايردو عليها
فتحت الباب وقريب طاحت كفاح وشيخه لانهم كانو مستندين على الباب ويتسمعو عليهم
خشت للحوش وخطواتها ثقيله بسبب اثار وجع جسمها وهيا ماسكه دموعها وتحاول تمسك اعصابها لين وصلت لي الصاله

 

سندت نفسها على العرصه ونهارت بكي
كفاح وشيخه لحقوها وهما عيونهم مليانات دموع لان تأنيب الضمير كان كبيييير حاسين ان بسبب مشوار يخصهم بس حياتها ضاعت
شيخه:قربت حضنتها ……ندى حبيبتي ادكري الله مرات كل شي فيه خيرتك

 

ندى:تحكي وسط شهقات البكي …….اي خير يا شيخه اي خير قلبي متعلق في حد تاني بنموووت عليه????
كيف يصير فيا هكي كيييف نصبح لي واحد يخدم عند بابا بين يوم وليله
كفاح:استغفر الله يا ندى متقوليش هكي كل شي من عند الله فيه حكمه احمدي ربي في كل الضروف

 

ندى:نسحبت منهم بهدوء وخشت غرفتها ……وقلبها يتألم ????
جسمها مكسر وعقلها تايه ومش فاهمه كيف بين وليله حياتها نقلبت فوقي لوطي
شنو الحياة يلي تراجي في ندى؟

 

_____________________________________

شيخه:واقفه قدام المرايا وهيا تتفرج على اثر ضربه واضح انها جديده!
نجم الدين :خش عليها …….شوفي ولدك في داره يبكي

 

شيخه:تلفتت وبدون مقدمات سألت ……انت تبي تتزوج؟!
نجم الدين :استغرب …..شنو تدوي ؟!
زواج شنو ؟!

 

شيخه:تبي تتزوج وحده تانيه؟!
نجم الدين:بدي يتكلم بي استفزاز…..والله على حسب
امتى نلقى يلي تخش راصي ومزاجي ساهل

 

شيخه:عندي اقتراح من امس نفكر فيه
نجم الدين :شافلها بي استغراب ……اقتراح شنو هادا انشاء الله

 

شيخه:انت تعرف ان انا منقدرش نروح حوش بوي مطلقه وانت تعرف السبب هادا كويس
نجم الدين:يعني؟
شيخه:يعني لو مثلا

 

ان يعني ……تبي اطلقني وهكي عادي
بس خليني انا ولدي في الحوش هنايا وانت خود حوش تاني لي مرتك الجديده
او مثلا تقدر تأجرلي شقه ليا ولي متين وهيا تجيبها هنايا عادي

 

 

اهم شي نلقى وين نعيش بس ومنروحش لي مرت بوي
نجم الدين :وقف وشيخه وقفت حتى هيا مقابلاته
نجم الدين:هكي عادي ببساطه ؟انتي معندكش دم ؟متحسيش؟!

 

منو المراءه يلي ترضى وتخطط لي راجلها ان ياخد وحده تانيه ؟
شيخه:جاوباته بدون وعي ……المراءه يلي متحبش راجلها ترضى هكي عادي !

 

نجم الدين :ضربها كف…..وشعرها يلي كانت لماته طاح على ضهرها
شيخه:سكرت عيونها بتحمل
نجم الدين :اقسم بالله ياشيخه مزال نسمع منك الكلام هادا معاد قاعدتيلي دقيقه في الحوش

 

شيخه:تخطاته ومشت لي الدولاب فتحته وقعدت تلم في حوايجها ……
نجم الدين :تفركس مع بعضه ……اسمعيني
راهو متعبيش ترفعي معاك الولد

 

شيخه:تلم في حوايجها دموعها ينزلو ومبتش ترد ولا كلمه
نجم الدين:ندوي معاك تسمعي فيا ……؟

 

شيخه:لبست عبايتها وحطت وشاح على راسها ……خدت شنطتها واتجهت للباب
ماشيه بي اتجاه الباب وتتعثر في العبايه
وشاحها يطيح وتقيم فيه لين وصلت للباب

 

نجم الدين:طلع من الدار ببطئ وسند نفسه على باب الصالة

شيخه:لوحت الشنطه على طول يدها …..مسكر الباب ؟!

 

نجم الدين :خشي رجعي حوايجك مكانهم ووتيلي عشاء
شيخه:خبطت على الباب تنادي على اي حد يفتحلها لكن مفيش اي رد
لين نهارت وطاحت على الارض تبكي

 

نجم الدين :قرب علي الشنطه دخلها لي الغرفه بهدوء
ورجع لي شيخه وهوا يشوف لي حالتها الهستيريه
نجم الدين :هي نوضي

 

شيخه:تعرف كويس شيخه ان الوقت هادا بدات متقدرش ترد بي كلام غلط حتي لو انها منهاره مهما كان الغضب يلي صايرلها متقدرش تحكي كلمه حرف لان في النهايه

 

في وسط حوشه والباب مسكره زي العاده
طاوعاته وناضت شيخه للحمام
قعدت تبكي قريب نص ساعه وطول ها النص ساعه هادي واقف قدام الحمام يستنى فيها

 

شخصية نجم الدين موجوده في حياتنا بكثره
تشوفو ان الشخصيه هادي ديمه متناقده
بين الحب والكره شخص متخلي عليك ومش حاسبك في حياته ويدور على غيرك

 

لكن مستحيل يخليك تطلعي من حياته يقعد متمسك بيك
والتمسك هادا يكون غصب عنك مش بي ارادتك

 

يتعمد جرحك ويستمتع بي وجودك جنبه وهوا مسيطر على كل حياتك !
كانت ندى واقفه ورا شقة نجم الدين وسمعت كل شي
مكانش في يدها شي تقدر اديره

 

 

لان معروف طبع خوها الغريب مع الناس شكه في كل شي والخنس يلي يتعامل بيه
طبعه الزفت مع الناس واضح فما بال بي طبعه مع مرته كيف بيكون

 

ندى:خدت نفس عميييق واتجهت لي حوش الحنين ❤️
الحوش يلي ترتاح فيه من كللللل النواحي

 

 

طقت على الباب طقتين خفاف بي يديها التاعبات
كفاح:فتحت الباب وهيا تضحك بسبب خفة دم انور معاها
واول ماشافت ندى اختفت الضحكه من ملامحها

 

وجعتها ندى وعيونها المتورمات من البكي
من غير حالتها الجسديه يلي كانت جدا سيئه
كفاح:ندى ليش راكبه متعبه نفسك كلمتيني راهو نزلتلك انا

 

ربي يهديك جسمك محتاج لي الراحه خشي تفضلي
ندى :خشت وكفاح سكرت الباب وراها
كفاح:خشيكيف حطيت مكسرات وشاهي لي انور و

 

ندى:قاطعتها بي كلامها ومسكت يدها …..كفاح نبي تالفونك لااازم ندير مكالمه بي اي طريقه
كفاح:شافتلها بنضرات خوف
وبعد لحضات صمت قالت

 

كفاح:تمام خشي لي الصاله وخلي الضي طافي تو نجيك
ندى:خشت لي غرفة الضيوف وبعد دقايق بس لحقتها كفاح

 

كفاح:هاك التالفون …….خليك هنايا كملي مكالمتك واطلعي بشويه انور مركزش ان الباب طق وميعلمش بيك هنايا ولاهي يرقد في البنات
ندى:تمام
كفاح:طلعت من الغرفه وخلت ندى براحتها

 

 

ندى:مسكت التالفون وقلبها يرجف قبل يديها ????
ضربت نفس الرقم وجاوب نفس الصوت يلي حباته من سنتين
امين:الو؟

 

ندى:يديها يرجفو وسط شهقات بكي تكلمت …..اءء ائ اء امين انا ندى
امين:كل حواسه وقفت ????….وقف وهوا يحكي بي هستيريا انتي شن صاااااار وين كنتي جيت حوشكم اليوم ومخلونيش نخش شن صار فيك منو خداك وين كنتي مع منووووو

 

ندى:ادكرت كلام بوها كويس يلي بيحكيه مع الناس وحكتهوله بتفصيل
______________________________

 

في نفس الوقت كانت فيه بنت تانيه بضروف مشابها لكن مختلفه
كيف؟

 

تعالو نشوفو !
ليزا:خشت الغرفه وهيا ماسكه السفره فيها عكوب عصير

 

وتوست وصونيه مغطيه بي الفوطه
خشت حطت السفره على السرير وهيا خايفه……ماما جميله برا
ريحانه :ناضت من السرير ونحت الفوطه

وكان تحته تالفون

 

مسكت التالفون واتصلت وطبعا ليزا كانت واقه على الباب تراقبلها في الاوضاع
جاوب الصوت يلي عرفاته وحباته في 6 شهور بس

 

نصر:ايوا ؟
ريحانه:اسمعني ياولد ستين كلب ورب العباد يا تافه تقبل تتزوجني الاما نكرهك في اليوم يلي تلاقيت معاي فيه

 

نصر:من قااااالك من قالك اني مكرهتاش اليوم يلي تلاقيت معاك فيه ولا عرفتك اصلا ياعيله ياغبيه
جايبتيلي فرخك الزح ملوحتيه ع امي دمرتي حياتي انتي وعيلتك
ريحانه:لا والله ؟

 

 

ع اساس انت خليت حياتي ورديه ولا شنو يافالح ؟
هما كلمتين لو بابا فاتحك في الموضوع ومهما عطاك متوافقش ومتجيش طريقي
نصر:تأخرتي للاسف جاني بوك من امس وتفاهمت معاه

 

ريحانه:مصدومه ….ششششششنو تحكي !؟
نصر:اي زي ما سمعتي
تبي الحق عجبني المبلغ يلي باعك بيه للامانه مقدرتش نرفض

 

رقم يخليني نقدر نتحملك 5شهور ع الاقل
ريحانه:قرنت حواجبها بغضببببب ……..وتي روحك امالا انت يلي بديت الحرب
نصر :ايدك وما تعطي

 

امين:ندى منقدر ندير شي ????
طلبتك من اهلك مرتين معش نقدر نعرض اهلي للاهانه اكتر من هكي
ندى:تبكي بصوت واطي……كيف بندير امين مستحيل ناخد غيرك منقدرررش????

 

امين:معنديش حل غير اني نمشي نكلم الولد ونفهمه انك ليا ونبو بعض وان شاء الله ميكملش
معش تبكي وريحي اعصابك
ندى:ملت السكينه قلبها بسبب كلمات بسيطه❤️

 

وداقت طعم الراحه لما سمعت بي حبيب قلبها مش متخلي عليها ❤️
وسكرت المكالمه والحب مالي عيونها
احيانا الحب يقعد باقي رغم كل الضروف

 

واحيانا يضيع بين معتقدات عائليه سخيفه لا تقدم ولا تأخر
لكن الاسوء بين هادا كله ان الحب يتحول لكره !
______________________________

 

الساعه1 ونص ليلا:-
شيخه:بعد ساعات من سرحانها في وجه ولدها البريئ عطاته بوسه على راسه وحطاته في سريره الصغير يلي كان جنب سريرها غطاته كويس ووقفت طالعه من الغرفه

 

بس خطوات بسيطه ووقفها راجلها
نجم الدين :متعبيش ترقدي برا ها الدار وبعيده على ها السرير

 

ومنبيش كل شويه نقعد نفهم فيك في اصول المرا كيف
شيخه:كانت حالة تعبها متوحيش ابدا انها قادره على اي نقاش…..سكرت باب الغرفه ورقدت على طرف السرير متباعده كل البعد عليه

 

نجم الدين :كان يشعر براحه لمجرد يشوفها في الوضع الطبيعي
في حوشه وعلى سريره وجنبه وولدهم في حضنها

 

مش مهم عنده شن تحس اتجاها
مش مهم لو كانت هيا مجبوره على الشي هادا او لا

 

اهم شي نفسه وشعوره

__________________________________
نجمه:كانت لابسه توته على اللون الرصاصي مستوره❤️

 

لابسه فوقها مريول غسل الماعين ولابسه في يديها قوانطي
حاطه على راسها برنوص وماسكه كيسة الزباله (اكرمكم الله )
فتحت باب شقتها وطلعت

 

رتبت الاكياس بطريقه مناسبه للعامل عشان يمر ياخدهم بس وهيا لاهيا في الترتيب قاطعها صوت
ادهم:الباين انك جديده؟
نجمه:تلفتت بفزع وخوف …….خوفتني ????‍????

 

ادهم:اسف …….لكن ردي بالك الوقت متأخر خلي حد من خوتك الشباب يطلع الاكياس
نجمه:ركزت في ملامحه وحست كأنها شايفاته قبل هكي!
ان شاء الله حاضر

 

ادهم:ابتسم وكانت ابتسامته تسحر❤️…..تصبحي ع خير
نجمه:بادلاته بنفس الابتسامه …..تلاقي الخير
يزن:كان راكب من الدرج قرن حواجبه وسأل موجه كلامه لي ادهم…….شنوادير هني ؟

 

ادهم:شفت جارتنا الجديده قتلها تاخد بالها الحكايه ليل وغلط تطلع بروحها
يزن:اضحك بي استهزاء ……اركب سلم خوي اركب

 

الناس هادي الليل ليهم اصلا
نجمه:نصدمت من الكلمه !ومن قوتها عقلها عجز انه يرد !
ادهم:استغرب……شنو!

 

يزن:زيها زي الشقه يلي مقابلتها مفيش فرق (يقصد رباب )
ادهم:بصدمه خفيفه ……..اهااا

يزن:اركب اركب

 

ادهم:ركب مع خوه بدون كلمه تانيه
مسيبين نجمه واقفه مصدومه في كميه القسوة يلي عندهم
في قصصنا هادم بدات رح نعلمكم ان متحكموش على الناس من اول القصه

 

متحكموش لا بي الخير ولا حتى بي الشر
ورح تشوفو هلبا ناس بألف وجه وهلبا حاجات يعجز عقلكم على تحليلها وتصديقها

 

______________________________
فاتت على قصتنا شهرين مسكرات ❤️
شهرين متغيرش فيهم شي للاحسن

 

نبدو مع ندى :-
ندى كانت كل حياتها ماشيه على كيف اهلها لدرجة حتي خطيبها محدش اهتم انها تشوفه ولا تحكي معاه
من كثر مشاكلها النفسيه جسمها مكانش يستجيب بسرعه للعلاج ولعند عرسها مزال تعاني من اثار الخطف ووجعه

 

وحبيب القلب يلي وعدها يحاول بي اي شكل وكان صادق في كلامه اختفى
اختفى لمدة شهرين كاملات
من هديك المكالمه لعند اسبوع عرسها????

 

رغم جوازها يلي مفروض يسترها ويبعدها على اي كلام لكن للاسف محدش سكت
عمامها وخوالها الكل كان مصدوووم من جوازها السريع والكلام والاشاعات طلعت طلعت ع قد ما حاول بوها وخوتها يلمو الموضوع لكن زي اي عيله مفيش حد قدر يسأل في الوجه

 

نجمه:صابتها حالة اكتئاب في الشهرين هادم لدرجة انها مطلعتش ابدا لمة شهرين
بعد كلام يزن فهمت كويس ليش امها حدرتها من الناس

 

يعني الفضيحه لاحقتها لاحقتها لو مهما دارت ومهما ابتعدت ????
اما ريحانه عرفت ان مفيش مهرب من بوها وقراراته ????

 

 

بدل متكون نادمه ومجروحه من يلي صاير
اعلنت الحرب وكانت ناويه الشر في عيونها

 

كان سمها قوي وقادره لدرجة تحضيراتها لي عرسها قدام العائله ولا واحد شك انها متبيش او صاير شي
باينه سعيده بطير والكل مصدوم كيف اهلها بدات زوجوها لي شخص بسيط وهيا في ها العمر

 

شيخه كانت لاهيه في تحضيرات عرس ندى متناسيه مشاكلها في حوشها
يلي كانت احيانا تنسجم في حوشها وولدها كأن حياتها طبيعيه

 

واحيانا تتمنى الموت الف مره
مكانش حد مرتاح في قصتنا وسعيد زي كفاح لكن السعاده هادي ياترى هل رح ادوم؟!
_______________________________

 

بدون تفاصيل تانيه خلونا ننتقلو ليوم العرس يلي صادف انهم يكونو في نفس اليوم
لكن هل هادي صدفه ؟!
كانو العراس الزوز كبار

 

ريحانه:الها دارو غداء دبحو فيه 3 من الابل وخلو الدعوه مفتوحه من غير السهريات يلي بي الزمزمات
اما ندى اهلها دارو 7 ليالي سهريه وعشاء كبيييير وهادا كله طبعا بسبب حب بوها ليها❤️
يلي كان حاس انها مضلومه حبتين

 

كملو الاعراس الاثنين على احسن مايكون وكانت يوم الحفله فخمه لي الزوز وحلم اي بنيه❤️
ريحانه عاشت اللحضه ومفوتتش دقيقه رقيص وهياجه وكانت عازمه كلللل صاحباتها وفوتت العرس كلها ضحك وهبال معاهم
عكس امها يلي طوووول العرس كان وجها ميتفسرش????

 

اما ندى كانت في حالة صدمه وسكوووون تام
هدوء مش طبيعي كأنها مش مصدقه يلي قاعد يصير بدون اي ردت فعل اي شي يقولولها ديريه اديره بدون وعي كأنها في عالم تاني

 

وكفاح وشيخه كان قلبهم يتقطع عليها????
وفوتت ندى حفلتها وهيا سارحه ومره بعد ووووين تبتسم لي الناس
اما ريحانه ف كانو وراها زوز شغلات خايفين على مجوهراتها اطيح من كثر الرقيص والهياجه
____________________________

 

طقت الساعه 12 بزبط :_
وجي وقت كل وحده نروح لي حوشها مع عريسها

 

ندى:ركبت السياره واول ما لمحت ندير جنبها بدو دموعها شلاااال ينزلو كأنه يلي كتماته كله ايام العرس فجراته مجرد ركبت السياره
وندير ولا كلمه طول الطريق حتى راسه ملفاش جيهتها

 

اما ريحانه ركبت السياره وفوتت الطريق كله ع التالفون ومره مره تطلق ضحكه
ونصر كان شبيه من حركاتها لان وقته كله فوته في المكالمات مع صحابها

 

درست سيارة ندير وسط الالعاب الناريه والزحممممه يلي كانت ماليتهم
نزل ندير من السياره وتلاقى مع خوه
نصر سلم على نذير بي الاحضان وباركو لي بعض

 

ايوااااااه ريحانه وندى جو سلفات ????????????…..

صلو على سيدنا محمد قبل ما تبدو❤️
نصر:كان لابس بدلته الرسميه وطالع مرتب ❤️

 

لكن الزين كله خداه خوه ندير بجماله
وسط الزحمه وطابور السيارات يلي كان وراهم وصوت الكلاكس والالعاب الناريه يلي قالبه الدنيا كانو نصر وندير يسلمو على بعض ويباركو ❤️
وبدو اقاربهم واصحابهم ينزلو يسلمو عليهم وزادت الزحمه حواليهم

 

ندير:طبس على ودن خوه ……دخل عروستك قبل ياراجل متجيش
نصر:ياودي هادي تقعد في السياره خير تفك الناس من لسانها ………ومشي يرقص وهاااايم مع الزكره

 

اما نذير سحب نفسه بهدوء من بينهم وفتح باب السياره
ندى:كانت متوتره وسانده نفسها ع الكرسي بس
نذير :مد يده ليها بس ندى مكانتش شايفه بسبب كاب الفيلو يلي مغطي عيونها والدموع يلي مخليه الرؤية مش واضحة

نذير:سكر يده يلي مدها ونزلها بهدوء …….تقدري تنزلي بروحك من السياره ولا تبي مساعده؟!
ندى:مردتش عليه وحاولت تنزل بروحها بس كان صعب عليها

 

نذير:ساعدها وطلع كل الفيلو من السياره ومسكها من يدها ونزلها
ندى:جبدت يدها منه بغل

 

وندير بدون مايلمسها قعد وراها لين خشت لي باب العرس ورجع طلع لي اصحابه واهله
في السياره التانيه كانت ريحانه بتموت من الحر خصوصا ان نصر طفا السياره والمكيف وقف

 

قعدت ريحانه تسب وتلعن في خاطرها لين جتها مرا من العيله نزلتها ودخلتها الحوش
كان حوش الحاج عصمان كبير وبسيط جدا وشكله من برا زي اي حوش ليبي ❤️

 

لكن على بعد خطوات بس من الحوش كان في عماره صغيرووونه واضح من لون الدهان الخارجي انها جديده وبني حديث متكونه من شقتين
وحده لي نذير والتاني لي خوه نصر
المهم قدام ها الحوش هادا كانت الخيمه راكبه ❤️

 

من برا كانت الخيمه بلونها الاحمر يلي عادي جدا
اما من داخل كانت منسقه كلها على اللون الابيض والذهبي
رغم بساطة التنسيق بس كان كل شي مرتب وحلو وكانو جاهزين لي استقبال اهل ريحانه وندى

 

وفعلا خشو اهل ندى نساوين خوتها وعماتها وخلاتها وحتى نساوين عمها كانو حاضرين
خشو بعدهم اهل ريحانه مع خلاتها يلي مش عاجبهم العجب ويلي كانو ميتين ضحك من اول ما خشو ….
انزفو العرايس الاثنين وقعمزو على الكوشه وكانت تعابير وجه العرايس تختلف

 

كانت ندى مقعمزه تتفرج وبسسس الابتسامه والمسايره يلي كانت على وجها في حفلتها خلااااص معش قادره ترسمها على وجها من جديد خصوصا انها ماسكه دموعها بسيف متبيش تبكي من جديد بعد ما عدلولها مكياجها للمره الالف

 

اما ريحانه فكانت احسن مثال لي كلمة (قايمه حاجبها ومحد عاجبها )ومره مره تطلق في ضحكة بدون سبب
المعازيم مكانش عددهم كبير يعني كل الموجودين كانو من عيلة العرسان بس
قعمزو العرايس دقايق وقدمو لي اهلهم الضيافه وركبت كل عروسه لي شقتها
____________________________________

 

نجمه:كانت مروحه وسط الحي وماسكه هلبااااا اكياس في يديها
تتمشى وهيا سااارحه وسط كل ها العمارات والشقق الراقيه يلي في الشارع وتسأل نفسها

 

معقوله بتكمل حياتها بروحها وهيا كل اهلها عايشين !
معقول رح تكمل عمرها كله وحيده في ها الشقه !

 

مستحيل لان الشي هادا ميخشش العقل ولا يمشي في بلاد زي بلادنا اصلا مستحيل
فكرت ان اكيد الشي هادا رح يكون مؤقت بس
واكيد بعدين رح يهدا غل ابوها وعمامها من امهم وترجع ويستقبلوها

 

لان مهما كان وفي الاخير هادي تقعد بنتهم ومستحيل يديرو فيها شي غلط ❤️
قاطع كلامها وتفكيرها صوت شبابي جي من خلفها وهوا يقول

 

الباين انك تعبانه وهلبا عليك الاكياس نجي نقيم معاك !
نوصلك

 

اسمعي شكلك جديده هنايا تعالي نوصلك ومنها نتعرفو ونبدو جيران !
نجمة:استمرت في المشي بدون ما تلف راسها حتى!
لين وصلت لي باب العمارة ابتسمت للغفير وطلقت السلام ❤️

 

ركبت اول 5 درجات طاحو من يدها الاكياس وتبهدلت الدنيا
ادهم:كان نازل ووقف يعرض عليها المساعده

 

نجمة:لا شكرا مش محتاجه حد يساعدني !
ادهم:ابتسم وهوا يلم في الاكياس معاها وركب وراها

 

نجمه:فتحت باب شقتها وخشت
اما ادهم خش وراها وعيونه تتفحص في الشقه وهوا مذهول من جمالها لان واضح ان زينت وعدلت هلبا حاجات فيها????
نجمه:قاطعت انسجامه وخدت منه الاكياس بعنف وهيا تقول …….مطلبتش منك مساعده بس رغم هكي شكرا

 

ادهم:ابتسم …لا العفو مدرت شي ❤️
نجمه:اءءءء تقدرد تمشي
ادهم:قام حواجبه بصدمه …….نمشي؟!انتي تلزي فيا ؟

 

نجمه:تنهدت …..لا
بس انت تعرف اني وحيده هنايا ومنقدرش نستقبل راجل غريب
ادهم:بعلامات صدمه وضحكة استغراب ….اي صح صح عندك حق مزبوط

 

نجمه:شكرا مره تانيه
ادهم:العفو …….وصل لعند الباب ولف راسه

 

اسمك نجمه صح؟
نجمه:خدت نفس بتوتر ……اي ان شاء الله

 

ادهم:شوفي يا نجمه …….منبيكش تحسبيني زي خوي
يزن دماغه مسكر شوي وعنده عقده غريبه من البنات ومليشي الحق يمنع امي عليك وعيب عليه يقول الكلام يلي حكاه هداك اليوم سواء عليك ولا على بنت

 

الناس يلي ساكنه قدامك
صح معنديش خوات بنات لكن غلط يتكلم على بنات الناس هكي
و ……….

 

تبي الحق انا خايف عليك خصوصا بعد ما امي حكتلي على امك قداش طيبه وكويس
ومن اليوم منبيكش تطلعي بروحك تبي شي نجيبهولك لعندك

 

نجمه:ابتسمت بي استغراب ……شكرا بجديات بارك الله فيك بس انا نقدر ندير بالي ع نفسي كويس
ادهم:ضحكلها…….عارفك شطوره لكن ديمه البنت بحاجة لي راجل يحميها
وانا نبي نكون الراجل هادا ومنبي منك شي غير دعوه حلوه منك بس

 

نجمه:مشاعر الاعجاب تحركت ❤️……وحست انها لقت الشخص الصح يلي ادور عليه الفتره هادي ويوقف معاها…….هزت راسها بمعنى موافقه
ادهم:شافلها بنضره حنونه وهوا طالع…..يالله تصبحي على الف خير

 

نجمه:تلاقي الخير ❤️
وتسكر الباب
تسكر الباب ونجمه هرمون الراحه عندها الفففف
ابتسمت وادهم بادلها بنفس الابتسامه من وراء الباب بعد ما شاف شخصيتها كيف تحاول انها تكون قويه ومعتمده على نفسها رغم برائتهاا❤️
______________________________

داخل شقة نذير:-
كانت ندى واقفه في وسط الحوش والطرحه وجها كله

 

وقفت معندهاش اي فكره شنو بدير ولا حتى شنو تتكلم !
وقف نذير على الباب نحا كندرت وحطها في رف الاحذيه بنضام وسكر الباب

 

قرب من ندى وقام من عليها الطريحه
ندى:خلت عيونها في الارض وهيا ماسكه دموعها بدون اي ردة فعل

 

نذير:تكلم وكان كلامه صااااارم جدا …….مبروك عليك يابنت الناس
ومشاء الله جميله زي ما يحكو عليك
ندى:بلعت ريقها وعيونها في الارض …….شكرا

 

نذير:بدون استغباء ولا لف ولا دوران انا وانتي نعرفو كويس الضروف يلي اتجوزنا فيها وانتي حتى نضره شرعيه مدرتيش
للامانه مكنتش حاط في بالي الجواز يابنت الناس لكن بوي صاحب بوك من سنين وعمره ما حسس بوي انه يخدم عنده

 

ديمه محسسه انه صاحبه مش موضف
وكان اقل شي نديره في حقه اني نوافق على زواج بنته

 

انا مش رح نغصب عليك حتى شي ولا نجبرك تتعاملي معاي ك زوج ولا طالب منك اي حق شرعي
ندى:سخنت مع بعضها ووجها تلون لي احمممممر

 

نذير:كمل كلامه …….انا مش رح نقصر معاك في شي ورح نحاول نعيشك في نفس المستوى يلي كنتي عايشه فيه
وتقدري تاخدي راحتك في حوشك
قام راسه يتفرج على الشقه …….الايام الجايه ان شاء الله نطلعو نكملو الفرش بشويه لان الوقت مسدنيش يالله شطبت البني

 

ندى:عيونها في الارض وشابكه يديها بتوتر ….تمام
نذير:كل شي كيف ما تحبي وبراحتك لكن لازم تفهمي كويس ان حاليا انتي مرتي
حتى لو كان على ورق بس والراجل الصح يغار على شرفه وعرضه ……..وانا منبيش نتعرض معاك لي موقف نعرف فيه انك تواصلتي مع الشخص يلي كنتي تبيه

 

حتى صدفه
ندى:كـأن شخص كب عليها مياه سخونه????….ز
نذير:تابع كلامه…….تواصل معاي الولد بعد ماعطيت كلمه لي بوك وحددنا حتى موعد الفاتحه لو كان كلمني قبلها مستحيل نوافق وناخدك لكن توا امر الله وصار

 

فــ ديري بالك ع نفسك احسن ليا وليك وبعد وقت حتى تبي تطلقي معنديش مشكله
ندى:مفيش اي صوت طلع منها
نذير:قال بنبرة مزح يحاول يلطف بيها الاجواء …..ع الاقل قيمي راسك شوفي الشخص يلي بتعيشي معاه

 

ندى:قامت راسها بغصب وبدون اهتمام بس لما شفاته !!!!!!!!!!!!!!!!!!!!!!!
عيونها توسعو ونقرت حواجبها بصدمه

 

قالت في خاطرها سبحان الله !……ابدا متوقعتش ان يكون بها الشكل❤️
عيونه ولحيته وابتسامته❤️
طوله وعرضه وسماره !

 

صح الجمال لي البنات مش لي الراجل ……لكن بجد كانت مستغربه وتسأل في نفسها
انا تجوزت هادا؟
نذير:ها وين مشيتي !؟
ندى:ابتسمت براحة بعد كلامه …..لا شي

 

نذير:ضحكلها…….مشاء الله ابتسامتك حلوه بلاش زعل وخشي صلي ركعتين لي ربي واطلبي فيهم ما تتمني ولو تبي شي تلقيني في الصاله
ندى:بدون ما تعطيه وجه ……..اءءء اوك تمام
نذير:اخر غرفه ع اليمين

 

ندى:بعدم فهم ……ها؟!
نذير:غرفة النوم نقصد

 

ندى:اءءء اي صح صح
نذير:ابتسم بعد ما ندى عطاته بي الضهر

 

اما ندى خشت وسكرت وراها الباب ونهد حيلها على السرير
لا اسلوب نذير الحنين ولا شكله الحلو نسوها في حرقة قلبها ????

 

في النهايه الانسان لما يحب شخص من قلبه معش يغريه حد مهما كان جماله وشخصيته جذابه …….
ادكرت كل لحضة حلوه عاشتها مع شخص تاني وهيا حاطه يدها على فمها عشان مايطلع صوت بكاها ????
اما في الشقه الثانيه فكان الوضع مختلف كلياااااا……

 

ريحانه:تنحي في اكسسواراتها ع المرايا والغضب واضح عليها
نحت عدساتها وشافت انعكاس نصر ع المرايا وهوا يشوفلها مصدوم

 

ريحانه:تفضل شن عندك عندي ؟؟بالك خاطرك تعلق ولا تدوي كلمه خلي انوض نعجنك
نصر:سند جسمه على الحيط وهوا مربع يديه …..نسأل في نفسي كيف خشيت معاك في علاقه وتحملتك كان يوم اسود والله

 

ريحانه:رجعت للمرايا تفك في شعرها ……..امم صح والله عندك الحق مقامي اعلى منك بألف منك شن جاب لجاب
يالله ماما تقول نصيب شن بنديرو هي
نصر:استفزه الكلام ……..مد جسمه على السرير وهوا يقول …..يالله ع قولتك نصيب

 

المبلغ يلي حصلته من بوك يكفي يخليني نتحملك !
ريحانه:تلفتت لي نصر وحكت بغضببببب…….شنووو؟؟؟؟
بابا عطاك فلوس؟!!

 

نصر:ضحك…..امالا شنو بيخليني ناخدك!
ريحانه :عصببببت اكتر وبدت فيها عياطات هيا وياه كلمه بي كلمه
نصر يقول شي وريحانه ترد عليه بي كلام اكبر ……….

 

وعلى ها الحال لين وصل بيهم الحال لي طلوع صوتهم وركبت ام نصر واخته !
طق الباب اكتر من مره :-
ريحانه:فتحت الباب وهيا معصبببببه ……شنو تفضلو ناويين تدخلو معانا ولا كيف

 

هديل:انتي كيييييف تتجرئي وتحكي قدام امي هكي !؟؟!!!!!!!
ريحانه:اي اي اي ياعيني وروووووني سمكم وشركم من اول ليله مش سادني ولدكم يلي ملوح داخل
نصر:احترمي نفسك وخشي داخل شدي لسانك ريحانه خير والله نوريك شي مايعجبك
نبيله:استهدو بالله انتي وياها عيب يلي يصير

 

نصر ولدي خود مرتك وخشو صلو على النبي وبدون مشاكل قدام الناس من اول يوم راهو يضحكو علينا
ريحانه:لا ياروحي ضاحكين الجيران قداش ليهم من الحفله المشرشحه يلي مدايرينها لوطه
هديل:نصرررررر هكي شايفها تهين في امك واختك قدامك وانت ساكت؟

 

ريحانه:اهاااااا يعني انتي اخته السوسه الصغيره ؟…….كويس كويييس اهو نتعارفو حني
هديل:مسكت نفسها …….انزلي يا امي خليهم ان شاء الله يقطعو بعض الاثنين

 

 

خلينا نكبرو راسنا ومنحطوش مستوانا من فرخه موصلتش سن البلوغ اصلا
استمرت ريحانه تعلي في صوتها ونصر يجبد فيها لين سكر باب الشقه
وام نصر واخته نزلو وهما مصدوووومين من ريحانه وحرافتها على صغر سنها !

 

______________________________
شيخه:فاتحه سبيكر تحكي مع اختها وهيا تنحي في اكسسوارها ………هههههههههه وربي فضيع شكلها وهيا مبومه العروسه التانيه حسيتها تعبتهم وهما متحشمييين
نجم الدين:خش للغرفه وشيخه على طول تفركست

 

شيخه:اءءء خلاص فطومه انا
نجم الدين:اشرلها بمعنى كملي المكالمه ….وخش قعمز على السرير يتفرج عليها

 

فاطمه:تحكي ع المكالمه ….لكن تعرفي شيخه طالعه تهبببببلي تهبلي اليوم
شيخه:قلبها طاح وعرفت ان اختها رح تحكي الشي يلي خايفه منه

 

فاطمه:حكيت لي ماما مبكري قتلها يا ماما تخيلي في الحفله خطبو اختي شيخه ميحسابوهاش مرت خو ندى
نجم الدين :ناض قعمز من مكانه وهوا يشوف لي شيخه بصدمه
شيخه:بصوت يرجف ……..ههه لل لا عاد متبالغيش

 

نجم الدين:مبالغة شنو انتي التانيه مش شايفتيهم كيف قريب ياكلوك بي عيونهم الله يبارك طالعه تهبلي
تخيلي المرا يلي خطباتك قصقصت عليها طلع ولدها يخدم في المطار حليلي جنتل ????
اخخخ لو صبرتي شويه راهو خديتيه بدل نجم النكد متعك
شيخه:اءءء فف ف ءء فطومه….خلاص يالله نحكو بعدين ……وسكرت الخط بسرعه

 

شيخه:سكرت عيونها وفتحتهم بشويه والخوف ماليها
نجم الدين:مش شايف حواليه من الاعصاب يلي ركبوه …..قرب عليها

 

كم مره قتلك معش تحطي الزفت يلي في وجهك !؟
شيخه:هه ه ه هوا انا لان حاطه خفيف يسحابوني قاعده بنت وهكي و مم مش
نجم الدين:فرحانه؟!

 

فرحانه انهم خطبوك !؟
تبي تاخدي حد تاني ؟
شيخه:ضحكت بصدمه…..حد شنو شن تقول انت نجم الدين بدون هبال اختي تعرفها تحب تبصر وتتسهوك ديمه

 

نجم يعني انتي هادا باش تبي تطلقي يعني !
ضحك ووجها احمممممر من الاعصاب ……هه تت تطلقي باش تتزوجي من جديد!

 

لا وزياده كنتي رح تتخلي على ولدك؟ ياوااااااطيهة
(ومد يده عليها !)
شيخه:فقدت اعصابها ……مررررررررررررريض وربي مررريض

 

فاقد الثقه في نفسك انت ولا شنوووو
نجم الدين :مسكها من رقبتها ….الثقه فاقدها فيك مش في نفسي
شيخه:تتألم من المسكه فيها ….فاقدها فيا لان عارف انا مش طايقاتك وخايف نشوف لي حد تاني
حد احسن منك وقلبي يدق ليه ونمشيله

 

نجم الدين :كلام كان صعب على اي راجل يتحمله فما بالك بي شخص عنده اضطراب في مشاعره وخوف الفقد …..انهال عليها بي الضرب بدون مايحس
وهيا مكانش في يدها شي غير تحمي وجها من الخبطات العشوائية????
لعند ما فش غله وبعد من عليها

 

انصدم من نفسه كيف ضربها بي الطريقه الهمجيه هادي لدرجة الدم كان نازل من فمها ????
بعد عليها وبدي يكسر ويخرب في كلللل الغرفه وطلع بدون ما يحكي ولا كلمه

 

شيخه:انهارت وغمت نفسها على السرير وتبكي
بس في نص بكاها سمعت ولدها يعيط
ناضت وهيا تمسح في دموعها وتحاول تقوي نفسها …….مسكت ولدها بين يديها وبدت تهدي فيه متجاهلها ألمها ????

 

????أروى الـــطــــاهــــــر????
ثاني يوم الساعه 10 الصبح:-
ندى:طلعت من الحمام بعدالليل الكئيبه يلي فاتت عليها لدرجة انها قعدت بي الفيلو والمكياج لعند طلوع الشمس
جففت شعرها وجسمها ولبست بجامه عاديه جدا لا تمثل للعروسه بي اي صله

 

طلعت من الغرفه وهيا متوتره ومش عارفه شنو يلي مفروض يندار اليوم ؟!
وكيف بتكون حياتها الجديده ؟

 

نذير:كانت واقف ع المطبخ يغلي في اميه
لابس سروال توته لونه ابيض وتيشرت اسود ……
ندى:ءء ص صباح الخير

 

نذير:بدون ما يتلفت …..صبا ح النور
ندى:شنو ادير؟

 

نذير:تلفت وشافها❤️…..امي جابت فطور قلت ندير قهوة
تعالي افطري
ندى:ابتسمت بي لطف وقربت على السفره …

 

بدت تفطر وهيا مركزه على الصاله وشافت ملابسه متع العرس مرتبهم وحاطهم فوق بعض على طرف الصالون
انبهرت بي نضامه خصوصا انها كانت متعوده علي خوتها وواخده فكرة ان كل الشباب فوضويين

 

وجهت عيونها لي نذير يلي كان يفطر ومركز في تالفونه
رغم شعره المنكوش ولبسته الاقل من عادي بس كان جماله يجنن وتصرفاته الرجوليه فضيعه
نذير:قام عيونه لقاها تشوفله …..خيرر؟

 

ندى:اءءءء لل ل لا شي
نذير:ضحك …….انتي خيرك قاعده راقده ولا شنو
ندى:ضحكته ????
قالت في داخلها …..بجد حرام هادا كله يكون ليا حنون وفرفوش وجممممميل

 

حرام يكون لي وحده متحباش !
نذير:لا شكلك انتي مهناش بكل
ندى:قاطعت سرحانها …..متواخدنيش مش متعوده نرقد برا حوشنا مكان جديد عليا وهكي

 

نذير:لقح عليها بطريقه غير مباشره …..اهم شي تكوني رقدتي وغمضت عينك
ندى:اي ????
نذير:كملي فطور وجهزي نفسك اكيد اهلك يجوك اليوم باش تكوني في استقبالهم

 

ندى:ان شاء الله
نذير:طلع لي غرفة النوم يبدل في حوايجه ….
وندى طاحت عينها على التالفون الارضي !
_________________________________

 

 

رباب:تصب في الشاهي …..والله ما فهمت عليك يعني ليش امك مبعداتك على بوك وعمامك؟!
نجمة :تنهدت ….منعرفش بس كريمه تعرف
رباب :ام يزن؟

 

نجمه:اي نفسها
رباب :اممممم والله مدام صاحبت امك ممكن تعرف علاش لا
هيا امنتها على شقه وعليك متبيهاش تحكيلها السبب هادا اكيد حبيبتي بتحكيلها احرف من هكي

 

نجمه:امس ساعدني ادهم
رباب:ضحكت ….ايوا ايواااا
فهميني بس انتي على منو ترسمي بزبط ادهم ولا خوه ياشطانه!
نجمه:مبرددك ……..الولد يجنن وحتى انه اعتدر على الكلام يلي حكاه علينا هداك اليوم

 

رباب:علينا ؟علينا منو قصدك !
نجمه:تحشمت تعاود شنو حكي عليها يزن وكيف سبها ….نقصد عليا خاني التعبير????
رباب:اممممم وشن قال تاني سمح الزول

 

نجمه:ضحكت بخجل……امم وقالي تبي اي شي انا مسؤل عليك وهكي من ها الكلام يعني
رباب :ياعيني يا عيني شكلكم بتتزوجو
نجمه:يا رب الصبرررر كل ما نحكيلك ع حد تقوليلي بتتزوجزو كيف تقكري انتي!؟

 

 

رباب :ماهو ياحبيبتي يقولو العين تعشق قبل القلب
نجمه:ههههههه اي والمره يلي فاتت قلتي ما بعد عداوة الا محبه كل شي تلقيله في مثل هني عمرك
رباب:تو نشوفو

 

نجمه:ضحكت …..اي احكيلي امس دقيت عليك مهناش وينك!؟
رباب:امس عندي عرس صاحبتي دراته في قاعه قريبه من هنايا

 

نجمه:الله قداش ليا على الاعراس
رباب تو نرفعك معاي اليوم دايرين محضر

 

نجمه:مستحيلللل منعرفهاش نمشي بدون عزومه
رباب :تي عزومة شنو ريحانه تمووووت في الهياجه اصلا واخده الراجل باب ع الكلاب باش تهيج وتكرهاعيشته بس طبعا صاحبتي اسمها ريحانه
نجمه:ههههههههههه صاحبتك يعني شنو بنتوقع منها

 

رباب:????????????????
نجمه:سكتت شويه وهيا تفكر …ياترى تسأل رباب وتفهم منها ليش قال عليها يزن كلام غلط او لا؟!
وعلى دقيقه كانت بتحكي لكن تراجعت في اخر لحضه
________________________________________

 

 

ريحانه:واقفه ع المرايا وتحكي مع الارتست ……..كأن اللوس باودر مش حلو لونها صح !
طقققق طقققق
ريحانه:اففف ياربي الصبر ……..تفضلي

 

نبيله:خاشه بتوتر…….صباح الخير
ريحانه :صباح النور نعم ؟

 

نبيله:الله ينعم عليك نبيك في كلمتين بروحك
الارتست:فهمت بروحها ………يا الله عن ادنكم

 

ريحانه تفضلي ياخاله شن في من الصبح
نبيله:شوفي يا بنتي انا مش رح نواخدك على ردت فعلك امس انتي قاعده صغيره ولقيتي روحك في مسؤليه راجل وولد

 

ريحانه:نعم ياخاله؟ولد؟!علاش عابيين انا قصدك بنربيه !
نبيله:ضحكت ……امالا ولدك من بيربيه
هادا كله وانا قاعده مش عارفه شنو نحكي لي الناس والاقارب

 

خليته عند مرا ثقه في يومين العرس
ريحانه:خلاص خليه عندها تربيه ويدفعلها ولدك الفلوس يلي خداهم من بابا
نبيله:صبرت وطولت بالها ….يابنتي صدقيني والله وليدك زي القمر اكيد يعني رح يجي يوم تتقبليه وتعيشي معاه احلى عيشه❤️

 

انتي استهدي بالله وحياتك يلي كنتي عايشتيها مش رح تفقديها
رح ترجعي مدرستك وولدك يوم عندك وعشره عندي

 

ريحانه:سكتت وهيا تفكر وعلامات الرضا على وجها
نبيله:ها شنو قلتي
ريحانه:اوك تمام اقنعتيني ياخاله
نبيله:ضحكت على قلة عقلها …..تمام هي نخليك تجهزي نفسك توا

 

ريحانه:ناديهولي السنكوحه يلي برا تساويلي الغلطات يلي دارتهولي
نبيله :طلعت من الغرفه وهيا تردد لاحول ولا قوة الا بالله

 

ندى:اول ما طلع ندير اتجهت بسرررعه لي التالفون الارضي واتصلت
كان قلبها ملهوف والاتصال يلي دراته بدون تفكير منها

 

امين:الو؟
ندى:انت وينك ؟وين اختفيت????
امين:الفرحه كانت واضحه في صوته …….نندى

 

ندى:مش قادره????
مش قادره بلاك حاسه قلبي محروق امين ديرلي حل
امين:تمالك نفسه…..لازم نشوفك لازم انا بنهبل لو الشهر هادا فات ومشفتكش

 

ندى:بس كيف؟
امين :تو نفهمك
طق الباب

 

ندى:الباب يطق تو نهدرزو
امين :كل ما تحصلي فرصه كلميني
ندى:تمام ❤️ناضت ندى بعد ماسكرت الخط

 

فتحت الباب ورحبت بي نبيله ام نذير احلى ترحيب❤️
نبيله :انتي مكلمتيش مزينه اليوم ؟
ندى:اءء كلمت يعني كفاح مرت خوي بتجيبها معاها قالت
نبيله:باهي كويس ❤️

 

حطت يدها على كتف ندى وهيا تقول …….غيري الساعه بي فياق يابنتي وعيشي حياتك❤️
والحمد الله يلي نصيبك جي في ولدي نذير
راهو والله احسن من تشوفي وتتعرفي وتعاشري

 

صدقيني رح تعيشي معاه ملكه
ندى:بلعت ريقها وابتسمت غصب……يبارك فيك صحيتي

 

نبيله:سرحت فيها شويه وهيا تفكر شوي ……..يالله بنتي منعطلش عليك جيت بنشوفك شنو ناقصك بس
ندى:صحيتي والله مننحرموش ❤️
نبيله:يالله في حفض الله ……وطلعت
__________________________________

 

فتحي :محد كلم خوكم؟
معقوله لتوااا؟! شهر العسل اسمه شهر مش شهرين ولا المرا لحستله عقله؟

 

انور:ههههههههههه اي والله شكله
فتحي:نجم الدين اتصل بي خوك وعطيني نكلمه
نجم الدين :فتح تالفونه واول ماشد الخط عطاه لي بوه
وسرح في عالم تاني .

 

فتحي:الوو
طه:ايوا بوي
فتحي:وينك ياقرد كل يوم تقول غضوا بنروح

 

فاتو شهرين ولتوا مشرفتش لا انت ولا مرتك
طه:ههههههههه والله يابوي الجو هنايا ميقولكش روح بكلللل مش عارف حتى كيف فاتو ها الشهرين
فتحي:شيطان يافرخ
طه:طالع لي بوي في ايامه ???? ولا نسيت ياحاج قداش هيجت

 

فتحي:وهوا ماسك ضحكته………ولدددد تحشم يالله والاسبوع الجاي نبي نشوفك في خليقتي سامع ولا !؟
طه:حاضر ياغالي من عيوني
فتحي سكر الخط وضحك مقدرش يمسك نفسه اكتر من هكي ❤️

 

اما نجم الدين كان يفكر بينه وبين نفسه في كلام شيخه
ياترى هل هوا فيه مرض نفسي ؟

 

لو كان على الحب فــ هوا يمووووت في شي اسمه شيخه يعشقها
لكن مفيش ولا تصرف يديره يدل على حبه ليها !!!!!!!!!
_________________________________

 

جت الساعه 8 في الليل :_
وكانت نجمه في حوش رباب لبست منها فستان سهره ومكيجت بي مكياجها وطلعت زي القمر ❤️
وقفت قدام الدولاب بحيره وسألت بعفويه

 

نجمه:رباب انتي من وين ليك الفساتين الغاليه هادم ؟!
حتى مكياجك كله ماركات !

 

رباب:مش وقتها الدوا هادي هاك العبايه البسيها التاكسي يراجي برا
نجمه:توسعو عيونها من الصدمه…..بنمشو في تاكسي؟!

 

رباب:لا دقيقه بس نكلم اليموزيل يابعدي تي هيا البسي وقت
لبست نجمه ورباب ونزلو وكان منضرهم واضح من بعيد انهم ماشيين لي سهره

 

وهما راكبين التاكسي كانت في عيون تراقب فيهم من فوق
عيون مشي تفكيرها لبعيييييييد وهما تراقب فيهم ????
____________________________

 

كان باب شقة ندى مفتوح على وسعه والناس خاشه طالعه
وكانو اهل ندى يجهزو فيها بكل حب وهيا نسجمت اكتر من الايام يلي فاتو لان حبيب القلب رد عليها والباين انه يخطط لي حل❤️

 

طلعت ندى وصت الزغاريت وهيا لابسه فستان اخضر كبير ومكياجها كان ثرابي وشعرها تسريحه مفتوحه
بعدها بي دقايق انفتح باب شقة نصر

 

وطلعت ريحانه وهيا لابسه فستان احمر كان وسط مش كبير هلبا ومش بسيط
رافعه شعرها بتسريحة ويفي ومكياجها كان ميكس بين الذهبي والاحمر
طلبت المصوره من كل الاهل ينزلو ويقعدو السلفات بس عشان تصورهم وهما نازلين

 

ريحانه:امممم مبروك ياسلفتي
ندى:يبارك فيك مبروك حتى انتي
ريحانه:تمتمت بصوت هادي …..ع شنو بالله على الراجل يلي تقول واخداته من العطريه !
اخ ياقهرتي

 

قاطعتهم المصوره وهيا تصور في زفتهم وتحكيلهم كيف يتحركو
انزفو العرايس الزوز بس الحلو في الموضوع ان الاثنين كانو مبتسمين واستمتعو بلحضتهم
وصلو مكانهم وبدي المحضر والزمزامات والهياجه❤️

والاجواء كانت تجنن
______________________________

نجم الدين:وقف قدام الشيخه يلي كانت كيف مكمله صلاتها …….ليش ممشيتيش لي ندى ؟
شيخه:بي شنو بنمشي بزبط؟بي وجهي يلي معبي كدمات ولا جسمي يلي لازم نلبس الف حاجه باش نغطيه
نجم الدين :قرب منها وحط يده على خدها بهدوء وكانت شيخه منضره اي تصرف همجي منه

 

وقال.انتي تعرفي كويس علاش درت هكي
شيخه:لا منعرفش منعرفششششش ولا نبي نعرف

 

نجم الدين:شخه اسمعي انا ءء
شيخه:قاطعاته……انا نبي نطلق نجم
طلقني وقابله نرجع بيت اهلي خلاص معش نقدر
__________________________

رباب:طالعه تهبلي ياكلبه
ريحانه:عارفه حبيبتشي شوفي اخته الحربايه لابسه احمر ومدايره كريمه صفراء طلعه تقول شكارة سميد سحقه

 

نجمة:ههههههههههههههههههههههههه
رباب:وهادي نجمة يلي حكيتلك عليها
ريحانه:ابتسمت …..هاي

 

حكتلي عليك رباب وقالت جوك يهبل زيك مشاء الله حلوه
نجمه:اءء تسلميلي والله مكنت بنجي بدون عزومه وهكي رباب اصرت

 

ريحانه:عيب متقوليش هكي مدامك صاحبت رباب معناها صاحبتي من اليوم
نجمه:تسلمي والله❤️

 

رباب :حتى سلفتك اموره باين عليها
ريحانه :اي مسكينه تهز في راسها من الصبح قريب يجوها فقرات الرقبه من حاضر تمام حاضر تمام
رباب:جتها لحضة ادراك!!!!

 

كأن سلفتك شايفتها …..شن اسمها
ريحانه:تمروح ,,,,,,,,,نسيت مش عارف ناقص غير نحفض اسم سلفتي حتى حتى راجلي قريب ننساه
بري سلمي عليها

 

رباب :قربت ومدت يدها
ندى:اهلين

 

رباب:الف مبروك
ندى :تسلمي يارب الفال ليك
رباب:معليش انتي ندى!

 

ندى:اي ان شاء الله انتي من اقارب نذير؟
رباب:قلبها طاح ……اءء انتي انتي خوك طه؟!

 

ندى:وهيا مبتسمه ….صح
منو انتي؟!
رباب :اءءء اها ءء ي يانجمه هيا تأخرنا لازم نروحو خلاص ……

 

صلو على سيدنا محمد واستغفرو الله قبل ما تقرو ناخدو الاجر❤️
الزحمه وصوت الضحك والهدرزه كان مينسمعش من صوت الزمزامات العاااالي
الروزاته والعبمبر والشاهي والحلويات بأنواع زمنيه ❤️

 

رباب:اشرت لي نجمه…..هياا وقت
نجمه:مزال بكري خيرك ؟!
ندى:حست ان في شي غلط !…..انا نعرفك!؟

 

رباب:ابتسمت …لا حبيبتي انا نعرف طه كان يقرا معاي في نفس الكلبه ومره شفتك راكبه معاه في السياره مروح بيك
ندى:اي صح كان هوا ديمه يروح بيا من الكورسات تعرفي ديمه الاخ الصغير يكون قريب على اخته
رباب:ابتسمت بتوتر …….اي اءءء ر ربي يخليكم لبعض هيا نجمه

 

ندى:ضحكت …لا خلاص توا ربي يخليه لي مرته اولى بيه
رباب:رغم ان كانت بتمشي بس وقفت لما سمعت ها الكلمه ……اه هوا تجوز؟
ندى:اي من شهرين بس هوا مسافر قاعد مروحش من شهر العسل

 

او شهرين خلينا نقولو????
رباب:سرحت شويه وضحكت بي استهزاء……يالله ربي يهني

 

سلميلي عليه لما يروح
ندى:يوصل
ريحانه:كانت متابعه الحديث بصدمه معاهم

 

رباب:يا الله الف مبروك عليكم رب يهنيكم
ندى:تسلميلي الفال ليك ❤️
ريحانه:تكلمت وهيا متأثره …….رباب خليكي للعشاء ع الاقل

 

رباب:ماسكه نفسها بسيف….اءء اي اممم الوقت تأخر وهكي ف مش رح نحصل حد يروح بيا بعدين
ريحانه:تفهمت وضع صاحبتها وفهمت يلي صاير……تمام حبيبتي ديري بالك ع نفسك ولما توصلي طمنيني عليك❤️
رباب:ابتسمت وهيا ماسكه دموعها ……اء ا ان شاء الله

 

نزلت باست ريحانه بوستين ونزلت من الكوشه وخدت نجمه من يدها وطلعت
نجمه:بشووويه بنطييح يا رباب ووووه بشويه لابسه كعب
رباب:وقف فجأه ……هادي شن جابها هنايا

 

نجمه:منو!
رباب:تشوف بي عيونها بين المعازيم ……تي شوووفي قدامك لابسه اسود
نجمه:نصدمت……خالتي كريمه!

 

 

شنو ادير هنايا؟
رباب:مسكت راسها بي يديها ؟…….ياربي شنو يلي قاعد يصيررررر منو جيب هادي وهادي هنايا ياربي
نجمه:انا مش فاهمه شي ومن طه هادا يلي انقلبتي ع خاطره؟

 

رباب:تعالي توا البسي عبايتك وخلي نروحو بعدين ساهل تو نحكيلك
نجمه:تنهدت ….. يالله تمام
استمر المحضر طبيعي جدا والعرايس كان حالهم احسن من الحفله بي الف مره على الاقل الراحه والاقتناع باينه على وجهم ❤️

 

ندى:وين شيخه؟
كفاح:بصووت عالي …..ششنووو؟
ندى:اشرتلها تبيها تقرب

 

كفاح:قربت منها ……منسمعش فيك صوت الزمزمات عالي هلبا
ندى:وين شيخه لعند توا مجتش ؟
كفاح:تنهدت بحزن….خاشه بعضها هيا وراجلها زي العاده

 

ندى:ربي يهدي
كفاح:شافت لي ندى وهيا تشوف للمعازيم مبتسمعه ومستمتعه مع الزمزامات
نزلت لي ندى بتوتر …….ندى

 

 

ندى:ها شنو ؟
كفاح:انتي مسامحتينا؟!انتي عارفه ان مكانش قصدي لاانا ولا شيخه ونتمنولك كل خير
ندى:ابتسمت بوجع….نعرف ويلي صار الله غالب مش بيد حد وحسبي الله في يلي كان السبب

 

كفاح:تعبو عيونها دموع وابتسمت …….ربي يريح قلبك ❤️
ندى:يارب❤️
نبيله :هديل كلميهم يحطو العشاء وقت على الناس

 

هديل:كلمتهم من بكري شويه ويطلعوه الصبر
نبيله:قرصتها من يدها …. معش تعيطي قدام الناس عطيك دي
هديل:تهز في رجلها وهيا مضايقه ……لابنعيط لان يلي صاير يخلي البكوش يتكلم

 

نبيله:بي اسلوب استهزاء ….خيرها ست الحسن مضايقه ؟!
هديل:تسايري في الحقيره هادي بعد يلي دارته الصبح؟لا وزياده تضحك وجوها مليح
اسمعيني من توا ….قولي لي نصر يشدها من علينا

 

لا تنزل ولا نركبولها
نبيله:تحبي ولا تكرهي هادي مرت خوك ولت وبتتحمليها
بعدين البنت قاعده عيله لازم نوروها ونفهموها شوي شوي ومتنسيش الضروف يلي تزوجت فيها

 

هديل:ضروف شنو ياحضي كان انا حملت من واحد بي الحرام راهو ولادك دبحوني ورموني للكلاب
مش هيا اماليها زوجوها وعرس كبير واجواء مليحه

انا كان ولادك يشدوني نهدرز مع خطيبي بس ساعه يقعدو ساعه نابتين فيا لين يفهمو شن هوا الموضوع يلي نهدرزو فيه

 

نبيله:الله يعطيك قصه في لسانك وهوا اطول من لسان ريحانه
امشي اقلبي وجهك قعمزي مع حماواتك شويه سايريهم

 

كان يعرفو بي صحة وجهك والله مايروحو بيك لي خوهم ……
هديل:رجعت شعرها للخلف ……..يموت فيا حبيبتي خواته مدخلهمش
نبيله :ايييي لين خلاص اوصلي فيه وتو يوريك

 

هديل :مشت من قدام امها وهيا مبتسمه لي خوات خطيبها من بعيد
نبيله:ابتسمت……..ربي يهدي سركم ويبعتلكم الهني اجمعين يارب
نبيله:عطيك قصه في ها اللسان

 

نبيله:خليكم بنيتي تعشو قبل
رباب :صحيتي خالتي الله غالب خوي جي معش فيها كيف ان شاء الله في افراحكم الجايه

 

نبيله:سلمك ياربي الفال ليكم
شافت لي نجمه ……انتي بنت منو حبيبتي !؟
رباب:اءءء ه هادي قريبتي ياخاله ولازم تروح …..هيا
طلعت رباب ونجمه وسط نضرات استغراب نبيله ليهم

 

وبعد ما طلعو من الحوش وقفت نجمه في وسط الشارع
نجمه :فكت من يدها من يد رباب ……خلاااااص عاد شن هادا تجري هكي تقول خايفين من شي
هادا غير تبيني نغير جوي ملحقتش ناخد نفس داخل الخيمه

 

رباب:اضايقت ياوخيتي قلبي غم عليا
نجمه:من شنو ؟
رباب:تساوي في وشاحها ……..الله يهديك توا تبيني نحكيلك في الشارع ؟

 

نجمه:تعصبت…… ايييييييي توا توا نبي نفهم

رباب :اففففففف طه خو ندى العروسه يلي مع ريحانه
نجمه:اي اللنسان هادا سمعتي اسمه تفركستي خيره !

 

رباب:هادا كان م…….
اشرت بيدها لان كان في تاكسي مار من جنبهم
نجمه:يارببببببي

 

رباب :اركبي تو نهدرزلك او ما نوصل
ركبت نجمه ورباب لي التاكسي

 

وكانت في عيون تراقب فيهم في او ل الشارع !
تراقب فيهم بي استغراب وتسأل هاد الزوز شن يلي جابهم هنايا !؟
____________________________________

 

احيانا ينكسر قلب الانسان
لما يحاول يصلح الوضع لكن يكتشف ان الوقت تأخر وخسر احسن شي عنده

 

الصمت كان سيد الموقف في الغرفه
البيبي كان في نوم عمييييييق

 

ونجم الدين كان مقعمز مقابل شيخه وهوا مذهول من الكلام يلي سمعه
شيخه:بلعت ريقها وهيا تحاول تتكلم بهدوء وخايفه من اي خبطه تجيها بدون سابق انذار …..انا نايضه نجهز روحي انا ومتين

 

خلي نبات في حوش بوي اليوم يكون احسن وخلي طلاقنا يكون بهدوء وبدون شوشره بالله عليك
نبي نحس طعم السعاده في حياتي حتى شوي

 

 

نجم الدين:حس بي نفسه تأخر هلبااااا ……..ومعش يقدر يدير شي
في اللحضه هادي كان يقدر يخليها مرته وحلاله بي القوه ????
تقعد في حوشه وجنبه ومتقدرش تحكي حرف

 

بس لعند امتى رح يستخدم العنف ؟
لان العنف هوا يلي وصلهم للمرحله هادي

 

ناضت شيخه من قدامه وهوا جامد في مكانه????
متحركش وعقله يرفع ويجيب

 

فكر لحضات ……وخدي قرار ان يرفعها لي حوش اهلها
واول ما تشوف الويل منهم اكيد رح ترجعله غصبا عندها

 

وهنايا نشوفو ان نجم الدين متغيرش ومفيش فايده فيه
يلي تعلم ياخد حاجته بي الغصب والقوه رح يقعد هكي طول عمره

 

الا لو ……
لو ادخل شخص نورله بصيرته !

 

فاق من سرحانه على صوت شيخه وهيا حامله ولدها ولابسه عبايتها وماسكه في يدها ساكو ولدها بس
شيخه:انا واتيه

 

باقي الحوايج والبضاعه خطمهم عليا بكرا
نجم الدين:شافلها بنضره اخيره ……..تمام

 

شيخه:استغربت من هدوء راجلها وكيف وافق بس كانت عارفه كووويس راجلها كيف يفكر وشنو يلي يدور في باله
ومتأكده ان نجم الدين معتمد على قسوة اهلها يلي مخيتها ترجعله في كل مره

 

بس ها المره حرفيا كانت ناويه الشر
________________________________

 

نزلت ندى وريحانه من الكوشه يرقصو والضحك معبي ملامح وجهم ❤️
لدرجة يلي يشوفهم كيف يهيجو مع الزمزامات يقول مستحيل يكونو نفس العرايس امس ????

 

رقصو مع الزمزامات ومع عزوزتهم واهلهم واحبابهم❤️
ورجعو لي مكانهم كل مره يجي شخص يهدرز عليهم ويسلم
كل واحد فيهم كان سارح في شي !

 

ندى:كانت سارحه ورسمت لي نفسها حياة ورديه
ادكرت كلام نذير امس وهوا يقلها

 

نذير:ديري بالك ع نفسك احسن ليا وليك وبعد وقت حتى تبي تطلقي معنديش مشكله
واذكرت كلام امين حبيبها كيف مش رايحه من باله ولا حتى مستغني عليها

 

بلعكس حاول انها تكون ليه ولعند اخر لحضه كان يحاول
خداها عقلها لي افكار جميله بنسبه ليها

 

ان ممكن تقعد فتره مع نذير في سلام بدون مايقرب عليها
وبعدين يطلقها ….بعدها اكيد رح ترجع لي حوش اهلها مطلقه

 

والاكيد الاكتر من هكي ان بوها وخوتها رح يوافقو على امين بدون شك
احسن من ان تكثر عليها الدوا وهيا في حوش اهلها ????

 

اما ريحانه كان تفكيرها مختلف جدا عليها مكانتش تبي شخص تعيش معاه حياتها
كانت تبي حياتها بس

 

تبي ترجع دراستها وصاحباتها وهياجتها
وكل شي صار مع نصر كان قلة عقل منها ونقص مراقبت اهلها ليها
وكان نصر مستغل الشي هادا

 

وعاجباته فكرة ان ريحانه مكانتش مهتمه انها فقدت شرفها ولا حتى اصرت انه ياخدها لان ببساطه كانت ريحانه متأثره بي حياة الاجانب وتبي تعيش زيهم بدون جواز وتهيم في طريق الحرام
ومكانش فيه بينهم ذرة حب صافي ابدا ????

 

كلي يلي بينهم طمع وشهوه بس
كان نصر مبهور بي جمالها واسلوبها المكيود رغم عمرها لا يتجاوز 17 سنه بس

 

ومبهور بي رزق وخير بوها والفلوس والسيارات
وهيا كانت تلعب …..ندادها لو حتى فكرو يلعبو رح يختارو العاب عاديه

 

بس هيا استعملت نصر لعبه لعبت فيه كيف ما تبي وسيباته
الخلاصه ان الطريق يلي بدايتها مترضيش ربي
نهايتها مش رح ترضك ………ياترى المقوله هادي صح ولا رح تتغير في روايتنا ؟
__________________________________

 

رباب:سكرت الباب ولوحت المفاتيح ع الطاوله وهيا معصبه ……..مش معقوله انتي كيف تبيني نحكيلك التفاصيل في التاكسي غبيه انتي ؟
نجمه :لوحت عبايتها ……ياودي وصلنا نقدر نفهم منك توااا؟؟؟؟
رباب:قعمزت على الكرسي بتعب …..ندى عندها اخ متوفي

 

نجمه:اي ؟
رباب :في يوم كان خوها طه والمتوفي يلعبو في شطرنج مع خوي في القهوا
صار نقاش بينهم وكبرت القه انتي تعرفي لما الشباب يحصلو مشكله مايصدقو
بدو يضربو في بعض وخشت بعضها القهوا كلهم

 

خوي طلعه سلاحه و……
نجمه:خبطت ع وجها بصدمه ……قتل خوها ؟؟؟؟؟؟؟؟؟؟

 

رباب:اي
تواصلو معاهم خوتي وحاولو يوضحو انه بدون قصد وحتى عرضو عليهم مبلغ وقبلو بيه لكن قعدو يدورو في خوي ويبو ياخدو ثأر خوهم وندى شفتها مره في الموته من بعيد لما مشينا نعزو
فهمتي علاش هربت ؟

 

يطيحو فيا انا وخيتي مش قالقه من حياتي
نجمه:سرحت شويه ……عندك الحق صح
تنهدت وخدت نفس ……عندك الحق بجد

 

رباب :فسدو عليا الحفله الله لاتربحهم
نجمه:تعالي بنقولك ……شن جيب خالتي كريمه للحفله ؟
رباب:رجعتلها ملامح الاستغراب ……..وخيتي انا راهو راسي بيتفجر معش فهمت ناقص ملقيتش امي بس في ها العرس
نجمه :ضحكت …….انا بنمشي ندوش ونحط راسي نرقد لو نعرف ان مشواري معاك هكي مستحيل كنت نطلع

 

رباب :عاد متشديهاش عليا توا بلا جو زايد الطلعات الجايه اكتر
نجمه:وهيا تحط في الوشاح ع راسها ………هههههههههه مستحيل مزال نعاودها
وفتحت الباب طالعه

 

رباب :دوشي وتعالي نشربو قهوة
نجمه:طلعت وهيا لافه راسها اتجاه رباب …….مستحيل تعبانه بنرقد الصبح نفطرو مع بعض
رباب:اوك
نجمه:سكرت الباب وتلاقت عيونها مع يزن❤️

 

 

يزن:كان يشوفلها من فوق لعند لوطا مكياجها الصارخ وقفطانها الباين تحت العبايه وشعرها يلي نصه برا وريحتها يلي تجيب لاخر الشارع..
نجمه:توترت وعلامات الكره على وجها لكن باين عليها انها كانت مضايقه ومكانتش تبيه يشوفها بي ها الحاله ولا فوق من هادا كله طالعه من حوش رباب

 

يعني النضره المش مزبوطه لاحقتها لاحقتها
يزن:متكلمش لكن نضرت الإشمئزاز كانت باينه جدا على ملامح وجها
نجمه:تجاهلاته وفتحت باب شقتها وخشت بهدوء ويزن كمل طريقه
__________________________________

 

كانت الليله هااااديه
النسمه مصقعه والسماء صااافيه ومفيش هلبا نجوم واضحه يكفي القمر يلي بنوره كان مضوي المكان ❤️

 

درست السياره بهدوء ونزلت منها شيخه وهيا ماسكه ولدها
مشت خطوات لين وصلت لعند الباب

 

نجم الدين:حط الساكو جنبها وهيا كانت عاطياته بي الضهر
لحضة سكوووت

 

شيخه قاعده مرفعتش يدها وطقة الباب
نجم الدين:بكرا نمر نجيبلك بضاعتك وشوي حاجات للولد

 

شيخه :بدون ما تتلفت …..يبارك فيك
نجم الدين :عطاها بي الضهر وهوا متجه لي سيارته
شيخه:طقت على الباب

 

نجم الدين:تلفت وناداها بي اسمها❤️…….شيخه
شيخه:تلفتت …..نعم!
نجم الدين:انتي طالق
شيخه:توسعو عيونها بصدمه صددددددددددددددددددمه

 

كان نجم الدين من سابع المستحيلات انه يفكر حتى التفيكر يطلقها ويخليها
نجم الدين :عطاها كلمتها وركب سيارته بدون اي كلمه تانيه

 

مشي وخلاها واقفه مصدومه ووحيده قدام حوش بوها هيا وولدها
مش رح نحكي على احساس نجم الدين يلي كان كأن طفل يتخلى على اكثر شي يحبه

 

كان فيه غضب داخله يبي يكسر يدمر يحرق اي شي قدامه
الشعور الطبيعي للانسان في الموقف هادا يكون شعوره حزين ومكسور
بس نجم الدين ديمه كان يعبر على شعور حزنه بي الغضم والعنف

 

رح نحكي على شعور شيخه بي الطلاق السريع يلي كان بين يوم وليله
مكانتش تعرف ابدا شن تحس
تحس بي الفرحه ؟

او تحس بي حزن وضيق من الجحيم يلي رح تعيش فيه مع مرت بوها ؟
شعور ان انسان تخلى عليك حتى لو انت يلي طلبت البعد !????

 

الف شعور في ثواني حست بيه????
الف شعور قاطعه صوت الباب لما انفتح
تلفتت وشافت نضرات الاستغراب في عيون بوها ……..؟
________________________________

 

ريحانه:تنحي في خراصاتها ………اففففف امي نسمع نسمع والله نسمع
جميله:اسمعيني كويس مبكري مقعدتش انا وياك بروحنا بكل
بوك بيسافر بعد بكرا مصر ويبيني نمشي معاه وبكرا بيجيك الحوش شويه يشوفك قبل مايسافر

 

ريحانه:سكرت سبيكر التالفون ……..ممممم هاذا وين ادكر اني بنته يعني ؟
جميله:بوك مهما دار في النهايه انتي بنته ومش رح يرضى فيك شي

 

يا بنت يابنتي الله يربحك اسمعي كلامي لو مره وتشوفي حياتك كيف رح تتحسن
ريحانه:ها ياماما نسمع فيك احكيلي
نصر:طلع من الحمام وهوا ينشف في شعره

 

جميله:بوك هدرز معاي وقال لو انه شاف ندمك واهتميتي كويس بي ولدك وراجلك رح يكتبلك الفيلا يلي في شارعنا بي اسمك انتي وولدك ورح ترجعي لي قرايتك وحياتك لكن !!!!!!!!!!
وانتي عند راجلك بس

 

ريحانه:سرحت في كلامها…..اهااااا
جميله:غضوا خلي روحك زي العسل مع راجلك قدام بوك
لان حتى الولد احتمال يبعته لي خالته في الريف يتربي ويعيش بينهم احلى عيشه بعيدا على الفضايح

 

ريحانه:يعني مش رح نضطر نربي الولد؟
جميله:ها الايام هادي بس خليه معاك وردي بالك حد يشوفك غير ام نصر واخته الوحيدين يلي يعرفو
ريحانه:سرحت والموضوع كان عاجبها❤️

 

جميله:فهمتي شنو اديري ؟
ريحانه:اي تمام ماما …هي سلام توا
جميله:اسمعي م….

 

ريحانه:سكرت الخط وهيا تشوف لي نصر
نصر :قعمز على السرير …..خيرك بسم الله شنو ها النضرات
ريحانه:بنضرات بريئه…..نصوري حبيبي

 

نصر:تحولت ملامح وجها لي قرف …….نصوري؟
شن في ان شاء الله خير
ريحانه :قربت منه ……حبيبي محكيتليش شن رايك فيا امس واليوم

 

مقتليش طالعه حلوه ولا لا !
نصر:بالله نوضي اقلبي وجهك من عليا انتي والطبقات يلي حاطيتيها ع وجهك طالع منضرك يضحك
ريحانه:عضت فمها بغضببب وها ماسكه نفسها ….نصوري حبيبي خيرك عاد قبل كنت مغرقني بي الكلام الحلو

 

حطت يدها على خده برقه …..شنو يلي تغير؟
نصر:غبيه انتي ؟!ولا محصله خبطه ع راسك فهميني

 

ريحانه:خيرك عليا عاد
نصر:بالله نوضي من عليا راني تاعب ومش طايقك …..نوضي اقلبي وجهك طفي الضي ريحيني من شوفتك
ريحانه:حكت راسها وهيا تحاول تتمالك اعصابها

 

جت بتنوض بهدوء من السرير لكن فجاه مسكت نصر من رقبته وهبا تخنق فيه
ريحانه:اسمعني هما كلمتني
بكرا قدام بابا انا وياك زي العسل وامورنا لوووووز اقسم بالله تتصرف معاي هكي قدامه الاما نحرقك انت وشقتك الجربوعه هادي سامع ولا لا

 

نصر:اشر بعيونه بمعنى تمام
ريحانه:طلقاته وهيا مبتسمه …….شطور حبيبي
نصر:قاطعه يديك من ربي نتوقع منك كل شي

 

ريحانه :وهيا في طريقها للحمام ……..ع اساس انا تعرف القبله وين تفتح بالله اسكت
كانت ريحانه ونصر ثنائي لايقين على بعض بطريقه كبيره

 

الاثنين صغار ونفس الطبع والسم يعني بي اختصار مكانش في حد مضلوم مع التاني
الاثنين بنفس الطبع الوسخ
ام ريحانه كانت عكس الاماهات

 

بدل ما تحسس بنتها انها غالطه وتحاول تخلي ضميرها يأنبها ولو شوي قاعده تفكر وتخطط كيف تخليها تتخطى وترجع تعيش وحياتها
وهيا مقتنعه تمام الاقتناع ان هادي الطريقه الصح لي التربيه انها توقف مع بنتها في الغلط قبل الصح
وطبعا ها الغلط يشمل بوها للاسف
______________________________

 

ندى:مسحت مكياجها ولبست بجامتها البسيطة ❤️
طلعت من الغرفه والهدوء كان مالي كللللل الشقه
نذير:كان مقعمز على الصالون يقرا في كتابه وقدامه كوب شاهي فيه شريحه صغيره ليمون

 

ندى:مساء الخير
نذير:قام عيونه ……مساء النور كيف كانت الحفله اليوم ؟
ندى:ابتسمت……الحمد الله كانت حلوه غيرنا جو شويه وتعرفت على مرت خوك

 

نذير:كويس
كانت هديل هنايا وجابت عشي لو جعانه
ندى:يبارك فيها بس مخاطريش توا

 

اءءء امممم تبي نحطلك …ورجعو عيونه لي كتابه
ندى:قعمزت مقابله وهيا مش عارفه شن تحكي ولا شنو ادير ؟!
ونذير من كثر انه مخليها على راحتها وميبيش يضايقها مكانش بيفتح ولا اي موضوع معاها

 

ندى:نادر نبي شي
نذير:ابتسم وشافلها ……نادر اسمي
ندى:حست بي الاحراج ….اءء اسفه انا مش ………
نذير :قاطعها ……احكيلي شنو كنتي تبي ؟

 

ندى:كنت نبي ناخد الارضي بنحكي مع شيخه مرت خوي لانها مجتش اليوم
نذير:شافلها بي استغراب ….علاش وين تالفونك؟

 

ندى:من يوم روحت من الخطف و مدرتش تالفون جديد
نذير:بكرا نجيبلك معاي وانا مروح خودي الارضي توا

 

ندى:خدت التالفون وهيا سعيده بطريقه مش طبيعيه
خشت للغرفه سكرت الباب واتصلت بي امين❤️
_____________________________

 

نجمه :طلقت السلام من صلاتها ❤️
وفتحت الروشن وهيا تتفرج على الجو يلي كان يجنن برا❤️
حست ان خاطرها تطلع او مثلا مكان تتفرج فيه على السماء ويكون واااااسع

 

خطرت في بالها فكره❤️
طلعت بي لبسة الصلاة خلت شقتها مسكره وركبت لي سطح العماره
قعمزت وهيا تشوف لي السماء وتسكر في عيونها وتشم في الهواء البارد

 

لين يقاطعها صوت ❤️
ادهم :شن اديري هنايا
نجمه :وقفت …….شي كنت ن نن نشم في هواء بس

 

اردهم :حتى انا كنت راكب بندخن لكن يالله مش ضروري مدامك هنايا منحبش ندخن قدام البنات …..ولوح طرف الدخان وعفس عليه برجله
نجمة: لا لا والله كنت نازله
ادهم:بلعكس باهي يلي لقيتك

 

نهدرز عليك شوي ولو متبيش براحتك
نجمه:خدت نفس وبدت الدوا بينهم
حديث يجر حديث بدون مايحسو بي الوقت …….
___________________________________

 

طلع الصبح ????❤️
وكل شخص في قصتنا شعوره يختلف على التاني ????
نجمه:نزلت من سطح العماره بعد ما طلعت الشمس

 

وندى سكرت مكالمتها ورقدت بعدت ما طلعت الشمس
رباب مجاهاش النوم من التفكير حتى بعد ما طلعت الشمس
وشيخه كانت في صدمه نفسيه متخطتهاش حتى بعد ما طلعت الشمس

 

ريحانه ونصر رقدو قبل ما تطلع الشمس بي ساعات ممكن كانو اكتر اثنين سعيدين في المرحله هادي
اما نجم الدين فــــــ طلع لي مشاوره يلي يفكر فيه طول الليل اول ما طلعت الشمس
نجمه:كانت تعبانه بسبب انها طووول الليل ما رقدتش غمضه وساهره فوق السطح

 

بس كل ما تدكر كلامه وهدرزته كانت تبتسم ❤️وقلبها يتحرك من مكانه
غسلت وجها وجهزت نفسها لانها كانت مواعده رباب انها تفطر معاها
بس اول ما قربت ع الباب بتطلع كانت تسمع في صوت ضجججه
فتحت الباب فتحه صغغغغغيره وقعدت تراقب من بعيد وبحدر

 

شافت ولد واقف على باب رباب والباين انه كان بيخش لكن رباب كانت تمنع فيه
ورغم انهم كانو يتعاركو بس اصواتهم كانت مش عاليه ابدا
نجم الدين:كانو واقف قدام مبنى ومستغرب من نفسه كيف جي برجليه لي المكان هادا ؟

 

ادكر كل تفكيره في الليل وادكر لي كل النصايح يلي شافها في اليوتيوب
وادكر الكلمه يلي سمعها وعلقت في راسه
الانسان يلي ميعرفش يسيطر على غضبه ولا يعرف يعبر على مشاعره محتاج شخص يفضفضله ويوجها لي طريق الصح

 

الانسان يلي يكبت في نفسه عمره ما رح يرتاح لا هوا ولا الناس يلي جنبه ????
خدي نفس عميق وخش للمبنه
وكان مكتوب على لافتة المبنى (الأمل لي الرعاية النفسية)

 

ندى:طلعت من غرفة نومها بنشاط رغم انها مرقدتش الليل كله
لكن طاقة الحب تفوز على اي شي وتعطيك قوه انت نفسك متفهمهاش من وين جت????
وصلت لي الصاله وهيا مبتسمه

 

لكن اختفت ابتسامتها لما شافت نذير وجها ميتفسرشششش وجنبه تالفون ارضي تاني والباين من الخيط انه كان في المربوعه
هرب عليها النفس لما عرفت ان كل كلمه حكتها مع امين نذير سمعها
تخطيطهم وكلامهم ووعودهم وحبهم????

 

ندى:بلعت ريقها …..نن ن نذير انا
نذير: بي اعصاب وعياط ……..شن قلت انا من اول يوووووووووووووم

 

شنو حكيت شن فهمتت
عطيت فيك الثقه وخنتيها من اول يوم
مصنتيش ولا احترمتي انك مرتي على الاقل حتى قدام ربي

 

ندى:دموعها ينزلو والغضب في عيونها ……..انت تعرف كووووووويس ان قلبي معلق بيه
وتعرف ان …….
نذير:قاطعها لما قلب الطاوله يلي كانت قدامه بكل شي فيها ومرش الطاوله تفترش

 

ندى:وخرت خطوات للخلف بخوف وفزع
نذير:تسحابي انتي بس يلي تحبي ؟؟؟
تسحابي انتي بس يلي معشمه شخص وتتمني تكون معاااااااه

 

تسحابي انتي بس يلي حياتك ادمرت ؟؟؟؟؟؟
اول شي نصلو على سيدنا محمد ونحمدو ربي ونستغفروه ناخدو شوية حسنات قبل ما نبدو ❤️
نذير:تسحابي انتي بس يلي تحبي ؟؟؟

 

تسحابي انتي بس يلي معشمه شخص وتتمني تكون معاااااااه
تسحابي انتي بس يلي حياتك ادمرت ؟!
ندى:تبدلت ملامح الخوف بملامح صدمه….. كيف؟ كك كيف انت شن تحكي مفهمتش !

 

نذير:عطاها بي الضهر دقايق وسكر عيونه وهوا يحاول يسيطر على نفسه وميمدش يده عليها ولا يجرحها بي الكلام رغم الخيانه الكبيره يلي دايرتها من اول يوم جواز ليها
ندى:رغم خوفها لكن سألت بفضول…..انت قصدك يعني عندك ب………
نذير:تلفتلها وقاطع كلامها …..جنيتي على نفسك ياندى

 

كنت بنعاملك بما يرضي الله لكن بعد يلي سمعته امس صدقيني رح تشوفي شي عمرك ماشفتيه في حياتك
ندى:هرب الكلام من فمها واكتفت انها تسكت بس وتتلقى ردة الفعل يلي بتجيها
نذير:ارجعي غرفتك

 

ندى:عقدت حواجبها بي استغراب ….وين؟
نذير:ارجعي غرفتك ولو طلعتي منها ما تلومي الا نفسك !
ندى:انا كنت نبي ……..

 

نذير:عيط عليها …….تحرررركي
ندى:تحركت من مكانها بفزع….وخشت بسرررعه لغرفة النوم
قعمزت على السرير وهيا مصدومه من يلي صار وقبل ما تلحق تفكر خش عليها ندير وتعابير وجها تخوف

 

خش بدون مايحكي معاها مسك التالفون الارضي وطلعه معاه وسكر الباب
وبعد ثواني سمعت ان صوت المفتاح اطرق عليها مرتين
وقفت واعصابها منهاااارة استمرت ماشيه جايه في نفسا المكان ومش عارفه شنو ادير تخاف على نفسها ولا على امين
تهرب ولا تصبر علي العيشه يلي بتشوفها لان الباين ان نذير مش ناوي ابدا على خير

 

اما نذير سكر عليها الباب ووقف في الصاله كان ماسك التالفون الارضي بيده
ويده التانيه موبايله دور بين الاسماء لعند وصل لي اسم نجم الدين وكان رح يتصل

 

وقف دقايق يراجع في نفسه هل يخلي الموضوع عند خوتها وبوها ؟
ولا يقعد بينه وبينها ؟
كيف رح يتصرف معاها مهما كان هيا بنت ونذير مكانش متعود ابدا يتصرف مع البنات في مواقف زي هكي …..دقايق فصلت بينه وبين قرار مصيري
بس في النهايه سكر تالفونه وحط في جيبه ورمي التالفون الارضي في الزباله (اكرمكم الله)
_______________________________

 

نجم الدين:قعمز وهوا قارن حواجبه وملامح عدم الرضا كانت باينه عليه
يشوف للمكتب الانيق يلي اغلب الوان ديكوره كانت بي اللون البني والابيض وتصميم الغرفه كأنه كان مخصص لراحة العيون❤️
قاطع صوت انوثي ناعم كل هادا التأمل ……السلام عليكم

 

نجم الدين:رجع قرن حواجبه من جديد وبدون ما يقيم عيونه …..وعليكم السلام
معاك الدكتوره مودة رح نكون في اول الجلسات بي اذن الله وبعدين لو حسيت روحك مرتحتش معاي تقدر تغير لي اي حد من زملائي

 

نجم الدين :قام عيونه فيها وشاف قدامه بنت الباين ان سنها مش كبير هلبا
كانت لابسه بدله رسميه خفيفه بي اللون الاخضر وكعب ابيض ومكانتش متحجبه
سانده شعرها البني على كتفها جيهة اليمين

 

مودة:ابتسمت ……ها وين سرحت ؟!
نجم الدين:مفيش دكتور ولا كيف ؟!
مودة:ضحكت ….للاسف حاليا مواعيدهم فل ونعانو نقص شوي ها الفتره معليش تحملني ????

 

نجم الدين :تمام تمام
موده:مسكت مذكرتها وقلم …….عرفني بنفسك ؟
نجم الدين:كان رياكشن وجها هكي ????……علاش؟

 

موده:سيطرت على ضحكتها……شوف اول حاجه لازم تعرفني بنفسك وتتعامل بسلاسه اكتر باش نقدر نساعدك استاذ
نجم الدين :اول ما سمع كلمة مساعده خطررت عليك شيخه❤️
ضحكتها وكلامها وولدهم❤️

 

خدي نفس وبدي يعرف بي نفسه وبدت المحادثه بينهم تتقدم
نجمة:مكانش باين منها شي الا عينها خلف الباب تراقب بيها
مسمعتش كل الكلام ومشافتش الولد لانه كان عاطي بي الضهر ولابس لبس غريب كأنه متقصد يخفي نفسه

 

الشاب كان يحاول يخش لي الشقه بس رباب دفاته بقوة
رباب:اطللللع رد بالك مزال توريني وجهك اقسم بالله نخربلك حياتك وتعرف الهبال متعي لوين يمكن يوصلني
نجمه:حاولت تسمع الولد شن يقول بس كان صوته واطي ومسمعتش منه ولا كلمه

 

شافاته حط يده على خدها بهدوء وقالها كلام مش مسموع
فجأه رباب تغيرت ملامحها من ملامح شرسه لي استسلام وشوية دموع لمعت في عيونها????
رباب:اختفى صوتها العالي وبدت تحكي بصوته هادي تعابير وجها كأنها كانت تحاول تقنعه يمشي ويرجع وقت تاني

بعد هدوء طويل تسكر باب ربابوتلفت الولد
وكان لابس كمامه ونضرات وبرنوص مغطي كامل راسه
نجمه:سكرت الباب بهدووووء وسندت ضهرها ع الباب مصدومه ……شنو يلي شفاته ؟!

 

معقول يكون خوها ؟!
لا مستحيل لو كان خوها مستحيل يلمسها بي الطريقه هادي ولا يلبس هكي كأن خايف حد يشوفه

 

قررت نجمه انها تخلي شوية وقت لي رباب تهدا فيه قبل ماتمشيلها
بس عقلها حرفيا موقفش على التفكير بعد يلي شفاته
_________________________________

 

كفاح:حطت يدها على فمها بي الصدمه ……..كيفففففف؟؟؟
انور:بعلامات يأس على وجها ……..هادا يلي صار
كفاح:بهستيريه غريبه ……كيييييف كيييف يطلقها شن دارت

 

انور:افففف منعرفش يا كفاح منعرفش شن صار بينهم الله اعلم غلطت فيه ولا علت صوتها منعرفش
كفاح:بصوت يرجف……مستتتتحيل شيخه مش هكي ابدا لا ترفع في صوتها ولا تحكي اي شي غلط مع راجلها بداااات مع راجلها
انور:خلاص عاد صرعتيني هادا يلي صار ماعندي ما نديرلهم اكيد بوي رح يخليه يرجعها مستحيل تقعد مطلقه بدات ان عندهم ولد بينهم

 

كفاح:اي اي طبعا لازم يرجعها شن الغباء يلي صاير هادا
كله من خوك اقسم بالله مريض وغريب كيف عاشت معاه السنين هادم وجابت معاه ولد مش عارف
انور:هييييي يابنت انتي خوي هادا مهما كان قعمزي واهدي

 

كفاح:قامت حواجبها …..انا تتكلم معاي هكي ؟؟
بديت زيه خلاص؟

 

انور:اعقلي خير ما انوضلك ؟
كفاح:توسعو عيونها …….شنننننننننو؟
نوض نوض يالله قدامي نوض روح بيا لي حوش اهلي مره وحده

 

انور:ضحك وكل ملامح الجديه اختفت ……كنت نبصر يابنت عاد اهدي
كفاح:ربعت يديها …..نوض ارفعني حوش اماليه تو نوريك التسهويك كيف شكله
انور:وقف حضنها …….كوكتي الكويسه زوجتي الصالحه بصرنا مريره عاد اهدي

 

كفاح:مش مطيبه غدي مصارليش
انور:فداااك نجيبو احلى غدي لعندك
كفاح:ابتسمت بخجل…….خلاص رضيت

 

انور:باعد عليها ……راك تنسي اليوم العشي لوطه لان طه ومرته مروحين
كفاح:معنديش خلوق لي السلفه الجديده

 

انور:بديناااا عاد
كفاح:ههههههههههههه
________________________________

ناديه:ماسكه راسها بتعب …….نوضي سكتيلي ولدك راهو راسي بيتفجر مرقدتش من امس
شيخه:فتحت الرضاعه وعطتها لي ولدها وهيا ساكته
ناديه:استفزها سكوت شيخه وتبي اي نقاش يوصلها لي مشكله باش بوها يضايق من وجودها قامت حاجبها بسم ……وانتي شنو ان شاء امتى مفكره تروحي ؟

 

شيخه:بهدوء وبدون ما تشوفلها …..انا اطلقت مش جايه حرجانه
ياريت تفهمي الشي هادا

 

ناديه:عاااارفه عاااارفه من بختي المايل الاسود معشتش مع بوك الا ها ال3 سنين ورجعتيلي
شوفي طريقه يرجعك بيها راجلك ع ذمته حني مش حمل مصاريفك انتي وولدك بوك ياذوب يلحق ياكل

 

شيخه:نجم الدين عمره ماقصر معاي لا انا ولا ولده في المصروف ومستحيل يقصر معاي وانا هنايا
ناديه:اممممممم به ياحنه كويس مدامه حنون وكريم هكي شنو يلي جابك هنايا هاااا؟؟
شيخه:سرحت شوي في كلام مرت بوها والباين ان نجم الدين كانت في مزايا وحجات كويسه مكانتش تشوف فيهم !

 

ناديه:نصيحه مني حاولي ترجعيله لان بوك مهما قالك تعالي والحوش حوشك صدقيني فوق من نفسه بوك معنداش جهد لحملك انتي وولدك وخصوصا قدام الناس مطلقه الدوه والكلام بيكثر عليك روحي لي راجلك احسنلك مهما كان وضعك معاه رح يكون احسن بألف مره من بروحك
شيخه:خدت ولدها وخشت للغرفه بدون ما ترد عليها ولا اي كلمه

 

ناديه:بصوت عالي ….اي اي اي هادا فاش فالحه اهربي بس من الكلام والدوه
احيانا الانسان ميكونش محتاج لي حل في مشكلته او نصيحه او حتى جواب لي سؤاله

 

الانسان في موقف ضعفه وكسرة قلبه يحتاج لي كلمه طيبه بس❤️
كلمه حلوه مع ابتسامه قادره انها اطيب خاطره وتخفف عنه همومه
____________________________

 

مودة:رفعت عيونها بعد ما كتبت شوي حاجات في مذكرتها …..مفكرتش ان ممكن تحافظ عليها بطريقه تانيه ؟
غير الغصب والضرب والتهديد انك رح تتزوج وحده غيرها !؟

 

نجم الدين:ساند ضهره وراسه ع الكرسي ويشوف لي السقف …….لا معنديش حل تاني
مودة:ليش حسب رايك؟رغم ان جميع الناس تعرف ان البت ديمه تجي بي الكلمه الطيبه والحنيه

 

مجرد شوية اهتمام يخليها تغرق في حبك ومهما صار بينكم خلافات رح تقعد جنبك وقتها
نجم الدين :منقدرش منقدرش عليه الشي هادا منبيهاش تشوفني ضعيف

 

مودة:ابتسمت …متقدرش ولا متعرفش ؟
نجم الدين:خدي نفس وهوا مضايق…..الاثنين

 

مودة:اوكي ……خبرني على علاقتك مع امك
نجم الدين:بملامح جمود وسيطره على مشاعره ……امي توفت بعد ما جابت اختي الصغيره بي 4سنين بس
مودة:كانت حنونه معاك؟!

 

نجم الدين:منتفكرش اغلب الوقت قضيته مع بوي في الشكل
مودة:تمام اعتقد الجواب هادا كافي لي مشكلتك يعتبر

 

نجم الدين:مدخلش الشي هادا
نشوف في خوي مع مرته كويس ويعرف يكلمها بي بطريقه يعني
مودة:ماسكة ضحكتها …يعرف يكلمها بحب

 

عادي احكي ها المصطلحات مش عيب طالما في الحلال
نجم الدين :خدي نفس .زاي شي زي هكي
مودة:مداير علاقات قبل زواجك؟

 

نجم الدين :قام راسه وشافلها وقارن حواجبه …شن تقصدي .؟
مودة:اهدى خيرك ؟
نقصد مش عايش قصة حب ؟!

 

نجم الدين :لا طبعا مش صنعة تريس نكلم فلانه وعلانه وناخد وحده تانيه شن تقولي انتي
مودة:سرحت فيه دقايق بي اعجاب ❤️
شخصيته وكلامه كانو غير عن اي حد مر عليها …..

 

مودة:نفهم منك ان مرتك مخديتهاش علاقه وحاليا هيا اول حب ليك ؟!
نجم الدين:اي

 

مودة:سكتت وهيا تكتب في مذكرتها كم كلمه لقطتهم من مشكلة نجم الدين وشخصيته
وبعدها قامت راسها وشافتله ……شوف نجم الدين
بدايتاً خطوة حلوه منك هلبا انك جيت بدون اي ضغط وحاب تتعالج وتحسن من نفسك

 

بس الشي هادا مش رح يصير في جلسه او اثنين
لهادا نضمن انك رح تتحسن لكن كل شي رح يجي بي الصبر

 

تمام؟
نجم الدين :ان شاء الله
مودة:ابتسمت ……وقتنا تم ونراجي فيك للجلسه الجايه موعدنا بعد بكرا❤️
نجم الدين:شكرا…..وطلع بدون ما يشوفلها
___________________________________

ندى:وقفت بي فزع لما سمعت الباب انفتح
ندير :فتح الباب وحط كيسة والواضح ان فيها وجبة غداء وجي بيطلع بس وقفه صوت ندى
ندى:نذير ممكن دقايق نحكو فيهم ؟

 

نذير:شن تبي ؟
ندى:اسمعني انت فاهم ان …….

 

نذير :قاطعها …تبي تحكي ؟
تمام في شنو بتحكي بزبط ؟طلاقك ولا زواجك منه بعدين ولا شنو بزبط
ندى:اءء انا

 

نذير:تحشمي الزح حتى حنة عرسك قاعده في يديك
ندى:بلعت ريقها وهيا تشوفله ……كانت عارفه لو بتحكي رح يقاطعها للمره الالف
نذير:قرب منها والغضب مالي عيونه ……كنتي حاطه في بالك اانتي واهلك ان انا ممسحه ؟

 

تتزوجيه باش الناس تنسى يلي صار ومحدش يجيب سمعة سلالتكم الملكيه بي العاطل
وبعدين تطلقي وتعيشي حياتك وتخليني وسط حوشي يلي مش كامل ووسط حياتي العاطفيه والنفسيه والعمليه يلي خربتيها

 

ندى:طاحت دمعتها……..انا مكانش قصدي ندير هكي !
نذير:ودرتيه
درتيه يا ندى
مش انا يلي يتعلم عليا ونرضى بي المهزله يلي بتصير

 

مش كان كنت معاك محترم وكويس معناها تقدري اديري كل شي وتحطي راسي في الارض
ندى:شش ش شن يعني ؟
نذير:معناها وتي روحك
ندى:بلهفه……بطلقني ؟

 

نذير:بي استهزاء……..هه من جاب سيرة الطلاق !
وتي روحك باش تكوني مرتي بجديات في كل شي

 

ميحتاجش نفهمك اكتر من هكي وسريب الطلاق نحيه من راسك نهائيا
اليوم ساهر برا بكرا نروح نلقاك مجهزة نفسك …..وطلع وسكر الباب بدون ما يزيد ولا حرف
ندى:بصوت يرجف….مستحيييييل لا ياربي نقدرش

 

ككك كيففف كيف بيكسني لا لالالا
خبطت على وجها اكتر من مرا بهستيريه وهيا تقول …….بيدخل عليا ????
منقدرش لاااااااا
___________________________________

 

ريحانه:كانت لابسة قفطان شيفون بسيط لونه ابيض وعليه وردلونه فوشي داكن❤️
حاطه مكياج خفيف وقايمه شعرها
كانت مقعمزه على الكرسي وسارحه في ولدها يلي كان بين يديها

 

جميله:شنو شايفاتك حبيتيه !
ريحانه:تفركست………لا طبعا تعرفيني منحبش الصغار
جميله:اطلعي عزوزتك وحماتك جت

 

ريحانه:مبردهم كل يوم في وجهي
جميله:زي موصيتك يا ريحانه متخربيش ع نفسك

 

ريحانه:افففف ماما خلاص عاد …….وطلعت من الدار وهيا ماسكه ولدها
كانت الصاله واسعه بوها ونصر مقعمزين اخر الصالون
ونبيله وبنتها هدى وامها مقعمزين في الجيها التانيه

 

ريحانه:بي ابتسامه….نورتو
نبيله:فرحانه بي التغير يلي صاير …….بنورك حبيبت قلبي
هديل:اكتفت ترد بي قلبت عيونها بس

 

ريحانه:مسكت نفسها بهدوء على العراك
سمير:احمد ربك ان المعارف هلبا والفلوس ادير طريق في البحر
كنهادا راك محبوس انت واها والولد الله اعلم شن صاير فيه

 

نصر:واضح علامات الضيق على وجها …..خلاص الولد وانتسب ليا معش فيه موضوع
سمير:والناس؟
كيف بتحلها معاهم ؟
اقاربك واقاربها ولا حتى هادي تبيها تنحل بي الواسطات ؟

 

ريحانه:قاطعتهم ….اهم شي ان التوبه يابابا
حني تبنا والحمد الله ربي جمعنا بي حلاله والولد زي ما انت شايف بينا وربي يكبره في طاعته ويغفرلنا
جميله :مصدووووووووووومه من كلام ريحانه وقدرة التلاعب يلي عندها !

 

سمير:مش عاجبه الوضع………اي اي
شاف لي نصر ……شن الاسم يلي تسجل بيه ؟
نصر:محمد

 

سمير:احسن ما اخترت ….خليه مع الايام يصير خير قدام الناس
ديرو بالكم على الولد واعرفو كيف تتصرفو الاثنين
نصر:كان بيتفجر من المسايره …ان شاء الله عمي

 

كملت العزومه الصغيرونه هادي على خير ❤️
وكانو العائلتين منسجمين ونصر وريحانه جايبين الدور صح
حاليا نعرف كويس القارئ شن يحس ممكن بي الغضب او الاستغراب

 

معقول جريمه زي هادي يديروها ويفلتو منها بكل سهوله ؟
يتزوجو ويعيشو حياة عاديه واهاليهم يسامحوهم وعادي ؟معناها ممكن هلبا ناس يتشجعو ويديرو الغلط هادا
نحب نجاوبكم بي شي واحد بس(الناس تنسى لكن ربي مينساش ومهما كان عندنا الذب عادي وتافه ربي عنده عضيييم وكله مع الايام يبان )
_________________________________

 

نجمه:فاقت من نومها بفزع على صوت شريانة الشقه
ناضت واكتشفت انها رقدت وهيا تراجي في الوقت يفوت باش تمشي لي رباب
استمر صوت الشريانه والباب يدق

 

صحصحت شوي وحطت ع راسها وفتحت الباب
ادهم:وينك شغلتيني
نجمه:ابتسمت …..اهلين ادهم

 

اسفه كنت راقده والله مافقت الا ع صوت الباب
ادهم:اسف كان نوضتك مكانش قصدي
نجمه:لا ولا يهمك

 

ادهم:اءءء اممم كنت بنعرض عليك لو تطلعي مشوار معاي تغيري جو
نجمه:بي سرحان …….كيف كيف يعني مفهمتش
ادهم :عندنا مزرعه انا وخوي مش بعيده هلبا

 

نجمه: بي انفعال…لا طبعا شن تحكي انت
ادهم:لا الواضح انك فهمتيني غلط انا مكانش قصدي هكي
رباب:فتحت الباب

 

نجمه:شافت لي رباب وهيا ساكته
رباب:تعالي نبيك
نجمه:تمام جايه

 

رباب :تعاااالي توا قلت
ادهم:انحرج ……تمام امالا بعدين نحكو
نجمه:سكرت شقتها ومشت لي رباب بدون ما تحكي

 

نزل ادهم من العماره ورباب قربعت الباب بصوت عاااالي كافي يسمعه ادهم قبل ماينزل
نجمه:خيرك ؟!

 

رباب:مستحيل نخلييييييك تتورطي معاه تسحابيني مسمعتكمش
بعقلك انتي هادا شايفك وحيده قعد يستدرج فيك
نجمه:سحبت يدها من رباب …..به بشويه عليا

 

رباب:ردي بالك نجمه ردي بالك اديري شي من وراي وتخليه يضحك عليك
نجمه:خدت نفس وسألتها ……الصبح ع اساس بنجيك لقيت عندك ضيوف
رباب :توترت ……….افففف هادا خوي الصغير جاي بياخد من مصروفي تعاركت انا وياه

 

بعدين عادي وكان جيتيني حتى لو عندي حد شنو المشكله !؟
نجمه:اقتنعت نص اقتناع بي كلام رباب…..شن عرفني قلت نراجي شويه لين يطلع وخداني النوم
رباب:خشي خشي نديرو نسكافي وحكيلي قصة السنيور ادهم هادا بي التفصيل
نجمه:خشت ورا رباب والابتسلمه في وجها
_________________________________

الساعه 9 في الليل :
كفاح:كانت في حوش العيله تجهز في العشي وتشوف لي سلفتها الجديده بي استغراب

 

لان البنت كانت رغم انها عروسه بس مش واضح عليها ابدا
ذااابله وسنها صغير
مش باينه انها متزوجه جديد لا مكياج لا شعر ولا حتى لبس

 

كانت لابسه بدلة سروال واسعه على اللون الاسود
ملامح البنيه طفوليه بشرتها بيضاء يغطيها النمش وشعرها يعطي ع البرتقالي شوي
طول الوقت متوتره وماسكه وشاحها خايفه من حد يخش ع غفله

 

كفاح:مدة سفرة العصير ……تفضلي اسمك نغم ولا ؟
نغم:اي نغم ……..ومدة يدها خدت كاست عصير وابتسمت بي شكر❤️
كفاح:قعمزت جنبها ……شوفت عينك هادا حوش العيله

 

مفي حد غير الحاج فتحي توا مدام طه تزوج
كل يوم الغدي على وحده لكن اغلب الوقت نجي انا وشيخه نتغدو ونتعشو مع بعض بس اكتر شي غدي
نغم:اهااا كويس مشاء الله وينها شيخه؟

 

كفاح:تعبانه شوي وقاعده عند اهلها اليومين هادم
نغم:الف سلامه يارب
كفاح :سلمك
ساد الصمت بينهم لي دقايق وشافت كفاح حال نغم يلي مكانش طبيعي ابدا

 

قررت تتشجع وتسأل
كفاح:فيك شي نغم؟
محتاجه لي شي ؟

 

نغم:جاوبت بي غصه وكامته في قلبها …..لا انا كويسه الحمد الله
كفاح:شوفي عارف ان اهلك بعاد وصعب تمشي عليهم وتجي هلبا وباين انك صغيره واكيد الجو الجديد صعب عليك تبي حاجه انا اختك الكبيره ادللي

 

هنايا خلاصصصصصصصص
نغم معش قدرت تسيطر ع نفسها
حضنت كفاح ونفجرت بكي كأنها لقتها طوق نجاة وسط عذاب كبير
____________________________________

 

نبيله:شنو بنتي كملتي ؟
هديل:اي كملت الماعين يا امس ان شاء الله ربي يلحقني نجيكم عروسه وينزلو نساوين خوتي يغسلو الماعين بسسس
ريحانه:نجوم السماء اقربلك????

 

نبيله:يالله عاد انتي وياها ياسر
شافت لي ريحانه..هي بنتي مدام اهلك روحو يمشو ويجو بسلامه هاتي حمودي منك
رحيانه :بتوتر .ها؟!

 

نبيله:الولد هاتيه بننزل
ريحانه:اممم ع عع عادي تخليه عندي اليوم !
نبيله:قامت حواجبها بي استغراب …..علاش؟

 

ريحانه:تت تبي الحق الحليب قاعد متعبني رضعته مبكري ةحسيت روحي ارتحت
خليه يرقد جنبي اليوم شوي ونرضعه
هديل :تشوف لي امها مصدومه …رضعتيه ؟????

 

ريحانه:ايييي شن فيها يعني
وبعدين انتي مكلمتكش

 

نبيله:تحكي وهيا مستغربه ……تمام تمام خلاص خليه عندك الليله نمر ناخده الصبح
ريحانه :تمام كويس بكل
طلعت نبيله وهديل وخشت ريحانه وولدها لي غرفة النوم وداخل ريحانه شعور ملخبطططط مش مفهوم
_______________________________

 

شرين تالفون اب شيخه واقرب حد ليه كانت ناديه مقعمزه
ردت عليه بفرح
ناديه :اهلا نجم

 

نجم الدين :اهلين وين عمي الهادي؟
ناديه:والله في الحمام يدوش تبي حاجه؟
نجم الدين :اي بنبعت شوي حاجات لي شيخه ومتين و ……

 

ورقة طلاقها طلعت اليوم
ناديه :به صحيت يبارك فيك
ربي يسهلك طريقك وان شاء الله تلقى يلي خير منها

 

اما هيا خلاص لقت غير تكمل العده
نجم الدين:وقف من مكانه ….كيف؟

 

ناديه :والله يا ولدي جارتي اول ما سمعت بي الخبر على طول حجزتها لي خالها وقتلي غير تكمل عدتها وبصراحه كلمت بوها في الموضوع ووافق
خصوصا ان يلي بينكم ولد مش بنت
والولد يعيش مع بوه عادي
نجم الدين :شن تدوي انتي .؟

 

ناديه:علت صوتها ……يلي سمعته يا بابا وكان مش مصدق تعال اسئل بوها
بنات الناس مش لعبه انت طلقت يجي سيد سيدك ياخدها وبوها عجبه العريس وخلاص سكر راسه عليك حتى لو بتحاول ايواه

 

هي بسلامه …….وسكرت الخط
ناديه:تنهدت ……سحيقه ليك وليها
لكن على طلاقك فيها هادا وجه لو رجعتلك ومخليتكش تشوف بي عيونك كيف نزوجها

____________________________________

ندى:كانت مقعمزه على السرير عينها وارمه من البكي
عاكسه مراية الدولاب عليها وتشوف لي شكلها
كانت لابسه بجامة ستان ورديه والحنه تلمع في يديها

 

شعرها يلي كان مش مرتب ومختلط بي دموعها مكانتش نادمه على مكامتها لي امين
بس كانت نادمه انها متصلتش ونذير برا الحوش

 

كانت مقتنعه انها مش دايره غلط ومن البدايه نذير يعرف كويس ان قلبها معلق في شخص تاني
انفتح الباب وها المره ما انخلعتش

 

اكتفت انها تقيم راسها بس
نذير :خش للغرفه
ندى:كانت متوقعه انه جايب عشاء بس مكانش ماسك في يده ولا شي

 

هنايا قلبها طاح
ووقفت وهيا تسأل بصوت يرجف

 

ندى:مم مش ع اساس ساهر برا اليوم ؟
نذير :سكر وراه الباب وقرب منها …

 

نصر:خش للغرفه لوح تالفونه على السرير بملل بدل ملابسه
واستبدل لبسته الانيقه بي توتة مريحة ❤️
ريحانه:خشت وراه وهيا ترمي في كعبها بتعب

 

نصر:يكلم فيها وعاطيها بي الضهر …….غضوا بنطلع الشباب مدايرين سهرة
ريحانه:تعطي فيا في علم انت ولا تستأذن
نصر:تلفت وكان بيتكلم لكن الصدمه سكتاته …….شن هادا ؟

 

ريحانه:وقفت وهيا ناسيه ………شنو ؟
نصر:شن يلي في يدك ؟

 

ريحانه:شافت بين يديها وكان ولدها راقد زي الملاك قامت عيونها وهيا تتهرب من السؤال
امك مسكينه تعبانه قلت يرقد فوق اليوم

 

نصر:وعلامات الاستهزاء على وجها …….يا سلام من امتى الحب لي امي فجأه الكدب
ريحانه :حطت البيبي بهدوء على السرير ……مش ناقصه دوتك الفاضيه

 

انت بكرا طالع وانا بنمشي لي رباب
نصر:متمشيش بروحك
ريحانه:والله ؟

 

ومنو بنرفع ان شاء الله امك ولا انت ؟!
نصر:دبري منعرفش ارفعي اختي ولا امي
ريحانه:مستحححيل هادا ما ناقص ……حطت يدها في نصها

 

وبعدين تعالا جاي علاش منمشيش بروحي ؟!
نصر:ابتسم بي استفزاز……لاني مش واثق فيك????
ريحانه:لا والله؟ع اساس انا يلي الثقه ماليتني من جيهتك !

 

نصر:انا هادا يلي عندي بتمشي ارفعي حد معاك بتبيش ترفعي حد مفيش مشي
ريحانه ضحكت بهزوه…….هه لالالا الباين انت صدقت روحك خلاص منو انت باش تأمرني ولا نسيت ان……..
نصر:قاطعها….انتي يلي نسيتي الباين انك مرتي توا والحكم في يدي انا توا
ريحانه:قامت حاجبها …..اخر كلام هادا؟!

 

نصر:اي دبري من يمشي معاك ولا قعمزي
ريحانه:تعصبت و رمت عليه المخده وطلعت من الغرفه

 

نصر:بصوت عالي يسمع فيها ………اي انتي هادا حد جهدك لوحي المخاد بس
ريحانه:بصوت متعصب من بعيد …..ضم عليا فمممممممممك
نصر:ضحك لان كان جدا مستمتع بي حرق دمها
___________________________________

نذير:جيت بناخد حوايج بايت برا اليوم …..وخش يطلع في حوايجه بدون اهتمام ليها
ندى:وانا؟
يعني بنقعد بروحي

 

نذير:يجاوب فيها بدون نفس ……. مش رحيصيرلك شي
ومش رح تحتاجي ولا حاجه الحوش فيه كل شي
ندى:عادي لو قعدت مع امك؟

 

نذير:باب الحوش بيتسكر بي المفتاح متعبيش روحك
ندى:ليش باهي شن فيها لو قعدت مع امك واختك ع الاقل مش بروحي

 

نذير:ضحك وهوا عاطيها بي الضهر …….انتي متخيله ان يلي بعد يلي درتيه مزال بنشوفلك اصلا!
لازم تتعودي ان مجرد ما نطلع من الباب هادا رح يتسكر بي المفتاح 6 ولا7 مرات
ورح يقعد قلبي مش مرتاح ولا بالي رح يهدا انك مديريش شي يوطي راسي بين الناس

 

ندى:رفعت صوتها ….انت شنوووو
الاعصاب ركبوها ……معش تعاملني هكي ندير نطلع لي حوش بابا حتى من توا ره !!
نذير:لوح الملابس يلي كانت في يده وقرب عليها ……والله؟!

 

مزال ليك عين حتى تهددي انتي ؟
اطلعي تفضلي الباب قدامك اطلعي

 

ندى:ساكته وتشوفله
نذير:عيط عليها اكتر …..اطللللعي اقلبي وجهك

 

بري روحي وقولي لي بوك وخوتك يلي صار ……امشي خلي نحكي الكلام يلي سمعته والوعود والحب وخطط العشاق يلي سمعتها من حضرتك وانتي على ذمة راجل تاني يا محترمه

 

لكن هادا وجهي كان مربيتكش من اول وجديد
ندى:بصوت عالي …..ربي نفسك الاول انت كان فيك ذرة رجوله متاخدش وحده حبيبها كلمك تسيبها وعرفك ان نحبو بعض ورفضت وكملت وخربت حياتهم الاثنين

 

نذير:فقد اعصابه…..سكرررررري فمك
ندى:مش مسكراااته لازم تفهم وتخش دماغك مش مرتك انا باش نصووونك افهمممم
نذير:دفها بقوته لين طاحت على السرير …..وكان بيكمل عليها وبيمد يده بس قاطعهم صوت الباب

 

نذير:اياني وياك تطلعي من هنايا ……وطلع من الغرفه بيفتح الباب
ندى:حطت يدها ع فمها وهيا تبكي عشان مطلعش صوت ????

 

ريحانه:اهلين كيف الحال ❤️
نذير:بي استغراب ….كويس الحمد الله

 

ريحانه:امم نبي ندى هيا داخل صح ؟
نذير:توتر ومعرفش يجاوبها ……زعلاش في شي لسمح الله ؟

 

ريحانه:ضحكت بي احراج….اسفه جيتكم في وقت متأخر بس ضروري شوي
بكرا طالعه لي صاحبتي ونصر مش راضي نمشي بروحي فــ قلت نشوف ندى لو تخليها تمشي معاي
نذير:والله شن بنقولك بكرا …..

 

ريحانه:بكرا طالع انت ونصر ساهرين مع الشباب نعرف
يعني ندى قاعده الله يخليك خليها تمشي معاي
نذير:ارتبك وتحشم يردها …….تمام لكن بشرط انا نوصلكم ونروح بيكم

 

ريحانه:عادي مفيش مشكله
نذير:تمام تو نقلها تكون جاهزه بكرا على الساعه كم ؟
ريحانه:الساعه4 العشيه

 

نذير:تمام بي اذن الله
ريحانه:فهمت ان نذير ميبيهاش تخش لي سبب معين سحبت نفسها بلطف ورجعت شقتها
رجع نذير لي غرفة النوم خدي كل شي يحتاجه ولما وصل للباب تكلم بدون ما يتلفت غضوا كوني جاهزه الساعه 4 بكرا

 

ندى:لي شنو؟ بنجهز روحي لي شنو بزبط؟
نذير:متفرحيش مش مروح بيك مش معديهالك هكي

 

في مشوار غضوا بتطلعيه مع مرت خوي ورح يكون اخر مشوار ليك غير تحشمت نردها بس
ندى:مردتش عليه واكتفت انها تشوفله بنضرات حقدددد
_________________________________

 

طق الباب بعنف والصوت كان عالي كأن حد جاي عشان يتهجم علي اصحاب البيت
ناديه:ابتسمت بي استفزاز…..اهو جي يجري باش يرجعك زي الكلب
الرجاله ميجوش الا بي الطريقه هادي

 

شيخه:قرنت حواجبها بي استغراب …..انتي شن قصدك ؟
شن قلتيله

 

ناديه:مش مهم شن قلتله نوضي لمي حوايج ولدك وروحي مع راجلك بلا هبال زايد
شيخه:بكت وهيا معصببببه……من قاااالك ان نبي نرجعله من قالك

 

انتي كيف تدخلي في حياتي هكي
ناديه:وقفت….هادا بدل ما تشكريني ان خليته هوا يجي يرجعك مش انتي تروحي بروحك بدون كرامه هادا جزاتي ؟
شيخه:تعصبتتتت بي هستيريا …..شن تحححححكي انتي من قالك ان رح نرجعله ولا نبيه

 

فهميني انتي علاش تتصرفي معاي هي في شنو ضايقتك انا حتى زياراتي ليك مكانتش هلبا علاش قاعده تتصرفي معاي هكي حرام عليك
ناديه :كملتي ؟؟
بري افتحي لي راجلك يالله
شيخه:مش فاتحه ولا راجعه معاه اصلا …..وخشت لي غرفتها جنب ولدها

 

الهادي:خلي البنت في حالها وعطيها حرية التصرف هادي حياتها وقراراتها هيا المسؤوله عليهم
ناديه:بالله برا افتح الباب لي الراجل واطلع منه الموضوع هادا خليني نحكي معاه انا انت متدخلش
الهادي:كان مستسلم تماما لي قراراتها وشخصيتها القويه وبكلمه منها ينفذ طلباتها حتى لو كان مش مقتنع بيهم…..
_________________________________

كفاح:احكيلي خيرك مضايقه؟
طه مقصر معاك في شي مزعلك ؟
نغم:ميعاملش فيا كويس ابدا محسسني كأن جايبني من الشارع

 

مسحت دموعها …..انا خلاص رح نرجع بيت اهلي الوضع هادا مستحيل نعيش فيه ولا نطيقه مستحيل
كفاح:جاوبتها بصدمه……لا حبيبتي الله يهديك مش هكي ….ديمه المتزوجين جديد هكي بداية حياتهم لازم من المشاكل العراكات لين ياخدو على بعض ويفهمو بعض كويس ومع طولة البال والمسايره اكيد الحياة بتتحسن وبعدين شن بيقولو عليك الناس لو روحتي بيت اهلك وانتي عروسه شهرين بس صدقيني

 

مستحيل يرحموك بي كلامهم
نغم:انتي مش فاهمه يلي نحكي عليه طه سلفك اكبر حقير شفته في حياتي انتي متخيله كادب عليكم كلكم مفهمكم ان سافرنا تركيا شهر عسل وهوا رفعني معاه تونس
ملوحني في الشقه ويسهر للفجر ومخليني بروحي

 

من غير الشرب والبنات يلي مينعدوش من كثرتهم والسب فيا وفي اهلي بدون اي سبب
تبيني نتحمل هادا كله ونسكت عشان كلام ناس فارغ ؟
ويصرف علي بنات ومعيشهم في رزقه انتم ما تعلمو بي شي كفاح كل شي شفته بعيني وسمعته بوذاني

 

كفاح:تشوفلها بصدمه ومش عارفه حتى شنو ترد عليها بعد الكوارث يلي سمعتها
قاطع حديثهم دخول طه وانور لي الصاله وهما يضحكو ويهدرزو

 

واول ما شاف طه مرته تمسح في دموعها وكفاح وجها ميتفسرش عرف ان نغم حكت شي لي كفاح وفضحاته !!
طه:تغيرت ملامح وجها من ضحك لي توتر …….هيا ليل ره نوضي بنروحو
نغم:مسكت اعصابها ……. ان شاء الله

 

انور :كان الشقه ناقصتها حاجات خليكم باتو اليوم هنايا وغضوا ساهل
طه:لالا الامور كلها لوز الحمد الله
نغم:رتبت وشاحها وناضت .زمدت يدها بتسلم على كفاح بس كفاح حضنتها وهمست في وذنها بصوت واطي

 

كفاح:متتصرفيش لين شيخه تروح هيا رح تعطيك الحل دماغها يوزن بلاد
مديريش حاجه تندمي عليها مرات يطلعك بي فضيحه وتطلعي انتي الخاسره
وبعدت عليها

 

نغم:اشرتلها بي عيونها بمعنى تمام
كفاح:حاولت تبدل تعابير وجها وخلت نفسها طبيعيه ……الله يبارك عليها ياطه طلعت عاقله وقنينه ربي يخليكم لي بعض ويهنيكم
طه :الله يسلمك سامحونا كان تعبناكم

 

انور:اياه شنو يلي درناه زايد تعبكم راحه
وطلعت نغم مع طه بعد ما تمنو لي انور ومرته ليله سعيده❤️
طه:همسلها بهدوء……علاش كنتي تبكي عند كفاح شنو يلي كنتي تحكيلها فيه

 

نغم:ولا شي هدرزنا وجابت سيرة اهلي وقتلها قداش استاحشتهم
وصلو الاثنين عند السياره ووقفت نغم قدامه

 

نغم:امتى بترفعني حوش اهلي ؟
طه:يمضغ في الستكه بي استفزاز ……والله انتي وشطارتك

 

نغم:عقدت حواجبها بي استغراب .شطارت شنو ؟
طه:نشوفو كيف تحافضي على اسرار راجلك وحوشك قبل بعدين ساهل
نغم:مزادتش معاه كلمه
فتحت باب السياره وركبت والوضع كان صمتتتت

___________________________

على باب الشقه كانت نجمه بتروح بسوقفت شوي لان رباب اذكرت شي بتحكيه زي عادت اي بنت متحلاش الهدرزه الا على الباب ❤️

رباب:المهم بعتتلي ريحانه رساله بكرا بتجي تهدرز
نجمة:تبصري انتي …..تي عروسه البنت قاعده اكيد توا عزايم من اهل راجلها وطلوع هيا وياه

 

قبل
رباب:اضحكككي ……حبيبتي ريحانه واماليها معندهمش العادات والتقاليد هادم ياقلبي
لان اغلبية عيشتهم كانت برا
نجمة:تنهدت بوجع ……استاحشت اهلي تعرفي ????

 

حوش جدي وعمامي واعراسهم وبابا
اففف يا رباب كل يوم يفوت عليا وانا وحيده وضايعه نموت الف موته بدات بابا معش قادره نتحمل اكتر من هكي
رباب:لمعو عيونها كأنه الاحساس وصلها بزايد ……اففففف عاد خيرك انتي شن جاب السيره هادي علاش توجعيلي في قلبي توا

 

نجمه:معش قدرت تمسك دموعها اكتر وبدت تبكي
تبكي بشهقه كأن طووول الوقت يلي مر عليها كانت كامده وسط قلبها ????
رباب:حضنتها وتحاول تهديها ………خلاص خشي باتي عندي اليوم مفيش داعي تروحي

 

نجمه:بعدت شويه ومسحت دموعها ……لالا انا كويسه لازم نروح عندي كدا حاجه بنديرها
رباب:اووك خلاص بكرا متنسيش تجي بكري تساعديني
نجمه:ان شاء الله❤️
سكرت رباب الباب ووقفت نجمه على باب شقتها تحاول تفتح الباب بس الدموع يلي في عيونها كانو مشوشين النضر عندها

 

وقفها صوت يحاول انه يكون حنون
ادهم:ممكن دقايق .؟
نجمه:تلفتت….. ولا ثانيه ادهم

 

خلاص امشي في طريقك الباين انك فهمتني غلط وراح فكرك لي بعيد هلبا
ادهم :صدقيني انتي يلي فاهمتيني غلط عطيني فرصه نتكلم ع الاقل

 

نجمه:تمام احكي نسمع فيك
ادهم:هنايا بنتكلمو جديات انتي ؟!
نجمه:والله؟ناوي ندخلك الشقه ولا كيف ؟!

 

ادهم:انا مش م……
نجمه:ادهم الله يخليك خلاص ….انت فاهمني غلط او انا مش مهم
خليني بعيده على اي شي يجيبلي الكلام الزايد بس…….
ادهم:سكر باب شقتها ومسك فمها عشان متصرخش وركبها غصب عنها لي السطح
_______________________________

 

الهادي:كيف مفهمتش !
نجم الدين:ماسك اعصابه …..كلامي واضح ياعمي
كلم بنت تجيب ولدها وتطلع

 

ناديه :ان شاء الله انت عندك بنات الناس لعبه امتى ما تبي اطلق وامتى ما تبي ترجع
خلاص البنت عطيتها كلمتها ولا ؟!
توكل ع ربي خلي تكمل عدتها وتتزوج حجزوها من توا

 

الهادي:شافلها بي صدمه…..شنو؟!
ناديه:شبحتله بسم …..زي ما سمعت
نجم الدين:ماسك اعصابه ……كلم مرتك يا عمي تشد لسانها مش جاي نتكلم مع نساوين انا
ناديه:علاش لما طلقتها بدون علم حد من اهلها كنت حاسب لي التريس انت ؟

 

نجم الدين:فقد اعصابه وبدي ينادي على مرته …….شيييييييخه شيييييخه
الهادي:يا ولدي كيف تبيها تروح معاك وانت توا مش محرم عليها ؟
نجم الدين:الشيخ في الحوش يستنى فيا كلمها تطلع توااااا هيا وولدها احسن ما اقسم بالله خش نجبدها من شعرها

 

ناديه:تجبد منو يابابا شنو الكبار يلي في الحوش مش معبيين عينك ولا كيف
نجم الدين :بيتفجر من الاعصاب ……استغفرررررر الله
وطلع قعمز في السياره

 

الهادي:تلفت لي ناديه وهوا معصب …..شنو انا معنديش كلمه في الحوش ولا شنو ؟!
ناديه:انت اسكت من عليا من يوم خديتك وانا في مشاكلك انت وبنتك

 

برا شوفها الهانم قلها تروح لي راجلها قبل ما يغير رايه
الهادي:ربع يديه وهوا يشوفلها ……..فهميني بس
شنو التناقد يلي انتي فيه

 

تعلي في صوتك على الراجل وانتي وياه كلمه بكلمه متبيهاش تروحله
بمجرد ما يطلع تبيها تروح وخايفتيه يغير رايه
ناديه :حطت يديها في نصها وقالت …….والله انتم الرجاله زي بعض

 

لما الحاجه تبدا ساهل عندكم تلوحوها وتاخدوها امتى ما تبو خلاص تضمنوها وتستغنو عليها
لكن لما تنقرصو وتعرفو ان الحاجه هادي احتمال لو ضيعتوها معش ترجعلكم تبدو قريب تهبلو عليها زي ما صاير لي نسيب العازه والقهره يلي مقعمز برا
سكت الهادي وهوا مذهول بي ذكاء وكيد مرته والحكمه يلي قالتها فعلا صح 100%

 

قاطه نقاشهم وكلامهم شيخه وهيا لابسه عبايتها وولدها في يدها
الهادي :شنو يابنتي على وين

 

شيخه:تشوف لي مرت بوها …..عارفه يابوي لا انت ولا مرتك رح تكونو مرتاحين في وجودي هنايا

 

ولو مطلعتش توا نجم الدين بيدخلكم في مشاكل ليها اول وملهاش اخر
خلي نقطع ونختصر الطريق عليكم وعليا …..وطلعت
طلعت شيخه وسط نضرات بوها يلي كان تايه ومش فاهم يلي صاير

 

ومرت بوها يلي خطتها نجحت في اقل من 3 ساعات وفاضلها الحوش من جديد❤️
شيخه رغم شخصيتها القويه وعقلها الذكي استسلمت المره هادي ليش؟

 

لان ببساطه مكانش عندها اهل يساندوها على استرجاع حقها وكرامتها يلي ضاعت
واختارت انها ترجع لي ضعها الطبيعي ع الاقل مش رح تكون عبئ ثقيل على حد وولدها رح يتربى في حضن بوه❤️
___________________________________

 

نغم:بعد دوش بي مياه شبه مغليه وقفت مقابل المرايا بهدوء تتفرج على نفسها بي روب الحمام والمنشفه البيضا يلي كانت مغطيه شعرها
وقفت وهيا تفكر في كلام كفاح هل تصبر وتشوف حل ؟

 

ولا اول زياره لي حوش اهلها معش تروحله ؟!
خدت نفس عميييق وطلعت من الحمام واول ما طلعت طاحت عينها على طه واقف متعصب وماسك التالفون
وقفت ورا الحيط كأنها قاصده تتخبى وراه عشان تسمع

 

 

والواضح ان طه كان يحاول يتصل بي شخص والشخص هادا ميردش عليه
تعصب وفتح مسج صوتي وسجل كلامه
طه:اقسم بالله مترديش عليا وهادي اخر مكالمه رح تلقيني عندك في الشقه وربي نقتلك سامعتيني ؟

 

نقتتتتتتتلك ونرميك للكلاب مش انا يلي نتعامل هكي يابنت الكلب
نغم:كانت تسمع في الكلام ويدها ع فمها تخاف ادير اي ردة فعل ويسمعها

 

استمر طه يتصل ويتصل بس مفيش رد والشي هادا خلاه يزيد يعصب بطريقه هستيريه
نغم:تعمدت انها تكح اكتر من مره وطلعت
طه:لوح التالفون ع السرير وو قف ع الروشن يحاول يهدي نفسه ويشم هواء
نغم:ترتب في نفسها ع المرايا ….خيرك معصب فيك شي ؟

 

طه:مفي شي
نغم:لو ت…….
طه:قاطعها قتلك مفيش شي غصصصصب تبي تدوي وخلاص ؟
نغم:تمالت نفسها وسكتت
__________________________________

 

فتحي:معصببب………لانك ناقص عقللللل عندك ولدك هكي كبره والبنت كويس وطلقها ؟
صاحي انت ولا شنو تعلم من خوك انور كيف يعامل في مرته

 

 

تشوف فيها حلوه في حقنا نجيبو في الشيوخ عقاب ها الليل ؟!
نجم الدين:منزل عيونه …..غلطه ومعش تتكرر يا بوي خليني نروح توا

 

فتحي:اقسم بالله مزال تعاودها معاد راجعتلك ولما نجوزها انا بيدي لي الشخص يلي يصونها
نجم الدين :يعض في فمه من الغل …….تم يابوي قتلك خلاص
فتحي :امشي تحرك راضيها بكلمتين

 

نجم الدين :طلع واللهفه سابقاته والسؤال يلي في راسه لازم يلقى الاجابه متعه لو مهما كلفه الامر
شيخه:سكرت باب غرفة ولدها بهدوء
واول ما سمعت صوت باب الشقه انفتح وتسكر التوتر ركبها

 

نجم الدين :اول ماشافها سألها بدون مقدمات …….انتي كنتي موافقه عليه ؟!
شيخه:شنو يلي بنوافق عليه؟
نجم الدين :العريس يلي جايبتهولك مرت بوك

 

شيخه:لا الباين انك برسمي معش عندك عقل وخر من عليا
نجم الدين :مسكها من يدها …..جاوبيني ندوي معاااااااك
شيخه:والله لو ولد حلال علاش لا !؟

 

نجم الدين:قابلها بي كف زي العاده
شيخه:رجعت شعرها يلي تناثر للخلف ….مستحيل تتغير قاعد زي ما انت

 

نجم الدين :كانو يديه يرجفو والاعصاب راكبينه بطريقه هستيريه ……
حط يديها على خدودها بهدوء……احكيلي الحق شيخه
تعرفيه من قبل ؟

 

بجديات كنتي رح تتزوجي بعدي
شيخه:نزلت يديه من عليها …….لا نعرفه ولا نبيه لا هوا ولا غيره تعرف علاش؟

 

لانك كرهتني في جنس ادم يا نجم الدين
كرهتني في كل شي …..ارتحت هكي ؟!
وسيباته وخشت لي غرفة الضيوف
______________________________

 

ثاني يوم ????
كل شخص في حكايتنا كان ليه شعور مختلف اليوم ❤️
ناضت ريحانه بعد سهر ليله كامله مع طفلها بس كانت سعيده

 

والشعور هادا حاولت تخبيه على كل شخص يعرفها بس كانت عيونها فاضحتها ❤️
نبيله:طلع نصر؟
ريحانه:اي من الصبح ماشي مع صحابه عازمينه اليوم

 

تفضلي هي ….هادي شيشته جهزتها انا مش معطله نروح تقريبا بعد المغرب على طول
نبيله:ماسكه البيبي …..تمام خودي راحتك بنتي ولا يهمك

 

ريحانه :رشت عطرها ك لمسة اخيره ورتبت وشاحها وطلعت
ندى: بي استغراب ……شنو؟

 

نذير:كلامي اوضح منه مفيش ….قتلك البسي نقاب قبل ما تطلعي
ندى:بس انا مش دايره شي في وجهي
نذير:مسألتكش شن دايره قتلك البسي نقاب انا

 

ندى:خشت بهدوء خدت نقاب وطلعت
مودة:كيف يعني خربت كل شي ؟

 

نجم الدين :مديت يدي عليها امس من جديد
حاس بي الكره ليا في عيونه

 

مودة:ليش مديت يدك رغم انك تعرف كويس انها مش موافقه ولا حتى في بالها الموضوع !
نجم الدين :الموضوع يتعبني

 

يتعبني مجرد ما نتخيل بس ان في حد تاني ممكن انه يفكر فيها ولو تفكير
نهبل انا ولو ملقيتش سبب او شي ثابت غير تفكيري نولي عليها هيا

 

يا اما نجرحها بي الكلام او نمد يدي
مودة:سرحت فيه …..كل هادا غيره ؟

 

نجم الدين :ساند نفسه وهوا يشوف لي السقف ……..واكتر من هكي
مودة:يا بختها ❤️

 

نجم الدين :شاف لي موده وهوا عاقد حواجبه مستغرب من الكلمه يلي قالتها !
مودة:توترت وغيرت الموضوع
ابتسمت …..شوف يا نجم

 

اول شي رح نخدمو على موضوع كيف تحسن علاقتك مع زوجتك بعدين نحكو ونعالجو شخصيتك تمام ؟
نجم الدين :تمام
مودة :اول شي
وبدت مودة جلستها النفسيه ❤️
____________________________________

رباب:شنوووووو
نجمه:رباب اهدي ????
والله كويس تعرفي كل كلامه امس يجنن

 

رباب:حطت صونية الشربه على الطاوله ……..احكيلي شن صار ؟!!!
نجمه:بعدت عليه بفزع …….بععدددد كيف تجيبني هنايا هكي

 

ادهم:نجمه الله يخليك اسمعيني بس
نجمه:كانت تتنفس بفزع وخوف …..شنو بتقول نسمع
ادهم:انا نيتي معاك والله عمرها ماكانت خاطيه نجمه انتي عجبتيني من اول مره شفتك فيها
نجمه:بلعت ريقها ……..شن قصدك؟

 

ادهم:قصدي انك يابنيه خشيتي القلب❤️
ومنبيش نخليك تمشي لي غيري ولا راضي على قعدتك بروحك في الشقه هكي !
نجمه:اءءء يي يعني شنو !؟

 

ادهم:يعني نبي نجيبك عندي شن رايك!
رباب :تبصري انتي !؟
نجمه:لا وربي نحكي بجديات

 

رباب :مصدقتيه انتي ؟!
نجمه:اي الحق لطيف هلبا وقالي انتي الوحيده يلي عرضت عليها الزواج
رباب:مش مطمنه منعرفش

 

نجمه:علاش ????
رباب:مش عارف ……..هادا يلي صار ؟!

 

نجمه:توترت ..زاي طبعا
رباب :مفي شي تاني ؟
نجمه :لا لا مفيش شي

 

رباب:اءءء صوت الباب اكيد وصلت ريحانه ديري بالك ع الشاهي مابين فتحت
نجمه:سكتت وهيا متردده
ياترى !
تحكي لي رباب شن صار بعد 3 سعات من الكلام الرومنسي ؟

 

او لا ؟
تحكيلها ان خش لي شقتها وضعفت وصار كم شي غلط ولحقت نفسها ع اخر لحضه ولا تسكت وتتجنب الكلام في الجزء هادا !؟
رباب:فتحت الباب وهيا مبتسمه ……اهلين اهلين ب….
تغيرت ملامحها لما ندى نحت نقابها وشافتها

 

ريحانه:حست بي الوضع وحضنت رباب ع طول عشان ندى متركزش
وهمستلها بصوت واطي …..بالله عليك عديهالي ها المره نبوس يديك
رباب :ابتسمت وسلمت ع ندى وخشو مع بعض ورباب مش عارفه كيف تتصرف

 

نجمه:اهلين اهلين بي …..نصدمت
وشافت لي رباب مش فاهمه شي ؟!

 

كيف رباب يوم العرس هربت من عرس تام عشان ندى وتوا جتها للحوش ؟!
كملت سلامها وحست ندى ان في شي

 

بس رباب قامت بي الواجب ورحبت بيهم الاثنين احلى ترحيب
خشت رباب المطبخ ووراها نجمه
اما ريحانه وندى نحو عبايتهم وقعمزو في الصاله …….

 

نجمه:تبصري انتي ؟؟؟؟
رباب :اسكتي انا قلبي طاح لما جت وراها وربي لما نقتلها الكلبه ريحانه

 

نجمه:هيا تعرف شكلك؟
رباب:هادا يلي مصبرني تصرفي طبيعي وان شاء الله مش رح تزبطني
______________________________

شيخه:وهادا يلي صار
كفاح:ياعمري والله قريب نجنيت قريب هبلت بس انور قعد يهدي فيا قالي مستحيل نجم الدين يخليها اكيد رح يرجعها

 

شيخه:اي تعرفي بنموت على منرجعله انا بالله عليك فكيني
كفاح :لو مرت بوك نلقاها نعطيها بوستين شكر على الشي يلي دراته ????
شيخه:مبردك انتي التانيه

 

نغم:تشوفلهم وساكته
شيخه:خدت نفس ……اي يانغم كملي القصه
نغم:بس هادا يلي صار من بعد ما شفته كيف معصب امس ع خاطر مكالمه حسيت بهلبا حاجات

 

نجمه:زي شنو حسيتي مثلا ؟انك ممكن تكملي معاه وتحبيه اكيد بعد العشره صح ؟
ندى:مستحيل رغم اني معمريش ريت حد بجماله وحنيته اليوم الاول لكن مش هادا الشخص يلي يخش قلبي????
نغم:حاسه بخوف منه لان انسان قاطع يديه من ربي ميعرفش القبله وين تفتح ولا يعرف يحترم انسانه عايشه معاه????

 

نبي نروح حوش اهلي ونطلق منقدرش ندير زي ما اغلبية النساوين يديرو منقدرش نتحمل ونساير وكل هداك الكلام
شيخه:تمام عندك حق خصوصا انه معندكش اطفال منه تطلقي وانتي بروحك وتشوفي نصيبك

 

لكن متخليش حقك يضيع هكي يا نغم
لازم تعرفي الشخص هادا شنو وراه بزبط منو يلي مداير على خاطره هادا كله وليش قاعديدير هكي ؟!

 

نغم:وانا كيف بنعرف هادا كله ؟!
شيخه:اول شي ………

 

ريحانه:دخل عليك ؟
ندى:لا قال ان اليوم وانا مش متقبلاته ولا راضيه على الشي هادا

 

نبي نروح لي حوشنا زي ما انا
اكيد تعرفو شعور البنت لما يبدا قلبها عند شخص تاني صح ؟

 

رباب:صح كلامك لكن !!!!
ندى:لكن شنو ؟
رباب:انا من رائي لازم تعطي لي جوازك فرصه خصوصا ان راجلك مفيشي عيب !

 

نجمه:صح حتى انا هكي نقول
ريحانه:انا لا ……انتي مش ملزمه ابدا تعيشي مع حد هكي
ندى:المشكله ان بعد هديك المكالمه كأن مخليني على ذمته عشان ينتقم مني بس ????

 

نجمه:صعب موضوعك للامانه
رباب:بلعكس انا نقول حاولي تكسبي ثقته بس ❤️
ندى:منعرفش يصير خير

 

رباب:وانتي يا أبله شن صاير فيك
ريحانه:انا يلي صاير فيا مستحيل
رباب :شنو

 

ريحانه:بديت نتعلق بي البيبي تخيلي بديت نحبه وانا بوه طايقاته بسيف في الحوش
نجمه&ندى:مع بعض …….بيبي شنو ؟
رباب :ضحكت …….هادي قصه طوووووويله

____________________________
هديل:لو طلباته من جديد متعطيهولهاش
نبيله :تي كيف متاخداش راهو ولدها ولدهاااا افهمي

 

هديل:تبوس في البيبي ……….ياعمرس شوفي جماله وربي حرام يكون ولدها
كلمتني خالتي كريمه مبكري
العيله سمعو بيه خبر البيبي خوديلك تو اتصالات

 

نبيله:هادا ربي وانا تحته ما عندي ما نديرلهم
خليها حتى خالتك كريمه تلهى في يزن وادهم غير تاخدلهم رح تصبح كل يوم في قصه
هديل: اليوم لازم نطلعو ونذير ونصر مهناش

 

نبيله:تصب في القهوة ……وين بتمشي ؟
هديل:حجز القاعه لازم نأكدوه في الايام هادي يا امي بيضيع عليا

 

نبيله :تو نمشو بكرا ان شاء الله
هديل:استمرت تلعب في البيبي بكل حب ❤️
______________________________

الساعه 8 ونص في الليل:_
ريحانه:لابسه عبايتها …….يسلمو يديك حبيبتي كل شي يجنن ❤️
رباب:صحتين مرحبتين بيكم

 

ندى:لبست خمارها ……شكرا هلبا وسامحونا على تعبكم
رباب :مرحبتين بيك تفضلي

 

نجمه:تشرفنا ❤️
طلعو ندى وريحانه ونجمه وراهم عشان توصلهم
ركبت ندى وسلفتها لي السياره ونجمه جت راكبه للعماره شافت منذوب توصيل واقف واسك بوكي ورد

 

نجمه:تفضل ؟
واقف قدام شقتي حضرتك !
المنذوب :الاستاد ادهم موجود؟

 

نجمه:ابتسمت اي هادي شقته
المندوب:تمام تفضلي وقعي هنايا
نجمه:وقفعت وخدت الباقه وخشت لي شقتها طول

 

قعمزت وفتحت الكرت يلي كان في الباقه قراته وكان مكتوب فيه
يوم كامل مسمعتش فيه صوتك ميهونش عليا يولو يومين ❤️

 

اسفه حبيبي ع الغلط يلي درته معش يتكرر يا عيون مسرة انت
من خطيبتك حبيبتك

 

نجمه :وقف عقلها دقايق مش مستوعبه يلي تقرا فيه !
ضحكت بصدمه كانت تسحابه انها قرت غلط !

 

عاودت قرت الكرت اكتر من مره …….خدت الباقه وركبت لي شقة ادهم بهستيريا …..
ريحانه:صحيت يا نذير تعبناك معانا
نذير:عادي ولا يهمك

 

ريحانه:مشاء الله بسرعه ما عرفت الطريق
نذير:العماره هادي تسكن فيها خالتي كريمه هنايا اكيد شفتوها في العرس
ريحانه:قاعدين متعرفناش على العيله بزبط تو مع الوقت نعرفوهم بي الاسم

 

نذير:ان شاء الله
ريحانه:تناشب…..ندى خيرك ساكته العفو مبطلتيش ضحك وهدرزه فوق
ندى:توترت ………..اءءء ش ش شن بنقول

 

ريحانه:ضحكت اي حاجه هدرزيها مع راجلك ????
والله يانذير تشكر فيك مبكري لين خلاص الحق
نذير:شاف لي ندى ع جنب
ندى:في داخلها ………الله ياخدك يا ريحانه
_______________________________

ادهم:فتح الباب وهوا يرتب في شعره ….اياااه شنو جايبتيلي ورد؟
نجمة:لوحت الباقه على وجها …….طلعت خاطب ؟؟
خاطب يا ادهم !من امتى ؟

 

ادهم:خدي نفس …من سنه و3 شهور
نجمه:بصوت يرججججف …..والكلام يلي قلته امس ؟؟؟؟
ويلي صار امس شنووووووووو

 

ادهم:سكري فمك ومتعليش صوتك
انتي غبيه معندي ما نديرلك
نجمه:يا حقييييير يا حقير كيف صدقتك انا

 

ادهم :والله اسألي نفسك من يرضى ياخد وحده بلا اهل ومش معروف قصتها شنو
صدق يزن خوي لما قال زيها زي يلي ساكنه قدامها مفيش فرق

 

نجمه:هجمت عليه بهستيريا تضرب فيه من حرقت قلبها ووجعتها نفسها كيف قدر يلعب بي مشاعرها هكي ????
ادهم:دفها بقوه لين طاحت ع الارض ……..احمدي ربك ان مفيش حد من العيله قاعد هنايا

 

كنهادا راهو تصرفت معاك بطريقه مش رح تعجبك ابدا
وتوا وجهك معش نبي نشوفه وردي بالك تقربي هنايا …….وسكر الباب عليها
________________________________

ندى:طلعت من الحمام وهيا لابسه بجامه زرقاء وقايمه شعرها
نذير:شافلها ……تعتقد ان هادا مش منضر عروسه تستقبل راجلها يوم دخلتها هكي
ندى:تحكي جد انت ؟

 

نذير :مواضيع زي هيا مفيهاش بصاره بنخش ندوش وجاي
ندى:نذير انا منبيش

 

نذير:وهادا حق شرعي اصلا حرام تعيشي معاي هكي
الا لو كنتي خايفه من شي

 

ندى:توسعو عيونها بصدمه………شن قصدك؟
نذير:تعرفيه مليح قصدي وتي روحك مابين جيت
_____________________________

 

رباب :فتحت الباب بي استغراب ….شن صاير؟
نجمه:تبكي ……توااااااااا تحكيلي شن صاير تواااااا

 

 

ليش يحكي عليك الكل هكي كدابه انتي مش جايه هنايا عشان قرااااااايا
توا تحكيلي شن قصتك !

 

ليش جابديني معاك بي العاطل !
ليش سمعتك مأذيتني هكي لييييش ????

 

رباب:تشوف لي نجمه كيف منهاره ومصدومه
نجمه:ضربت رباب على كتافها ……شن درتلك انا
علاش مش مصارحتيني !علاش خليتيه يدير فيا هكي لان يحسابني زيك

 

رباب:باعدتها بقوه …..لانك زيييييييني
زيني اي
زي ما انتي هاربه من اهلك حتى انا هاربه منهم
زي ما انتي رح يقتلوك لو شافوك حتى انا مستحيل يخلوني عايشه دقيقه

 

كانت العماره هدووء❤️
وهادا كان الوضع الطبيعي لي اي عماره بمستوى راقي هكي وفي حي سكني صعب يسكن فيه اي حد غير من العائلات المعروفه
من بين وسط كل الهدوء هادا كانت الدنيا مقلووووبه في عمارة ادهم

 

رباب:باعدتها بقوه …..لانك زيييييييني
زيني اي
زي ما انتي هاربه من اهلك حتى انا هاربه منهم

 

زي ما انتي رح يقتلوك لو شافوك حتى انا مستحيل يخلوني عايشه دقيقه
نجمة:انهاااارت تبكي وشهقات البكي بين كلامها…..انا هربت من شي اكبر مني شي مدخليش بيه وعار مدرتاش هربت من الضلمممم
بس انتي من شنو هاربه ؟

 

شنو الشي يلي مدايرتيه باش الكل يحكي عليك هكي
رباب:ردت عليها بنفس الشهقات ……نفس يلي درتيه مع ادهم

 

نفس يلي درتيه بس هوا موفتلكش 24 ساعه ورماك رميت الكلاب يلي فيها انا توا
انهارو الاثنين بي البكاء على بختهم والضروف يلي وصلتهم لي ها الحال
بكي بدون اي كلام تاني يجرحهم

 

بس في ها الموقف كانت رباب الاقوى زي العاده
حضنت نجمه دخلتها وسكرت الباب عشان صوتهم ميزيدش يطلع اكتر من هكي
بس ها الموقف كانت فيه عيون اتابع في كل كلمه وحركه صايره
_________________________________

ندى:كانت مقعمزه على كرسي الزيانه قدام المرايا كانت لابسه روب ابيض طويل وكمامه حايرات ومطرزات بي كرستال يلمع
وتحت الطرف الطويل هادا في طرف قصير ومكشوف بس كانت مخبياته❤️
ماسحه كل المكياج من وجها ومش مخليه غير بلاشر خفيف على خدودها (احمر خدود)

 

وروج وردي هاااادي بس
ومخليه شعرها ينزل على ضهرها بمنضر مرتب وريحة برفانها كانت منعشه وهاديه

 

مش الثقيله والمغريه
ببساطه ندى جهزت نفسها بس كل شي كان خفيف وبسيط
كانت سارحه في المرايا وتفكر في الكلام يلي سمعاته من نجمه

 

سألت نفسها ……ليش كل القصص يلي تشوف فيهم في المسلسلات او القصص
لما البنت تنغصب على الشاب تتزوجه يبان انه الموضوع ساهل تحبه وتعيش حياة سعيده

 

بس ليش لما صار معاها الموقف شفاته صعب!
مش صعب بس مستحيل !
شنو يلي ممكن يصير في جوازها !؟وامين و و و و
هل تتقبل ال……….

 

نذير:افتحي المكيف
ندى:تقطع حبل افكارها وتلفتت لي نذير وهيا سارحه شوي
نذير:طالع من الدوش وواقف يمسح في شعره من الميه ….متسمعيش فيا ولا شنو !؟

 

ندى:ولعت المكيف وردت الريموت في مكانه
نذير:حط الفوطه على جنب ووقف ونضراته على ندى

 

ندى:وقفت والتوتر ماليها ….
نذير:يتهيألي ان صلينا ركعتين والامور مفروض تمام
ندى:نذير اسمعني مفيش داعي ليه هادا كله

 

نذير بالله عليك لو بنرجع بيت اهلي خليني نرجع زي ما انا
ولو في حاجه بتصير بينا خليها تصير بي رضا تام وتفاهم

 

نذير:سكري ضي الغرفه وتعالي ندى
متزيديش معاي حتى كلمه

 

ندى:به لو م……..
نذير:قاطع كلامها …..ياتعيشي معاي بشرع الله يا اما تروحي من توا دقيقه متقعديهاش عندي
ندى:لوحت المشط يلي كان في يدها ع الارض بي غضب ومشت سكرت الضي ودموعها في عيونها

 

لكل شي حكمه!
ونذير كان ثابت على موقفه ومفيش حد يقدر يلومه كان يبي يعيش مع مرته زي اي اثنين متزوجين!
من غير ها الكلام كان عنده هدف تاني كأنه قاصد ينتقم من ندى وامين بي الطريقه هادي !

 

انه يعيش جواز طبيعي معاها من جميع النواحي عشان يكسر اي مخطط ليهم الاثنين
ويمنع عليهم اي فرحه ممكن يعيشوها !
___________________________________

نصر:خش لي شقته وهوا يحكي بي التالفون وميت ضحك ……..ههههههههههه
ريت الفرق بيني وبين نذير ولا !
والله شكله حكمت فيه ………سكر الباب ونحا كندرته وخش والتالفون في وذنه

 

اي اي خلاص غضوا مع جو ال 7 ونص
نقص صوته شويه …….تزبط عرسان ونفخ زايد كنهادا راهو بايت معاكم اليوم
هههههههههه تم تم يا صقر

 

توسعو عيون نصر بصدمه على المنضر يلي شافه لدرجة انه معش ركز على صاحبه يلي على الخط
ريحانه:كانت لابسه فستان نوم قايمه شعرها بنعومه ومقعمزه على الصالون تلعب في ولدها وتبوس فيه ❤️
نصر:به خلاص تمام …ززاءءء تمام به تو نهدرزو

 

وسكر الخط …..
نصر:شن هادا؟
ريحانه:حطت ولدها على الصالون وتغيرله في ملابسه ……شنو الغريب

 

نصر:هادا حتى اليوم بايت هنايا؟
ريحانه:قامت حاجبها …تحشم مصحك ولدك يلي تقول عليه هادا ره !
نصر:مش مفروض يقعد عند امي ؟
ريحانه:اي وليش ان شاء الله يقعد عند امك ؟

 

من الحياة الزوجيه يلي عايشينها ولا شنو
نصر:حط ساكو الحوايج يلي كان في يده وسند نفسه على الحيط ….انتي شنو التغير هادا بزبط؟
وين القرايا والطلوع والهياجه يلي كنتي بتعيشيها

 

اخر شي نروح نلقاك شاده الفرخ والرضاعه والحفاضات جنبك ؟
ريحانه:البيبي صغير خليه يشبع من الحليب بس وبعدين نعطيه لي امك

 

تعالا توا قعمز جنبه شويه مابين وتيتله ملابس الدوش
نصر:انا ؟????
ريحانه:ناضت ….اي انت هاك شده

 

نصر :لالالا فوتيني منعرفش نشدهم لاااااا
ريحانه:حطاته بين يديه وخشت غرفتها
نصر:قعمز وهوا ماسك ولده ومش فاهم كي يتصرف

 

خدي نفس عميييق
ونضراته كانت لي التلفزيون شويه ومره مره يخطف في نضره للبيبي❤️
اخر شي شاف لي ولده

والبيبي ابتسم بي الصدفه
نصر:وهوا يشوف لي البيبي……مش كان ضحكتك حلوه وكيوت خلاص

تسحاب روحك بتضحك علي بي شوية الزين يلي في وجهك هادا وبتخليني زي امك لاصق فيك24 ساعه ؟
البيبي:ضحك بي الصوت المره هادي
نصر:لاعععععع رح نقاومك مستحيل يضحك عليا فرخ كبره زي حبة السامينسا

 

البيبي:تشكلت ملامحه الصغيرون وكان بيبكي
والمره هادي نصر للاسف خلاص مقدرش يمسك نفسه????
نصر:ياكتكووووتي ياكربوجي لالالا تبكيش يا قلبي انت هششش هشششش

 

ريحانه:هات جاي وانت تهش عليه تسحابه دبانه
هادا انسان يا غبي ميقولولاش هشش
نصر:علامات الذعر على وجها…….هادا يبكي شن بديريله????

 

ريحانه:حطت المرضعه للبيبي وكان جعان ويرضع بجوع
نصر:شكله مرضعش يومين
ريحانه:يومين ؟تسحابه جمل ؟!

 

نصر:اففففف ازعاج ازعاج رديه لي امي الفرخ
ريحانه:مدخلكش وخليني في حالي امشي غير ملابسك
نصر:مدايره عشي؟

 

ريحانه لا طبعا عروسه واصلا تعشيت عند رباب
نصر:اها
ريحانه:تحرك من بحداي شنو بتقعد تتفرج عليا هكي !؟

 

نصر:اصلا حتى انا بنخش نرقد بالله ما تزعجيني انتي والفرخ
ريحانه :لاهيه في البيبي …..باهي فكني من تفتفيتك بسسسس
نصر:خش لي غرفة نومه وفتح دولاب الملابس بيغير ملابسه

 

لكن قلبه خداه لي عتبت الباب❤️
وقعد يراقب في البيبي وقلبه يدق بطريقه رهيبه❤️
____________________________________

 

شيخه:غسلت يديها من اثار الصابون واخر لمسه دارتها في المطبخ بعد ما كملت تنضيفه بخت شوي معطر جو عشان تغير ريحة الكلور القويه
فتحت غسالة الماعين وحست بحد خلفها
مفيش غيره (نجم الدين)

 

مهتمتش وطلعت الماعين رتبتهم بدون اهتمام
نجم الدين :متبيش تتلفي ع الاقل؟
شيخه:تلفتت……..نعم؟

 

شن تبيني نديرلك؟!
شن جاي على بالك؟عشاء ولا نراجيك في غرفة النوم ولا خاطرك في كف وطريحه مرتبه ليا
احكيلي شن جاي ع بالك اليوم !

 

نجم الدين :ولا شي من هادم
شيخه:اممم الباين ان في شي جديد بينضاف للقائمه تفضل قوله
نجم الدين:خدي نفس وهوا يحاول ميتعصبش …..اءءءء انا جيت بي

 

بنعتذر منك
شيخه:علامات الصدمه والاستغراب كانت واضحه عليها …..جاي شنو ؟
نجم الدين :بنعتذر على الشي يلي درته امس الايام يلي فاتو

 

بصراحه انا ….انا
انا اسف
شيخه:بنبرة استهزاء …..امم حلو

 

كلمة اسف مسحت كل شعور مقرف عشته معاك
تمام صحيت ..زممكن توا تحول من قدامي لاني تعبانه من الصبح مع ولدك واهلك ونبي نرقد؟
نجم الدين :شافلها وهوا مصدوم من ردت فعلها كان متوقع شي تاني

 

كان متوقع ان رح تفرح في اللحضه هادي❤️
ورح تستقبله بي طريقه حلوه ترضيه لكن صدمه ردها وكان قاسي عليه
شاف لي شيخه وكانت ملامحه جدا معصبببب

 

حاول يمسك نفسه ويمشي على نصايح الدكتوره لما عطاته احتمال ان ممكن تقابله بي الرفض!
شيخه:نجم بعد من طريقي تعبانه ونبي نرقد
نجم الدين:بعد من قدامها بهدوء وطلع من الشقه

 

شيخه:خشت لي غرفة النوم بدلت ملابسها وكانت مستغربه بطريقه كبيره
من 3 سنين جواز مفيش مره نجم الدين اعتذر!
بدلت ملابسها وسرحت شعرها وخشت سريرها رقدت بدون اهتمام

 

اما نجم الدين نزل لي السياره
قعمز مع نفسه لحضات بهدوء
وبعدين فقد اعصابه وقعد يخبط بروحه بهستيريا لين فش غله ورجع هادي زي قبل

نزل راسه على الدومان بتعب وهوا مش فاهم شنو مفروض يتصرف ؟

 

رجع ركب شقته يلي كانت ضلاااام
وخش غرفته بهدوء بدون اي صوت وقف لحضات وشاف شيخه راقده

 

مسكره عيونها ولا كأنها مهتمه بي شي
خدي الجزء التاني من السرير وحط راسه على المخده بهدوء
شيخه:فتحت عيونها ومكانتش قادره تتكلم ولا تبي توضحله انها نايضه

 

بس كانت مستغربه من تصرفات نجم الدين الجديده !
___________________________________
في شقة رباب :-

 

كانت رباب ونجمه مقعمزين على الصالون في حالة هدوء بعد الانهيار ❤️
وكانت رباب تحكي وهيا سارحه كأنها تسترجع في كل ذكرياتها في كل حرف تحكيه
رباب:كنت نقرا ثانوي وكل يوم نمشي ونروح على رجليا

 

وكان طه في وجهي كل يوم وانا ماشيه وانا مروحه
لسانه وشكله ولبسه ولطافته وخفت دمه تخليك تحبيه بدون تفكير
حبيته طه

 

حبيته من قلبي رغم اني كنت عارفه كويس انه يكلم في الف بنت في اليوم
ويطلع مع 5
ويبات مع 3

 

رغم كل شي وسخ يدير فيه بس حبيته من قلبي لاني غبيه وملقيتش حد يصحيني
نجمه:بعيون ورمانه …..وبعدين؟
رباب:عرفت انه يخون فيا مع الف بنت

 

بكيت ايام وليالي وهوا ولا همه ولا مدور
قررت ننسحب من حياته وكملت قرايتي سنه اولى جامعه وبردو لازم نتلاقى معاه كل يوم
شافني حلويت وتقويت وبديت نطلع ونخش براحتي

 

حاول يرجع بس سكرت الباب في وجها
والشي هادا بنسبه ليه كان صدمة عمره ……كيف بنت ترفضه ؟
جن جنونه وزاد تعلق بيا وحبني وبدي زي المهووس

 

نجمه:عقدت حواجبها بي استغراب …… اي؟
رجعت نكلم فيه وكانت مجنون بي شي اسمه رباب
مكانش متخيل يفوت يوم واحد بدون ما يشوفني او يكلمني

 

نجمه:وبعدين شن صار ؟!
رباب :دار الخطه متاعه يلي كان اذكى مني فيها باش ببساطه يخليني ليه بس زي ما يبي
نجمه:كيف؟

 

رباب:في يوم كان يحكي معاي ….وقال انه بي واسطاته القويه قدر يحصل اسئلة الامتحان متعي
وجايبلي كم حاجه حلوه تانيه وكانت الساعه 1 في الليل
نزلت وعطاني الحاجات

 

وبعدها ….معش نذكر حتى كيف خلاني نركب معاه السياره
قعدت معاه دقايق بس
لكن الدقايق هادم دمرولي حياتي ????

 

نجمه:طاحت دمعتها…..اعتدى عليك
رباب:ضحكت بهزوه…….لا مش هكي
خلى شخص يكلم بابا ويقوله ان بنتك مهناش

 

وبابا خش لي داري وفعلا لقاني مهناش
انقلب الحوش وخوتي قلبو الدنيا وتحلفو فيا بي القتل

 

وقتها طه هرب بيا واصلا مقدرتش ننزل لان شفت جنازتي بعيوني لو نزلت ????
نجمه:انتي كيف قادره تعيشي في شقه غاليا زي هادي ؟

 

ومصروفك ولبسك واكلك ……من وين ؟
رباب:هادي شقة طه …شراهالي مخصوص بس قاعده بي اسمه
وطبعا مصروفي وكل شي منه كأنه يحاول يعوضني عشان نحن عليه

 

نجمه:وشنو مقابل هادا كله رباب؟
رباب:هه مش رح تصدقي لو قتلك مقابل انه يشوفني ويحكي معاي بس

 

نجمه:محاولتيش تتواصلي مع اهلك؟
رباب:تبكي بصوت واطي………لا????
مقدرتش كل اسبوع نتصل بي ماما نسمع في صوتها ونسكر

 

لو تعرفي قداش استاحشت اهلي بس مستحيل يخلوني عايشه
ممكن انا في لحضتها تصرفت غلط ومفروض نزلت لو مهما صار

 

لكن منعرفش وقتها مفكرتش ????
حاسه بقلبي واجعني وبنموت لو مشفتش ماما وبابا يا نجمه مش قادره نتحمل اكتر من هكي
نجمه:حضنت رباب وهيا تحاول تهديها

 

_____________________________________
طه:كان متوتر وهوا ماسك تالفونه
نغم:خشت لي غرفة النوم بتعب ….نسكر الضي ولا تبيه ؟

 

طه:سكري
نغم:سكرت الضي ورقدت علي سريرها
طه :لوح التالفون وهوا يتنهد بتوتر …….

 

نغم:شافتله …طه فيك شي ؟
طه:علاش شن شايفتيني ندير؟
نقطع ونريش ولا شنو !

 

نغم:لا مش قصدي بس انا
طه:بالله سكريلي فمك صوتك يوتر فيا ره …وسيبها وخش للحمام

 

نغم:اذكرت كلام شيخه وقررت اطبقه
ناضت من سريرها بهدوء وفتحت تالفون طه
كانت عارفه الباسوورد من كثر مراقبتها في طه الفتره الاخيره

 

اول ما كتبت الباسور على طول انفتح التالفون على محادثه واتس
ومكتوب على الرقم (RB)
وكل الرسايل كانت من طه وكلهاااا توسل وترجي انها ترد

 

وفي نفس الوقت بعض من الرسايل كانت تهديد وسب ورسايل ترجي وحب وهوس بيها
نغم:حطت يدها على فمها من الصدمه ومن الكلام يلي قراته
خدت الرقم بسرعه ورجعت التالفون مكانه

 

رجعت سريرها وهيا تبكي بس تحاول بقد ما تقدر صوتها ما يطلعش????
_____________________________________
ثاني يوم الساعه 11 الصبح????:

 

ندى:كانت واقفه ع الحوض ومسكره عليها باب الحمام
تبكي وهيا مخبيه صوتها تراجع في تفاصل الليله يلي مرت بيها وكان قلبها محروق
مكانتش تبي ليلة العمر تفوت بي الطريقه هادي كأنه اعتداء

 

غسلت وجها وهيا تحاول تهدي نفسها
طق باب الحمام عليها اكتر من مره عليها
ندى:ردت عليه بغصه …..انا مطوله شوف حمام الضيوف

 

نذير:حاولي تستعجلي فاطرين برا اليوم
ندى:مردتش ولا حتى سألت وين !
ريحانه:ناضت من نومها تتكسل وهيا تحاول تصحصح

 

قعمزت وهيا تشوف يمين يسار وفجآه ناضت زي المجنونه لما ملقتش ولدها جنبها
ناضت بسرعه طلعت من غرفت نومها ولما وثلت لي الصاله وقفت وهيا تراقب بي استغراب
نصر:تكبر وندربك من اول ابتدائي معاي

 

عندي 5 صحاب في الكوره متفهم شي ملاعبيه الله يبارك
لكن دير في حسابك يا فرخ مش ندربك ونتعب عليك بعدين تلعب ضدي نوريك ره
البيبي:ابتسم كأن حاس بي كلام ابوه ليه❤️

 

نصر:مزال مزال هلبا حجات واماكن بنرفعك ليهم
ريحانه:معش قدرت تمسك ضحكتها …….هههههههههههههههه
انت فيك طقه؟

 

تحكي مع عيل مسكرش شهر تحسابه يفهم فيك
نصر:توترررر………..انا انا كنت نتكلم في التالفون
مسك تالفونه …..اها يا صقر معاك

 

تعالي اقعدي مع ولدك ازعجني الصبح طلعته لي الصالون باش مينوضكش
ريحانه:ضحكت …..ع اساس من حبك فيا يعني خايف عليا انوض ????????????????
نصر:ضمي فمك الراجل ع الخط …….وطلع

 

ريحانه:ضحكت ……..اي اي صدقتك
تعالا يا روحي ياعمري انت
تضحك ياقلبي تضحك على بوك وتخريفه صح كوتي كوتي كوتي

 

مسكاته وتبوس فيه
ريت الكلام يلي حكاه بوك كله لوحه
اول ما تكبر رح نهتم بي قصة شعرك ولبسه ورح نفتحلك اكونت ع الانستا ونخليك موديل مشهور يا عسلي انت

 

موافق ؟
نصر:بلا عار تهدرزي ع طفل مطقش شهر ؟؟
ريحانه:شافت لي نصر …….انت مقلبتش وجهك طلعت

 

نصر:يضحك……ربي ياخدلي في حقي في نفس الدقيقه????????????????
ريحانه:نصرررررر
ومعش قدرت تمسك ضحكتها وماتت بي الضحك هيا وياه

 

_________________________________
رباب:فتحت عيونها بتعب وهيا تحاول تذكر هيا وين وشن صاير؟
فجآه تشم ريحه حلوه❤️

 

ريحة فطور وشاهي بي القرفه ماليه الشقه
نادت بصوت تعبان …….نجمه؟انتي هنايا؟!
نجمه:جتها وهيا مبتسمه….صباح الخير

 

درتلك فطور من تحت يديا من الصبح طالعه جبت كل شي وزياده جبتلك ورده
رباب:تغمض في عيونها وتفتح تحاول تستوعب لانها مش مذكره حتى كيف خداها النوم !
رباب:انتي ……زانتي انتي مروحتيش؟

 

نجمه:قعمزت جنبها …..مستحيل طبعا
نروح ونخليك بروحك مهما صار ومهما كانت النضره يلي شافولك بيها الناس
يكفي انك كويس معاي وهادا سادني

 

رباب:حضنت نجمه بفرح ودموعها ينزلو
نجمه:دمعو عيونها لكن الابتسامه كانت على وجها ❤️…….خلاص عاد ياسرنا بكي نوضي اغسلي وجهك وتعالي شوفي التحفه الفنيه يلي اسمها فطور وتيتهالك ????

 

رباب:ضحكت وناضت ع الحمام
____________________________________
موده:خشت لي مكتبها واناقتها كانت زايده على حدها حبتين

 

روجها كان فاقع زياده ومكياجها كان مرتب اكتر من قبل
تعمدت ترفع شعرها عشان تغير من شكلها المره هادي وابتسامتها كانت شاقه وجها اول ما دخلت
مودة:جاي بكري اليوم

 

باهي يلي كنت واصله وقت ابكر كنهادا راهو مقعمز تراجي فيا توا
نجم الدين:ببرود رد………اهلين محتاج تفسريلي شي
بدون ما يعطي اي رد فعل لي كلامها وابتسامتها وشكلها ولا اي شي

 

موده:اتابعت ابتسامتها يلي كانت شويه وتختفي وكملت كلامها……..تفضل نسمع فيك
نجم الدين:بدي يحكي بي طلاقه شن صار معاه امس بتفصيل وكيف قابلاته شيخه بي الصد
ومودة تسمعله وسارحه

 

نجم الدين:نبي نقهم ليش دارت هكي ؟
موده:كل البنات هكي نجم الدين متنساش الشي يلي كنت معيشها فيه مش ساهل ومش وقت قليل
ممكن هيا فهمت انك تاسفت لان تبي توصل لي شي معين لا اكتر مش لانك فعلا نادم

 

نجم الدين :شي معين زي شنو ؟
مودة:حقك الشرعي
تصير الحاجه هادي بتقدم الرجال بي الاعتذار لي مرته والكلام المعسول عشان حق بس

 

وكل الكلام الحلو يختفي بعد هذيك الليله
نجم الدين:بس اانا معتذرتش بسبب الشي هادا
مودة:ابتسمت …..نعرف

 

بس مرتك متعرفش وريها
وريها مدى حبك واحترامك ليها وكيف تغيرت
وكمل دير كلللل يلي اتفقنا عليه في الجلسه يلي فاتت

 

نجم الدين :تمام مشكوره
مودة:وين ؟وقت الجلسه مكملش
نجم الدين:معلش سامحيني مضطر نطلع وكنت محتاج نتكلم حتى لو بي اختصار

نهارك سعيد …وطلع
موده:حطت مذكرتها ع المكتب
وبدت ملامحها واضح عليها التوتر والانزعاج !

 

___________________________________
رباب:هههههههههههه تخيلي
نجمه:جديات رباب نبي نطلع لي اي مكان يوم يومين نغير جو

 

رباب:حطت الخبزه ع جنبي وخدت رشفه من الشاهي ……تو نديرو طلعه حلوه
توا احكيلي
شنو القصه يلي صارت مع ادهم

 

نجمه:اءءء اممم
طق طق طق طق

 

نجمه:خليك انا تو نفتح ……وناضت
رباب:ممكن المنذوبه هادي جايبتلي طلبيه ناسيه امتى طلبتها

 

نجمه:رباب تعاااالي عندك ضيوف
رباب :ناضت للباب …….اهلين تفضلي ؟
نغم:انتي رباب؟

 

رباب:اي …..منو انتي
نغم:اءءء انا اءءء ا انا
____________________________

 

ندى:كانت مقعمزه في السياره تراجي في نذير يسكر باب القراج يلي كانت فيه سيارته
مكانتش مرتاحه ابدا بي النقاب يلي لبساته فجاه
لمحت من الروشن نذير كان واقف وقدامه بنت تحاول انها تحكي معاه بس مش عطيها مجال وواضح من ملاكحه انه مضايق

 

تابعت ندى تتفرج عليه لين سيب البنت وقرب على السياره
ركب وطلع بي السياره بدون ما يحكي مع ندى
بعد مدة وهما في طريق السريع :-

 

ندى:كسرت الصمت بي سؤالها ………منو البنت يلي واقفه معاك؟
نذير:مدخلكش
ندى:رد عليا بي اسلوب زي ما نكلم فيك

 

نذير:اخطيني مش رايقلك
ندى:لا مش خاطياتك ولا رح نسكت الباين يلي كانت واقفه عليك حبيبت القلب
خلااااص فووووتني يا اخي وخودها قدااامك البنت

 

علاش اتاعب في روحك واتاعبني
نذير:يعيط عليها ………سكريلي فمممممممك
ندى:خلاص يلي كنت مسكر عليه راسك صار امس ياسر مش طايقه نقعد معاك اكتر من هكي

 

نذير:يسوق بسرعه ……اسكككككككتي
ندى:قرفت منها العيشه هادي والنقاب يلي لبستهولي فجاه علاش من شن خايف !؟
نذير:متخلينيش نمد يدي عليككككك

 

ندى:اصلا هادا يلي كان ………….
وقاطع كلامها شهقة صدمه اول ما خبطتهم حافله من الجنب
وقعدت السياره تلف في مكانها وكل المرش تفترششش……

 

نجمه:قدمت كاست العصير بهدوء …..تفضلي

 

 

نغم:بتوتر…..شكرا تعبتك
نجمه:لا تعب ولا شي

 

نغم:حدت رشفه من العصير وحطت الكاسه على الطاوله
انت خوات ؟
رباب:شافت لي نجمه ….هادي جارتي وصاحبتي هلبا

 

نغم:ابتسمت وهيا تخبي في ملامح خوفها وتوترها ……ربي يحفضكم لي بعض
رباب:متعرفناش ؟

 

نغم:خدت نفس …….انا مرت طه

نجمه:تبادلت نضرات الصدمه مع رباب
نغم:اسفه لو جيت بدون موعد وكذبت عليك بخصوص طلبيه عشان نقدر نوصل لي عنوان شقتك
رباب:متكلمتش بي ولا حرف

 

نغم:شوفي رباب انا مش جايه نتعارك معاك ولا نحاسبك على شي
قريت شويه من الشات بينك وبين طه
وفهمت ان يهدد فيك بي طلوعك من الشقه وانتي متقدريش ترجعي لي اهلك

 

رباب:مدامك تعرفي كل شي وانتي مش جايه تتعاركي ع قولتك انتي هنايا علاش؟
نجمه:رباب اهدي
رباب:اسكتي انتي خليني معاها

 

نغم:ابتسمت بهدوء ….زانا جايه نفهم شي واحد بس
ويلي بنفهمه هوا يلي بيجدد شنو بيصير في حياتي الزوجيه
رباب:تهز في رجلها بتوتر…….تفضلي شنو يلي تبي تعرفيه ؟

 

نغم:اممم ءءاءء
انتي انتي تحبيه طه ؟
تبي تكوني معاه او تبي اي طريقه تتخلصي بيها منه ؟

 

زي ما كتبتيله ؟
رباب:ابتسمت على جنب …ليش يهمك تعرفي ؟!
نغم:ببساطه لانه زوجي يا رباب ولاني قاعده عروسه ولازم نفهم لو بنستمر في زواجي هادا او لا

 

رباب:طه يحبني
وانا نبادله نفس الشعور للاسف
كل يلي صاير بينا ان مش قادره نتقبله بعد يلي صار في حياتي

 

بس هادا ميعنيش ان معش عندي ليه مشاعر
نجمه:تشوف لي رباب بصدمه

 

نغم:سكتت بي استغراب وغصه داخلها????لان ببساطة متوقعتش الرد هاذا
رباب:بي ملامح تحدي ….تبي شي تاني؟
نغم:حاولت انها تبتسم بس الكسره كانت في عيونها

 

مسكت شنطتها ووقفت …..لا تمام صحيتي واسفه لو خديت من وقتك
وطلعت بدون ما تسمع رد رباب علي الاقل
نجمه:سكرت عيونها لما سمعت صوت الباب لما تسكر ….

 

رباب:غباء
نجمه:فتحت عيونها…..ليش هكي تصرفتي مع البنت حرام عليك
رباب:متكونيش غبيه حتي انتي

 

سكريلي الموضوع نجمه فوتي يلي صار….وسيبتها وهشت للغرفه
نجمه:تنهدت …..ياربي شن يلي قاعد يصير
__________________________________

 

وسط ممر المشفى كانت شيخه واقفه مع كفاح
متوترين والذعر باين علي وجهم :-
كفاح:-خليت البنات عند ماما وطلعت من الخلعه تعرفي مركزت في شي

 

شيخه:احمدي ربك عندك وين تخليه
متين خليته راقد في السياره
كفاح:نغم وطه زعمى يلحقو؟
شيخه؛اكيد عيب ميجوش

 

كفاح:راجلك جاي الباين انه بيحكي معاك واضح من بكري ان يبيك في حاجه
شيخه:خليك متتحركيش
كفاح:لا حبيبتي منقدرش بالك الراجل عنده شي مهم بيقوله

 

خلي نمشي نشوف راجلي حتى انا شن صاير فيه قلبيه حساس مش زيك تقول متزوجه رشاده????
شيخه:????????
كفاح:بعدت شويه من جيهة شيخه

 

نجم الدين:ندى حالها كويس وفاقت
شيخه:الحمد الله ربي يشفيها ويعافيها
نجم الدين:امتى تبي تروحي؟

 

شيخه:شافتله بي استغراب …..ليش تسأل ؟
نجم الدين:لو كتبولها خروج مفيش داعي نقعدو بنروح انا وياك
شيخه:بعبط….انا وياك؟

 

علاش!
نجم الدين:توتر لانك ميعرفش يحكي ويعبر عن مشاعره….بعدين ساهل
شيخه:سكتت بس في داخلها تقول….شني هادا خيره هبل؟

 

كفاح:اشرت لي شيخه من بعيد بمعنى تعالي
نجم الدين:شنو شنو وين ماشيه ؟
شيخه:ماشيه لي مرت خوك خيرك بسم الله

 

نجم الدين:سكت وعرف ان ردت فعله كانت مبالغ فيها شوي
نغم:الحمد الله
شنو صار بتطلع اليوم ولا كاتبيلها خروج؟

 

شيخه:خليك من هاذا كله توا شن صار معاك
كفاح:خيرك ع البنت خير خليها توصل قبل
نغم:ابتسمت بوجع….لا عادي خليها

 

شيخه:شنو احكي
نغم:تغيرت ملامحها ….طلعت تحبه وتبيه
واخدلها شقه ويصرف عليها زياده لانها هاربه من اهلها

 

شيخه&كفاح:????????????????????
نعم:ضحكت بهزوه….اي اي
لو تشوفو كيف ردت عليا بثقه وكيف تعامل فيه زي الكلب
ومع هادا يجري وراها غير ارضي عليا بس

 

كفاح:قويه لقطة الشقه ويصرف عليها بجد
شيخه:وانتي شنو ناويه اديري؟

 

نغم:كنت ناويه بنخليهم الاثنين يتهنو ببعض وبنرجع بيت اهلي
لكن بعد الاستفزاز يلي دارتهولي اليوم مش نخليهولها بي الساهل ابداااا
شيخه:شاطره????????????????
_______________________________

ندى:كانت مقعمزه علي الكرسي واغلب وجها جروح وكدمات
نزلت كمها بعد ما سحبو منها الدم
انور:الحمد الله ع السلامه الحمد الله ع السلامه

 

ندى:ابتسمت ….ابتسمت ….الله يسلمك يارب
انور:شكله خدوكم بعين ولا عرسان جدد والاوضاع مستغه عطوهالكم من بعيد
ندى:نذير وين؟

 

انور:نجم الدين طلع يكمل في اجرائات المشفى شوي وبتطلعو
الحمد الله جت بسيطه
ندى:الحمد الله ….بابا جي؟

 

انور:بوك محكينالاش تعرفيه قداش يخاف عليك توصلي لي حوشك بي السلامه وبعدين ساهل
ندى:احسن شي درتوه ❤️
نذير:طق ع الباب مرتين …وخش للغرفه

 

انور:اشر بعيونه لي نجم الدين وطلعو
انور:هي نراجو فيكم برا اهو تو نروح بيكم في سيارتي والباقي يروحو مع نجم الدين
نذير:ابتسم …..منور يا صقر ما قصرتش والله

 

طلعو خوت ندى الاثنين وقعد نذير وندى بس
نذير:الحمد الله ع السلامه
ندى:الله يسلمك
صارلك شي؟!

 

نذير:زي ما تشوفي
ندى:قامت عيونها وكانت الجروح معبيه جسمه ووجها وفمه
نذير:هيا نوضي نروحو

 

قاعد مقلتش شي لي اهلي مفيش حد يعلم
ندى:ناضت تمشي جنبه وسألاته
السياره شن صار فيها؟

 

نذير:الحمد الله يلي طلعنا مفينا شي السياره معش يصير منها خلاص
ندى:وقفت ونذير كمل طريقه وطلع مع خوت ندى

 

اما ندى كانت مع نساوين خوتها سرحانه وملامح الحزن واضحه علي وجها لان تأنيب الضمير كان عندها الففففف
تسببت بي الحادث وخراب سيارته بسبب كلام تافه وعراك فاضي منها !
_______________________________

 

كانت نجمه واقفه قدام باب شقتها لابسه بدلة سروال كحله ووشاح ابيض وطاقيه شمس بيضه وماسكه في يدها شنطة كتف واضح انها كانت في سوبر ماركت
وقفت تفتح فيه بس ناداها صوت راجل كبير في الست شويتين
تلفتت وهيا تقول ….اهلا عم عبدو تفضل؟

 

عبدو:يا بنتي بكرا جايبين عمال نضافه يغسلو دروج العماره كل شخص بيدفع30ياريت تشتركي معانا
نجمه:طالعت من جيبها فلوس عدت 30دينار بزبط ومدتهوله
يزن:كان نازل صدفه من الدروج وسلم علي عبدو غفير العماره
نجمه:بلاش نضراتك هاذي لان من اليوم مش رح نسكتلك لا انت ولا خوك

 

يزن:تلفتلها….انتي من كلمك؟!
نجمه:ربعت يديها …..ولا حد عطيتك علم بس باش ادير بالك في الجديد

 

يزن:تلفت…معندكش كبير نحكي معاه كنهاذا راهو وريتك الادب كيف
نجمه:بالله توكل من قدامي وفي الجديد تشوفني قدامك اخطم من جنبي كأنك ما شفت حد

 

لان وربي معاد متحمله منك ولا كلمه وخبر امك معش تتصل بيا واقطعو علاقتي بيكم نهااائي
يزن:ابتسم بي استفزاز….شن رايك ترجعي لي اهلك؟
راجعي نفسك انتي منو؟

 

مني يكون بوك الحقيقي وليش صاير بي امك هكي!
نجمه:الصدمه كانت واضحه عليها ….شن تقصد؟
امك حكتلك شي !

 

يزن:ضحك ….الاحسن انك تعرفي بروحك
اختفت الضحكه من عيونه …..روحي
ياسرك عطلتي

 

نجمه:سكرت باب شقتها من جديد….صح الباين لازم نعرف بروحي
واهو ماشيه لكن رح نرجع يا يزن ورح نسكتك بي الف حاجه انت وخوك الحقير
يزن:اي وريني علاش لا

 

نجمه:لبست شنطتها ع كتفها وطلعت
طلعت وهيا بتتفجررر من الغضب وخلاص في ثواني بس قررت تحسم الموضوع بدون حتي نا تاخد راي حد
يا اما ترجع وهيا فاهمه حكايتها

 

يا اما تموت
________________________________
ندى:سكرت باب غرفة النوم ووقفت قدامه….قبل ما تطلع محتاجه نقولك شي ????
نذير:مش وقته امي اكيد ركبت توا بعدين ساهل

 

ندى:لا توا لازم تسمعني
نبيله:نذيييييييير نذييييير ندى
نذير:نحي من قدام الباب عيب هيا في الصاله وحني في غرفة النوم

 

ندى:بعيون مدمعه….نذير انا اسفه????????
كل شي بسببي الله يخليك اسفه خربتلك حياتك وسيارتك
حاسه اني ان منعرفش شن كان صايرلي الصبح وشفتك مع هذيك البنت

 

الله يخليك سامحني????????
نذير:حط يده علي خدها وقال ..
_________________________________

 

رباب:فتحت الباب….اياااه علينا شنو النهار هاذا يلي ما يبيش يفوت ع خيررر
طه:خش لي الشقه وسكر الباب بقوه ….انتي وينك مترديش؟
رباب:تلفتت بكيفي مش راده

 

طه:مسكها من يدها….متهبلينييييييييششششش
خليني بعقلي رباب احسن ما اقسم بالله نقتلك راهو ومفيش جنس مغلوق يعرف مكانك
رباب:فتحت يديها….ديريهاااا

 

ديرها خليك قدها وريحني من يلي انا فيه لاني قرفت منكككك
طه:يديه ترجف ودااهش والاعصاب باينات عليه
مسك راسها بين يديه….تحبيني ؟؟؟!

 

علاش تتصرفي هكي رباب ادويلي بشويه فهميني شنو نقصت عليك انا
رباب:بعداته بقوه…..تي انت دمرتلي حياااااااتي
حرمتني من اهلي شن قاعد تقووووول
طه اطلع منبيش نشوف وجهك اطلللللع
اصلا كلها اسبوعين نحصل خدمه ورح نخليلك الشقه بيلي فيها اطلللع
طه:هه ؟
ششش شنو !!!
تكذبي صح مستحيل معندكش مكان رباب غير هنايا مفيش حد يحبك الا انا رباب
رباب:بعد طه بعدددد
طه:يحاول يحضنها بس كانت تصد فيه بقوه ????
بدون وعي مسكها من رقبتها وخبطها علي باب المرش
ثواني وكانت رباب طايحه ع الارض والدم مشرتع علي كل قطع المرش
_______________________________
كريمه:طلع خوك من بكري ماشي لي ست الحسن خطيبته
اتصلت بيه اشبح شن قتله طلعلها يجري
يزن:ضحك….وانتي شن واجعك؟
كريمه:صبت القهوه وحطتهوله قدامه …..انت
انت يلي واجعني قاعد هكي علاش مديرش عقلك في راسك وتمشي تخطب زي خوك؟
يزن:معنديش خلوق ولا استعداد قاعد
ومع النماذج يلي شفتهم لوطه زادو سكروها
كريمه:نماذج شنو
يزن:الفاسدات الزوز يلي عايشين بروحهم
كريمه:عييييييب يزن عييييب مهما كان ولايا عمرك ما تقول فيهم كلمه غلط
يزن:تلاقيت انا وياها البنت يلي امها تعرفك
سمعتها كلمتين قتلها روحي بري شوفي بلاح وقصتك عند اماليك
ع اساس دارت قلب ونزلت بتروح
كريمه:ملامح الرعب علي وجها…….شش شنو؟!!
شن تقول !!
وين بتروح؟؟
يزن:بعناد….بتروح لي اهلها يا امي خليها تقلب وجها تفكنا من مسؤليتها وكل شويه راكبه فوق
كريمه:خبطت علي وجها…. نهاري الاسوووووود
انت متعرفش البنت هادي منوووو????????????
نوض الحقها نووووووض
يزن:بي استغراب….منو تكون خيرك يا امي!
كريمه :تبكي نجمه تكون ….

الساعه 6 العشيه الشمس خفيفه بس قاعده مودعتش السماء ????
النسمات البارده عاطيه جمال لي الجو ❤️
ريحة الارض بعد مطرة الليل كانت عالم تااني????
اختارت نجمه تتمشى مسافه طوووويله قبل ما تاخد تاكسي وتمشي لي بوها
الوقت يلي تتمشى فيه عشان تاخد فرصه تحكي فيها مع روحها وتجهز كلام ومببرات لي بوها وعمامها
تفهمهم وين كانت وامها شن حكتلها وشن يلي صار
والاهم انها تجهز الاسئله يلي بتسألها ليهم
ويلي كان محتوى وبداية كل سؤال ……(علاش)؟
كانت حاسه بي الغباء كيف الفتره يلي فاتت كلها مفكرتش ترجع لي بوها
مهما كان هوا في النهايه بوها ومستحيل يضرها في شي
لكن التفكير هادا يقاطع فيه ذكريات امها وهيا تبكي وتتوسلها انها مترجعش لي بوها ولا حتى تتواصل معاه
في العاده كانت امها تحبها اكتر بس هادا ميعنيش ان بوها ميحملهاش اي مشاعر يعني في النهايه هيا بنته
وزي ما ربونا وعلمونا اهالينا (مفيش اب ميحبش بنته)
بس احيانا الاهل ميكونش عندهم الوعي الكافي لي هلبا حجات

 

 

كل ها الكلام والاسئله قاطعتهم سياره كحله عاليه كانت جايه تجري درست في نص الشارع
ونزل المرش
يزن:بدون اي ملامح تعبيريه ….اركبي
نجمه:ضحكت بي استهزاء …..نعم؟!

 

يزن:معنديش خلوق نعاود كلام
نجمه:ماعندي وين نركب بعد عليا وخليني في حالي

 

يزن:متخلينيش ننزل نركبك انا خليك بكرامتك واركبي فكيني من القصص الزايده
نجمه:مرررريض انت ؟ولا في شي في عقلك ؟

 

الف سنه وانت تقولي ارجعي لي اهلك ارجعي لي اهلك يوم قررت نمشي جاي لعندي تقولي اركبي من انت اصلا باش نركب معاك السياره ؟
يزن:في شي يخص اهلك وامك تحديدا لازم تعرفيه

 

تعالي نرفعك تفهميه وبعدين لو تبي تمشي بري
نجمه:بي علامات استغراب وفضول ……يخص ماما ؟

 

شن هوا شن في ؟
يزن :مش انا يلي بنفهمك للمره المليون تعالي اركبي نرفعك
نجمه:خدت نفس بتردد وهيا تشوف يمين يسار واخر شي استسلمت وركبت مع يزن
___________________________________

 

طه:نزل على ركابه ويديه ترجف …..عقله مش مستوعب يلي صار وقلبه بيطلع منع
بصوت متقطع وهستيري
طه:رباب ؟حبيبتي نوضي خلاص مش معصب عليك

 

رباب نوضي رباااااب رباب الله يخليك نوضي متخوفينيش عليك حبيبتي
ياعمري نوضي عارفك تحبي تخلعيني هيا وراس قلبي
رجع شعره للخلف بتوتر وخوف والدم مالي يديه
خدي ثواني وهوا يحاول يستوعب يلي صار واخر شي قامها ونزل بيها لي السياره طول ناس باب الشقه مفتوح وراه

 

ركبها لي السياره وطول الطريق يسوق وينادي فيها متأمل انها تصحى بس كان مغمى عليها بشكل نهائي
كان طه في حاله هستيريه
يخبط ع السياره فتره ويبكي فتره وينادي بي اسمها عشان تفيق
بنادي بكل اسماء الحب ليها

 

وبعدين يسبها ويحط في اللوم كله عليها وانها هيا يلي وصلت روحها لي هادي المرحله ويرجع يبكي من جديد
من اغرب واكتر الحلات ندره يلي ممكن تسمع بيها
لما يجتمع الحب والكره في نفس الشخص ❤️

 

الرغبه انك تبي تكون معاه 24ساعه
لكن في نفس الوقت متبيش ولا شي يربطه بيك اخطى من علاقه عابره لكن !!!!!!!!!

 

متبيهاش تكون عابره
هادا تفسير علاقة طه بي رباب كلها ضياع وتشتت وعدم فهم اي شي فيها ……….
_______________________________

ندى:بعيون مدمعه….نذير انا اسفه????????
كل شي بسببي الله يخليك اسفه خربتلك حياتك وسيارتك
حاسه اني ان منعرفش شن كان صايرلي الصبح وشفتك مع هذيك البنت
الله يخليك سامحني????????
نذير:حط يده علي خدها وقال …ابعدي عليا ندى
بعدي خليني نفتح الباب ونطمن امي واختي عليا يكون احسن من كلامك الفارغ يلي تحكي فيه
ندى:بعيون مصدومه …….انت كيف تحولت هكي ؟
اول يوم كنت حنون وطيب وكويس معاي كيف تتغير هكي في يوم وليله ؟
نذير:زي ما انتي خنتي وعدك ليا بين يوم وليله
مدرتيش حساب انك رح تشوفي وجهي التانيه يلي ميعجبكش وتوا زيدي غادي
ودفها من ع الباب لين قريب طاحت ع الارض بس تلقاها الحيط وسندها
طلع نذير لي امه وباقي عيلته يطمن فيهم
وندى قعدت في مكانها مصدومه مش عارفه شنو يلي بديره !
مفيش اي امل انها تتقرب من نذير
ولا اي ذرة امل انه يرحمها ويطلقها عشان تقدر تاخد امين ❤️
ولا حتى ترجع لي حوش بوها وتتخلص منهم الاثنين
ريحانه:فتحت الباب بي استغراب ……….انتي كويسه ؟
خيرك مطلعتيش

 

ندى: بي اسلوب هستيري …….ريحانه تعبت تعبت انا معش قادره اكتر من هكي وربي رح نتفجر لا قادره نعيش معاه ولا قادره نتخلص منه بالله عليك ديريلي حل حاسه الحوش يخنق فيا بنمووووت
ريحانه سكرت الباب بسرعه وهيا خايفه صوت ندى يلع برا الغرفه ……اششششش اهدي اهدي

 

خيرك شن يلي صار شن في
ندى:مفيش شي صاير بس خلاص انا معش قادره وربي خلاص معش عندي حيل الكل بيلوم عليا لو سمعني بس مش بيدي ????

 

انا نحببببببه امين نحببببه ????
ريحانه:حضنتها ……اسكككككتي اسكتتتي خير من يسمعك حد مجنونه انتي تحكي هكي في حوشك ؟
تخيلي نذير يسمعك ؟

 

ندى:يعامل فيا معاملة الكلام يا ريحانه خلاص انا نبي نطلق لو مهما صار خلاص
ريحانه:اهدي اهدي تو نلقو حل غير ردي بالك تنهاري بس قدام اي حد

 

طقتين ع الباب وخشت هديل قبل حتى ما يقولولها تفضلي
هديل:ندى خيرك؟شن في صوت عياطك واصل لي الصاله ؟

 

ريحانه:قلبت عيونها……..مفي شي متأثره بي الحادت يلي صار
هديل:الف سلامه عليك حبيبتي ……البسي حاجه وتعالي برا نصر وامي وعكتي جايين يسألو عليكم
ندى:مسحت دموعها …..ان شاء الله
ريحانه :خلاص قتلك بتجي …شن مزال تبي ؟

 

هديل:والله انتي مكلمتكش علاش حاشره روحك بينا
وهادا حوش خوي انتي يلي شن مخششك غرفة نومهم
ريحانه:بي قرف……حوش خوي

 

ها الفيلا الملكيه يلي تقولي عليها حوش بالله اقلبي وجهك جو الحماوات المزيتات يلي اديري فيه
حوش خوي قالت ….بري قعمزي جنب خوك خلي يبعتلك رابط 2023لانك قاعده عالقه في سنه 2010
هديل:قبل ما تلحق ترد عليها سمعت امها تنادي ………معندي ما نقول الا ينااااري بس على طيحة خوي السوداء علاش ربي باعته ليك
ريحانه:باش نسود عيشتكم حبيبتي
اشبح شن درتو في الدنيا حاجه عافنه باش ربي رزقكم بيا كنه
هديل:قليلة ادب مرض ……..وطلعت
ريحانه:شكالات سحيقه …….ونوضي انتي التانيه امسحي دموعك واطلعي سلمي
مفهمتش انا الجوازات يلي صايره كلها العرسان مش طايقين بعض ولا في بينهم درة حب شن هادا
ندى:وهيا تلبس في ملابس الصلاة ……..الله يسامح يلي كان السبب

ريحانه:ع من تقصدي ؟
ندى:اهلي …… خطبني منهم كدا مره بس موافقوش
ريحانه:تكلمت وواضح من عيونها ان في فكره لمعت في راسها????……لو يحبك وقاعد متمسك بيك رح نعرفو ولا يهمك
ندى:شن قصدك؟
ريحانه:بعدين تعرفيه قصدي اطلعي توا
__________________________________

 

شيخه:تلبس في ولدها …..اشششش اسكت ياماما خلاص هي كملنا
نمشو لي عميما ندو وليدي باهي ؟

 

اشششش خلاص هي
قامت عيونها وشافت نجم الدين واقف قدامها
شيخه:قعمزت ولها ترتبله في شعره …..شنو فيه ؟
نجم الدين :ساكت

 

شيخه :تبي حاجه ؟
نجم الدين :عاقد حواجبه …….لا لا شي
شيخه :رقدت ولدها وعطاته الشيشه ……..انا خاشه بنوتي روحي تبي شي ؟
نجم الدين :لالا ابدا

 

شيخه:تمام
خشت لي غرفتها اطلع في حوايجها وهيا داخلها تقول …….بسم الله هادا خيره !

 

لبست بدلة سروال لونها ازرق كحلي
سروالها واسع والسوريه طويله شوي …..لبست بندانه بيضا وولا شي في وجها غير مرطب
وجه وفم

 

وحطت الوشاح ع راسها تساوي فيه قدام المرايا فجاه شافت انعكاس نجم الدين في المرايا
وهوا واقف يشوفلها …….بجديات خيرك ؟شن في مدايره شي غلط انا ؟
نجم الدين:عاقد حواجبه …..بتمشي وانتي لابسه هكي ؟

 

شيخه:اللبسه مستوره ونطلع فيها من قبل
نجم الدين:خدي نفس…….به
شيخه:استمرت ترتب ف نفسها وهيا تحكي …….خلي نمرو على اقرب محل ورد ناخدو باقه وشوية حلويات لي ندى

 

نجم الدين قرب منها
شيخه:تلفتت……..خلاص نجم بالله عليك احكي شن في
معصب مني ؟بتضربني ؟شن فيييييي

 

نجم الدين :كانت ملامح وجها كأنه معصب …….طلع من جيبه علبه حمراء صغيره وفتحها
خديتلك هادا ان شاء الله يعجبك

 

شيخه:مسكت العلبه على وجها علامات ذهول وهيا تتفرج على خاتم الذهب …….هادا ليا انا ؟
نجم الدين:اي ………عجبك !
لو معجبكش غيريه او …….

 

شيخه:ابتسمت وهيا تشوف للخاتم بي صدمه……..شن تحكككي انت يجننننن يجننن
محلاه
لبساته وهيا تشوف لي يدها …….شوف محلاه
نجم الدين:طلعت منه ابتسامه صغيره ……قنين عليك بصحه❤️

 

شيخه:ابتسمت صحيييييت بجديات
بس شنو المناسبه؟

 

مش عيد ميلادي ولا شي
نجم الدين:مفيش مناسبه انتي تستاهلي
شيخه:قلبها تحرك من كلامه❤️

 

وحست ان نجم الدين مداير جهد عشان يتغير والمره هادي محبتش تكسره زي مرتين فاتو
قررت تجبر بخاطره ها المره وتشوف شنو يصير !

 

شيخه:صحيت حبيبي ربي ما يحرمني منك
ها الكلمتين هادم خلت نجم الدين في عالم تاني من السعاده ❤️

 

حط يديها على خدودها بحنان وقرب وجها لي وجها❤️
غمض عيونه وشيخه كانو دقات قلبها صوتهم واصل لاخر الدنيا وكانت اول مره تحس بشعور حلو اتجاه راجلها من سنيييييين❤️
قاطع اللحضه الرومانسيه هادي صوت بكاء ولدهم

 

شيخه:باعدت عليه بفزع …….متين
ان شاء الله ملبزش حوايجه بس

 

ومشت تجري
اما نجم الدين حط يده ع قلبه وهوا مبتسم بس اول ما لف وجها للمرايا وشاف نفسه نزل يده وقرن حواجبه ????
حس ان غلط الراجل يتصرف هكي زي المراهق حتى لو كان مع مرته
__________________________________

 

نغم:طلعت من الحمام وهيا مستنده على الحيط ومش قادره تمشي
كانت فيه شوية قطرات دم ع الارض والوجع يلي في بطنها كان قوي لدرجة مخليها تبكي
مسكت التالفون واتصلت بي طه اكتر من مره بس للاسف مكانش فيه رد !

 

مره واثنين و 3 و4
مفيش رد وهيا حاسه بي الموت تقطع فيها????

 

اخر شي استسلمت وكلمت اقرب حد من اهلها يجي يسعفها وهيا مش فاهمه يلي صاير ولا عارفه شن في
كريمه:حضنت نجمه وهيا تبكي …….علااااااش علاش مقلتيش ان امك توفت علاش
حرام عليك طول ها الايام عندي امل تطلع ????

 

كيف عندك علم بيها ومحكيتيليش
نجمه:شن يهمك؟؟؟
انتي لو كنتي صاحبت ماما ودايره حساب للعشره راهو ماسكه ولادك االزوز يلي كل واحد فيهم مأذيني اكتر من التاني

 

كريمه:تمسح في دموعها ……حقك عليا يا بنتي حقك عليا وعندك حق انا مرضيتش نتكلم كنت نراجي في امك هيا يلي تخبرك ولا تطلع ونعيشو مع بعض
نجمه:نعم؟؟؟كيف مفهمتش
شنو بتخبرني ماما ؟

 

يزن:ساكت وباين عليه كان معصببببب
كريمه:مسحت خشكها وهيا تاخد في نفس …….جدك الله يرحمها ربي مرزقاش مع حناك الا بنيه بس ورزقه الله يبارك

 

كان يبي ولد يحمل اسمه ويورثه رزقه
تزوج مرا تانيه وخبى السر هادا على حناك لان كان يحبها وميقدرش على زعلها وفراقها

 

تزوج مرا تانيه وجابتله زوز بنات حتى هيا وربي مرزقاش الولد للاسف
نجمه:جدي كان متزوج وحده تانيه ؟
كريمه :اي
لمعت عيونها بحب ……وعندك زوز خالات زياده

 

 

انا وخالتك نبيله يابنتي
نجمه:الصدمه طاحت على قلبها بعنف !!!!!!!!!!!!!!

كريمه:الايام يلي فاتو ولدي يزن شاف ولد خاله نذير جايب مرته ندى لي صاحبتك
شوفي الدنيا قداش صغيره ????

 

 

يابنتي راهو عندك اهل والله والله انا وخالتك نبيله ما نرضو فيك حاجه ونتمنو تقعدي عند وحده منا اليوم قبل غضوا لكن امك رفضت وخافت عليك من ولادي وولادها
نجمه:شافت لي يزن ……..كان عندها حق
كريمه:حتى من كثر حبنا ليها كانت متفاهمه هيا ونبيله يسمو صغارهم كلهم بنفس الحرف

 

نصر ونذير وانتي نجمه
كريمه:سكتت وهيا تبكي
ويزن متحملش الكلام يلي نقال ولا تحمل دموع امه وطلع بسرعه من جنبهم
نجمه:سخفت على كريمه رغم الالم يلي كانت حاسه بيه ????…….قعمزت جنبها وحضنتها وهيا تهدي فيها

 

بعد دقايق من البكي وكلمات الموساة ❤️
كريمه:مسحت دموعها…….اسمعيني
امك اشرف من الشرف وخليك رافعه راسك بيها لين تموتي

 

جدك كان عادل بينا وكل واحد كتبله من الرزق ما يسد صغاره وصغار صغاره
لكن بوك وخوته للاسف احقر ما خلق ربي

 

ياما ضغطو على امك يبو ياخدو منها فلوسها وجربو كللل الطرق لكن امك كانت ذكيه وقويه محدش يقدر يفوته عليها
لين دارو خطتهم الحقيره هادي وشوهو سمعتها بين الناس وحبسوها

 

 

قعد بوك يساوم في امك وهيا في الحبس
يا تتنازلي على كل شي ونطلع ونغير اقوالي ونطلعك من الحبس يا اما تقعدي عمرك كله محبوسه وماتتمتعيش بي رزقك !

 

نجمه:ساكته وهيا تسمع وقلبها كان حاس من البدايه ان القضيه قضية رزق وفلوس مش شرف !
كريمه:ولو مشيتي مستحيل يخلوك يابنتي
لان عارفين كويس ان امك كتبتلك كل الاملاك متاعها بي اسمك

 

نجمه:نصدمت……..املاك؟!
يعني في شي غير ها الشقه
كريمه:فيه هلبا يابنتي وكل الاوراق عندي محافضتلك عليها

 

خافي ع نفسك متمشيش رح يساوموك بحريتك زي ما دارو في امك
نجمه:حطت راسها بين يديها وهيا تحاول تستوعب يلي صاير وتفهم شوي شوي
__________________________________

في السياره :-
كفاح:خليت البنات من امس في حوش بوي منبيش نرفعهم يقلبو الدنيا قدام الناس
شيخه:ارتحتي والله …..وين انور ؟

 

كفاح:انور تعبان في الخدمه تعرفي مسكين الشغل واخد كل وقته
نجم الدين :شافلها في المرايا ……..اي شغل؟
كفاح:بدي يخدم في محل صاحبك قالي مصاريف البنات زادو وعندي وقت خلي نستغله

 

نجم الدين:غريبه مقاليش
كفاح:مليشي اسبوع ره بالك مصارتش فرصه بس
شيخه:نجم درس خود حاجه نخشو بيها عيب فاضيين

 

نجم الدين :درس يمينه خدي نضراته ونزل
شيخه:مسكت تالفون نجم الدين دارت في دوره محصلت شي

 

اخر حاجه ضربها الفضول وخشت لي بحث القوقل ولقت كل البحث عباره على
تعليم حركات رومنسيه بين الازواج
كيف تقع زوجتي في حبي

 

ما هوا الشي يلي يعجب الزوجه ؟
ماهو الشي الدذي يفعله الزوج يسعد زوجته
ضحكتتتتتتت شيخه ورجعت التالفون في مكانه

 

نغم:خاشه لي قصم الطواري وهيا راقده علي الباريلا ومدخلينها بسرعه لان كانت حالتها مستعجله
رغم تعبها وعيونها يلي كانت شبه مسكره بس لمحت طه !

 

 

مكانش جنبها ولا مساندها ولا هوا يلي اسعفها اصلا!
بس شن جاب طه ع المشفى!؟
ملحقتش حتى تسأل السؤال هادا لي نفسها لانها خشت في حالة اغماء تااااام
______________________________

 

الصاله كانت معبيه نبيله وبنتها هديل وكفاح وشيخه وريحانه
والمربوعه كان فيها فتحي ونجم الدين ونصر ونذير وبوهم عصمان ومعاهم شخص من الجيران

 

هديل:قدمت العصير للكل وقعمزت
نبيله :كملت هدرزتها ……..والله صغاري كلهم هكي درتلهم وبدات هديل بنتي كانت عياطه هلبا وهسا صغيره
ريحانه:حتى وهيا كبيره الحق

 

هديل:سكتت وهيا كاتمه غضبها قدام الناس
كفاح:انا بنتي الكبيره محسيتش بيها الحق لكن الصغيره يا لطيف نار حمراء

 

ريحانه:انا حمودي ياحليلي زي النسمه متحسيش بوجوده بكل
شيخه:من حمودي؟

 

ريحانه:ولدي
شيخه وكفاح جاهم ايرور ….ومفهموش كيف ولدها ؟!

 

 

كفاح:سألت بي غباء ……..اءء كي كيف ولدك؟!
ندى:قاطعت الموضوع باش ميصيرش احراج …….نفكر نروح معاكم يومين نريح فيهم
من يوم تزوجت وانا حاسه نفسي تعبانه بسبب وبدون سبب

 

نبيله:بسم الله عليك يا بنتي عين وصابتكم والله حتى الحادث هادا عين وما صلت على النبي الله يبارك عليكم الزوز
هديل:اي والله طالعين مع بعض تهبلو

 

اما الناس التانيين مفيش حد معبرهم لا بي عين لا خشم
نبيله:نوضي سلم بنتي حطي العشاء ع النار نوضي وياسر من المناشبه انتي ومرت خوك
كفاح وشيخه ميتين ضحك
__________________________________

رباب:فتحت عيونها بتعب
طه:كان جنبها ماسك يدها وعيونه متورمات اول ما حس انها فاقت فز من مكانه
رباب:شن صار

 

طه:اشششش ارتاحي يا قلبي ارتاحي حادث صغير ومشي
رباب:طه تعبت …….نبي نروح نبي اهلي خلاص معش قادره
طه:باسها ع راسها ….اهدي شوي

 

رباب:معش نقدر كلم حد منهم يجيني
طه:يمسح على شعرها بهدوء ……مستحيل نخليهم ياخدوك مني

 

انتي ليا بس انا مستعد نصرف عليك لاخر عمري ناخدلك يلي تبيه ونديربالي عليك
رباب:منبيش شي منك
خليني في حالي بس نوض امشي طه

 

طه:يمسح على شعرها ….اشششش اهدي اهدي
انتي تعبانه بس
رباب:غمضت عيونها بي استسلام ومعش زادت كلمه معاه
________________________________________

نغم:فتحت عيونها وحاسه بدوخه رهيبه
قعدت فتره تحاول تتماسك لين اخيرا استقر وضعها

 

اول شخص شفاته هيا امها ❤️
فضيله:كانت عيونها دموع تحاول تخفيهم …….الله يعوض عليك يا بنتي

 

الباين انك مكنتيش تعرفي
نغم:تكلمت بصوت تاعب …..منعرفش بي شنو ؟

 

فضيله:كنتي حامل يابنتي في 3 اسابيع وربي خداه
خليفتك عل اله وربي يعوضك خير

 

نغم:مكانتش عارفه شنو تحس ؟!
هل تحس بي الحزن على اول فرحه مفروض تعيشها !؟

 

ولا تحس بي الفرح لان زواجها قاعد مش مستقر ؟واحتمال لو جي البيبي ع الدنيا رح يعاني من علاقة امه وبوه المتوتره
ردت فعلها كانت هاديه وقالت بصوت واطي …..الحمد الله
قاطع حديثهم صوت بوها وهوا يقول ……

 

خالد:الحمد الله ع السلامه بنتي
نغم:جاوباته بتعب ……الله يسلمك بابا

 

خالد:وين راجلك ؟من بكري نتصلو بيه ميردش ؟
نغم:اذكرت انها لمحاته وهيا خاشه للمشفى…….مش عارف يابابا
معنديش علم وين طالع

 

خالد:شوي ويكتبولك خروج ….روحي معانا وبعدين ساهل
نغم: ان شاء الله
خالد:شاف لي مرته …..نوضي جهزيها خلي نروحو بكري اهتمي بيها في الحوش

 

فكينا من المستشفيات وجوهم
فضيله: ان شاء الله
كانت حالة نغم مش خطيره هلبا كل يلي داره في المشفى تنضيف رحم لا اكتر وتقدر تروح عادي

 

ساعدت فضيله نغم ولبستها عبايتها وناضت بتعب قعزت على الكرسي المتحرك
طلعت بيها امها قعدت فتره واقفين قدام الغرفه لين جي بوها
خالد:قرب منهم وهوا ماسك اوراق ووصفة طبيه عطاهم لي امها ومسك الكرسي المتحرك وقعد يدف بي بنته وماشيين

 

الجو كان طبيعيه
امها وبوها يهدرزو بخصوص الدواء وهيا تتفرج ع الناس
لين مرت جنب رباب!!!!!!!????

 

كانت رباب واقفه وراسها ملفوف بي شاش ابيض
والباين كانت تراجي في حد
مرت من قدامها وعيونها معلقات في رباب لي وصلت لي باب المشفى

 

يعني يلي شافته كان صح !
يعني طه كان جنب رباب ????
وميعلمش بي مرته شن صاير فيها …..
____________________________________

نجمه:واقفه في بلاكونتها وهيا سارحه تفكر
كان داخلها الف شعور

 

قلبها ارتاح لما تأكدت من نضافة امها❤️
لكن خاف لما سمع بي خبث و وساخت بوها وعمامها !

 

فرحت لما عرفت ان عندها اهل من دمها خلاتها الاثني يلي الباين انهم يحبوها ومهتمين بيها ❤️
بس قلبها تقطع لما عرفت ان ادهم يلي ضحك عليها يكون ولد خالتها !

 

مشاعر مختلطه ومش فاهمه منها شي
لبست ملاية الصلاة ومشت لي نفس الشخص يلي تلجأله في كل شي (رباب)❤️
سكرت ضي شقتها وفتحت الباب!
بس اول ما فتحت بابها قابلها يزن واقف كأنه كان بيطق ومتردد

 

نجمه:تفضل؟
يزن:نبي نحكي معاك كلمتين
نجمه:نسمع فيك

 

يزن:تقدري تخلي الباب مفتوح
نجمه:فهمت من كلامه انه يبي يخش داخل ويحكي ……خدت نفس عميق وشافتله
تمام تفضل
يزن:خش لي شقتها ولحقاته هيا وسكرت الباب وراها

 

يزن:قعمز وفي عيونه واضح انه مش قادر يشوفلها من الشي يلي داره فيها
نجمه:لوحت المفتاح ع الطاوله ….زيارتك هادي بتكون نفس اول زياره قبل؟

 

 

اول زياره جيت تحدر فيا متبينيش نقرب امك !
وتوا جاي لي نفس السبب؟
يزن:لا
نجمه:امالا لي شنو ؟
يزن:جاي بنعتذر منك بسبب كل الكلام والمضايقات يلي كنت مسببهولك

 

كلامي واسلوبي وجرحي المتعمد ليك
مكنتش عرف ان الدنيا رح ادور وتكوني بنت خالتي

 

نجمه:ولو مطلعتش بنت خالتك؟
وقتها عادي تهيني وتجرحني ؟!

 

يزن:مكنتش فاهم قصتك بزبط ولا شن صاير معاك
نجمه:اي صح
لانك ببساطه هكي انتم تحكمو ع الناس بدون اي دليل وعندكم عادي جدا تضلمو اي حد

 

يزن:سكت
نجمه:في شي تاني يزن؟

 

يزن:تنهد…….اي في
نجمه:شنو؟
يزن:انتي توا من العيله ورح يجيك الوقت وتعرفي قداش عيلتنا كبيره ومحافضه

 

وبنسبه لينا غلط انك تقعدي بروحك هنايا
نجمه:نعم؟شنو يعني؟.
يزن:يعني اختاري تقعدي مع امي او مع خالتي نبيله اما بروحك لا
نجمه:قعاد مع امك مستحسل خصوصا ان عندها ولد زي ادهم للاسف نست انها تربيه

 

وخالتك نبيله قاعدها منعرفهاش اصلا
بعدين انت شن تحكي هادا حوووشي
يزن:مش صعب

 

مش صعب انه تتعرفي ع خالتي نبيله
لكن الصعب انك تقعدي بروحك هنايا وفي اي لحضه يطب عليك بوك او حد من عمامك
رح يجيهم يوم ويوصلو لي طرف خيط لعند امتى بتقعدي مختفيه وانتي في نفس البلاد مطلعتيش

 

وقف وقبل مايمشي قال
يزن:فكري كويس واختاري مصلحتك ومتكونيش عنايديه العناد مش رح يفيدك في شي
وطلع………..
نجمه:دقايق وطلعت حتى هيا لي شقة رباب بس من اول ما خشت حست ان في حد في الشقه بدون رباب …….
________________________________________

 

نجم الدين:الف سلامه عليكم ياربي وزي ماقتلك الساحبه تو نجيبها لي ورشة معز صاحبي ومدور شي
نذير:منو والله متقصرش لكن متعبش روحك الحديد يتعوض مش مشكله

 

فتحي :الف سلامه عليك ياولدي وربي يحميك ويرعاك معش تجري وانت طالع لي بوك ايام الشباب
عصمان:ضحك …..الباين ناسي روحك ايام البل يا فتحي

 

فتحي :هههههه خلي الحال مستور قدام الاولا يهديك الله
نذير:ضحك …….ضصحيت ياعمي جيتكم كبيره

 

فتحي :كيف عاد حني اهل ……توا طالب منك بنتي ندى تروح معانا تقعد عندي يومين تغير جوها مع نساوين خوها وتعالا خودها
نذير:كان مش راضي ابداااااا على الشي هادا ولا يبي يخليها تمشي

 

بس تحشم قدام بوها وكل كلام الرفض راح من فمه
وقال……ان شاء الله ياعمي
فتحي :هي خش ناديها بالله

 

نذير:طلع من الربوعه وهوا بيتفجررررر
استأذن من يلي كانو في الصاله وخش لي غرفة نومه وهوا ينادي ع ندى
ريحانه:تبعت ندى بعيونها وهيا ساكته بس الدماغ كان يخدم

 

تسكر الباب بقووووة
نذير:انتي قلتي لي بوك بتروحي معاه ؟

 

ندى:انا قلت وانا نبي نمشي
نذير:مسكها من يدها بقوة …….تعرففي كووووويس الشي هادا منبيشي انا مش راضي اصلا انك تطلعي من الغرفه هادي تبيني نخليك تباتي برا الحوش ؟
ندى:تكلمت بهدوء…..نذير الله يخليك انا تعبانه

 

خلينا نبعدو على بعض شوي عشان لما نروح تكون انت متريح وانا نفسيتي كويسه ونعرفو نتفاهمو مع بعض
نذير:شنو يضمنلي انك ما تكلميشي من تالفون اي حد او …..زاو تهربي معاه

 

ندى:نذيراحترم نفسك شن تقول !
نذير:رجع شعره للخلف بتوتر وارتباك

 

قام صبعه بتهديد
الصبحححح الصبح بنجي ناخدك لا تعبي على يومين ولا 3 سامعتيني ولا !؟
ندى:اوك تمام

 

نذير:كان الارتباك المبالغ فيه واضح عليه بشكل مش طبيعي !
ندى:ممكن تطلع بنجهز نفسي ونغير حوايجي
نذيرشنو يلي بتلبسيه!

 

مترفعيش بجامات
قفاطين حوش بس ومكياج لا عطور لا
ندى:نذير انت شايف وجهي ؟

 

مكياج شنو تحكي عليه وكدمات الحادث ماليه وجهي
نذير:كان تنفسه سريع يدل على توتره …..تمام تمام
وطلع من الغرفه
________________________________

نصر:يجهز في رضاعة ولده……شنو يعني قاعده معاه بي السيف ؟
ريحانه:تغير في شمال البيبي…….الباين هكي
نصر:شن بتلوح فيه خوي بالله

 

زين ورضي الولدين وعقله كبير ويتصرف مليح
ريحانه:اي بالله …….لو عرفته قبلك راهو توا واخداته هوا
نصر:شمي فمك خير ما نجي نكسرلك راسك

 

ريحانه:ادوي باهي خير ما الرضاعه يلي ادير فيها نحشيهالك في خشمك
نصر:احترمي نفسككككك واعرفي شن تدوي راهو وربي نمد يدي

 

ريحانه:هادا منااااااقص …..يلي مداراش بابا بتجي اديره انت عثاب جربوع
نصر:انا جربوع يلي مش خاطمه عليك الربايه ؟
ريحانه:انا م………….

 

قاطعهم صوت بكاء البيبي والاثنين تغيرو من وحوش لي اطفال ????
ريحانه:ياعمري خلاص اششش اهدا اهدا

 

نصر:جاك سوبر بابا بي الرضاعه ياكتكوتي
وحولو من اعداء لي صحاب ❤️????
__________________________________

نجم الدين :شيخه؟شيخه؟
شيخه:نادت عليه من غرفة نومها …..هنايا انا تعالا
نجم الدين:شن اديري ؟

 

شيخه:بنغير ملابسي نغم قررو يجيبوها هنايا شويه وتوصل
نجم الدين:متكي ع الباب……..مفروض خلوها في حوش بوها ترتاح ع الاقل اليوم

 

شيخه:فتحت شعرها تمشط فيه……..الباين امها خايفه عليها من دوة العيله
متبيهمش يفهمو انها متعاركه مع راجلها وتبي الناس يزوروها في حوشها
نجم الدين :اممم ندى وين قعدت؟

شيخه:لوطه في غرفتها بس بعدين طلعت لي شقت طه ترتب فيها قبل ما يوصلو هيا وكفاح وتوا لازم نلحقهم
دير بالك ع متين لين نجيك
نجم الدين :قرب منها ومسك شعرها بهدوء……ميستنوش شويه؟

 

شيخه:ضحكت……لازم نلحق عليهم بكري
نجم الدين:قربها منه…….خليك معاي معاي وبعدين ساهل
شيخه:ضحكت……نجم بعد قبل ما ينوض ولدي

 

نجم الدين:باهي ولدك الكبير شن وضعه بتمشي وتخليه ؟!
شيخه:هههههههههه نجم من وين ليك الحنان وخفة الدم هادي
نجم الدين:ماسكهابيده ويسمسح على شعرها …….شن رايك في الوضع الجديد؟

 

شيخه:ابتسمت …….لعند امتى بتقعد تجنن هكي
نجم الدين:لاخر العمر ……..ولين تحبيني

 

شيخه:تغيرت ملامحها ……من قال اني منحبكش ؟
في وحده متحبش راجلها وبو صغارها ؟
نجم الدين عقد حواجبه بي استغراب …….. لكن الف مره قلتيلي نكرهك !

 

شيخه:نكره افعالك وقسوتك
منكرهكش انت

 

نجم الدين :ابتسم وهوا يقول …….ورحمة امي لما نعوضك على كل لحضه يا شيخه ❤️
شيخه:كان قلبها يرف بي احساس اول مره تعيشه مع راجلها
___________________________________

كفاح:رتبي غرفة النوم مابين كملت الحمامات
ندى:نتحشم نحس في غرفة النوم شي خاص

 

كفاح:مصحك حبيبتي انتي اختتته واكيد نغم بتجي ترتاح في غرفتها
ندى :اوكي

 

خشت ندى للغرفه وكفاح كملت شغلها في باقي الحوش
بدت ندى تقيم في الملابس يلي تحتاج الغسل وترتب في الحاجات لي على الزيانه وفتحت الروشن الغرفه عشان تتهوى

 

ولما فتحت باب الدولاب طاحت شنطة سفر وانفتحت من أثر الطيحه
جت بتقيمها بس لمحت فيها بدلة لونها ازرق كحلي ويلمع منها اللون الذهبي
كفاح:شنو كملتي ؟

 

ندى:ككك ك كفاح هادي بدلة منو؟
كفاح :ابتسمت هادي بدلة خوك طه ياحليلي متع العرس شكله قاعد محتفض بيها

 

ندى :جتها لحضة ادراك
وادكرت الكلام يلي سمعاته من الناس يلي خطفوها
✨✨✨✨✨✨✨✨

 

ياسين:قعمز على جذع الشجره طلع يديه من الجاكيت ومدهم على النار يدفي فيهم….تعرف الحاج واخد بدله رسميه فضيييعه
طارق:يولع في دخانه….علاش شنو المناسبه ؟
ياسين:والله علمي علمك مش عارف …….لكن تعرف لونها ازرق كحلي وفيها بطم دهبيات اطلع طووول

 

طارق:ضحك……تسلفها منه ????
ياسين :هادا مناقص نطلع فيها زي الفلوس مش شايفه انت طول وعرض
✨✨✨✨✨✨✨

ندى :رجعت من ذكرياته واول كلمه نطقتها
معقوله طه!…

 

صلو على النبي قبل ماتقرو ناخدو الاجر كلنا ❤️❤️
الهدوء كان يعم الشقه وصوت أنين خفيف جاي من غرفة النوم

 

اضواء الصالة كانت خااافته ودرجة الحراره في الشقه كانت منخفضه والبرد مالي الدنيا ????

 

نجمه:خشت بهدوء لي الشقه وتوسعت عيونها بصدمه ……انت منو ؟!
طه:انتي يلي منو ؟شنو اديري في حوشي؟
نجمه:توترت ……..اها اءءا …انت انت طه؟

 

طه:عقد حواجبه بي استغراب ……من وين تعرفيني ؟
نجمه:سامعه بيك من رباب ….جتها لحضة ادراك وتفكرت

 

دقيقه وين رباب؟!
طه:رباب تعبانه شوي

 

ياريت تطلعي وعيب تخشي لوسط الحوش بدون استأذان
نجمه:ضحكت بتوتر …..لا انت مش فاهم طبيعة علاقتي برباب احني نباتو عندبعض و…..

 

طه:تمام فاهم عليك بس انا توا هنايا ياريت تحترمي خصوصيتنا
نجمة:تحشمت وانحرجت ……اوكي تمام بس لازم نشوفها
طه:ياريت تطلعي من الشقه …..تقدري ترجعي بكرا وتزوريها
نجمه:تسمع في صوت انين رباب وخافت عليها

 

خشت لي غرفة النوم بدون ما تهتم لي طه وكلامه
طه:علا صوته عليها ……..اطلللللعي قتلك
نجمة:رباب ….رباب خيرك شن صارلك

 

رباب:كانت شبه غايبه على الوعي كأنها مخدره
نجمه:شن داير فيها خيرها تكلمممممم

 

طه:طاحت الصبح وكيف روحت من المشفى تعبانه قاعده ياريت تطلعي وتخليها ترتاح قاعد ندوي معاك بهدوء
نجمه:بعدين انت شن جيبك هنايا اصلا برا لي مرتك رباب شن مزال تبي فيها اصلا قعدتك معاها حرام مفيش بينكم شي

 

طه:لا الباين انك بتعبيني انتي
خش بي غل مسكها من يدها وطلع بسرعه وسكر الباب على رباب

 

نجمه:بعد يددددددك من عليا
طه:جرجرها من الشقه لعند الباب وطلعها ……وجهك في حوشي منبيش نشوفه الايام هيا

 

متحاوليش تجيني احسن ما اقسم بالله نتعبك
نجمه:حوشي حوشي حوشي الدسكه يلي تعاود فيها هادي بعد من عليا تو نجيبها تعيش معاي وحوشك هادا قعمز فيه مشبط ملبط عليك

 

طه:قام صبعه بتحذير …….وحق من علا السماء على الارض لو نشوفك مزال هنايا نقصلك رجليك وعطيتك تحذير اهو تكلمت ……….
رجع لي الشقه وسكر الباب مخلي نجمه واقفه بصدمه
____________________________________

تاني يوم الساعه 10 الصبح :-????
داخل المطبخ كانت ريحة البيض بي الخضراء معبية المكان صوت الشاهي وهوا يغلي والميكرويف يلي عطي اشارة ان مهمته كملت ❤️

 

خش نجم الدين للمطبخ يلبس في ساعته ويرتب في قميصه
شيخه:حاسه نفسي مرقدتش كويس امس

 

ناعسه تعرف خلااااص
نجم الدين :حط يديه على جنابه وهوا يتمايل معاها❤️…….خيرها مرتي الحلوه

 

 

شيخه:ابتسمت وهيا مقربه راسها وسانداته على راسه ❤️…….مخاطريش نطلع اليوم نبي نرقد بس
نجم الدين:علاش انتي وين بتطلعي اليوم؟

 

شيخه:مرت خوك طه ضروري نمشولها اليوم ولا نسيت
نجم الدين:صح برسمي راح على بالي بكل الموضوع….تو نكمل مشاوري ونروح لي طه طول

 

شيخه:شنو هادا المشوار يلي تمشيله كل يوم في نفس الساعه !؟
نجم الدين:خدمة جديده مكلفني بيها بوي وتعرفيني منحبش نعطل

 

شيخه:ابتسمت بدلع اممممم….به كويس غير كان خدمه عادي
نجم الدين:علاش شن في بيكون غير الخدمه؟!

 

شيخه:وين نعلم انا
نجم الدين :ابتسم بخبث ….تعرفي ان ليلة امس من احلى اليالي يلي فاتت عليا !
شيخه:ضحكت ……به قعمز يا عنتر زمانك خليني نحطلك الفطور لان ولدك بسلامته شوية وينوض ينفخلي راسي

 

نجم الدين :زاد قرب …..خلي بوه ياخد دوره شويه في نفخ الراس
شيخه:ههههههههههه نجم الدييييين وقت عليك راهو انا مش خاسره شي
نجم الدين :بعد عليها وهوا يرتب في ملابسه ………تو نروحلك بعدين ساهل
شيخه:ضحكت….قعمز سلم حبيبي باش تلحق تاكل فمين

 

نجم الدين :قعمز وبدي يفطر
شيخه:حبيبي
نجم الدين:وهوا ياكل ……هممم شنو

 

شيخه:قتلك
بما ان ندى قاعدة ها اليوم في حوش اهلك شن رايك نبات اليوم غادي
الباين انها مضغوطه شويه وجوها مش تمام
قالت كفاح ان نقعدو نغيرو جوها شوي وهكي

 

نجم الدين :لا طبعا ……وخدي رشفه من القهوة
شيخه:بملامح تذمر ….علاااااشش????
نجم الدين :خدي زيتونه…. اليوم رح يجي يروح بيها راجلها

 

شيخه:مستحيل قاعده مطقتش حتى يومين
هوا قالك بيجيي يروح بيها !؟

 

نجم الدين :حط الخبزه ع الطاوله وهوا يمسح في يديه …..مقالش لكن شفته كيف تفركس لما قاله بوي نبيها تروح معانا مستحيل يخليها حتى اليوم تبات برا
شيخه:اممممم …… ع اساس رجاله وتفهمو في بعض وهكي ????
نجم الدين:بأسلوب عناد….اي طبعا

 

شيخه:وكان مروحش بيها نبات ؟
نجم الدين :وقف وهوا يجهز في روحه لي الطلوع …..تو نشوفو بعدين

 

شيخه:ابتسمت ……به
نجم الدين:باسها ع راسها وطلع وهوا يسأل فيها من بعيد ……تبي حاجه وانا مروح !؟”

 

شيخه:جاوباته بصوت عالي ……..سلامتك دير بالك ع روحك ❤️
نجم الدين:طلع وسكر الباب وراه بهدوء
شيخه:تنهدت وقالت بينها وبين نفسها …..سبحان من غير حالنا
_________________________________

 

ريحانه:كانت حاطه تالفونها على الزيانه ومقعمزه على الكرسي وهيا ماسكة مبرد الاضافر
الباين انها رايقه وصوت ضحكها واصل لأخر الشقه
تهدرز بحماس وجوها كان جدا حلو❤️

 

قاطع صوت الضحك هادا خشت نصر عليها للغرفه
نصر :شن اديري ؟
ريحانه:افففف نكلم في صاحباتي فيديو زيد غادي متطلعش
نصر:مشاء الله من كثر حجابهم ولا حشمتهم عشان خايفين نشوفهم

 

قبل ما ترد عليه ريحانه يطلع صوت رجولي من مكالمة الفيديو وهوا يقول
انتي خيرك تكلمتي ع البنات بس

 

انا ورؤف ولاد ره ولا نعطوك الدليل
وطلع صوت بنات وولاد يضحكو مع بعض
نصر:عصصصصصصصب وعيط عليها بطريقه هستيريه …..سكككككككككري

 

سكككككري العفن
ريحانه:سكرت الخط ……خيرررررك انت خيرك ؟

 

نصر:فاتحه تكلمي في ذكوره فيديو قدامي ؟بهيمه انتي ؟!
شنو تحسابي روحك متزوجة عيييييل ولا شنو
ريحانه:والله هادم صحابي في المدرسه وديمه متعودين نحكو في قروب المدرسه

 

مش شي جديد عليك ومن قبل تعرف
نصر :هداكا قبل يافالحه ايام كنتي عيله نتسلى بيك لا اكتر

توا انتي ع ذمتي وقدام الناس اسمك مرتي

 

ريحانه:وانت ان شاء الله عايش الدور يافالح ؟
بابا شراك بي فلوسه باش يداري ع العمله السوده يلي درتها مديرش روحك سي السيد عليا
نصر:بدون ما يرد عليها خدي التالفون ولوحه على الحيط

 

 

 

طاح تفترش قدامها
ريحانه:شافتله بصدمه ….شن درت انت !
نصر:يعطيني ربي نشوفك مدايره شي ميعجبنيش وربي ماني راحمك

 

ريحانه:ديرها الفلاحه هادي ع اختك البايره مش عليا
توا بطلعلي روحك تغار وراجل يلي مفيش فيه ذرة ………
قاطع كلامها صوت خبطة الباب بعد ما طلع

 

ريحانه:قعمزت وهيا معصبه وخلاص بتبكي من القهر …..حقير الله ياخدك
طاحت عينها على ولدها يلي كان راقد زي الملاك❤️

 

نست كل غضبها وابتسمت
كأن احساس الامومه وصلها وكل الحاجات يلي كانت تسمع فيها على الامومه وتعتبر فيها تخريف طلعت كلها مزبوطه
وعاشت شعورها الحلو بكل تفاصيله وزياده ادمنت الااحساس الحلو هادا مع ولدها ومعش قادره تباعد عليه
____________________________

 

نجمه:فزت من على الصلايه لما سمعت الباب يطق
ناضت وقامت الصلايه من على الارض ومشت بسرعه اتجاه الباب
فتحت الباب بلهفة وهيا متوقعه اي شي من جيهة رباب

 

 

فتحت الباب ونصدمت …….
نجمه:انت شن ادير هنايا ؟
ادهم:لازم نحكو
نجمه:في شنو بتحكي انت خيرك ؟

 

مفيش بينا كلام ومعش تجي في طريقي ….جت بتسكر الباب بس ادهم حط رجله ع الباب
ودفها وخش

 

نجمه:فقدت اعصابها …….بعد عليااااااااااااا
اطلللللللللععععع
ادهم:اهدي اهدي نجمه اسمعيني شن بنقولك

 

نجمه:انهارت تبكي وترجف مع بعضها ????وتعيط عليه طالبه انه يطلع من قدامها
ادهم:قرب منها سكرلها فمها بيده ……اسمعيني هما كلمتين ونوعدك نطلع

 

نجمه:تبكي ورجفة يديها كانت شي تاني ????
يزن:شنو ادير هنايا ؟”
ادهم:بعد بسرعه من على نجمه ووقف

 

يزن:ندوي معاك شنو ادير هنايا؟
ادهم:جيت بنحكي معاها بخصوص الموضوع يلي سمعته من امي
يزن:يشوف لي نجمه بي استغراب ولي خوه …….كنت مسكرلها فمها موضوع شنو تحكي فيه ؟

 

ادهم :توتر ومعرفش يرد
نجمه:مسكت دموعها وقالت بهدوء ………اطلع انت وياه

 

منبيش نشوف حد فيكم عندي ومعش يجيني حد واعتبرو يلي سمعتوه من امكم كله كدب
يزن:يشوف لي خوه …….شن في؟
ادهم:مفي شي شن بيكون يعني ؟!انت فهمت غلط

 

نجمه :اطلعووووو
طلعو الاثنين من الشقه وقعدت نجمه بروحها وشعورها كان مكسور بطريقه رهيبه ????
اولا بسبب الامل يلي اختفى تماما من بوها وعمامها ????

 

وثانيا معندهاش مكان تمشيله حاليا بسبب رباب يلي كان مصيرها مجهول والله اعلم شنو بيصير فيها
وادهم يلي كسرها بأبشع طريقه ممكن تنكسر بيها بنت !
حرفيا كان مستقبها معدوم ولا فاهمه شنو بدير وشنو يستنى فيها
__________________________________

 

دوخه وصداع وألم مش قادره تحدد مكانه وين
الاستيعاب بطئ والعقل مش قادر يتفكر ولا يحدد الاشخاص يلي كان معاهم ولا الاماكن يلي كان فيهم ????

 

شوي شوي بدي العقل يرجع في الدكريات وبدت العيون توضح في الرؤيه
رباب:نزلت من السرير بي تعب وشافت لي نفسها في المرايا
ويلي شفاته كان رح يموتها بي الحسره

 

شافت نفسها لابسه تيشرت طه وكان طويل عليها شوي رغم ان متذكرش انها لبساته وشافت علامات في رقبتها توحي انه تم الاعتداء عليها وهيا مخدره من اثر ضربت الراس????
شافت لي نفسها الف مره ع المرايا على امل ان يلي في بالها غلط

 

بس العلامات يلي كانت موجوده على رقبتها وفوق صدرها والوجع يلي كانت حاسه بيه تأكد الشي هادا ????
لحضة انهياااااار جتها
كيف قدر طه يدير فيها هكي !؟

 

كيف قدر يدير شي زي هادا وهيا فاقده الوعي من اثر ضربه كان هوا السبب فيها
طاحت ع الارض وبكت بحرقه مش طبيعيه لما اخر شي غالي كان عندها خلاص للاسف فقداته
في موقف رباب بدات خير مثال على البنت يلي تبعد على اهلها وتقعد عند الغريب شن يصير فيها
___________________________________

نغم:ابتسمت بمجامله…..الحمد الله كويس بخير
كفاح :الحمد الله ربي يزيدك من الشفي يارب
نغم:الله يسلمك

 

ناديه:شن قالك راجلك اليوم لما روح ؟!
نغم:شافت لي امها بنضره معبيه خذلان وتجاهلت السؤال كأنها متبيش تجاوب عمدا
شيخه:مدت سفرة القهوة ……تفضلي

 

ناديه:يبارك فيك ❤️……كيف حالك ندى اليوم شنو امورك بعد الحادث؟
ندى:الحمد الله مصارلي شي اخطا شويه جروح جت سليمه
ناديه:الحمد الله وجوزك حاله باهي ؟

 

ندى :من جوزي ؟
شيخه وكفاح شافو لي ندى بصدمه
ندى:اااه اي صح متواخدينيش ننسى اني متزوجه ….

 

صابتهم ضحكة جماعيه كلهم مع بعض على ندى …….
قاطع ضحكهم العالي صوت طه …

 

طه:راجلك برا يبيك
ندى:انا؟!!!!
طه:امالا انا ؟نوضي تحركي

 

ندى:ناضت لبست وشاحها وطلعت
اما شيخه اذكرت كلام راجلها ابتسمت وهيا تقول في داخلها …….طلع كلام صح غزالي❤️❤️❤️
_________________________________

ندى:اهلين ؟
نذير:شافلها من فوق لا لوطه ……انا بعتك لي حوش اهلك مش حوش خوك ؟

 

ندى:عقدت حواجبها بي استغراب …..حوش اهلي هادا
واشرت على حوش العيله يلي كان على بعد خطوات بسيطه

 

نذير:يهز في رجله بتوتر …..خلاص خليتك تباتي برا امس ساد
وتي روحك بعدين تعشي وتو نمر ناخدك
ندى:اتفقنا يومين ع الاقل كيف جاي تروح بيا توا !؟

 

نذير:اسمعسنس فكيني من الكلام الزايد تعشي وبنمر عليك ناخدك
ندى:ردت عليه بتوتر …….ولو مروحتش معاك !

 

نذير:شافلها بي استغراب
ندى:جاوب ليش سكتت
نذير:تمالك نفسه …..معناها بتكوني قبلتي على روحك الفضايح

 

ندى:قابله ..بس منبيش نروح معاك
نذير:شافلها بصدمه وحس ان لو زادت قعدت دقيقه خلاص معش يحصلها

 

ندى:نحكي معاك
نذير:ندى
ندى:كأنها تراجي في كلمه منه ورح ينطقها….نعم؟

 

نذير:خشي جيبي بضاعتك واطلعي حتى عشاء مفيش
ندى:شنو؟
نذير :عيط عليها …..خشششششي قلت

 

ندى:بلعت ريقها ……خلاص تمام
خليني بس لبعد العشاء الله يخليك نذير
طيبت انا اليوم وزحمه داخل
كملت كلامها بتوتر وترجي فجأه…….بالله عليك اقعد حتى تعشى راجيني عادي

 

نذير:بعد ما شاف نضرات الخوف في عيونها ضمن مرواحتها معاه
ندى:نذير نحكي معاه

ندى:تمام حاولي تستعجلي
ندى:هزت راسها بمعنى تمام ورجعت خشت

 

وقف نذير لحضات قدام الحوش سارح
لين ناداه صوت من وراه

 

انور:نذييير نذيييير خش ياراجل خيرك واقف برا ؟
نذير:سلم عليه وخش للمربوعه مع الباقين وخداته الهدرزه
_____________________________________

بعد اكتر الالف المرات من طقان الباب اخيرا لقت رد وفتحت ❤️
رباب:فتحت الباب وكان وجها ميتفسرش
نجمه:حضنتها بسرعه وهيا تبكي …..مرقدتش غممممضه يا رباب

 

متت خوف عليك شن صار احكيلي
رباب :وهيا متماسكه …….انا كويسه

 

نجمه:بعدت عليها وسكرت باب الشقه وخشو الاثنين
رباب:انتي جيتيني امس ؟
نجمه:اي جيت وتعاركت مع طه ولزني كنت خايفه عليك منه ومعش قدرت نقرب جيهة الشقه ولا حتى قدرت نبلغ عليه لانك هاربه من اهلك صعب رح يلقو

 

القبض عليك انتي قبله
رباب :وهيا تتلمس في راسها بتعب ……عاديمدوري شي فاتت المشكله
نجمه:بي استغراب ….مشكلة شنو ؟

 

رباب:جاني الحوش وانتي مهناش …..تعاركنا وضربني ع راسي اولامس
نجمه:بصدمه……الحقيييييييير

 

علاش دار هكي ؟
شن الانسان هادا ياربي مستحيل كيف مريض نفسي ره

 

لو تشوفي امس كيف مهتم بيك خشيت للغرفه مرتبلك كل الادويه وواضح انه مهتم بيك
علاش يدير فيك هكي لو يحبك يارباب ؟

 

رباب:منعرفش …….زنجمه اسمعيني
نجمه:بي اهتمام …نعم احكي ؟!
رباب:انا لازم نهرب منعرفش وين لكن طه لازم نهرب منه بأي طريقه
نجمه:انا عندي الحل

 

رباب:عقدت حواجبها بي استغراب ……حل شنو ؟
نجمه:نعطي او نشريلك شقه بعيد من هنايا هلبا
ونطلعو نعيشو فيها انا وياك

 

رباب:بتشري؟
شنو يعني رح تبيعي شقتك هادي؟
نجمه:لا طبعا

 

رباب طلع عندي هلبا رزززق خلتهولي ماما الله يرحمها و
صايره هلبا قصص متعلميش بيها
بس انتي وافقي وصدقيني رح نعيشو حياة حلوه بعيد عليهم كلهم

 

رباب:منو كلهم ؟
نجمه:طه وكريمه وولادها الاثنين واهلي وكل شي
رباب:كريمه؟

 

لاشوفي لازم تحكيلي شنو يلي صار بزبط وتفهميني
نجمه:خدت نفس ………اول شي
وبدت تحكي ……

 

قررت ندى في لحضات تتقاسم حياتها ورزقها ومشكلها مع رباب
وقررت تخاطر وتخبي رباب عندها
تخبيها من اهلها ومن طه يلي تعرف كويس انه خطير هلبا وقاطع يديه من ربي

 

يعني يدير اي شي يخطر ع البال !
ياترى بعد كككلللل هادا رح تندم او لا؟
__________________________________

 

زوز حوارات صارو من اثنين عايشين في نفس الحوش
لكن كل شخص كان يحكي بروحه لكن كمية الشبه في حواراتهم يلي كانت في نفس اليوم غريبه :-
صابر:الحياة اقسم بالله متسكره في وجهي ومعاد فهمت كيف الراي
منقدرش نقدم خطوه بوها بيذلني بي خدمتك وين وحوشك وين وسيارتك وين

 

احتمال نقوله معندي شي ونحبها يلزني قبل ما نكمل كلامي
نصر:هههههههههههههه والله فاضي حتى انت
حتى الحرام يشكرو فيه ……شوف يلي درته انا مع بنت الاكابر واهو عايش احلى عيشه

 

حصلت من بوها مبلغ يعيشني لين نموت
وهيا صغيره وحلوه والامور لوز
صابر:حضك يا صحيبي حظظظظ يفلق الصخر عيني عليك بارده

 

نصر:ابتسم وهوا سارح
لكن وربي احلى شي صارلي الفرخ يلي حصلته منه
حسيته عبالي حياتي وكبدت عليه بطريقه غريبه …..نراجي فيه غير امتى يبدا يتكلم بس ❤️

 

ويمشي ونطلع انا وياه
صابر:ياسر الزح ذليتنا بي حياتك الورديه

 

نصر:ههههه يا محسدي
في الجيها التانيه كانت ريحانه فارده جسمها على السرير وجنبها ولدها راقد على ضهره ويلعب
وهيا تحكي ع التالفون ….

 

دنيا:خلاص نفسيتي تعبت ومعش عارفه نطلق ولا نقعد
لو اطلقت نخاف نندم
ولو قعدت نخاف معش تجيني فرصة الطلاق ……

 

ريحانه:لو في مكانك نطلق ونعيش حياتي بلا جواز ولا قرف
نكلم الف حد ونطلع نهيج معاهم تحسي يابنتي هكي الحرام فيه بنه زايده استغفر الله
جاوبتها دنيا بي نبرة استهزاء وضحك وهيا تقول………استغفر الله ياكلبه

 

ريحانه:انا غير يكبر نور عيوني شويه بس بنطلب الطلاق
دنيا:منو نور عيونك

 

ريحانه:ولدي يابهيييييمه
دنيا:اهااااا بالله شنو شعور الامومه معاك ؟
ريحانه:يجننن يادنيا يجننننن
حاسه انه اغلى شي في حياتي

 

دنيا:ربي يدوم ياحنه
ريحانه:ان شاء الله…….
___________________________________

ندى:دمعت عيونها وهيا ماسكة التالفون ……كيف يعني ؟
نكلم فيك رد عليا

 

امين:ندى انا مشحقيرومرخيتش بيك
لكن شهادة بالله الا تعبت معش عندي حل نديره اكتر من هكي
طلبتك من اهلك بدل المره الف

 

مشيت كلمت راجلك قبل مايقرا الفاتحه ومهتمش بيكلامي ولا بي حبنا يلي رح يقتله لو كمل في الجواز هادا
حتى بعد الجواز حاولت لكن مفيش اي مستقبل ليا مع بعض انا عجزت
ندى:يعني خلاص تم كل شي؟!

 

امين:للاسف اي حاولي تتقبلي حياتك الجديده ندى
وانا يشهد عليا الله الا نحبك اكتر من روحي ونتمنالك كل خير من وسط قلبي
ندى:امين حبيبي انا م…….

 

امين:ندى خافي ربك في راجلك بالله عليك وخلي كل شي ليه وربي يهنيكم
تسكر الخط وسط دموع ندى وامين ????

 

الباين ان النصيب احيانا يخرب في كل شي حلو
ومش كل حبيب اول يدافع على حبه معناها مينفاعش او اكيد ولد حرام

 

احيانا المشاعر تكون صادقه بين شخصين
بس كل واحد ليه حياة بروحه
والانسان يلي يحترم الحياة الزوجيه لي الشخص يلي يحبه وينسحب
يكون فعلا ولد حلال ويخاف ربي

___________________________________

الساعه 2 في الليل:-
شيخه:طلعت من المطبخ بعد ما كملت تنضيفه حطت سفرة القهوة على الطاولة وقعمزت ع الصالون جنب نجم الدين …….خيرك سارح في شنو تفكر ؟!
نجم الدين:ولا شي حاس نفسي تعبان

 

شيخه:تنوض ترقد ولا بتسهر
نجم الدين :اليوم خميس مفيش داعي لي النوم خليك نكملو السهريه
شيخه:ابتسمت كيف ماتبي

 

نجم الدين :كان يتصنع في الابتسامه وهوا يسأل ……..احكيلي شيخه
شيخه:تصب فيى القهوة ……ها شنو
نجم الدين :زمان لما كنتي تقري في المدرسه مكانتش عندك علاقة حب في المراهقه

 

شيخه:شافتله بي استغراب كبيرررر……شن تحكي انت !
نجم الدين:حافض على ابتسامته ……نهدرزو عادي خيرك
والله مبكري اصحابي خطرو عليا القصص القديمه ضحكت لين عييت

 

شيخه:ضحكت ……..اممم ياعيني على صحابك وخلاص
لامكانش عندي
صح كان اكتر من شخص يبعتلي وهكي ايام رسايل الورق????????

 

لكن كنت نخاف موووت واصلا دابي داب قرايتي
نجم الدين :اهااا
شيخه:خدت رشفه من القهوة …….وسرحت في المسلسل

 

اما نجم الدين سرح يذكر في كلام دكتورته :-
✨✨✨✨✨✨✨✨✨✨✨✨✨✨✨✨
مودة:والله شوف انا فرحانه ان في نتيجه حلوه هكي وبدي بينكم علاقة حب وتفاهم سواء في حياتكم الزوجيه او الحميمه او غيره

 

بس يلي لفت انتباهي شي واحد
نجم الدين:شن هوا ؟

 

مودة:طلاقت لسان مرتك في الكلام الحلو ……زانت مفهمني ان من اول ما تزوجتها مفيش كلام حلو بينكم
من وين تعلماته او لمنو كانت تقول فيه قبلك؟

 

نجم الدين :شن تحكككي انتي ؟!شن تقصدي
مودة:يلي نقصده اسألها على علاقاتها السابقه ……مش ليشي معين بس ممكن تفتحلك قلبها
وتحكيلك على علاقاتها السابقه وشن كانت تحب وتتصرف معاه يلي كانت تكلم فيه باش تزيد تستقر معاها ويزيد الحب بينكم

 

✨✨✨✨✨✨✨✨✨✨✨✨✨✨✨✨✨✨
نجم الدين:رجع من ذكرياته وهوا يشوف لي شيخه يلي كانت تضحك مع المسلسل ومش واخده بالها منشي
نصر:ردعلى تالفونه بعد 5 مكالمات …….نعم !

 

ريحانه:بصوت منهااااار …….نصر الله يخليك تعاااااالا تعالا نمووووت
نصر لحق عليا
نصر نسي الكره والحقد يلي في قلبه ليها وطلع من وسط صحابه طياااااره لي حوشه
______________________________________

 

نغم:متنكررررررش
مش لو تجاهلت كل فعايلك الوسخه يعني اني غبيه لاااااا
لكن يوم انا اجهضت وكنت ننزف ويمكن الموت متنكرش انك كنت معاها في المشفى بدل ما تكون مع مرتك

 

طه:سكريلي فمك راني مش طايق حد اخطيني
نغم:تحكي كأن مفيش شي صااار !……كأنك يلي مات من ولدك ومش قطعه منك !

 

لا احساس في قلبك ولا ذرة رجوله اصلا حقييييير
هنايا طه جن جنونه ومسكها من شعرها وطاح فيها ضرب هستيري وهوا مش حاس على نفسه ولا حتى عارف وين يضرب فيها
__________________________________

نذير:خش للغرف وملامحه كانت متوتره
بيحكي بس التردد مانعه !

 

ويبي يسأل بس الجواب مخوفه ????
ندى:مسحت دموعها وناداته…..نذير تعالا شوي

 

نذير:قرب منها وقعمز على السرير بهدوء
سألها وهوا يشوف لي عيونها ………ليش البكي الهستيري هادا؟
لان روحت بيك؟

 

ندى:لا
نذير:امالا ليش؟
ندى:تبكي والشهقات في صوتها
شوف
عارفه يلي درته غلط وغلط كبير ان حكيت مع حد وانا ع ذمتك ????

 

لكن معش قادره نتحمل نذير
لا قادره نعيش معاك ولا ناكل معاك ولا نتفاهم معاك انا حتى مش قارة نرقد معاك
انت تجنن مفيش زيك والله

 

قنين وراجل وشخصيه وكل شي
شنو يلي جابرك ؟
شنو يلي خلاك تحرمني نعيش مع شخص نحبه ؟!

 

شنو يلي خلاك تتخلى على بنت تحبها مسكينه بي السهوله هادي
نذير:يشوفلها ومتكلمش

 

عارفه انك مفكر اني خاينه ومننفعش ممكن
بس انا مكذبتش عليك
وامين كان راجل ودافع على حبه
نذير :بنبرة تحدي …….بس اناكنت ارجل منه وخديته
__________________________________

 

طلع الدكتور من العنايه حامل في فمه هلبا كلام
شاف لي نصر وعائلته الكامله يلي كانت تراجي فيه وقال …….درنا كل يلي نقدرو عليه

 

بس الحمى كانت قويه هلبا اسف
البيبي عطاكم عمره وربي يعوضكم
ايوااااه ربي عاقبهم بأنه ياخد احلى شي رزقهم بيه وحبوه هما الاثنين ….

 

الحركة الغريبه في الشارع كانت واضحه سيارات اكتر من الوضع الطبيعي قدام الحوش
وطالعه من الحوش اصوات عاليا ????
نزلت من سياره عالية مراه كان واضع عليها انها جايه مستعجلة وماصدقت وصلت
خشت للحوش بسرعه ونزل وراها راجل هيبته وفخامته توضح قداش انه مركزه عالي والخير يلي عايش فيه

 

خشت للحوش بسرعه عشان تقابل بنتها بعد قريب شهرتقريبا لكن حالتها مكانتش زي ما خلتها ابدا
كانت منهاااااره وخاشه في نوبة هلع وبكاء هستيري وشكلها حرفيا كان متغير من كثر الهم ????

 

جميلة :حضنت بنتها وتحاول تهدي فيها بس ريحانه حرفيا كانت رح تنجننن تخبط على وجها وتبكي في هستيريه
نبيله وهديل كانو واقفين على على زاوية الغرفه ويبكو بهدوء مش قادرين يمسكو نفسهم????
جميله:اهدي يابنت اهدي كلنا في الدنيا امانة وربي رح ياخدنا في اي لحضة كلنا ليها

 

ان شاء الله يكون من عصافير الجنه ويشفعلكم يوم غضوا
ريحانه:تخبط على وجها بقوه وهيا تقول ……ملحقتش ملحقتش ياماما نتهنا في ملحقتش ????????????

 

ملحقتش يا امي نعيش معاه ونشوفه يكبر قدام امي
قربت نبيلة ومسكت يدين ريحانه هيا وامها لانها كان تخبيطها على وجها يسبب اثار على وجها

 

من كثر الانهيار العصبي لي ثالث مره فقدت الوعي تماااما ????
نبيله:لا حول ولا قوة الا بالله …..تعالي ياهديل تعالي قيميها معانا خلي ندخلوها لي غرفة نومها

 

هديل قربت على ريحانه وساعدتهم ……
اما في المربوعة كان نصر مقعمز وعلامات الصدمه واضحه على وجها ….

 

ومن اثار الصدمه يلي فيها مش قادر حتى يبكي ولا يدير فعل …..
عصمان:كان كلامه ونصايحه كاسر الصمت وهوا يقول ….
وحد الله وديمه في كل مصيبة قول ان لي الله وان اليه راجعون ❤️

 

نصر:ساكت وعيونه في الارض
عصمان:تابع كلامه وهوا يقول …….ومرات الشي هادا كان احسن
لان لقب ولد حرام رح يلاحقه طول عمره حتى لو تزوجتو مفيش حد بينسى الموضوع

 

سمير:تنهد وكمل كلام عصمان ……ان الله يلي صار هادا يكون درس ليكم الاثنين
ربي قادر يرزقكم وياخد الرزق في اي وقت
لكن حاجة الحرام مدومش وربي يغفرلكم ويسامحكم

 

نصر:كان يسمع في الكلام وهوا ساكت منطقش بي ولا حرف ????
طق الباب وناض عصمان
عصمان :خدي سفرة القهوة من هديل …..يبارك فيك يعطيك الصحه

 

هديل:سلمك بابا
عصمان :اركبي قولي لي خوك نذير على يلي صار لان مفيش حد عطاه علم
هديل:هديل:حاضر

 

خش عصمان ومد القهوة لي سمير ورجع قعمز
نصر:قال بصوت يرجف …..عن اذنكم شويه
وطلع بسرعه
_____________________________________

ريحانه:بصدمه…..شني ؟؟
ككيف مفهمتش
شنو يلي خديته نذير انت على شنو يحكي ؟!

 

نذير:كل القسوة اختفت فجأه حط يده على خدها ❤️
وبنبرة صوت حنونه قال …..لو كنت مكان امين رح نقتل يلي يفكر ياخدك مني

 

يلي يبي الحاجه يا ندى يتعب عليها ويدير المستحيل باش ما اضيعش من يديه زي مادرت انا
ندى:عقدت حواجبها بي استغراب وقالت بكلام متقطع من الصدمه ……..كك كي كيف ؟

 

نذير :نضرت عيونه كانت تحكي الف شعور ……انا مش نادم على كل شي درته باش حصلتك حتى لو كان قلبك مع غيري
رح يجي يوم وتحبيني مهما طوالت المدة انا متأكد
ندى:نزلت من السرير وهيا تشوفله بصدمه….شنو يلي درته ؟

 

نذير:وقف قدامها ولمس خدها بحب …..كانت فكرتي لي بوك ان ناخدك ونستر عليك
وعدته وحلفت مفيش حد يقدر يوصل فيك بكلمه ولا حتى بنضرة وحده
وكنت واثق من كلامي لان نعرف روحي كويس ونعرف قدرتي على حمايتك …

 

ندى:نزلت يده من على خدها بعنف وتكلمت وهيا منفعلة بغضب وتبكي ….وين شفتننننني
وين شفتني باش تحبني اصلا ……وخرت خطوات وكملت كلامها
شنو يلي ريته مني باش تحبني

 

نذير:ابتسم وفي عيونه وجع …..عيوني كانت عليك في كل مره تمشي فيها للكليه
كنت نتجاهل في نضرات صاحباتك وكلامهم ورسايلهم
عيوني مكانتش تشوف غيرك ندى
✨✨✨✨✨✨✨✨✨✨✨✨✨✨✨✨✨✨✨✨✨✨

ندى:خدتها الذكريات لي اول سنتين في الكليه :-
مرام:قلبي ع الصبح قلبي ياناس انقذوني ووه بنموت

 

سهى:فمها معبي تاكل ومقعمزه ع الارض …خيرك حبيبتي زي المصروعه على الصبح
ندى:تاكل مع سهى ……شامه ريحة ولد انا متأكده مرام هكي ديمه????????????????

 

مرام:حطت الشيتات ع الارض …….انا نبيكم تشوفو بس
مش رح نتكلم
سهى:وين وريني ؟
مرام:شوفو ????

 

الولد يلي لابس عسكري اوني بعيد
ندى:انا وخيتي نضري ضعيف منجيبش ملامحه
سهى:اووووف صاروخ الله يبارك غزال

 

مرام:قعمزت جنبهم ……مريتيش شخصيته حليلي وخلاص مستحيل يشوفلك بربع عين لين تسأليه ع شي بس عطيني من العصير خلي نبرد علي قلبي بالله عليك
ندى:اشربي اشربي هادا حالك انتي ????

 

مرام:قالو اسمه ندير
سهى:تغسل في يديها بي شيشة اميه …….انتي من قالك؟
مرام :سألت الولد متع الكافيتيرايا وخيتي تبي معلمه زي هادي نفوتها

 

ندى:هههههههههههه وربي صحة ليك
سهى:قامت يديها ….انا عجزت معاها البنت هيا
✨✨✨✨✨✨✨✨✨✨✨✨✨✨✨✨✨✨✨✨✨✨

 

ندى:قامت عيونها بصدمه……زانت
انت نفسك متع الامن !!!!!!!!
نذير:معبي عيونه بيها ❤️❤️…….انا نفسه يلي مكنتيش شايفتيه ولا حاسه بيه
ندى:زادت وخرت خطوات وهيا تشوفله بحقد ونفسها سريع

 

ندير :حط يده ع شعرها ….كنت عارف من البدايه اني رح ندير المستحيل باش تكوني في حوشي
ضحك بتوتر ……ويلي نبيه صار بديتي مرتي وحبيبتي

 

ومع الايام اكيد رح تتأقلمي مع الوضع وتحبيني زي ما قلبي يحبك
ندى:نزلت يده بعنف للمره التانيه وانهارت بكي وعياط ……..كنت تعرفففففف كنت تعرف اني نحب

 

وقلبي عند امين من ايام القرايا ????????
كنت تعرف وتشوف فيا لما نتلاقى معاه
كنت تشوف فيه لما يجيبلي في وردة كل ما يجيني

 

نهارت بكي اكتر وهيا تقول ………كيفففف طاوعك قلبك
كيف هان عليم تفرق بين زوز يموتو في بعض كيفففف

 

كانو اهلي رح يوافقو عليه ورح يحاول اكتر معاهم
نذير:حضنها ….مش بيدي مكنت عارف كيف نخليك ليا الا بي الزواج مني

 

ندى:تضرب وتباعد فيه …….بعد من عليا الله لا تسااااااامحك
الله لا تسامحك ويكسرلك قلبك زي ما كسرتلي قلبي يا نذير

 

نذير:زاد ضمها لي حضنه اكتر ❤️

رغم كل الكلام يلي حكاته ????
ندى:انهارت قوتها في حضنه واستمرت تبكي وبس

 

 

نذير:حملها لي السرير ورقد جنبها
قعد مستمر في حضنها وهيا مش مبطله بكي لين خداها النوم وهيا ماسكه في جاكيته

 

كأن مصدر بكاها هوا نفسه يلي تبيه يهون عليها
احيانا الحنيه تغلب الحب والفلوس والشكل وكل شي مميز

 

الانسان يحب يعيش شعور الحنيه والاهتمام من شخص تاني بس للاسف بعض الناس تستغل الشي هادا في ابشع طرق ممكنه ????
والبعض التاني يخلق الحنيه والاهتمام في قلبه حب كبير مكانش حاسبله حساب
_____________________________________

كفاح:حطت صونية الفواكه على الطاوله ……خيره حبيبي الحلو زعلان
انور :كانت واضحه ملامح الهم والضيق على وجها ????……كفاح

 

كفاح:عقدت حواجبها بي استغراب….خيرك انور مهموم؟
انور:في شي نبي نعترفلك بيه لازم تعرفيه
كفاح:شنو ؟احككككي طيحتلي قلبي

 

انور:تبي تعرفي علاش خديت عمل اضافي صح؟
كفاح:كانت منتضره باقي كلامه ……اي !

 

انور:من 3 شهور فاتو تسلفت 7 الاف من بوي
كفاح:علاش تسلفت لي شنو !

 

انور:تذكري يوم خديت السياره من نجم الدين !
لما مشيت بيها لي غريان عشان وراق البنات

 

كفاح:اي؟
انور:درت بيها حادث وانا مروح لما شفتي فمي مفتوح وقتلك طحت
كفاح:حطت يديها بصدمه على فمها

 

انور:تابع كلامه…..تحشمت نقول يلي صار
مشيت كلمت بوي تسلفت منه بحجت ان عندي مشروع مع صاحبي واول ما نربح بنردهم
صلحت السياره وقعدت حاصل في حقها

 

اشتغلت مع العمال ياكفاح ????
انزل في بضاعه من السيارات ومش مخلي خدمه لكن مش قادر نجمع حق شي

 

وحاس روحي متحشم لين خلاص من بوي
ومقصر في وقتي ومالي معاك ومع البنات وانا مش موعدكم على هكي ????

 

حط يده على وجها ودرق عيونه ……كأنه كل هموم الدنيا عليه
كفاح:ابتسمت وحضناته………حبيبي انت
خوفتني نسحابه في شي اكبر

 

ذهبي كله فداك ياعمري انتي نبيعو اي شي منه ونفكو ضيقتك❤️
انور:شافلها وهوا سرحان ….ذهبك؟

 

كفاح:وهيا مبتسمه ……..اي ذهبي
انور:لالا مستحيل شن تقولي انتي

 

كفاح:لا مستحيل ولا شي
نبيع تاكمي يلي خديته في عرس نجم الدين ولما تحصل تجيبلي خير منه
انور:لكن مش م…….

 

كفاح:لا لكن ولا شي خلاص قررت
ياما خليتني فرحانه انا وبناتك انت مش حقك دهب يا عمري

 

انور :ابتسم …..طول عمري نقول انا اخترت صح ❤️
ربي يخليك ليا ياقلبي وميحرمنيش منك
كفاح:ولا منك ………يا الله كول حبيبي معاي
___________________________________

رباب:منعرفش …..يلي تقولي فيه نقدر عليه ولا لا
نجمه:علاشش؟؟؟؟؟

 

رباب صدقيني مش مطلوب منك شي غير ان تاخدي كل ملابسك وتجي معاي بس
رباب:حطت صوابعها في فمها بتوتر …..منعرفش خليني نفكر
نجمه:ع الاقل م……..

 

قاطع كلامهم صوت الشريانه
رباب:فزعت بخوف ….لالالالا متفتحيش
نجمه:خليك متخافيش بنشوف من الباب بس

 

رباب:اوكي
نجمه:تلفتت بصدمه لي رباب ……هادا يزن
شن يبي فيك ؟

 

رباب:ممكن جايك انتي اكيد عارف انك عندي
نجمه:نفتح ؟
رباب:بكيفك

نجمه:فتحت الباب
يزن :قام عيونه …..اهلين
نجمه:اهلا ….اناديلك رباب ؟

 

يزن:اءء لا كنت جايلك انتي ملقيتكش وتوقعتك تكوني هنايا
نجمه:تفضل؟
يزن:امي جاتك مبكري وملقاتكش تحشمت ادق الباب على رباب

 

نجمه:بي اهتمام….ليش هيا فيها شي ؟
محتاجه حاجه؟
يزن:لا كانت تبي تقولك ان ريحانه مرت ولد خالتي

 

ولدها توفى وتبيك تمشي معاها تعزي
ومنها تتعرفي على خالتي وصغارها كلهم يراجو فيك على نار
نجمه:ريحانه!!!!!!
ريحانه يلي ولدها توفى مرت نصر

 

يزن:قام حاجبه تعرفيها ؟
نجمه:اي ريحانه صاحبت رباب
رباب:شن صاير

 

نجمه:بصدمه…..يقول ان ريحانه ولدها توفى
رباب:خبطت عاى خدها بهدوء …..من شنو ؟؟ظظ
يزن:من دون ما يشوف لي رباب ….جاته حراره قويه

 

المهم لو حابه تمشي كوني واتيه نص ساعه وطالعين
رباب:الله يخليك يزن ارفعوني معاكم
يزن:شاف لي نجمه

 

نجمه:بنضرات ترجي …خليها تمشي الدنيا ليل ومش رح تحصل تاكسي
يزن:تنهد …….تمام مش مشكله
_____________________________________

 

صوت الباب كانت خبطاته قويه……..
نذير:وخر يد ندى من جاكيه بهدوء وبعد عليها دون ما يدير اي صوت عشان تقعد نايمه
فتح الباب وهوا مستغرب
نذير:هديل ؟خيرك شن جابك الوقت هادا

 

هديل:الدنيا مقلوبه لوطه وانت مهناش
ولد نصر توفى
نذير:بصدمه……..كيييييف؟؟؟؟؟ظ
هديل :جاته حراره قويه يقولولها حمى رفعوه للمشفي وياعمري متحملش لانه بيبي

 

طاحت دمعتها وهيا تحكي ومسحتها????
كيف روحو توا وكلهم لوطه قالك بابا انزل وخليك مع خوك نصر ومرته منهارررين بجديات

 

نذير:تمام نازل
هديل:به هيا
نذير :شنو تشبحيلي بري عندي حاجه مهم نديرها ونجي
هديل :به ????

نذير:رجع لي غرفة نومه غطا ندى وغير حوايجه ونزل
اول ما طلع من الدروج شاف نصر مقعمز بروحه في الجنان

 

حاط يده على عيونه ويبكي منهاااار مش قادر يشد دموعه ولا شهقات البكي يلي كان صوتها عاااالي ????
قرب عليه نذير وحضنه بهدوء ……ربي يعوض شد حيلك ياراجل مزال الوقت قدامك ومال صغيرين في السن الزوز تجيبو بدل العيل 10
نصر:مسح دموعه ويحكي بغل

 

معصب من نفسه كيف يضعف ويبكي
سكر يده ع شكل قبضه وهوا يقول …….كنت نسحاب ان الحياة بدت تضحكلي الزفت
حطيت عليه هلبا امال وكنت نخطط لي حياتي معاه

 

نذير:ربي يعوض ربي يعوض
واستمر نذير يواسي في خوه بكلمات متداوله بين الناس
اكيد الكلمات هادي مش رح تطفي النار يلي في قلبه بس هادا اكتر شي كان يقدر عليه

 

طه:واقف وهوا داهش
يتنفس بسرعه والعرق يزل من وجها قطره ورا قطره

 

قال وعلامات الخوف يحاول يخفيها من على وجها …….زنوضي
نكلم فيك نوووضي

 

نوضي بلا دلع ندوي معاك اقسم بالله نكمل عليك ضرب ره نووووضي
ناداها مره واثنين وتلاته بس نغم كانت مهناش
غايبه على الوعي ومفيش مكان في جسمها منزفش????

 

فمها ورحمها يلي ضربها عليه خبطات متكرره
قرب عليها وحاول يفيقها لكن كان نبضها ضعيف ……رجع خطويتين للخلف وهوا يبلع في ريقه بخوف
شافلها لي اكتر من دقايق وبعدين طلع بسرعه من حوشه
_________________________________

 

نجم الدين:كان سارح في شيخه يلي راقده جنبه ❤️
تفكيره كان يرفع ويجيب ورجعله نفس الشعور بعد ما باعد عليه

 

يا ترى هل شيخه تحبه ولا تساير فيه عشان تصيع براحتها ؟
هل صح هيا عندها خبره في الكلام الحلو ؟
وين متعلماته؟

 

ووين كانت تقول فيه ياترى !
كل هادي الافكار والاسئله ماتت لكن رجعت الدكتوره احيتها من جديد وزرعت الشك في قلبه مره تانيه

 

قاطع كل هادي الافكار البشعه طقت الباب بقوه
ناض نجم الدين بسرعه مخلوع ……منو ممكن يطق على بابه في وقت زي هادا !؟

 

ناض فتح الباب وعلامات الفزع واضحه عليه
نجم الدين :شن فيييي خلعتني ياراجل

 

انور:زود معاي خوك مداير مصيبه هكي كبرها
نجم الدين :طلع بسرعه مع انور بدون تفكير

 

كانت ليله صعبه هلبا عليهم كلهم تقريبا ????
كانت ريحانه مش راضيه تتقبل فكرة انها فقدت ولدها خلاص
رغم انه هوا يلي كان سبب زواجها و سبب ابتعادها على كل شي تحبه

 

بس حاليا هيا تشوف في ان حياتها انتهت
وخلاص فقدت اكتر شي حباته في حياته ????

 

رغم وجود كل الناس يلي تحبهم حواليها
امها وبوها ورباب وحتى باقي صاحباتها يلي بوها كان رافض الاختلاط بيهم كللللللهم سمح انه يكونو جنبها عشانممكن يهدوها ويدمعوها شوي
ونغم يلي رجعت للمشفى من جديد بعد ما اسعفها انور ونجم الدين وبعد ما هرب طه والكل مش قارة يوصل فيه

 

بس ها المره كانت نغم حالتها جدا صعبه
وغضب بوها وخوتها وصدمت امها خاتهم رفعو قضيه عليه وقدمو تقرير مفصل على ضربه فيها

 

ندى وشيخه الوحيدين يلي كانو راقدين وفاقدين الشعورفي كل شي
لكن الاثنين مكانوش يعرفو شنو يراجي فيهم !

 

نجمه كانت طول الوقت مستغربه من ترحيب نبيله وهديل بيها وفرحتهم بيها كأنهم يستنو فيها قداش ليهم رغم ان الوقت يلي جت فيه صعب عليهم كلهم
ومن خلال معاملتهم ليها واهتمام كريمه بيها وخوفها عليها غادي خلاها تعرف كويس مقدار محبتهم لي امها
وانهم كانو خوات صح❤️

رغم اختلاف الام بينهم
__________________________________

تاني يوم الساعه 12 الضهر????
كانت الشمس هاديه والرياح بارده كأنها تحاول تخفف قلوب الناس يلي كانت نار ????
القبر المحفور كان صغيرون واقفين جنبه افراد العائله بس

 

ومعاهم شيخ جنبهم يقرا في القران بصوته الجميل يلي يرد الروح❤️
حطو فيه البيبي يلي مزال ماشاف شي من الدنيا ❤️

 

البيبي يلي ممكن يكون الموت ليه رحمه من عنده واهون من انه يعيش مع ام واب كارهين بعض ويعايرو في بعض 24 ساعه
ومن غير قصته يلي رح تقعد بين الناس والطريقه يلي جي بيها علي الدنيا رغم انه معنداش فيها يد ولا ليه ذنب ????
اما الحوش كان زحمه شوي عائلة ريحانه عمامها وخوالها وعائلة نصر كامله

 

كان الجو متوتر لان اغلب الناس كانو يمثلو انهم مش عارفين قصة البيبي عشان ميسببوش احراج
لكن وجودهم في العزي اصلا كان مسبب حالة توتر ومش عارفين كيف يتصرفو
خصوصا ان خلاص القصة نفضحت عند الكل

 

ريحانه:كانت حالتها تاعبة هلبا وطول الوقت فاقده الوعي وماشيه بي المهدئات
لكن الناس يلي حواليها كانو مهتمين بيها بدرجة كبيره رغم ان طول حياتها كان لسانها طويل ومش مخليه حد في حالها

 

بس كان ربي مسخرلها الناس هادي عشان تطلع من امتحانها على خير
_______________________________
ندى:سبحان الله كيف الدنيا صغيره

في النهايه تطلعي بنت خال نذير
نجمه:ابتسمت ……ريتي ولا

 

هديل:ندى وين نذير نبيه ؟
ندى:منعرفش من امس مريتاش
هديل:تمام ….سيبتها وخشت المطبخ

 

ندى:كملت كلامها بحزن وتعب ……..ولا نبي نشوفه
نجمه:قاعده اوضاعك معاه مش تمام

 

ندى:هلبا يانجمه هلبا
نجمه:سكتت لان كان الوضع والوقت مش مناسب بكل للكلام هادا
رباب:سكرت تالفونها وهيا معصبه

 

نجمه:تلفتت منو يتصل بيك ؟
رباب :الحقير مزال عنده حتى وقت وجهد يلاحقني

 

نجمه:بهدوء .تو نهدرزو مش وقته توا
رباب:تنهدت وهيا ترجع في تالفونها لي جيبها
_______________________________________

شيخه:ركبت لي السياره …..وشافت لي عيونه
تصدق امس نومي متقطع لانك مش جنبي مقدرتش نكمل نومي بكل

 

نجم الدين :اي به
شيخه:عقدت حواجبها بي استغراب ….نجم خيرك اليوم !؟
نجم الدين :خيرني ؟

 

شيخه:منعرفش حاسه ان في شي متغير من امس مش على بعض
نجم الدين :مفي شي
شيخه :مضايق من حاجه ؟

 

نجم الدين :خلااااص الزح قلنا مفي شي علاش نفخ الراس هادا !!!!
شيخه:نصدمت من رد فعله

 

خصوصا ان نجم الدين قدااااش ليه ما عيطش عليها
سكتت وفي قلبها غصه ها المره
علاش؟

 

لانها التكشيخه والعيطه جتها وهيا تحبه مش زي قبل
كفاح كانت سابقه سلفتها في حوش العزاء
وابتسمت لما وصلتها الرساله

 

كيف سددت الدين لي بوي ربي ما يحرمني منك ياغاليا خديت منه ورقه بخط يده وصل استلام حطيتها فوق الزيانه ردي بالك منها بعد ما تروحي ضميها
ردت عليه بي رساله …..عيوني فداك

 

وانتهت المحادثه هادي بي الحب والغزل زي العاده
في علاقة كفاح وانور بدات رح نفهمو معنى الزواج الحقيقي

 

لما تكون المرا اضحي عشان زوجها وتحب تشوفه فرحان
ولما نشوفو الراجل يقدر في مجهودات زوجها وحبها ليه اكيد رح نشوفو زواج ناجح❤️
______________________________________

تعالو نختصرو هلبا وقت وننتقلو بي حكايتنا لمدة شهر كامل :
شهر واحد بس قادر يغير حياة اكتر من شخص قادر يفرح ناس ويهدم بيوت ناس ????

 

كانت ريحانه طول الشهر هادا تعبانه وبسبب التعب هادا كانت طول الوقت في حوش اهل نصر مع نبيله وهديل
وندى حتى هيا طول الشهر هادا معاها لدرجة ان من بعد ليلة اعتراف نذير متسكرش عليهم ولا باب بروحهم وكان الجو بينهم في حالة توتر دايمه

 

طول الشهر هادا طه هارب ومفيش حد يعرفله مكان ورباب كانت خايفه يطب عليها في اي لحضه
وكانت عايشه في رعب مينوصفش رغم انها كانت قاعده مع نجمه في شقتها
اما نجمه كان عقلها يرفع ويجيب

 

تهرب مع رباب ؟
ولا تعيش مع خالتها وتعيش شعور العائله يلي قداش ليها محستش بيه !
شيخه لي كان راجلها متغير عليها شهر تام

 

راجلها يلي كان ديمه راقد جنبها حتى ايام قاسي عليها
توا سكر شهر كامل ملمسهاش فيه ابدا ……شن القصه!؟

 

يزن :طول الشهر هادا كان يفكر في شي ومتردد يديره
ياترى لو حصل فرصه يتشجع او يوخر !
نصر كانت نفسيته تعبانه طول الشهر هادا ومش طايق يسمع حتى سمع بي اسم ريحانه ابدا
________________________________

الساعه 9 في الليل :-
كانت الاجواء الصيفيه كيف باديه والشمس بدت تطلع قويه على غير العاده
اما الليل كانت فيه النسمه حلوه ومعتدله مش بارده

 

الحوش كان هدوء
والمربوعه مفيهاش غير نصر
وريحانه لابسه قفطان واسع على غير العاده ووجها تاعب بشكل مش طبيعي ????
وسمير وعصمان

 

يعني الابهات بس
بدت ريحانه هيا يلي تحكي بصوت تاعب بعد ما سألها بوها
ريحانه:العقاب جي من ربي وانا رضيت والحمد الله على كل حال

 

موتت حمودي قربتني من ربي هلبا وفهمت هلبا حاجات وناويه حياة جديده
بس للاسف رح تكون بدون نصر
نصر:كمل كلامها وهوا يقول بهدوء……قررنا نطلقو لان بعد يلي صار مش قادرين نكملو مع بعض مفيش حاجه تجمعنا والحب والتفاهم مش موجود
كل حد فينا يبدا حياة جديده وربي يسامحنا ويغفرلنا

 

عصمان:شاف لي سمير
سمير:متأكدين من ها القرار
ريحانه:اي وتناقشنا فيه بكل هدوء وحكمه والاثنين محتاجين الشي هادا لي حياتنا الجديده

 

عصمان:بعد كلامكم معش فيه كلام كل واحد فيكم عقله في راسه وكبير ويعرف مصلحته وين
سمير :مزبوط ياحاج
وانتهتالمناقشه بي الطلاق مع رضا الطرفين بس الزمان شنو مخبيلهم ياترى ؟!
___________________________________

 

يزن:خالتي محتاجه شي ؟كنت عندها انا الصبح شن صاير !
يزن :لا مفيها شي امورها تمام
نجمه:امالا شنو ؟

 

يزن:شاف لي رباب
رباب:اممممم باهي باهي نايضه ووك
يزن:ضحك عليها

 

نجمه:ها شنو احكي
يزن:بلع ريقه وهوا يقول ……..نجمه
نجمه:شنو ؟
يزن :تتزوجيني ؟

 

شيخه :خشت وهيا داهشه من استغرابها للغرفه ونادت
عمي فتحي
فتحي :ها يابنتي شنو وصل نجم الدين ؟قتله يرفعني للحاج عصمان من العزاء معش ولينا

 

شيخه:لا عمي
في مرا برا معاها بيبي مصره تبيك

 

 

فتحي :قام حاجبه بي استغراب……منو تكون
شيخه:منعرفش
فتحي:ناض بي العكوز متعه لعند وصل لي باب الحوش وسال بي اسغراب

 

تفضلي يابنتي منو انتي ؟
وجاوباته البنت بكل قوة …..انا مرت ولدك ……